Beliebte Verse in Genesis 9

Teilen

Hay pangitib-an yun umannung tun kinalik ke dakayu takon nadan aggayam ya punnanongok ta nangamung di nakitobbalak ke dakayu an wadaok di at-atibungalon nah kulabut hi kabunyan ta ahi damdama pangitib-an di holag yu.

ya hidiyey panginomnomak nah kinalik ke dakayu ya am-in di matagun wada tuh luta an adi mo mapidwan malbongan tun luta.

Te lintuk di tagu an umat ke ha-on, ta hidiye nan waday pumateh ibbanan tagu ya patayon yu damdama.

Hi Apu Dios ya binendisyonanah Noah ya nadan iimbabalena an kananay “Mangaddu kayu ta dumakol kayu ta boblayan yun am-in tun luta.

Am-in datuwe ya idat kun dakayu ta pananud yuh adol yu umat nadah nitanom an indat kun dakayu.

Am-in di aggayam, nadan hahamuti ya nadan matagun wadah baybay ya tumakut dan dakayu ya dakayuy nangamung hi pangiatan yun dida.

Maphod di mangaddu kayu ta dumakol di imbabale yu ta mihinap da tuh luta.”