Isip Kide Kodigwa 30
30
Taragl demene erukwa garaiglmara bogl kebra kuraiglkwa
1Ana Yawe ka ta ama Moses yegl di togwa, Ene ede akas paglkane tau idre, ede nuglo demene wakai erukwa garaiglmara bogl kebra ta kuraiglmiwa. 2Bogl i olto 45 sentimita yenan, prak ama 45 sentimita yenan, ede mitna enabuka i, 90 sentimita yenabuka. Te, ede puduo pai winabo dumara i mina taragl kau bre yogagle mere yegl akie beke padraiglmiwa. 3Bogl kuglsre, taragl i beke padigl kodibi, gol idre, bogl bolamugl ya koglo koglo ya taragl kau bre yogagle mere yegl bekenaiglkwa i, mudu tebe si dage padraiglmiwa. Yegl ersre, bogl bolamugl bina ama gol tau ake mina ede, winabo di padraiglmiwe dugwa.
***********************
Baglkugl podo ta bekenaiglkwa
17Ana Yawe ere mogl, ka ta ama Moses di te, yegl dugwa, 18-19Ene taragl ain mere yegl yogwa, kagie bras we digwa i tau idre, Aron ya ye wama ogono kaglno nigl koraiglmedi baglkugl podo ta bekidre, baglkugl i bogl bolamugl yenabedi bogl ta ama kuraiglmiwa. Kuglsre, i pi na sel yuguna meda kra sel yugu kei padraiglmara ya tawa gagl naraiglkwa boglmo meda yenabara agai suna i yedre, nigl kogl toide atne edinaiglmiwe di, yegl dugwa.
Valgt i Øjeblikket:
Isip Kide Kodigwa 30: KB
Markering
Del
Sammenlign
Kopiér
Vil du have dine markeringer gemt på tværs af alle dine enheder? Tilmeld dig eller log ind
Copyright 2015 New Tribes Mission