Beliebte Verse in Yohana 21

Teilen

Ore pee eidip aatadaata nejoki Yesu Simon Petero, “Simon olayioni le Yohana, ai kinyor iyie nanu alang kulo?” Nejoki, “Ee Olaitoriani, iyiolo iyie ajo kaanyor.” Nejoki Yesu ninye, “Intotio lkuoo laainei le kerra.” Neitoki ajoki eni are, “Simon olayioni le Yohana, ai kinyor iyie nanu?” Nejoki, “Ee Olaitoriani, iyiolo ajo kaanyor.” Nejoki, “Irrita nkerra aainei.” Neitoki ake ajoki ninye ene uni, “Simon olayioni le Yohana, ai kinyor iyie nanu?” Neisinanuo Petero amu etiaaka ene uni, “Ai kinyor iyie nanu?” Nejoki ninye, “Olaitoriani, iyiolo iyie pooki toki; iyiolo ajo kaanyor.” Nejoki Yesu ninye, “Intotio nkerra aainei.

Kesipa, kesipa, aajoki iyie, ore apa ira oti irreten kewan nilo eniyieu, kake ore kenya pee imoruau iyiooki aitorio nkaik inono, nikirreten likae nikiya ewueji nimiyieu nilo.”

Nejoki ninche, “Entanang'aki orreshet tatene e mpeut, naa itumutumu isinkir.” Nenang'aki orreshet enaiposha kake ore te nkaraki enkumoi oo sinkir nelaikino aateyietu.

Nejoki Simon Petero lkulikae, “Kalo arresh isinkir.” Nejoki ninche ninye, “Aikiriamariyie sii iyiook iyie.” Nepuku aapuo nejing nabo kata empeut enye, neitu eibung ninche toki ina kewarie.