Mateus Omuhangu
Omuhangu
Evaengeli lyaMateus mali popi ondaka ombwa okutya Jesus Omuhupithi omuudhikwa. Mateus ma yulike nodhondaka odhingi dhomEtestamende Ekulu okutya Kalunga hiaa udhikila ovantu ve, we tji hwithila po mokuyumukwa kwaJesus.
Mateus wa soneka ovipuka mbyee liyondja nawa, ngahi tji li: Eyumuko lyaJesus, etjatjo lye, okulolwa kwe, otjilinga tjeteetho, okuvelula ovantu moGalilea nouyenda we okudha moGalilea katee koJerusalem, noviningwapuka vyotjivike tjathiinina, et̯o lyokomutjaakano neimuko lye kout̯e.
Evaengeli mali popi okutya Jesus Omulongi omunene nguu na odhonkono okuthitulula oveta yaKalunga nokulonga ovantu otjilongo tjeulu okutya tje ya popedhi. Ovingi vyomelongo lyaJesus, Mateus we vi yapaula movinenepuka vitano, ngahi tji li:
(1) Eteetho lyokondundu (omayandjwa 5--7);
(2) Omalongo nomalondolo kovalongwa omulongo navavali mena lyotjilingatumo tjawo (eyandjwa 10);
(3) Omaeli ngamaa popi ouhunga notjilongo tjeulu (eyandjwa 13);
(4) Omapukululo ngamaa popi ouhunga nangwaa thele okwiila omulongwa (eyandjwa 18);
(5) Omapukululo ngamaa popi ouhunga nehulilo lyouye nokuya kwotjilongo tjeulu (omayandjwa 24--25).
Otjilimo
Owoiheombwale yaJesus nokuyumukwa kwe (1:1--2:23)
Ovilinga vyaJohannes Omutjatji (3:1-12)
Okutjatjwa nokulolwa kwaJesus (3:13--4:11)
Ovilinga vyaJesus moGalilea (4:12--18:35)
Okudha moGalilea katee koJerusalem (19:1--20:34)
Otjivike tjaJesus tjathiinina moJerusalem (21:1--27:66)
Eimuko kout̯e neliholololo lyaMuhona Jesus (28:1-20)
Valgt i Øjeblikket:
Mateus Omuhangu: DBNT
Markering
Del
Kopiér
Vil du have dine markeringer gemt på tværs af alle dine enheder? Tilmeld dig eller log ind
Dhimba New Testament © Bible Society in Namibia, 2010.