Beliebte Verse in Oknayene Ibo 18

Teilen

Na Yawe moliwa. Na siragl ta eragledi praglka i siragl mere kuno erekrabe? Na bugla yugu swara ta mogl, aglke ede ikne unagle diga ikra we, Sara wam ta kuran, unaluwe di, yegl dugwa.

Ka dugwa prisre, ye gaugl sim erukwa. Abraham ya Sara, suo akie kidagl kaima miurko, Sara gak kurabuka igne dudugwa. Yegl pre Sara gaugl sim ersre, yegl kina gudu prukwa, Na kidagl yeigo, na yagl kadena Abraham ama kidagl yogo, erukwa. Yegl pre na gak ta kuglsre, gun yenaglka kuno erabo? yegl kina gudu prukwa.

Abraham gawama mere kide moglsre, yoba giglede ta moraiglkwa. Te, na Abraham mina yoba yugobuno pere pere uglo koglo koglo meglkwa i, ere wakai ere tenaglka. Te, na Abraham kere iga i, ye gagiglma ya gawama okuo moraiglkwa di tenan, na kana duglo boglsre, mabuno wakai ya mabuno du keme eraiglkwa pre kere iga. Di tenan, ye yegl eribi, na Abraham ere wakai ere tenagle diga ikra ye gawama i ere tenaglka. Abraham yegl pre kere iga pre na kuri ta mogl, taragl swara ta eraglka i, Abraham di nodugl ede tenaglka pamiwe di, yegl dugwa.

Pai miurko, Abraham ye Yawe moglmara magigl pidre, yegl dugwa, Ene yoba mabuno kide erikwa si goglsre, yoba mabuno wakai erikwa i ama si goglsre, ka kaima yegl eratno? Yoba mabuno wakai erikwa 50-pela dumo Sodom suna ta meglbi, ene ka kaima yoba 50-pela i pre dumo kanige erekre, ere kide ere kodinatno?

Abraham yegl dugo, Yawe di ikne ede, yegl dugwa, Yoba mabuno wakai erikwa 50-pela ta Sodom suna kipai meglbi, kanibo, yoba i pre dumo kanige ersre, yoba ta si goglkragle dugwa.