Beliebte Verse in Luugaay W'injiil 6

Teilen

Hiina, aree ittiyiw tiyadna. Daayi abaar, ataabna, hiddaab atyawawꞌaana, teetfiifna hiina, beet tuuna yꞌayeekna beeti ituufif tindi. Wꞌabaar itiyawneenaay dehookna abbarami tindi.” idi.

Uutak udaayi, uginꞌiyooh dibiyaab ikatiyeet tudaayiinaaytii daayiina mhaliini. Uutak wꞌamaag, uginꞌiyooh dibiyaab ikatiyeet tumaagtii amaagnaayt mhaliini. Uuyaf uginꞌiib teefeet toona hadiidiini.” idi.

Laakiin yꞌashooyeekna areeyaana, daayiib weerna, siisalifna aree kwis baasꞌayaamaana. Malya wꞌijruukna guudi indi, aree Winneet Utageegaay ar iikti tiyadna. Baruuh baliib ibaahamiidaawwa yꞌamag daawwa dehaay nꞌakwmanaayiini.

Baabuukna rahiim ikatiyeet toonaatiit, rahiimaab akeena.” idi.

Yasuuꞌa “Baahaakamaana, aree haakamami kitdiina. Baaꞌankiraana, aree ankirami kitdiina. Afooyaana, aree afoomi tiyadna.

Yasuuꞌa, “Laakiin baraakna uudehay aneeb yꞌisnaakiir andi hookna: Yꞌashooyeekna areeyaana! Baliib iroobanaayeekna daayiinaayt weerna. Oodehay wꞌinꞌiitookna deharna. Baliib amaag hookna sakeen dehaay siileelaana.

Uudehay dehookna baꞌiidꞌiin tiyadneet toona, baraakna han dehaay dꞌiina.

Gaal udaraagook oongaal inthꞌeek, ooraaw han hiiyya! Gaal sideeriyaaytook iniineek, gamiisook han baahabiya. Tak naat hook harriiwihoob, toona teharriiweet hiiyya! Gaal bariitookna iniineek, aguur hooy baahariiwa.

Yasuuꞌa “Daayi hindi amaag firaay haay yꞌiini kiihaay. Amaag hindi aree daayi firaay haay yꞌiini kiihaay.

Hindiibka ufiraaysooh itookkiin. Uudehay tinaweetee tiin kiimriina, tari wꞌadaarii inab kiimriin.