Beliebte Verse in MATIU 28

Teilen

Chɛ an‑na a fɔ, wo ta mɔɛ n gbɛɛ tena dunya chɛ gbɛɛ ɔ, mbɛ wo‑a an ma n fɛ denɛ n na. Wo ni yɛ, wo ni yii chɛ an kunɛ ɔ Fa Yataa tɔɛ ɔ, n tɔɛ ɔ, a basan Yataa Nyina tɔɛ ɔ a. A sin, wo ni mɔɛ n kan sawa chɛ n gbɛɛ bia koe a, n na‑a miin be wo ma. Wo sin ni dan to a a, mbɛ n mbe ma‑a wan wo fɛ tima ɔ tima, aan dunya chɛ ni ban bɛɛ.”

Mbɛ Chisɔsi gbɛn‑da an ma, mbɛ a ɔ, “Fa min mbe banda bu ɔ, a‑a gbasaya gbɛɛ be n ma, fen fen kan kɔ kan kun ma, banda bu ɔ a basan dunya chɛ ma a.

Chɛɛ maeka chɛ‑a a fɔ wan musu chɛ n ye, a ɔ, “Wo ma chian. A mu min na, n‑na a ɔ sɔn fan, mbɛ wo e wo ya a kan tena Chisɔsi an na, an‑na min gbangban kɔn gbengbandenɛ ma, a tɔn‑da kaina. A ee nɛ. Yataa‑a a ma, a‑a a a sɔ a ka saya ɔ, yɔ a wandi na‑a a fɔ buɛ min dɔ, mbɛ ɛ ma‑a ka wan. Wo na nɛ. Wo ni nɔ yen, a ni sa ɔ kaina min.

Mbɛ Chisɔsi ɔ an ma, “Wo ma chian. Wo ta, wo ni a fɔ n suun ma nyɔɛ n ye, mbɛ an ni ta Kadidi chɛnyɛ ɔ. An mbe n yen‑da wan nɔ.”

An‑na bai chɛ a min, soya chɛ n‑na min dɔ yian. Mbɛ an‑na an kun puin fan kaina dɔndɔ, an bɛ Chu n 'na gbakoo n na. Mbɛ an‑na kɔpɔ sɛmbɛnden ya, mbɛ an‑na soya chɛ nu, miin ni kamba chɛ kun ma fɛn tena, an‑na an da a tɔn a a. An dɔ, “Ni mɔ ɔ mɔ‑a wo ɔ tisa, a si Chisɔsi su tuin koe ma kamba chɛ ɔ, wo‑a a fɔ dechee, mbɛ wo to‑a sa ɔ chinɔɛ ɔ wan, mbɛ a fɛ denɛ n na‑a su ɔ, mbɛ an‑na a su kanka.” An yɛ‑a wan to, an‑na soya chɛ n too ɔ dia. An dɔ, an faa ma gbaa, ni kɔfana‑a a a min bɛɛ, mbɛ an chinɔ‑a wan. An dɔ, an mbe koɔ‑a wan a tena, min mbe a ma, ko ɔ ko ee bɔ‑a a ɔ. Mbɛ an‑na kɔpɔɛ chɛ bia, an‑na a ma yɔ a fɔ‑a buɛ min dɔ an ye. A ka gbɛ a tima chɛ ma, a che gboo chɛ nyɛn tima ma, Chu mɔɛ n mbe bai dɔndɔ gbe chɛ an dɔ yian. Mbɛ Chisɔsi fɛ denɛ n fan na‑a a su kanka, a bɔ kamba ɔ.