Beliebte Verse in Rukasi 24

Teilen

Ije tè amuutà Papa remime'ẽ rã pejẽ. I'Ãg amuutà pejẽ. Kõitokõ Papa kee e'ipa: “Amonotà e'ãg ijupe kõ”, e'ipa. A'e tè tapeãrõ rã'ĩ Jerusarẽ taa pè ãmẽ, ajaate wayvukwerà rupi o'Ãg omurokatà pemokasiarà rõmõ, e'i. A'e tè peayvumokasità ajaa mãerã tè tapeiko ky'y, e'i ijupe kõ.

A'e naikoi ike ky'y. Opoerapa opõ'ã oo. Uve mijẽ ky'y. Pekuwa jẽ põ ijayvukwerà? Kõi e'i amãtejẽ Karireja yvy pè jypy remẽ. Pekuwa jẽ põ aekwerà?

Ãmẽ sõsi ojikuwa katu Jesu ijupe kõ ky'y. Kee e'i ãmẽ kupa: – Haa! Jesu tè sipõ janepyri ekoi? e'i kupa. Oryvay ee kupa. Ajamã'ẽ Jesu ojimopi maevo sõ tite iwyi kõ ãmẽ. Oity kõ oo. Aja paire kee e'i ojiupe kupa: – Jesu ywe'e sikaepo ovãe janepyri. Janepy'aory rõwã sipõ ji'i pee rupi janemogeta upa remẽ mijã? Janejare'e kareta rè janemo'e remẽ, janepy'aory tesõ enu mijã, e'i ojiupe iko kupa.

Kee e'i ijupe kõ: – Kee e'i ojikusiwa maekwerà: “Janejare'e Remimuu rã ojimomorijautà rã'ĩ omãnõ”, e'i maekwerà. “Ajaire moapy 'arà remẽ opoera tarà mijẽ opõ'ã, omãnõ mãe kõ põ'õ mè wyi”, e'i maekwerà. Aekwerà rupi katu itã'ã aiko, e'i ijupe kõ. Ajawyi kee a'e pejẽ. Eayvu rupi pekwa age'e. Kee tapejẽ imojenu jenu: “[Pejipy'amogeta ikõ peneko rè age'e nẽ.] Pejimosĩoka ikõ peaiwererà rè nẽ. Pejimome'u ikõ Janejare'e pè peaiwererà reitypypyipaoka nẽ. Peporijauesatà ãmẽ ky'y. ‘Awyjepa’ e'ità peaiwererà kõ pè”, tapejẽ imojenu erokwa. Pekwa awi ãmẽ. Jerusarẽ taa wãnà kõ pè ypy aepo jaa tapemojenu erokwa. Ajaire pirujẽ yvy pewarà kõ pè tapemojenu jenu erokwa. Pirujẽ erewarà tapemojenu jenu erokwa ãmõ taa taa kõ rupi, e'i.

Ãmẽ ovãe kupa remẽ, nojeovapyi Jesu reãgwerà rena upa ky'y. Ojiovapyjavo 'ejẽ upa. Takurupe nuvei ikwarà rovake ky'y. Kuipe'e tè tui upa. Oike ena pupe omãjã ãmẽ ee kupa. – Aa! Maty põ Janerõvijã Jesu reãgwerà? e'i kupa.