Beliebte Verse in Medhetethi 8

Teilen

Yaatin, Goday he yarshuwa peenuwa singidi, ba wozanan haysada yaagis; “Na7atethafe doomidi asi wozanan qopiyaba ubbay iita gidikoka taani asa qoho gisho gada nam7antho ha sa7aa baaddike. Qassi taani ha7i oothidaysada de7oy de7iya medhetetha ubbaa nam7antho dhaysike. Ha biittay de7ida wode ubban, zeriya wodeynne cakiya wodey, meegoyinne hombey, boneynne balgoy, gallasinne qammi ubba wode daana” yaagis.

Hessafe guye, Nohey Godaas yarsho bessi gimbidi tuna gidonna mehenne do7a ubbaafe, tuna gidonna kafo ubbaafe ekidi, giigisida bessan yarsho oothidi xuuggis.

Shin Xoossay Nohe, iyara markabiya giddon de7iya do7a ubbaanne mehe ubbaa qopidi sa7a bolla carko carkisin he haathay wodhi wodhi bis.

He holliya sa7i omarsiya wode iyako simmada yashe shamaho aacape duuthida irxa haythi ba doonan saxa ekada yasu. Yaatin, haathay biitta bollafe wodhidaysa Nohey eris.