Beliebte Verse in Mga Taga-Efeso 5

Teilen

Sanglit kamo minahal man nga mga anak sa Dios, paningkamot gayod kamo nga mahisama kaniya. Magkinabuhi kamo diha sa gugma sama nga gihigugma kita ni Cristo ug gitugyan ang iyang kinabuhi alang kanato sama sa mahumot nga halad-sinunog nga makapahimuot sa Dios.

Busa pagmatngon kamo pag-ayo sa inyong pagkinabuhi. Ayaw kamo pagkinabuhi sama sa mga walay alamag kondili sama sa mga maalam. Ayoha paggamit ang inyong panahon kay daotan kining mga adlawa.

Ayaw kamo paghuboghubog kay makadaot lamang kini kaninyo. Tinguhaa hinuon ninyo nga mapuno kamo sa Espiritu ug sa inyong pagsultianay gamita ninyo ang mga salmo, mga himno ug mga balaang awit. Awiti ug dayga ninyo ang Ginoo sa kinasingkasing gayod. Sa ngalan sa atong Ginoong Jesu-Cristo, pasalamati ninyo kanunay ang Dios nga Amahan tungod sa tanang butang.

Busa ayaw kamo pagpakabuang. Paningkamoti hinuon nga masabtan ninyo ang kabubut-on sa Ginoo.

Mga bana, higugmaa ang inyong asawa ingon nga gihigugma ni Cristo ang simbahan ug gitugyan ang iyang kinabuhi alang niini.

Kaniadto dulom ang inyong kinabuhi apan karon may kahayag na sukad nga kamo nahimong katawhan sa Dios. Busa kinahanglan nga magkinabuhi kamo ingon nga mga tawo nga iya sa kahayag.

Tungod kang Cristo pagtinahoray kamo.

Mga asawa, tahora ug sunda ninyo ang inyong bana sama nga nagtahod ug nagsunod kamo sa Ginoo.

Apan alang usab kini kaninyo: kinahanglan ang bana mahigugma sa iyang asawa sama sa iyang kaugalingon ug ang asawa usab kinahanglan magtahod sa iyang bana.

Sumala sa giingon sa kasulatan, “Tungod niini ang lalaki mobiya sa iyang amahan ug inahan ug motipon sa iyang asawa ug silang duha mahimong usa.”

Ayaw kamo pag-apil-apil sa mga daotang buhat nga iya sa kangitngit. Hinuon ibutyag kini.