Beliebte Verse in Oknayene Ibo 17

Teilen

Ana Abram bugla yugu 99 ne kodugwa igne, Yawe ye moglmara plau didre, ka yegl di togwa, Na God Yobuglna Podo Paugwa moliwa. Na kana duglo boglsre, mabuno na wakai kaniga i ero! dugwa.

Te, ene kagn we, yoba Abram we digwa ba kagn i kide kodidre, kagn Abraham we dinaiglkwa. Na ene gawanma mere kide moglsre, yugobuno pere pere moraiglmedi ere edenaglka pre kagn kor Abraham we dinaiglkwa.

Na ka kaima di te padiglka i, ene pre panan, ene gawanma okuo moraiglkwa pre ama aimadi panabuka. Na ene Godnen moglsre, ene gawanma okuo moraiglkwa ama Godno moraglka.

Na we, na ka kaima ta ene di te padiliwa. Ene gawanma ede bage bage pi, yugobuno pere pere mere kide moraiglkwa.

Yegl dugo, God di ikne ede, yegl dugwa, Ene kaima dinga ba ene ebin kidagl Sara ene wan ta kurabuka. Ye kuran, ene kagie Aisak we dinatnga. Na ka kaima di te padiglka ikra, yagl gak i ya ye gawama okuo moraiglkwa i pre aimadi panabuka.

Na ene gawanma Godno moglbo, na ama dumo Kenan magigl i etne suna wan motnga i, ene ya ene gawanma mudu tenaglka. Erme makan i, yoba pere makano yogwa ba mudu ene gawanma bogl makanono aimadi yenabuka pre tenagle di, yegl dugwa.

God yegl dugo, Abraham aglke kor yage kobragai padre, guma dra i pi makan mina paduglkwa. Yegl erukwa ba ye gaugl sim ersre, yegl kina gudu prukwa, Na bugla yugu 100 nenaglka igne na ka kaima gak ta kuraglo? Te, Sara bugla yugu 90 ne kodugwa. Ye ama ka kaima gak ta kurabo mo, yegl kina gudu prukwa.

Te, God ama ere mogl, ka yegl dugwa, Ana ene ebin kidagl Sarai we, ene erme kagie Sarai i kide kodidre, kagie Sara we dinatnga.

Ene gagno puduo gagie beglbi, ene praiglkwa, God ka kaima di noro paduglkwa ikra nono pre pamedi praiglkwa.

Ismael yegl mere ere wakai ere tenaglka ba na ka kaima okna di te padiglka ikra, Aisak pre panabuka. Sara erme bugla yugu swara mere moglsre, yagl gak i kurabiwe di, yegl dugwa.

Yagl gak mudu ene gawanma okuo kuraiglkwa i, ade 8-pela meglbi, ene gagno puduo gagie boraiglkwa. Ene gawanma pre ya te, ene nigl kogono yoba tau yagl gak kuraiglkwa ya te, yoba yugobuno pere nigl kogono yoba topo boramnedi yuibi, ene topo sinaiglkwa i, pra akie pre diga. Ene yegl eribi, ene gagno wagle kandre, yegl praiglkwa, God ka kaima di noro paduglkwa i, nono pre aimadi panabedi praiglkwa.