Beliebte Verse in Xa̱bo̱ Róma̱ 12

Teilen

Ma̱xájuwalaꞌ xómá júwa̱ꞌ xa̱bo̱ ná numbaa ríge̱ꞌ, rí ga̱xtiꞌkhu̱u xó rí juwalaꞌ ga̱jma̱á numuu rí na̱gu̱ma-nuxi̱iꞌ rí na̱ju̱ma̱ꞌlaꞌ. A̱ꞌkhue̱n rí ma̱goo mu̱ne̱-nuwiinlaꞌ jamí mu̱ra̱ꞌwíí mu̱ne̱laꞌ rí nandoo Ana̱ꞌlóꞌ, ikhaa máꞌ rí máján, rí mitsaan jamí rí káxe̱ mbá jayu.

Ikhaa jngó, a̱ngui̱nꞌ, ga̱jma̱á numuu rí phú nañáwíin a̱kui̱in Ana̱ꞌlóꞌ jaꞌyalóꞌ, na̱tha̱n-jáñalaꞌ rí gu̱xna̱xílaꞌ mbá xúgíí rí ñajwanlaꞌ ná inuu Ana̱ꞌlóꞌ. Ga̱nindxu̱u̱ xuyalaꞌ xómá mbá tsi̱gi̱jña̱ꞌ rí ndaꞌya jamí rí jaꞌwu, xómá rí phú na̱ni̱gu̱u̱ꞌ Ana̱ꞌlóꞌ, numuu rí xkuaꞌnii phú jaꞌyoo rí mu̱ne̱-mba̱a̱laꞌ ikhaa̱.

Ga̱ꞌdxalaꞌ ná rí ga̱jma̱á mbá jañii a̱kia̱nꞌlaꞌ guáꞌthi̱ínlaꞌ. Gu̱ne̱ gakhe̱ a̱kia̱nꞌlaꞌ ído̱ rí nanújngalaꞌ ná awúun gajmá, jamí mu̱xúni̱ꞌñáálaꞌ rí nu̱tha̱n-jáñíílaꞌ Ana̱ꞌlóꞌ.

Ma̱xáta̱tsi̱ꞌñá-mina̱ꞌ rí ma̱ꞌngo̱o̱ rí xkawe̱ꞌ inaaꞌ, rí ga̱ꞌnga̱a̱ꞌ ikháánꞌ inuu rí xkawe̱ꞌ ga̱jma̱á rí máján.

Ga̱galaꞌ ju̱ya̱-mijnálaꞌ xómá nandúún juya-mijná mbá guꞌwíin xa̱bo̱. Gu̱ya̱-maku-mijnálaꞌ jamí gu̱ne̱-mba̱ꞌwo̱-mijnálaꞌ.

Ga̱galaꞌ ju̱ya̱-mijnálaꞌ ga̱jma̱á mbá jañii a̱kia̱nꞌlaꞌ. Ma̱xáni̱ꞌgua̱ꞌlaꞌ rí mu̱ne̱laꞌ rí xkawe̱ꞌ, jamí mu̱xúni̱ꞌñáá-ru̱ne̱laꞌ rí máján.

Asndo náá máꞌ na̱ꞌngo̱o̱, gu̱xna̱-míjnálaꞌ tsiakhe̱ rí ma̱juwalaꞌ tsímáá gajmiálaꞌ mbá xúgíin xa̱bo̱.

A̱ngui̱nꞌ, mu̱xúrthanga̱alaꞌ máꞌ ikháanꞌlaꞌ ná inuu xa̱bo̱ tsí niꞌñalaꞌ rí ra̱máján, rí gu̱ni̱ꞌñáálaꞌ Ana̱ꞌlóꞌ ma̱ꞌne-mbánuu ga̱jma̱á numalaꞌ. Numuu rí xkuaꞌnii ka̱ma naꞌthán ná i̱yi̱i̱ꞌ ajngóo Ana̱ꞌlóꞌ: «Ikhúúnꞌ ma̱rthanga̱a ná inúú xa̱bo̱ rí nene̱. Ikhúúnꞌ ma̱ne̱ rí mu̱drígú xa̱bo̱ xómá jaꞌyoo rí nene̱».

Gu̱xna̱-míjnálaꞌ tsiakhe̱ jamí ma̱xáꞌskalaꞌ. Gu̱ne̱laꞌ ñajuun Táta̱ ga̱jma̱á mbá jañii a̱kia̱nꞌlaꞌ.

Ga̱jma̱á numuu ñajun rí nixníꞌ Ana̱ꞌlóꞌ ma̱ne̱, na̱tha̱nꞌlaꞌ mbá xúgiáanꞌlaꞌ rí nimbáa ma̱xákúxe̱-mina̱ꞌ rí ma̱ju̱mu̱u̱ jaꞌya-mina̱ꞌ rí i̱tha̱án gíꞌdoo numuu xó rí i̱ꞌwíin. Rí ga̱ju̱mu̱u̱ jaꞌya-mine̱e̱ꞌ xómá phú jaꞌyoo, jamí ga̱ju̱mu̱u̱ xómá awan rí nijanáá ñajun mbámbáa numuu rí wéje̱ a̱kui̱in ná inuu Ana̱ꞌlóꞌ.

Mu̱xúrthanga̱alaꞌ ná inuu nimbáa rí ra̱máján niꞌñalaꞌ. Gu̱xna̱-míjnálaꞌ tsiakhe̱ rí mu̱ne̱laꞌ rí máján ná inúú mbá xúgíin xa̱bo̱.

Gu̱ru̱wa̱a ju̱ma̱ꞌlaꞌ gajmiálaꞌ i̱ꞌwíin. Mu̱xúxu̱xí-mijnálaꞌ, rí ga̱mbáxa̱ꞌ gajmiálaꞌ tsí ngíníi. Ma̱xáju̱ma̱ꞌlaꞌ rí ikháanꞌlaꞌ phú na̱ma̱ñalaꞌ mbá xúgíí.

Ikhaa jngó, «Xí xa̱bo̱ tsí gíꞌdáán sia̱nꞌ na̱xki̱dxu̱u̱, araxnáa̱ guma mi̱khui̱i̱. Xí najándawoo̱, araxnáa̱ yaꞌsi ma̱ga̱a̱n. Xí xkuaꞌnii ithane̱, ma̱tha̱ne̱ rí ma̱ꞌne maña̱ꞌ inuu̱ numuu rí na̱ti̱yu̱u̱ꞌ».

Gu̱nda̱ꞌa̱álaꞌ Ana̱ꞌlóꞌ rí ma̱ꞌne-tsakun-rámii tsí nune̱-ngínáaꞌlaꞌ. Gu̱nda̱ꞌa̱álaꞌ Ana̱ꞌlóꞌ rí ma̱ꞌne-tsakun-rámii̱ jamí mu̱xúxna̱-maꞌíi̱nlaꞌ. Ga̱ꞌdxu a̱kia̱nꞌlaꞌ gajmiálaꞌ tsí nadxu a̱kui̱ín, jamí gu̱mbi̱ya̱ꞌ gajmiálaꞌ tsí nu̱mbi̱ya̱ꞌ.

Gu̱mbáñúúlaꞌ xa̱bi̱i Ana̱ꞌlóꞌ ga̱jma̱á rí ndaꞌñúú. Ga̱juwa-na̱ma̱ñalaꞌ rí mu̱drígúun ná guꞌwálaꞌ xa̱bo̱ tsí naguwá i̱mba̱ janíí.

Rí xuyuu xa̱bo̱ phú mbaꞌa xtóo ne̱ kajwa̱a̱, i̱ndo̱ó máꞌ numuu rí ra̱ꞌkhá mbóó inii ñajun naꞌne mbá xúgíí xtóo xuyuu xa̱bo̱. Xkuaꞌnii máꞌ mangáanꞌlóꞌ, maske máꞌ phú mbaꞌáanꞌlóꞌ, mbáwíi máꞌ xa̱bo̱ ñajwanlóꞌ ga̱jma̱á nindxu̱u̱ Krísto̱, jamí mbámbáa tsí ikháánꞌlóꞌ kajwa̱a̱ gajmíi̱ mbá xúgíin.