Beliebte Verse in Dimatekenu 13

Teilen

Mukonda o ixi ioso i ua mono iii, eie muene hino ngi ku bhana-iu, ni mbutu ié phala kutungenena momo, katé ku hádia ni hádia.

Jihova anga u zuelesa Mbalamu, kia zubha ku di uanununa ni Lote, uixi: Bhetula mesu, tunde bhu kididi bhu uemanʼabha, u tale ku suku ni ku sulu, ku mutundila-kumbi ni ku mutudila-kumbi

Mbutu ié nga kà i sokolola mukuâ ni fufutila ia mavu, i bhinga se muthu u tena kualula o fufuta ia mavu, ni mbutu ié-eie ua kà i alula ue.

Mbalamu anga u ambela Lote, uixi: Ki bhu kale jimvunda bhuʼaxaxi ka eme ni eie, bhuʼaxaxe ka abidi a ibhaku iami, ni abidi a ibhaku ié, mukonda tuala tu jiphange.

Mbalamu anga u sondolola dingi jibalaka jê, uiza hé u tunga bhu miẋi ia mikaluvalu iaʼxi ia Mamele, ia zukama bhu Hebolone; bheniʼobho anga u tunga-bhu kalatódio phala Jihova.

Lote anga u bhetula o mesu, u tala mu dikôlo dia Joldá, kuma muala menha, muene muoso muala uisu, mukuâ ni díbhia dia Jihova, mukuâ ni mʼoxi ia Ijito, mu kubokuena bhu Sanzala ia Zouale, kioso Jihova kiluua hanji a buikisa Sodoma ni Ngomola.