Beliebte Verse in Rukasi 23

Teilen

(Ãmẽ Jesu e'i Uu pè: – Papa, ejukaa teremo'y e'ã ee kõ. Notekokuwai wyi moko erereko kupa, e'i. Eitypypyioka awi ijaiwererà kõ iwyi kõ, a'e ene, e'i Jesu Uu pè.) Ajaire sota kõ ojimarai rã'ĩ Jesu yrukwerà rè imosãi ojiupe. – Ava põ opyytà ijyrukwerà? e'i imomo momo kupa. A'evo wereko ipyy imosãi ojiupe kupa.

Ãmẽ kee e'i Jesu ijupe: – Hoõ, a'evotà. Ãwijã mẽ age'eve ereve neikotà Janejare'e rena pè. Aje ywete aepo a'e ene, e'i Jesu ijupe.

Aepo e'i paire, kee e'i jẽ Jesu pè: – Nejimojõvijãma neiko remẽ, eporijauesa rejupa ãmẽ, a'e ene, e'i Jesu pè.

Ãmẽ jakatu Jesu wayvo wapukai kee javo: – Papa, nepo pè aitytà e'ãg. Ereraa awi nekoty rejupa, Papa, e'i. Aepo e'i remeve, ojikyi oo. Opi iji'ãgekyia ky'y.

Ajaate tena kupe kyty werovãe kupa ky'y. Uve yvytyry mõ a'e pè, Kauvariu eu a'e yvytyry mã'ẽ pè. “Joãkãgwerà rena” jaa tè Kauvariu. [Imirai mã'ẽ jukaa rena teãmã a'e.] A'e kyty weraa Jesu ãmẽ ijukatà kupa. Omoputuputuri yvyra jipokana rè imõ'ã kupa, ãmõ kõ revejẽ, tojimomorijau omãnõ. Mytery pè Jesu omõ'ã kupa. Ãmõ imirai mã'ẽ i'ekatu kytyre omõ'ã kupa. Ãmõ, Jesu jau kytyre omõ'ã kupa.

Werywete jane 'aryvo katu kwaray remẽ ky'y. Ãmẽ si apy'awarà mõ ijãpatõma. Pãtõma 'ejẽ ajaate ijãpẽ kwaray remeve. Pirujẽ a'e yvy rupi pãtõnusu. Ameve Janejare'e moe'ea retãporà kamisa anamu okei. Yvate kyty wyi ojiãvasĩ.

Ãmẽ sota kõ rõvijã mõ a'evoa rè omã'ẽ remẽ, kee e'i: – Haa! Aje ywete ivo mã'ẽ tè sikaepo ãwĩ! e'i. Ajawyi Janejare'e omoe'e ywete upa, Jesu rewarà mõ.