Beliebte Verse in Mateo 3

Teilen

Neraha tettideni arrima tiquenezana bica tani: “Uimasiri onebona. Deotouira obodi uauatoma naniuarrine” tiquenezape tibodideni cacarriqquimeranicca uima auato taniuarrine uima bicanira tinanemanarri, onarraro −narrari Zouao.

Nazapa memeuarri atti mittaronarrari: —Arrarraripa occa Erredeni. Pouaza ouati uana tarraro. Pocca uima bica tarrarorrine ouatizerraro −narrari Deo.

Nazapa Zeso passo dopaniza niqui izanarrari. Zeso passoza totemaza tocattamacossa nanarra meme touaba narraro. Deo Corime auato taha pina ococossa naha ccaronarrari. Ccaronaza Zesoza uarirraro.

—Ouape passo dopaniza tiadeni niqui ozanabaqquirraro, uimasiri tinebomaneza Deotouira tiquenanicca uima auato taniuarrine. Naraha madirra dacorarrari ccarronabote naui. Ouape taide mari mari onaporaha arra zotodecca mamaride ccarronarrarina deni torrarrari. Narrarina Deo Corime tibodideniza madiuiuarrine tiadeniza inanarizauitoui. Pouapa pouaza toquerrena-rrararraridenipa rrororoni rriquerreraniuarri ua izimabaqquiuiuarrine parrirerrari. Ouape arrimani orrani. Pina pocca zozossessa onaniuarrinepe oparrire-rrerani. Poua amoricca sadaria zorrode naqui oparrire-rrerani −naui nade Zouao.

Nezape Deoza iboraqquiri tiquenerrereza, uima bicani tinanemana-rrereza naqui ticcadeni uima pina aua uaidira tarraricca uimassa narraro. Parri, narrari aua cacauarrine baripa narroraui. Aua bono bica tarrarazapa ca tariza taui. Ca tacarizazapa bobottauarri ua ua totozima narrari, dirri tauiuarrine −naui nade Zouao.

Arri Zouaocca uimape maittaccazama Deo Atti cacomerabote Izaia dozo inaporraro. Poua atti arrama naporrari: —Niza zama uamoni ssono carri, siba carri taniuarri madirraripa atti moui taza madirra uaua uaua ihinarronabaqqui nauitoui. Poua attipa: “Ia Zozossede ccarronabote naui! Tinarroremanarri! Poua tezerrema rraui tirrinedeni tobicaporri! Narraroa arri tibodideni pouatoui tinarroremanarri” nanarra nauitoui zama uamoniuarri madirraripa −napoui nade Deo Atti Izaiarrine dozo naniza.