Beliebte Verse in Xa̱bo̱ Róma̱ 11

Teilen

Numuu rí Ana̱ꞌlóꞌ neꞌne-ku̱maa mbá xúgíí rí ríga̱. Ga̱jma̱á majñu̱u̱ ikhaa̱ ríga̱ ne̱, jamí drígo̱o̱ máꞌ ikhaa̱ ñajuun ne̱ mbá xúgíí. ¡A̱gu̱ma-mba̱a̱ Ana̱ꞌlóꞌ jámuu mbiꞌi! Xkuaꞌnii gáꞌne.

¡Maphú mba̱a̱ mi̱ndaꞌkho rí na̱ma̱ñuu jamí rí ndaꞌyoo Ana̱ꞌlóꞌ! Asndo nimbáa ma̱xáxóo maꞌthán-makoo rí na̱ma̱ñuu̱, ni máꞌ ma̱xáxóo ma̱froꞌo̱o̱ náá ndayée̱ idxu̱u̱ ga̱jma̱á numuu rí naꞌnii̱.

Á xtáa mbáa tsí ndaꞌyoo rí nandxaꞌwá-mina̱ꞌ Táta̱ rá, o xtáa mbáa tsí niꞌthán-múꞌúu̱n dxe̱ꞌ.

Xkuaꞌnii máꞌ xúge̱ꞌ mangaa, xóó júwa̱ꞌ mbá tikhuun tsí niraꞌwíin Ana̱ꞌlóꞌ ga̱jma̱á numuu rí phú májáan a̱kuii̱n jaꞌñúu̱. Xí Ana̱ꞌlóꞌ niraꞌwíin tsíge̱ꞌ ga̱jma̱á numuu rí phú májáan a̱kuii̱n jaꞌñúu̱, ra̱ꞌkhá máꞌ ga̱jma̱á numuu ñajun rí nuni̱i̱ xúꞌkhue̱n rá. Jamí xí watraꞌwíi̱n ga̱jma̱á numuu ñajun rí nuni̱i̱, ra̱ꞌkhá máꞌ numuu rí májáan a̱kui̱in Ana̱ꞌlóꞌ jaꞌñúu̱ xúꞌkhue̱n rá.

Gakon máꞌ rí nithon-ri̱ya̱ꞌ mbá tikhu ñawúun ixe̱ olíbo̱ máján, rí ñajúún xa̱bo̱ judío̱. A̱ꞌkhue̱n rí ikháánꞌ tsáánꞌ ra̱ꞌkháa xa̱bo̱ judío̱ ñajwaanꞌ jamí xómá ixe̱ olíbo̱ xáná jaꞌníí, nikhuáꞌáánꞌ ná nithon-ri̱ya̱ꞌ ne̱. Kajngó xúge̱ꞌ rá, ndayá mbiꞌyaaꞌ ga̱jma̱á ski̱yu̱u̱ꞌ ajmu̱u̱ ixe̱ olíbo̱ rí máján. I̱ndo̱ó máꞌ numuu rí ma̱xáju̱ma̱a̱ꞌ lá rí ikháánꞌ phú i̱tha̱án gíꞌdoo numaaꞌ xó rí ñawúun ixe̱ olíbo̱ máján. Xí natakúxe̱-mina̱ꞌ, athayáá lá rí ra̱ꞌkhá ga̱jma̱á numaaꞌ ikháánꞌ ndaꞌya ajmu̱u̱ ixe̱ olíbo̱ rí máján, rí ga̱jma̱á numuu ne̱ ikhaa xtaa nathaya ikháánꞌ.