Beliebte Verse in Sɩngrẽ 3

Teilen

Paga mikame tɩ tɩɩga biig wẽnda a na yɩ noogo, t'a bee neere, n sakd gesgo, t'a wata ne rɩ n paam bãngre. Dẽ la a fãsg n dɩ la a fãsg n kõ a sɩd sẽn da yɛs ne-a, tɩ yẽ me rɩ.

Rũmsa sẽn yi Soaala-Wẽnd nugẽ sʋka, Waaf n da yɩɩd ne sɩlem. Yẽ n yeel pagã: «Sɩd bɩ, Wẽnd n yeel yãmba tɩ tɩɩsa sẽn be zẽeda pʋga, bɩ y da saag-y n dɩ tɩɩg ba a ye biisi?»

M na n ninga beem, foo ne paga sʋka, f kamb la paga kamb sʋka. Fo na n dũma paga nao-kãsenkãare la a na bedsa f zugu.»

B lɛɛg n yeela pagã: «Fo sã n wa tʋtẽ, f naong na n yɩɩ wʋsg-wʋsgo, yaa toog pʋgẽ la f na n dog f kamba, f na n tʋlga f sɩda ne tʋlsem kãsenga la yẽ n na n dɩ naam la a soog fo.»

F na n kaaga f rĩir tʋʋlgo n paam n dɩ la na n yɩɩ woto n tãag daar ning f sẽn na n leb tẽng tomẽ tɩ f yii tomẽ. Fo yaa tãndo n na n leb tãndẽ.»

B yeela raoã: «Fo sẽn kelg f paga koɛɛg n dɩ tɩɩg ning mam sẽn da yet tɩ f ra rɩ wã, bɩ tẽnga da zĩnd bark f yĩng ye. F vɩɩma pʋgẽ, dɩll f yãe toogo n paam n dɩ.

Dẽ la b leok-a: «Ãnda n togs foom tɩ f yaa f zaala? Woto fo rɩɩ tɩɩg ning mam sẽn da rig foom a rɩɩbã!»

B sẽn yiis a Adem, b yalsa gũudba zẽeda yaang noorẽ. Yaa malɛgs, la b zãada sʋʋs sẽn yãgd bugum, n gũud vɩɩm tɩɩga tɩ ned da ta-a ye.

A Adem boola a paga tɩ Awa, yẽ la ninsaal fãa sẽn na n vɩɩnd tẽng zug ma. Boaalẽ wã Awa ne nin-vɩɩg yekda taaba.