Matta 1
1
Chichiiya Yeeso
(Luka 3:23-38)
1Kulo thlǝmngya chichiiya Yeeso Ƙǝrǝsti ya, chichid Ndauda tǝ Ibrahim.
2Ibrahim nggǝtgha Ishaku,
Ishaku nggǝtgha Yakubu.
Yakubu nggǝtgha Yahuda tǝ wan manggighǝn.
3Yahuda nggǝtgha Peres tǝ Dzara. Ma ndan ndǝna Tamar.
Peres nggǝtgha Hesron,
Hesron nggǝtgha Aram, 4Aram nggǝtgha Aminadab,
Aminadab nggǝtgha Nashon,
Nashon nggǝtgha Salmon.
5Salmon Nggǝtgha Mboz. Man ndǝna Rahap.
Mboz nggǝtgha Obed. Man ndǝna Ruth.
Obed nggǝtgha Djeshi,
6Njessi nggǝtgha kutǝra Ndauda.
Ndauda nggǝtgha Sulemanu. Man ndǝna Mbasheba, nu mǝra Uriya.
7Sulemanu nggǝtgha Rehobom,
Rehobom nggǝtgha Abidja,
Abidja nggǝtgha Asa,
8Asa nggǝtgha Djehoshafat,
Djehoshafat nggǝtgha Djoram,
Djoram nggǝtgha Adzariya,
9Adzariya nggǝtgha Djothlam,
Djothlam nggǝtgha Ahas,
Ahas nggǝtgha Hedzekiya,
10Hedzekiya nggǝtgha Manasa,
Manasa nggǝtgha Aman,
Aman nggǝtgha Djosiya,
11Djosiya nggǝtgha Djekoniya #1:11 Djekoniya: sǝn ndan ƙǝm tǝ thlǝma “Djehoyakin”. Ƙǝlang 2 Kutǝrya 25:27 tǝ wanmanggighǝn, a sayidɗi ƙǝsang ngganda nafiya Yahuda ngyaɓang tsaurha nda kanda fa hu chehwed Mbabila ɗǝ. #2 Kutǝrya 24:14-15; 2 Ɗeleewar fa sǝngya 36:10; Irmiya 27:20
12A kwasamadɗi ɗǝna nda tǝ kanda a Mbabila ɗǝ, Djokoniya nggǝtgha Sheyaltiyel,
Sheyaltiyel nggǝtgha Dzerubabel,
13Dzerubabel nggǝtgha Abihudu,
Abihudu nggǝtgha Eliyakim,
Eliyakim nggǝtgha Adzor,
14Adzor nggǝtgha Dzadok,
Dzadok nggǝtgha Akim,
Akim nggǝtgha Eliyud,
15Eliyud nggǝtgha Eleyadza,
Eleyadza nggǝtgha Mattan,
Mattan nggǝtgha Yakubu,
16Yakubu nggǝtgha Yisufu, chimad Mairamu.
Mairamu nggǝtgha Yeeso na nda aarha Almasihu.
17Chichiiya kum kap faɗa a thlakh mbǝd Ibrahim ɗǝgha thlakh mbǝd Ndauda ɗǝ. Thliirha a thlakh mbǝd Ndauda ɗǝgha hu sayidɗa ɗǝ ngyaɓang nanda tsaurha kanda fa a Mbabila, chichiiya kum kap faɗa ni. Thiirha ƙǝm a sayidɗi mal nanda Mbabila ɗǝgha hu sayidɗa ɗǝ nggǝt nanda Almasihu chichiiya kum kap faɗa ni.
Nggǝtta Yeeso
(Luka 2:1-7)
18Kulo kwaman nggǝtta Yeeso Ƙǝrǝsti ya. A sayidɗi ngwanna Yisufu Mairamu man Yeeso, amma kanda kula kakhrha, ƙǝlagha Mairamu hai, nǝghǝn a hur yi Sǝsǝna tǝ Peɗǝnda. 19Yisufu ka niifa ni mbǝ midghǝn sǝ a fǝrang shilee nǝn Mairamu a yid fiya wa, a hu numadghǝn na midghǝn sǝ a kalghǝnǝn hai ɓǝɓee. 20Amma ndǝghǝn hu numadɗi kee, ɓagha tǝthlǝnda Faara thlǝmadghǝn ɓa hu sǝsǝniirha ndanggǝn, “Yisufu, wan Ndauda, a tǝrǝmna kakh Mairamu wa, ƙǝsǝr huryidɗi keeghǝn yi Sǝsǝna tǝ Peɗǝnda ni. 21Nǝn a nggǝt wee hǝshin, ɗǝfang thlǝma na Yeeso#1:21 Yeeso: Thlǝmɗi “Yeeso” tǝ mii Helenaya ni, ndǝna “Djeshiwa” tǝ mii Ibraniyaya. Thlǝmɗi ndaarha ni, “Faara tǝ hǝrǝkrha ni” Ƙǝsǝr ndǝghǝn ni a hǝrghang nafiyighǝn a hu ɗimiyid ndan.”
22Ənggini heu ya katǝra nǝn hai ka a lǝɗang ngganda ˈya ndana annabi:
23“Na wutararha a ɗǝfrha hur nggǝt wee hǝshin nǝn
ɗǝfang thlǝma nda Imaniyel.”
Thlǝmɗi ndaarha ni, “Faara nǝghǝn tǝ ƙǝm ha.”#Ishaya 7:14
24Mehenna Yisufu sǝ a ɓeena, takkwa ǝn ɗanǝn pǝrangna tǝthlǝnda Faara, kahanggǝn Mairamu. 25Amma sǝngwa ndǝn wee nuwun wa, ƙǝl a kwasamadɗi nggǝt nǝn wee hǝshin, ɗǝfang thlǝma nǝn Yeeso. #Luka 2:21
Valgt i Øjeblikket:
Matta 1: HWO
Markering
Del
Kopiér
Vil du have dine markeringer gemt på tværs af alle dine enheder? Tilmeld dig eller log ind
©2023 Seed Company in collaboration with Language Developers and Bible Translators Association