Beliebte Verse in Jenesis 3

Teilen

I feto haree ai huun nee diak, i nia fuan mos furak ba haan, nia hanoin dehan, “Se hau haan ai fuan nee, hau sei sai matenek.” Entaun nia kuu ai fuan nee, nia haan. I nia mos lori baa foo nia laen, i nia laen mos haan.

Hosi animal sira hotu nebee NAI Maromak halo ona iha mundu, samea mak matenek hodi bobar lia tuun-sae. Iha loron ida, samea husu ba feto dehan, “NAI Maromak bandu dehan, ‘Imi la bele haan ai fuan sira iha toos nee’, loos ka lae?”

Hau sei halo o ho feto nee inimigu bebeik. I imi nain rua nia bei oan sira mos nunee. O nia jerasaun sei tata ema nia ain tuban. Maibee feto nee nia jerasaun ida, sei sama rahun o nia ulun.”

I Nai Maromak foo hatene ba feto nee dehan, “Hau sei amenta o nia terus bainhira o isin rua, no amenta moras bainhira o tuur ahi. Maibee bele nunee mos, o sei hakarak nafatin o nia laen. Maski nunee, nia mak sei domina o.”

O sei serbisu too kosar metan sai foin o hetan ai-haan. O halo nunee too o mate. Hau halo o hosi rai, bainhira o mate, o sei fila fali ba rai.”

I Nai Maromak foo hatene ba mane nee dehan, “O la tuir Hau nia orden, maibee o tuir fali o nia kaben nia hakarak, too o haan ai fuan nebee Hau bandu nee. Tanba o nia hahalok nee, o hetan kastigu, i rai mos hetan malisan. Komesa agora too o mate, o tenki serbisu mate aan, foin o bele hetan hahaan. Ho serbisu nunee, foin o bele moris.

I Nai Maromak hatete, “See mak foo hatene ba o dehan o molik? O haan tiha ona ai fuan nebee Hau bandu nee ka?”

Duni sai tiha sira, NAI Maromak haruka Nia anju nebee iha liras baa hein toos nee iha loro-sae nia sorin baa. Maromak tau surik kroat nebee dulas baa-mai, i lakan hanesan ahi. Maromak haruka sira taka tiha dalan tama ba toos nee, tan Nia lakohi ema baa kuu ai-fuan nebee bele foo moris nafatin.

Adão tau naran ba nia kaben ‘Eva’ (nee dehan katak ‘moris’), tanba nia ema hotu-hotu nia inan.