Beliebte Verse in ལུ་ཀ། 13

Teilen

ཀོ་ཟེ་མུ་གེ་ ནུ་ཕེ་དེན་གེ་ ཙ་དྲེག༌ཅོ། ཧང་ཡ་དག་ནེ་ལ་ ཇི་གི་ ན་ཧ་ཡེག་པེ་ མང་པུ་ཐུར་གི་ ནུ་ཕེ་ག་རྩིས་ཕི་ལེ་ དག་པ་ཀབ་ཉི་ མ་ཉོང༌པ།

ཉི་ཨོ་ཉ་ ཆོས་འཛོམས་ནང་ཀ་ རྣམ་ཤེས་མ་ཙང་མ་གི་ ནོད་པ་ཨ་དེན་གེ་ ཚིང་ཁོ་རུ་རི་ཉི་ ཐྲང་པེ་མར་བཱན་ ཉིང་སོང་ཡེན་དི་ཁཱན་ མེ་ཝག་ཙ་ཐུར་ཅ་གི་ཝ༌ལ། ཉི་ཡི་ཤུ་གི་ རོག་གཟིགས་པ་ཀབ་ཉི་ རོ་ཀི་ རོག་ག་རཱན་ཐཱན་ མེ་ཝག་ཙ་ ནཱན་ ན་ག་ན་ཚ་གེ་ དྲག་པ་དག་ཉི་ གསུངས་མ༌ལ།

ཉི་རོ་ཀི་ རོ་ཀ་ཕྱག་ ཨོ་ཉ་མེ་ཝག་ཙ་ཐུང་ཀ་ ཀེ་ཉི་གནང་མ༌ལ། ཉི་ཨོ་ཉ་ཐྲེ་ཀེ་རང་ རོག་ཐྲང་པེ་རེ་བ་རི་ཉི་ དཀོན་མཆོག་ག་ བསྟོད་པ་ཕུལ་བ༌ལ།

དག་པ་ཀབ་ཉི་ ཨོ་མ་ གོ་དང་པ་ག་ ཆོ་ཁཱན་ཚེ་བང་ ཇུ་ཀ་ལུས༌པེ། ཉི་ཨོ་མ་ ཇུ་ཀ་ཆོ་ཁཱན་ཚེ་བང་ དང་པ་ག་ཤེག་པེ་ན་དག་ཉི་ གསུངས་མ༌ལ༎

ཕའི་ཡོན་ད་ཐིང་ཐཱན་ ཀོ་དམ་ཉི་ཆུམ་དེན་གེ་ ནའི་ཕིས་ཀ་ལུས་ཉི་ ཉི་ཀོ་ཚབ་ཉི་ གཙོ་བོ་ ཨ་ཧ་དེན་གེ་ ཀོ་ཕེག་ཉི་གནང་ཤོ་དག་ཉི་ ཡེག༌པེ། ཨུ་ཉུ་གང་ཀ་ རོ་ཀི་ ན་ཧ་ཡེག་པེ་ ནའི་ཨོ་གེ་ཨོ་ཕ་སྨོ་ ཇི་གི་མ་སེ་ལ་དག༌ཉི།

ཇི་གི་ ན་ཧ་ཡེག་པེ་ མང་གི་ ན་ཧ་བ་བུ་ སྡིག་པ་གེ་ མ་ལོག་པ་སག་པུ་ ཨུ་ཉུ་པུརུས་ཀིན་ཨ་ཉི་རང་ ཤི་ལེ་ཁེ༌ལེ༎

དག་པ་ཀབ་ཉི་ ཨུ་ཉུ་གང་ཀ་ རོ་ཀི་ ན་ཧ་ཡེག་པེ་ ཇི་གི་ ན་ཧ་ཡེག་ཅ་ན་ ནའི་ཨོ་གེ་ཨོ་ཕ་སྨོ་ ཇི་གི་མ་སེ༌ལ། ལའི་ངན་པ་ཨ་ཁཱན་ ནའི་ཐམས་ཅན་རང་ ལེང་ཇོང་ཤོ་ཨ་ཉི་ ཡེག་པེ་དག༌ཉི།

རོ་ཀི་གསུངས་མ་ལ་ དཀོན་མཆོག་ག་རྒྱལ་སྲིད་ཤོ་ ཧང་ད་བུ་ ཨོ་ཕེ་ཡ། ཉི་ཇི་གི་ ཧང་ཀབ་ཉི་རེ་ཉི་ གོད་པེ་ཡ། དཀོན་མཆོག་ག་རྒྱལ་སྲིད་ཤོ་ སོ་ངོ་ཐུར་གི་ མེམ་བ་ལི་བུན་ཐཱན་ རོ་ཀ་ཨུང་ག་ཡབ་ཁཱན་ ད་བུ་ཐུར་གི༌ལ། ཉི་ཨོ་ཉ་ལི་ཟོག་ཏེན་གེ་ ཤིང་རི་ཉི་ ཉི་ངབ་ཀེ་ཕེན་ཁཱན་ ཁ་བ་ཀི་ རོ་ཀ་ད་ཀ་བ་ཀ་ཐུང་ཐུང་ ཤུམ་ཅོད་ཅ་དག༌ཉི༎