Beliebte Verse in Yauhaas 19

Teilen

Yexus haus cov kua txiv maab qaub ntawd, hab Yexus has tas, “Tav lawm lauj!” Ces Yexus txawm nyo hau ntshis hab tu sav nrho taamsim ntawd.

Tom qaab ntawd, Yexus paub has tas txhua yaam tav taag lawm, nwg has tas, “Kuv nqhes dlej,” (Nwg has le ntawd kuas muaj tav lawv le Vaajtswv txujlug).

Yexus pum nwg nam hab tug thwjtim kws nwg hlub heev sawv ua ke ntawd, Yexus has rua nwg nam has tas, “Nam, tug kws nrug koj sawv ntawm ko, yog koj tug tub.” Yexus has rua tug thwjtim ntawd has tas, “Tug kws nrug koj sawv ntawd ko, yog koj nam.” Txij thaus ntawd lug, tug thwjtim ntawd txawm coj Yexus nam moog nrug nwg nyob lawm.

Tabsis thaus puab moog txug ntawm Yexus, puab pum has tas Yexus tub tuag lawm, puab txhaj tsi tsoo Yexus ob txhais ceg. Txawm le ntawd los tseem muaj ib tug tubrog muab nwg raab muv nkaug Yexus saab taav to ntshua, taamsim ntawd ntshaav hab dlej lug si quas laim.

Qhov nuav muaj lawv le Vaajtswv txujlug kws has tas, “Nwg tej txhaa yeej tsi muaj ib yaag yuav luv le.” Hab Vaajtswv txujlug muaj dlua ib nqai has tas, “Yuav muaj tuabneeg saib ntsoov tug kws puab xuas muv nkaug.”

hab muab Yexus tug ntoo khaublig rua Yexus kwv, puab coj Yexus moog txug ntawm qhov chaw kws hu ua “Pobtxhaa Taubhau.” (Lug Henplais hu ua “Khaulakhauthas.”)

Cov tubrog muab maab xuavpaug ua kauj looj Yexus taubhau; hab puab muab ib lub tsho ntev tsaamxem lab khu rua Yexus naav.