Isip Kide Kodigwa 40
40
Israel yoba God sel yugumo keigwa
17Ana Israel yoba dumo Isip kide kodidre, ede meda wigo, bugla yugu swara ta ede ogo, ye ba namba 1 mun, de namba 1, God sel yugumo i, kei kodigwa.
***********************
God kamun kua mina atne mogl, sel yugumo keimara ugwa
34Sel yugu kei kodigo, kamun kua ikra ede u sel yugu mina tebe sugo, Yawe abuglagemo yugugl i podo kide sugwa. 35Kamun kua sel yugu mina tebe sugo, Yawe abuglagemo yugugl i podo kide sugwa pre Moses ede yugugl enabuka kuno erekrukwa. 36Ana okuo, Israel yoba dumo bage bage eigwa igne, kamun kua sel yugu mina tebe si paugwa i ede mitna ogo, ye ede dumo bage ta enamnedi eigwa. 37Yegl erikwa ba kamun kua ede mitna pikrukwa igne we, ye pai meglkwa. Kamun kua ede mitna ogwa igne i keme ede eigwa. 38Yegl mere ye bage tau wan meglkwa igne i Yawe kamun kua mina atne moglkwa i, ege ege sel yugu tebe si pai moglkwa. Israel yoba etne kuglma kanigwa i, kamun kua keme kanigwa. Te, ye eduer kanigwa i, kamun kua atne i doga ta dogo, kanigwa.
Valgt i Øjeblikket:
Isip Kide Kodigwa 40: KB
Markering
Del
Sammenlign
Kopiér
Vil du have dine markeringer gemt på tværs af alle dine enheder? Tilmeld dig eller log ind
Copyright 2015 New Tribes Mission