Oknayene Ibo 30
30
1Ana Resel ye gak ta kuglkriedi kandre, ye abauglo komono kide pre togwa. Kide pre tedre, ye ere mogl, wie Jekop yegl di togwa, Ene we, ene gak ta natn, kuraglka. Na ta kuglkribo, goraluwe di, yegl dugwa. 2Resel yegl dugo, Jekop dem boglko, yegl dugwa, Na God moglmedi pitno? God yene gak ta ene tekrukwa pre kuglkitne dugwa. 3Yegl dugo, Resel ere mogl, ka ta ama yegl dugwa, Ana na nigl kogona abai Bilha i, ene yo! Ene in, bogl swara pabr, ye gak ta kuran, nana inaglka. Yegl mere kugl nare miur, na gagrama tau ama moraiglmiwe dugwa. 4Ye yegl didre, ye nigl kogonmo abai Bilha ikra i pi Jekop ebie ta morabedi togo, ye bogl swara pabrika. 5Bogl swara pabriko, Bilha dane paugo, ye ere mogl, yagl gak ta kuglkwa. 6Yagl gak ta kuglko, Resel yegl dugwa, God na kotna pre yubu sugwa i, na aglau ta erekitne dugwa. God yegl didre, ye ama na kamage ere teiga i prisre, yagl gak ta narume di, yegl dugwa. Yegl pre yagl gak i, ye kagie Dan#30.6 Ka Hibru mina, kagie Dan i, mabuno ka pre yubu sugwa paugwa. we dugwa. 7Ana Resel nigl kogonmo abu Bilha i aglke kor dane paugo, ere mogl, yagl gak ta ama kuglkwa. 8Ye yagl gak ta ama kuglko, Resel yegl dugwa, Na abara komono kuda podo bogl teiga mere yegl ersre, yobuglo erie di, yegl dugwa. Yegl pre ye yagl gak i, kagie Naptali#30.8 Ka Hibru mina, kagie Naptali i, mabuno na kuda boglka mere yegl paugwa. we dugwa.
9Ana Lea we, ye yagl gak 4-pela ikra kuglsre, gak kor ta kuglkriedi kandre, ye nigl kogonmo abai Silpa ikra i pi Jekop ebie ta morabedi togwa. 10Jekop togo, ye bogl swara pabriko, Silpa dane paugo, ye ere mogl, yagl gak ta kuglkwa. 11Kuglko, Lea yegl dugwa, Taragl wakai ta plau dumiwe dugwa. Yegl pre ye yagl gak i kagie Gat#30.11 Ka Hibru mina, kagie Gat i, mabuno taragl wakai ta plau dugwa mere yegl paugwa. we dugwa. 12Ana Lea nigl kogonmo abu Silpa i aglke kor dane paugo, ye ere mogl, yagl gak ta ama kuglkwa. 13Ye yagl gak ta ama kuglko, Lea yegl dugwa, Na gun yeiga. Erme abu tau ere mogl, Lea gun yome dinaiglmiwe dugwa. Yegl pre ye yagl gak i kagie Aser#30.13 Ka Hibru mina, kagie Aser i, mabuno gun yogwa. we dugwa.
14Ana aglke ta kugl mogo wit sigwa egemo yogwa igne, Lea wam Ruben ede wit ere yaiglmara pi, wan mogl, kugl kie ta kagie mandrek we digwa, yoba idre krai gaiglkwa i kandre, mogomo uro yu, mam Lea togwa. Ye Lea togo, Resel ere mogl, Lea yegl di prukwa, Ene wan mandrek mogo uro yugwa i, tau naratn ba, yegl dugwa. 15Yegl dugo, Lea di ikne ede yegl dugwa, Ene na wina i pi inga i, taragl kebra yomedi pitno? Ene na wina idre, na wana mandrek mogo uro yugwa ama idre, yegl eratno? dugwa. Yegl dugwa pre Resel aglke kor yegl dugwa, Ana pra. Ene wan kugl mogo uro yugwa i natn, erme eduer ene Jekop bogl panabriwe dugwa. 16Resel yegl dugwa pre Jekop wit simara kogon ere wan moglsre, min paugwa igne ede ikne ugo, Lea ede pi ye umara pidre, ye yegl di togwa, Na wana kugl mandrek mogo tau uro yugwa. Nono bogl swara panabuglka pre mogo i na Resel topo teiga. Yegl pre erme u na kana panatniwe dugwa. Yegl dugo, ye ugo, eduer bogl swara pabrika. 17Bogl swara pabriko, God ye Lea kamage ere togwa prisre, ye ake ple di togo, Lea dane paugo, ye ere mogl, yagl gak namba 5 kuglkwa. 18Lea yagl gak namba 5 kuglsre, yegl dugwa, Na nigl kogona abu ikra wina teiga pre God topona narumiwe di, yegl dugwa. Yegl pre ye yagl gak i kagie Isakar#30.18 Ka Hibru mina, kagie Isakar i, mabuno topo. we dugwa. 19Te, okuo Lea aglke kor dane paugo, ye ere mogl, yagl gak namba 6 kuglkwa. 20Ye yagl gak namba 6 kuglsre, yegl dugwa, God na taragl wakai ere narukwa. Erme na wina yagl gak 6-pela kugl teiga pre ye na kagna kade narabiwe di, yegl dugwa. Yegl pre ye yagl gak i kagie Sebulun#30.20 Ka Hibru mina, kagie Sebulun i, mabuno kagie kade togwa. we dugwa. 21Te, okuo Lea abai gak ta ama kuglkwa, kagie Daina we dugwa.
22Ana God ye Resel kamage ere togwa prisre, ye gak ta kurabedi ake ple di togwa. 23Ake ple di togo, dane paugo, ye ere mogl, yagl gak ta kuglkwa. Ye yagl gak ta kuglsre, yegl dugwa, God na ake ple di narukwa pre na okna gak ta kuglkre, agai goglka i, erme agai ta goglkraluwe di, yegl dugwa. 24Yegl didre, ye ka ta ama yegl dugwa, Yawe na yagl gak ta ama narabedi prie dugwa. Yegl didre, ye yagl gak i kagie Josep#30.24 Ka Hibru mina, kagie Josep i, mabuno, ta ama narabiwa. we dugwa.
Jekop sipsip ya meme tau inagle dugwa
25Ana Resel ye Josep kugl kodugo, Jekop ere mogl, Laban yegl di togwa, Na erme ede ikne dumona kamina enagledi prika. Ene dedin, na ede enaglka. 26Na ene kogonen ere teiga i, ebina suo topo si kodiga pre na ebina gagrama idre, ede enagledi prika. Na kogon wakai ere teiga i, ene pre kan etnga. Yegl pre ene na dedin, na ede enaluwe di, yegl dugwa.
27Ana Jekop ka yegl dugo, Laban ere mogl, di ikne ede, yegl dugwa, Aya, ene motnga wakai ta pitn, moratniwa. Na kumo giai yagl ta eruko, kaniga, ene na kipaimara motnga pre Yawe na ere wakai ere narukwa, yegl kaniga. 28Yegl pre na topo siramna ene tebo, ene na kipaimara moglsre, kogon ere naratne? Dinatnere tenaluwe di, yegl dugwa. 29Dugo, Jekop aglke kor yegl dugwa, Na kogon wakai ene ere teiga i enene pre kan etnga. Taragl ere kuglnga i, na sugl wakai moglko, ye wakai meglkwa. 30Na magigl i wiga igne, ene taragl mere kuglkitnga ba erme taragl kuglnga i, u mere kide pi meglkwa. Na kogon kane kane ene ere teimara i, Yawe ene ere wakai ere togwa. Ba erme we, nana ebina gagrama bakaraglka pamiwe di, yegl dugwa. 31Yegl dugo, Laban di ikne ede, Na topo siramna mere ene tenagle? dugwa. Dugo, Jekop aglke kor dugwa, Na mige ta narekratnga ba na ka ta dibo, ene prawa din, na ene sipsipnen ya memenen sugl mogl, pai moraglka. 32Yegl pre diga, ene prawa din, na erme sipsipnen ya memenen mudu yubu sinaglka. Sipsip tau kruo kama suna suna meglkwa ya te, sipsip nagigle kama meglkwa i, nana inaglka. Te, meme tau kruo kama suna suna meglkwa i ama nana inaglka. Na topo yegl inagledi prika.#30.32 Sipsip tau mere kruo meglko, swara swarade keme kama meglkwa. Te, dumo i, meme mere kama keme meglko, swara swarade keme kruo kama suna suna paigwa. Yegl pre Jekop sipsip ya meme suom ta inagle dugwa. 33Topo yegl ta natn, na mabuno wakai boraglka i, okuo nogugl panabuka. Na taraglna ere kuraglmara ene kanagledi un, meme tau kruo kama suna suna paikrikwa ta meglbi, mo sipsip nagigle tau kama moglkre, kruo ta meglbi, Jekop kunogl yumedi nogugl panan, kanatniwe di, yegl dugwa.
34Jekop ka yegl di kodugo, Laban di ikne ede, Prawa. Ene dinere yegl mere erabugle dugwa. 35Yegl dugwa ba ye dumere erekre, ade swara i mina yene meme tau kruo kama suna suna meglkwa ikra i pere ede, sipsip kama ikra i pere ede, erukwa. Ersre, Laban yene wama kuraiglmedi togwa. 36Togo, ye wama bogl meme ya sipsip i idre, Jekop moglmara eglke moramnedi ede eigwa. Ye ege suota konbauna pi mogl, ede pi eglke kuri ta meglkwa. Meglko, Jekop ere mogl, Laban mememo ya sipsipmo tau meglkwa i sugl moglkwa.
37Ana Jekop ere mogl, ede kane suota paigwa, poplar ya almon ya plen we digwa i, yogagle tau bagl, nagie suna suna pogl edugwa. Pogl edumara i, ede kruo paugo, nagie pai moglmara i kama paugwa pre yogagle i kruo kama suna suna paugwa. 38Yegl ersre, ye ede yogagle i, sipsip ya meme baglkugl nigl neimara i nigl mina atne yogwa. Sipsip ya meme nigl neigwa igne du akigwa pre yegl erukwa. 39Jekop ede yogagle ikra baglkugl mina atne edugo, sipsip ya meme yogagle i yomara magigl i du akidre, okuo gagro kiglkwa i, kruo kama suna suna meglkwa. 40Ana sipsip ya meme gagro i, Jekop yene kuragledi i pere edugwa. Laban sipsipmo ya mememo meglmara edekrukwa. I pere edidre, sipsip ya meme tau Laban pre kanige eruko, meglkwa i du akigwa igne, ye kan Laban sipsipmo tau kama meglkwa i ya mememo tau kruo kama suna suna paigwa i, meglmara ede moglsre, du akenaiglmedi erukwa. 41Te, sipsip ya meme tau yobuglno podo paugwa du akenaiglkwa igne, Jekop ede yogagle ikra baglkugl mina nigl mina atne ye kanaiglmedi yogwa. Sipsip ya meme i ede yogagle ikra yomara magigl i du akenaiglkwa pre erukwa. 42Ba sipsip ya meme tau yobuglno paikrukwa du akenaiglkwa i we, Jekop ede yogagle ikra yekrukwa. Yegl pre sipsip ya meme tau yobuglno paikrukwa gagro kiglkwa i, Laban pre meglkwa. Ba sipsip ya meme tau yobuglno paugwa gagro kiglkwa i, Jekop pre meglkwa. 43Yegl pre Jekop taragl mere tabre kan nogwa. Kan nedre, ye sipsip ya meme mere kide kuglsre, kamel ya donki ama kuglsre, nigl kogonmo yagl abu ama yugwa.
Valgt i Øjeblikket:
Oknayene Ibo 30: KB
Markering
Del
Sammenlign
Kopiér
Vil du have dine markeringer gemt på tværs af alle dine enheder? Tilmeld dig eller log ind
Copyright 2015 New Tribes Mission
Oknayene Ibo 30
30
1Ana Resel ye gak ta kuglkriedi kandre, ye abauglo komono kide pre togwa. Kide pre tedre, ye ere mogl, wie Jekop yegl di togwa, Ene we, ene gak ta natn, kuraglka. Na ta kuglkribo, goraluwe di, yegl dugwa. 2Resel yegl dugo, Jekop dem boglko, yegl dugwa, Na God moglmedi pitno? God yene gak ta ene tekrukwa pre kuglkitne dugwa. 3Yegl dugo, Resel ere mogl, ka ta ama yegl dugwa, Ana na nigl kogona abai Bilha i, ene yo! Ene in, bogl swara pabr, ye gak ta kuran, nana inaglka. Yegl mere kugl nare miur, na gagrama tau ama moraiglmiwe dugwa. 4Ye yegl didre, ye nigl kogonmo abai Bilha ikra i pi Jekop ebie ta morabedi togo, ye bogl swara pabrika. 5Bogl swara pabriko, Bilha dane paugo, ye ere mogl, yagl gak ta kuglkwa. 6Yagl gak ta kuglko, Resel yegl dugwa, God na kotna pre yubu sugwa i, na aglau ta erekitne dugwa. God yegl didre, ye ama na kamage ere teiga i prisre, yagl gak ta narume di, yegl dugwa. Yegl pre yagl gak i, ye kagie Dan#30.6 Ka Hibru mina, kagie Dan i, mabuno ka pre yubu sugwa paugwa. we dugwa. 7Ana Resel nigl kogonmo abu Bilha i aglke kor dane paugo, ere mogl, yagl gak ta ama kuglkwa. 8Ye yagl gak ta ama kuglko, Resel yegl dugwa, Na abara komono kuda podo bogl teiga mere yegl ersre, yobuglo erie di, yegl dugwa. Yegl pre ye yagl gak i, kagie Naptali#30.8 Ka Hibru mina, kagie Naptali i, mabuno na kuda boglka mere yegl paugwa. we dugwa.
9Ana Lea we, ye yagl gak 4-pela ikra kuglsre, gak kor ta kuglkriedi kandre, ye nigl kogonmo abai Silpa ikra i pi Jekop ebie ta morabedi togwa. 10Jekop togo, ye bogl swara pabriko, Silpa dane paugo, ye ere mogl, yagl gak ta kuglkwa. 11Kuglko, Lea yegl dugwa, Taragl wakai ta plau dumiwe dugwa. Yegl pre ye yagl gak i kagie Gat#30.11 Ka Hibru mina, kagie Gat i, mabuno taragl wakai ta plau dugwa mere yegl paugwa. we dugwa. 12Ana Lea nigl kogonmo abu Silpa i aglke kor dane paugo, ye ere mogl, yagl gak ta ama kuglkwa. 13Ye yagl gak ta ama kuglko, Lea yegl dugwa, Na gun yeiga. Erme abu tau ere mogl, Lea gun yome dinaiglmiwe dugwa. Yegl pre ye yagl gak i kagie Aser#30.13 Ka Hibru mina, kagie Aser i, mabuno gun yogwa. we dugwa.
14Ana aglke ta kugl mogo wit sigwa egemo yogwa igne, Lea wam Ruben ede wit ere yaiglmara pi, wan mogl, kugl kie ta kagie mandrek we digwa, yoba idre krai gaiglkwa i kandre, mogomo uro yu, mam Lea togwa. Ye Lea togo, Resel ere mogl, Lea yegl di prukwa, Ene wan mandrek mogo uro yugwa i, tau naratn ba, yegl dugwa. 15Yegl dugo, Lea di ikne ede yegl dugwa, Ene na wina i pi inga i, taragl kebra yomedi pitno? Ene na wina idre, na wana mandrek mogo uro yugwa ama idre, yegl eratno? dugwa. Yegl dugwa pre Resel aglke kor yegl dugwa, Ana pra. Ene wan kugl mogo uro yugwa i natn, erme eduer ene Jekop bogl panabriwe dugwa. 16Resel yegl dugwa pre Jekop wit simara kogon ere wan moglsre, min paugwa igne ede ikne ugo, Lea ede pi ye umara pidre, ye yegl di togwa, Na wana kugl mandrek mogo tau uro yugwa. Nono bogl swara panabuglka pre mogo i na Resel topo teiga. Yegl pre erme u na kana panatniwe dugwa. Yegl dugo, ye ugo, eduer bogl swara pabrika. 17Bogl swara pabriko, God ye Lea kamage ere togwa prisre, ye ake ple di togo, Lea dane paugo, ye ere mogl, yagl gak namba 5 kuglkwa. 18Lea yagl gak namba 5 kuglsre, yegl dugwa, Na nigl kogona abu ikra wina teiga pre God topona narumiwe di, yegl dugwa. Yegl pre ye yagl gak i kagie Isakar#30.18 Ka Hibru mina, kagie Isakar i, mabuno topo. we dugwa. 19Te, okuo Lea aglke kor dane paugo, ye ere mogl, yagl gak namba 6 kuglkwa. 20Ye yagl gak namba 6 kuglsre, yegl dugwa, God na taragl wakai ere narukwa. Erme na wina yagl gak 6-pela kugl teiga pre ye na kagna kade narabiwe di, yegl dugwa. Yegl pre ye yagl gak i kagie Sebulun#30.20 Ka Hibru mina, kagie Sebulun i, mabuno kagie kade togwa. we dugwa. 21Te, okuo Lea abai gak ta ama kuglkwa, kagie Daina we dugwa.
22Ana God ye Resel kamage ere togwa prisre, ye gak ta kurabedi ake ple di togwa. 23Ake ple di togo, dane paugo, ye ere mogl, yagl gak ta kuglkwa. Ye yagl gak ta kuglsre, yegl dugwa, God na ake ple di narukwa pre na okna gak ta kuglkre, agai goglka i, erme agai ta goglkraluwe di, yegl dugwa. 24Yegl didre, ye ka ta ama yegl dugwa, Yawe na yagl gak ta ama narabedi prie dugwa. Yegl didre, ye yagl gak i kagie Josep#30.24 Ka Hibru mina, kagie Josep i, mabuno, ta ama narabiwa. we dugwa.
Jekop sipsip ya meme tau inagle dugwa
25Ana Resel ye Josep kugl kodugo, Jekop ere mogl, Laban yegl di togwa, Na erme ede ikne dumona kamina enagledi prika. Ene dedin, na ede enaglka. 26Na ene kogonen ere teiga i, ebina suo topo si kodiga pre na ebina gagrama idre, ede enagledi prika. Na kogon wakai ere teiga i, ene pre kan etnga. Yegl pre ene na dedin, na ede enaluwe di, yegl dugwa.
27Ana Jekop ka yegl dugo, Laban ere mogl, di ikne ede, yegl dugwa, Aya, ene motnga wakai ta pitn, moratniwa. Na kumo giai yagl ta eruko, kaniga, ene na kipaimara motnga pre Yawe na ere wakai ere narukwa, yegl kaniga. 28Yegl pre na topo siramna ene tebo, ene na kipaimara moglsre, kogon ere naratne? Dinatnere tenaluwe di, yegl dugwa. 29Dugo, Jekop aglke kor yegl dugwa, Na kogon wakai ene ere teiga i enene pre kan etnga. Taragl ere kuglnga i, na sugl wakai moglko, ye wakai meglkwa. 30Na magigl i wiga igne, ene taragl mere kuglkitnga ba erme taragl kuglnga i, u mere kide pi meglkwa. Na kogon kane kane ene ere teimara i, Yawe ene ere wakai ere togwa. Ba erme we, nana ebina gagrama bakaraglka pamiwe di, yegl dugwa. 31Yegl dugo, Laban di ikne ede, Na topo siramna mere ene tenagle? dugwa. Dugo, Jekop aglke kor dugwa, Na mige ta narekratnga ba na ka ta dibo, ene prawa din, na ene sipsipnen ya memenen sugl mogl, pai moraglka. 32Yegl pre diga, ene prawa din, na erme sipsipnen ya memenen mudu yubu sinaglka. Sipsip tau kruo kama suna suna meglkwa ya te, sipsip nagigle kama meglkwa i, nana inaglka. Te, meme tau kruo kama suna suna meglkwa i ama nana inaglka. Na topo yegl inagledi prika.#30.32 Sipsip tau mere kruo meglko, swara swarade keme kama meglkwa. Te, dumo i, meme mere kama keme meglko, swara swarade keme kruo kama suna suna paigwa. Yegl pre Jekop sipsip ya meme suom ta inagle dugwa. 33Topo yegl ta natn, na mabuno wakai boraglka i, okuo nogugl panabuka. Na taraglna ere kuraglmara ene kanagledi un, meme tau kruo kama suna suna paikrikwa ta meglbi, mo sipsip nagigle tau kama moglkre, kruo ta meglbi, Jekop kunogl yumedi nogugl panan, kanatniwe di, yegl dugwa.
34Jekop ka yegl di kodugo, Laban di ikne ede, Prawa. Ene dinere yegl mere erabugle dugwa. 35Yegl dugwa ba ye dumere erekre, ade swara i mina yene meme tau kruo kama suna suna meglkwa ikra i pere ede, sipsip kama ikra i pere ede, erukwa. Ersre, Laban yene wama kuraiglmedi togwa. 36Togo, ye wama bogl meme ya sipsip i idre, Jekop moglmara eglke moramnedi ede eigwa. Ye ege suota konbauna pi mogl, ede pi eglke kuri ta meglkwa. Meglko, Jekop ere mogl, Laban mememo ya sipsipmo tau meglkwa i sugl moglkwa.
37Ana Jekop ere mogl, ede kane suota paigwa, poplar ya almon ya plen we digwa i, yogagle tau bagl, nagie suna suna pogl edugwa. Pogl edumara i, ede kruo paugo, nagie pai moglmara i kama paugwa pre yogagle i kruo kama suna suna paugwa. 38Yegl ersre, ye ede yogagle i, sipsip ya meme baglkugl nigl neimara i nigl mina atne yogwa. Sipsip ya meme nigl neigwa igne du akigwa pre yegl erukwa. 39Jekop ede yogagle ikra baglkugl mina atne edugo, sipsip ya meme yogagle i yomara magigl i du akidre, okuo gagro kiglkwa i, kruo kama suna suna meglkwa. 40Ana sipsip ya meme gagro i, Jekop yene kuragledi i pere edugwa. Laban sipsipmo ya mememo meglmara edekrukwa. I pere edidre, sipsip ya meme tau Laban pre kanige eruko, meglkwa i du akigwa igne, ye kan Laban sipsipmo tau kama meglkwa i ya mememo tau kruo kama suna suna paigwa i, meglmara ede moglsre, du akenaiglmedi erukwa. 41Te, sipsip ya meme tau yobuglno podo paugwa du akenaiglkwa igne, Jekop ede yogagle ikra baglkugl mina nigl mina atne ye kanaiglmedi yogwa. Sipsip ya meme i ede yogagle ikra yomara magigl i du akenaiglkwa pre erukwa. 42Ba sipsip ya meme tau yobuglno paikrukwa du akenaiglkwa i we, Jekop ede yogagle ikra yekrukwa. Yegl pre sipsip ya meme tau yobuglno paikrukwa gagro kiglkwa i, Laban pre meglkwa. Ba sipsip ya meme tau yobuglno paugwa gagro kiglkwa i, Jekop pre meglkwa. 43Yegl pre Jekop taragl mere tabre kan nogwa. Kan nedre, ye sipsip ya meme mere kide kuglsre, kamel ya donki ama kuglsre, nigl kogonmo yagl abu ama yugwa.
Valgt i Øjeblikket:
:
Markering
Del
Sammenlign
Kopiér
Vil du have dine markeringer gemt på tværs af alle dine enheder? Tilmeld dig eller log ind
Copyright 2015 New Tribes Mission