Beliebte Verse in Matewu 26

Teilen

Wonelelani, mi txi khongela, kasi mi si wi kudukwani. Nguko moya wona wu tsani, aniko mmidi wa rereka.”

Sekoko a to va gela a txi khene: “Moya wangu wu ha kuxanisekani ka hombe ka kufa; zumbani hawa mi txi wonelela ni nani.”

Se a di tshuketile kule nyana, a to ti wisa hahatshi, ngu mbanza, na a txi khongela, a txi khene: “Tata wangu, ngako ti txi koteka, digombe diya di na pinde kule ni nani; aniko, ti nga maheke nga kuranda kwangu, ti na maheke nga ti Awe u ti lavisako tona.”

Nguko awuwa mnoha wangu wa txitumelelano, wu na ku theketelwa vavangi, kasi ku na mana divalelo ya sionho.

Va di ngadi va txi dya, Jesu a to teka dipawu a txi di katekisa, a txi di bhanda, a txi di ningela ka vagondiswa vakwe, a txi khene: “Tekani mi txi dya, asiya mmidi wangu.”

Ngu msana a to teka digombe, e bonga, se e va ninga, a txi khene: “Selani ngu dona motshenu.

Sekoko a di wuyile hafuhi ka vagondiswa a to va mana va di otete, se e womba ka Pedro a txi khene: “Mi tandekile ni kuwonelela txikhati txa tximwetxo ni nani kani?

Aniko ni khani kwanu: Kukhukhela konkuwa, kha ni na mbi sela kambe m'hando wa m'vhinya, kala ditshiku di ni nota wu sela i di wa wuphya, kumweko ni nanu, Mfumoni ka Tate wangu.”

Sekoko, Pedro a to alakanya mapswi a Jesu, a nga khene: “Wu sinzi kuemba mkuku, u na ni lamba kararu.” Msana keto, a to huma hahanze e dila ngu kupandiseka.

Khukhani hi tsula, se a hafuhi awu a lavako ku ni ningela!”

Sekoko Jesu a to khene kwakwe: “Tshumeta ditxhari dako msavani ka dona, nguko votshe vale va na kuthumisa ditxhari, va na loviswa ngu ditxhari.