Beliebte Verse in ལུ་ཀ། 14

Teilen

ཨི་བི་གི་རང་གི་ནེ་བུ་ ཇང་ཆོ་ས་ཨུ་ཁཱན་གི་ རོག་ཏེན་ག་ ཨ་པ་དང་ཨ་མ་ ཉི་མེ་ཝག་ཙ་དང་ཝག་ཙ་ ཉི་ཡུང་ཟི་བ་ ཨུ་ཉུ་མ་ཚཱད་པ་ རོག་ཏེན་ག་ སྲོག་གེ་བུ་ལག་པ་ ཇང་མ་ཕང་ནེ་ལ་ ཇ་ག་སློ་མ་ཨ་ལེ་མར༌བ།

ཉི་ཨི་བི་གི་རང་གི་ནེ་བུ་ རོ་ཀ་ཁྲིམས་ཤིང་བང་ཐཱན་ ཇ་ག་ཕྱག་ཞུ་ཉི་ མ་ཨུ་ནེ་ལ་ ཇ་ག་སློ་མ་ཨ་ལེ་མར༌བ།

ཧང་ཡ་དག་ནེ་ལ་ རོག་ཏེན་ཐོན་པེ་གོད་ཁཱན་ ཨི་བི་རང་གི་ནེ་བུ་ ཉམ་ཆུང་རི༌ལེ། ཉི་རོག་ཏེན་ཉམ་ཆུང་ཨ་ཉི་ ཆོ་ལེ་གོད་ཁཱན་བ་ ཐོན་པེ་དག༌ཉི།

ཨུ་ཉུ་པུརུས་ཀིན་ཨ་ཉི་ ནའི་ ཨི་བི་རང་གི་ནེ་བུ་ རོ་ཀ་ཆོ་ཁཱན་ཐམས་ཅན་ སྤང་མེ་མར་ནེ་ལ་ ཇ་ག་སློ་མ་ ཨ་ལེ་མར༌བ།

ཕའི་ཆི་ལུ་ཐུར་ཅོད་པེ་ག་ སེམས་ཆོ་ཁཱན་ ནའི་ཨི་བི་གི་ གོ་མ་རང་ལང་ཐཱན་ ཕའི་འགྲུབ་ཕེ་རེ་བེ་ག་ ཏི་རུ་ལ་སྨོ་མ་ལ་སྨོ་ དྲང་ཨ་ཉི་མ་གོད་པ་ཡ། ཨུ་ཉུ་མ་ནེ་ལ་ ཕའི་རྨང་ཤོ་ཆེན་ཐཱན་ འགྲུབ་ཕེ་མར་ནེ་ལ་ ཨོ་ཉ་ཕའི་ཐོང་ཁཱན་ ཐམས་ཅན་གི་ རོ་ཀ་གོད་ཉི་ངར༌བེ། རོག་ཏེ་བ་ཀི་ཡེག་པེ་ ཨོ་ཐ་སོ་ངོ་གི་ ཕའི་ཅོད་པེ་ག་ གོ་ཙུག༌པ། དག་པ་ཀབ་ཉི་ འགྲུབ་ཕེ་མར་ཤི་དག༌ཉི།

དག་པ་ཀབ་ཉི་ ནཱན་གི་ མཛར་ཅུམ་བི་ལ་ཀབ་ཉི་ དུག་པུ་དང་ དབང་པོ་མ་ཚང་ཁཱན་ ཉི་ཁོ་ར་དང་ མིང་ཀ་ན་བ་ར་ནེ་ལ་ ནཱན་གི་ བྱིན་རླབས་ཉོང༌པེ། ཧང་ཡ་དག་ནེ་ལ་ རོག་ཏེ་བ་ཀི་ ན་ག་ཚ་མང་ཏ་པེ་མར༌བ། ཉི་དྲང་པུ་བ་ལོག་ཉི་ གསོན་པོ་ཨ་ཉི་ ཝུ་ལ་ཀབ་ཉི་ ནཱན་གི་ལོག་ཉི་ཚ་མང་ དཀོན་མཆོག་གེ་ ཉོང་པེ་དག༌ཉི༎

ཨིན་ཆ་ལེག་པུ་གི༌ལ། དག་པ་ཀབ་ཉི་ ཨིན་ཆ་ག་བོརོ་ མ་ཝ་རི་ནེ་ལ་ ཨིན་ཆ་ག་བོརོ་ཆོ་ཝ་ག་ ཧང་ཏེན་ཅོད་པེ་རེ་བེ་ཡ། ཉི་ས་ག་བུ་མ་ཕཱན་མ་ ཉི་ཁི་ཅོད་པེ་བུ་ མ་ན་ཝ་ཨ་དེན་གེ་ སོ་ངོ་བ་ཀི་ གེམ་ཀུན་ཏིན༌ཅ། ཨི་བི་ག་ ཉཱན་པེ་ག་ན་ཅ་གི་ལ་སྨོ་ ཨོ་ཉ་སོ་ངོ་གི་ ཉཱན་ཅེན་དག་ཉི་ གསུངས་མ༌ལ༎