Beliebte Verse in Rí nene̱ 17

Teilen

Ana̱ꞌlóꞌ neꞌne mbá xúgíí rúꞌkhue̱n kajngó mbu̱ꞌyáa̱ ikhaa̱, á gáꞌne xí awúun rí nu̱xkajngaa̱, ma̱goo mu̱xkamaa̱. Gakon máꞌ rí Ana̱ꞌlóꞌ na̱nguá xtáa tsíngua̱ꞌ inuu mbámbáa tsí ikháánꞌlóꞌ.

Jamí ga̱jma̱á majñu̱u̱ mbáwíi xa̱bo̱ niꞌnii̱ mbá xúgíí inii xa̱bo̱, kajngó ma̱ju̱wée̱ꞌ mbá xúgíí inuu numbaa. Wapha máꞌ niꞌgí-mine̱e̱ꞌ nguáná ma̱ju̱wée̱ꞌ, jamí asndo náá jayáa mbaa rí ma̱ju̱wée̱ꞌ gáꞌne.

»Ikhaa Ana̱ꞌlóꞌ tsí neꞌne-ku̱maa numbaa jamí mbá xúgíí rí ríga̱ ná inuu ne̱, ikhaa̱ ñajuu̱n tsí naꞌthán-ñájuun mikhu ga̱jma̱á ju̱ba̱ꞌ. Na̱nguá xtáa̱ ná awúun guꞌwá dxákuun rí nune̱ xa̱bo̱ numbaa

Numuu rí Ana̱ꞌlóꞌ naꞌgí mbá mbiꞌi rí maxudaa mújúun awan ga̱jma̱á numúú mbá xúgíin xa̱bo̱, ga̱jma̱á majñu̱u̱ xa̱biya̱ tsí ikhaa̱ niraꞌwíi̱. Ikhaa máꞌ Ana̱ꞌlóꞌ nasngájmúú mbá xúgíin xa̱bo̱ rí gakon rí niraꞌwíi̱ tsúꞌkhue̱n, ído̱ niꞌnii̱ rí mbayáa̱ mbiꞌyuu̱».

Ikhaa jngó, numuu rí xa̱bo̱ ri̱jyu̱u̱ꞌ Ana̱ꞌlóꞌ ñajwanlóꞌ, na̱nguá gíꞌmaa mu̱ndxaꞌwá-mijnálóꞌ rí Ana̱ꞌlóꞌ jaꞌnii xómá ajwa̱nꞌ mo̱jmo̱ꞌ, o ajwa̱nꞌ miꞌxá, o itsí mbo̱ꞌ, rí nutháá xa̱bo̱ ma̱ꞌne xómá rí na̱ju̱múu̱ ikhii̱n.