Beliebte Verse in Oknayene Ibo 15

Teilen

Dugo, Abram ye Yawe pre meduglkwa. Pre meduglko, Yawe ye Abram pre meduglkwa kandre, yoba du kaima moglmedi kanugwa.

Ana okuo Abram kor moglko, ye ogumuglomugl eruko, Yawe ka ta dugo, prukwa. Yawe yegl dugwa, Abram yo, ene kudugl goglkro! Na awaglenen mere yegl moglsre, ene kugl bogl te moglka. Te moglsre, na ama ene kana duglo boglnga pre ere wakai ere tenaluwe di, yegl dugwa.

Didre, ye Abram auro i pi meda edidre, yegl dugwa, Ene kan kamun mitna ibo edo. Kugl kuri kerenatnga kuno erabo? Keranatnga kuno erekrabere yoba ene gawanma kerenaiglkwa ama kuno erekrabiwe dugwa.

Abram yegl dugo, Yawe aglke kor ka ta Abram di te, yegl dugwa, Ene nigl kogonen yagl i, taraglnen ya againen ta ikrabuka. Enene gak ta kuratnga. Yegl pre ene gogln, ene wan ye taraglnen idre, againen inabiwe dugwa.

Kudugl podo goglko, Yawe ye Abram yegl di togwa, Na ka ta di tebo, ene pre pogl sinatnga. Ene gawanma okuo ede kantri ta yoba pere makano yenabara pi moraiglkwa. Meglbi, makan nem ene gawanma ye nigl kogono yoba moraiglmedi si kane sidre, mabuno kide ere tedre, bugla yugu 400 mabuno yegl mere eraiglkwa.

Dugo, Abram di ikne ede, yegl dugwa, Yagl Kade Yawe yo, ene siragl mere ere wakai ere naratne? Na gak ta natngo, kuglkrika. Yegl pre na goglbo, na nigl kogona yagl ta Elieser we digwa, taun Damaskus nem moglkwa i, ye taraglnana idre, againa inabuka pamiwe di, yegl dugwa.

Ana igne i Yawe ye Abram ka kaima di te padigl, yegl dugwa, Na makan magigl i mudu ene gawanma tenagledi kaur si kodiga. Gabano numa ikne nigl kebra Isip bina omara i panan, numa ikne nigl podo Yufretis we dimara panabuka.

Te, ene gawanma ede kantri pere ta enaiglkwa i, tabre ta ede ikne ukraiglkwa. Ye pi meglbi, ene gawanma i, ye gawanoma okuo yugobuno namba 4 mina moraiglkwa i, ede ikne unaiglkwa. Amor yoba magigl meglkwa i, ye mabunono kide u podo pikrukwa. Ye mabunonono kide u podo enan, ene gawanma ede ikne u, makanono inaiglmiwe di, yegl dugwa.