Олӧм 5
5
Адамсянь Нойӧдз чужысьяс
(1Кад. 1:1-4)
1Адамсянь чужысьяс йылысь.
Ен вӧчис мортӧс Ас кодьнас. 2Аймортӧс да аньӧс вӧчис, бурсиис найӧс да шуис мортӧн.
3Адамлы вӧлі сё комын#5:3 Септуагинтаын гижӧма: 5:3 – кыксё комын, 5:4 – сизимсё, 5:6 – кыксё вит, 5:7 – сизимсё сизим, 5:10 – сизимсё дас вит, 5:13 – сизимсё нелямын, 5:16 – сизимсё комын, 5:22 – кыксё, 5:28 – сё кӧкъямысдас кӧкъямыс, 5:30 – витсё квайтымын вит, 5:31 – сизимсё ветымын куим арӧс, кор сылӧн чужис сы кодь пи. Адам пуктіс сылы Сиф ним. 4Сиф чужӧмсянь Адам оліс кӧкъямыссё во. Сылӧн чужисны на пиян да нывъяс. 5Адам оліс ӧкмыссё комын арӧсӧдз, сэсся куліс.
6Сифлы вӧлі сё вит арӧс, кор сылӧн чужис Енос. 7Енос чужӧмсянь Сиф оліс кӧкъямыссё сизим во. Сылӧн чужисны на пиян да нывъяс. 8Сиф оліс ӧкмыссё дас кык арӧсӧдз, сэсся куліс.
9Енослы вӧлі [сё] ӧкмысдас арӧс, кор сылӧн чужис Кенан. 10Кенан чужӧмсянь Енос оліс кӧкъямыссё дас вит во. Сылӧн чужисны на пиян да нывъяс. 11Став олан лунъясыс Енослӧн лои ӧкмыссё вит во, сэсся сійӧ куліс.
12Кенанлы вӧлі [сё] сизимдас арӧс, кор сылӧн чужис Махалалел. 13Махалалел чужӧмсянь Кенан оліс кӧкъямыссё нелямын во. Сылӧн чужисны на пиян да нывъяс. 14Кенан оліс ӧкмыссё дас арӧсӧдз, сэсся куліс.
15Махалалеллы вӧлі [сё] квайтымын вит арӧс, кор сылӧн чужис Яред. 16Яред чужӧмсянь Махалалел оліс кӧкъямыссё комын во. Сылӧн чужисны на пиян да нывъяс. 17Махалалел оліс кӧкъямыссё ӧкмысдас вит арӧсӧдз, сэсся куліс.
18Яредлы вӧлі сё квайтымын кык арӧс, кор сылӧн чужис Енок. 19Енок чужӧмсянь Яред оліс кӧкъямыссё во. Сылӧн чужисны на пиян да нывъяс. 20Яред оліс ӧкмыссё квайтымын кык арӧсӧдз, сэсся куліс.
21Еноклы вӧлі [сё] квайтымын вит арӧс, кор сылӧн чужис Метушал. 22Метушал чужӧмсянь Енок оліс Ен водзын куимсё во. Сылӧн чужисны на пиян да нывъяс. 23Енок оліс куимсё квайтымын вит арӧсӧдз. 24Енок кывзысис Енлысь став олӧм чӧжыс. Сэсся сійӧ эз ло, ӧд Енмыс босьтіс сійӧс Ас дінас.
25Метушаллы вӧлі сё кӧкъямысдас сизим арӧс, кор сылӧн чужис Ламек. 26Ламек чужӧмсянь Метушал оліс сизимсё кӧкъямысдас кык во. Сылӧн чужисны на пиян да нывъяс. 27Метушал оліс ӧкмыссё квайтымын ӧкмыс арӧсӧдз, сэсся куліс.
28Ламеклы вӧлі сё кӧкъямысдас кык арӧс, кор сылӧн чужис пи. 29Сійӧ пуктіс пиыслы Ной ним шуалӧмӧн: «Сійӧ бурӧдас миянӧс, кор ми шогпырысь кутам вӧдитны Господьӧн ёрӧм му». 30Ной чужӧмсянь Ламек оліс витсё ӧкмысдас вит во. Сылӧн чужисны на пиян да нывъяс. 31Ламек оліс сизимсё сизимдас сизим арӧсӧдз, сэсся куліс.
32Нойлы вӧлі витсё арӧс, кор сылӧн чужисны Сим, Хам да Яфет пиян.
Valgt i Øjeblikket:
Олӧм 5: КБ
Markering
Del
Kopiér
Vil du have dine markeringer gemt på tværs af alle dine enheder? Tilmeld dig eller log ind
(c) Institute for Bible Translation, Finland, amp Finnish Bible Society, 2023