Lo 34
34
Moses goglkwa
1Ana Moses ere mogl, dumo Moap auduno i kide kodidre, ede pi muglo meglbi ta Nebo we dimara i pidre, muglo meglbi ta Pisga we dimara ede pi muglo kaima ibo ogwa. Muglo meglbi Pisga i, dumo ta Jeriko we dimara koglo ibo kra yogwa. Ye ede muglo ibo ogo, Yawe ere mogl, dumo makan Israel yoba tenabuka i, ye mudu Moses obuno di togwa. Ye dumo Gileat we dimara obuno di te ede pi dumo Dan yomara obuno di togwa. 2Yawe ye Moses dumo i obuno di tedre, Israel yoba yugobuno tau swara swarade makan inaiglmere i obuno di togwa. Ye Naptali yoba makan inaiglkwa i, obuno di tedre, Efraim ya Manase yoba makan inaiglkwa i, obuno di tedre, Juda yoba makano yei ede pi mudi nigl Mediterenian bina yenabuka i obuno di togwa. 3Ye dumo i obuno di tedre, dumo makan kade ta Negev we dimara obuno di tedre, dumo auduno ta yogwa, taun Jeriko yei ede pi taun Soar yomara i, obuno di togwa. Taun Jeriko we digwa i, ede ta det we digwa mere paigwa. 4Ana Yawe ye dumo mudu i Moses obuno di tedre, ye ere mogl, Moses yegl di togwa, Ene dumo mudu kanga i, na dumo ta okna Abraham ya Aisak ya Jekop ka giglede di te padigl, Ene gawanoma tenagle diga i yogwa. Na ene kanatnga pre obuno di teiga ba ene ta suna pikratniwe di, yegl dugwa.
5Ana Yawe ka yegl di kodugo, Moses, Yawe nigl kogonmo yagle moglkwa i, dumo Moap i mogl, Yawe ye gorabe dumere goglkwa. 6Moses goglko, Yawe ye dumo Moap suna i, taun ta Betpeor we dimara prak iro, dumo auduno kebra ta yomara maugl sugwa. Maugl sugwa ba ye dumo i suna aglo mere maugl sugwa i, yoba pre kan erekriko, nono erme ama pre kan erekunga. 7Ana Moses goglkwa igne i ye bugla yugu 120 nedre, goglkwa. Bugla yugu podo nogwa ba ye gumuglo kin yekruko, yobuglomo pai moglkwa. 8Moses goglko, Yawe ye maugl sugo, Israel yoba dumo Moap auduno yomara i mogl, ege 30-pela de Moses kai ere tedre, gaba buko digo, dudugwa.
9Ana Josua, Nun wam moglkwa i we, Moses kor moglkwa igne, Josua ye agaimo inabedi ogo ye bre mina bolamugl paduglko, Josua nomane podo yugwa. Nomane podo yugo, Israel yoba ye kamo prisre, Yawe okna ye eraiglkwa pamiwedi Moses ka di tomere i erikwa.
Valgt i Øjeblikket:
Lo 34: KB
Markering
Del
Sammenlign
Kopiér
Vil du have dine markeringer gemt på tværs af alle dine enheder? Tilmeld dig eller log ind
Copyright 2015 New Tribes Mission