Beliebte Verse in Tekang Kbuten 3

Teilen

Timbow henklol hnunu yóm libun yóm koyu yó, tey minggel ktonen du ne hendemen dô hyu mken du bunguhen, lelen hemdem du tey hyu ke baling temngón. Yó gónón wen nwahen bè yó kem bunguhen ne kenen. Ominen wen blayen ke tuha logihen ne kenen se kun.

Bè kdê yó kem gel nô lem bnes deng dlimun yóm sana Dwata hol gónó mogot, ulal yóm alì hulung smukat bélê le. Ne snólók yóm ulal yóm libun, monen, “Tahu kô deng mon Dwata mò kuy hol bê ye abay ken yó kem bungu koyu bè nim hungul ni?”

Hlós senfohonu yu yóm libun. Yóm kun lugod ne yóm kóm lugod sónmò le tendo sfohon. Ne wen bè kun lugod yóm libun angat lemuna kuluhem. Ne yóm kóm lugod, fen mékét bè tekeden.”

Ne yó bud mon Dwata ebè yóm libun, “Angat tennuu yóm ksidek kegnómem du bè yóm keblututem, ne hol hdesu yóm ksut blututem. Baluen se ke lómón yó kmoen, là kóen mkó óyóem du yóm tuha logihem, ne du se gónóhem kmulu.”

Ke là nam na hol hinget mò hulu là kói gemtob ken. Ni se mò kmoen béléem efet bud kulékem elem tonok, abay se bè tonok tehe gónóm gu lemwót. Nifilu uu lemwót gu bè tonok, ne angati bud baling tonok.”

Ne yó udél Dwata ebè yóm logi, monen, “Deng nimónem udél tuha libunem ne deng kenem yóm bungu koyu nalihu kuy. Lemwót bè nim nmoem ni, tódô gomong megtafak béléem yóm klamangen tonok. Bè yóm klawihem mowil, ke là nam hol hgel mò nmò là kô wen gónóm ma mò ken ye.

Ne yó snólók Dwata béléen, monen, “Tau du se tmulón du kóm yóm tódô kehlówóhem yó? Deng kenem kô yóm bungu koyu nalihu kuy?”

Ne wen kem hógówen gu bè longit hbenteyen bè fi dmata kdaw yóm hungul yó. Wen sudeng sù Dwata bè yó, tódô eles sedlu dilóf bè baken ne tendo hilóy lowi anì laen dù tau gehloni ebè yóm koyu hlowil tau.

Ne yó boluy Adam du yóm libun yehenen, Ib, abay se du yê yóm kdéen tau mowil te tonok.