Beliebte Verse in Iroomaani 12

Teilen

Oon tuduniyaati dehay tꞌiiteeb baaꞌakeena, laakiin Ukwaasana usalal whaay teekwinneeb bagayyari. Malya Ukwaasana dꞌuuy hookna harriiweet toonaawwa tudaayiinaay barooh afirhistiniitwa timmiima iikan tiyadna.

Aflaay isanaayaan, Ukwaasanaayt rhamaati sabbii, igarooyeekna umidhhaniit karaamaateeb tifarꞌaneet toona sooyani hookna. Taan bataah Ukwaasanaay dehaay mugaddasaat ikatiina aree Ukwaasana afirhiseen. Uun baruuh Ukwaasana haay tꞌabidni sidki salal ikati.

Isꞌayaay afirhaana, igwirhaayeeb tarmuumaab dꞌiina, aree kassooh oodoor siileelaana.

Tuumaag bitgariib hookna, laakiin toomaag daayiinaaytii giribna.

Isanaayeet taktak areeyaana. Oodehay eeraw igarooyeekna mhakwal hamooysaana.

Uureer ibakii usidkii ikatiyeet toonaati. Toomaag ribna, tudaayiinaaytiib kaleewamaana.

Kasseeh oodehayi geeb mꞌasgiib tikweerni jillaay, kastooh tꞌadgirteena dꞌiina!

Yaa yꞌarawaan, illaat baakwiseena, laakiin Ukwaasana gadabiit bajasaayi. Tuun batuuh uktaabiib kataabtu: “Tꞌilla aniita, ani itkwis andi.” indi Wꞌankwana.

Akraab shagaamaana, hasraab baaꞌakeena. Wꞌankwana kassooh uginꞌiisookna daayiib shagaamaana.

Ani attiyeewiyaab akatiyeet tinꞌimaati sabbii, bareekna kasseekna andi hookna: Ugarooyook hallaay tehayeeb whaaliisookka hayiskaab baahiisa. Laakiin ugarooyook daayiib hooy kwina. Ukwaasana hiiyyaayook ikatiyi wꞌiimaani abaariit hayꞌaatii hakima.

Toomaag aree weet maagtii baakwasiina. Digwagwna! Kasseeh oodehayi suurii daayiina dꞌiina.

Gaal uraawi geeb shiboobnaat kwiriina. Kibir baadꞌiina, laakiin oodehay imiskiina araweesamaana. Igarooyeekna fagaraab baahiisaana!

Laakiin uuktaab bak han indi: “Wꞌashooyuuk hargwaab ikatiyeek tamsaa, yaweeb ikatiineek yam gwꞌasaa. Een tiwariyeek, balooleent dhhaliiti koom bariiyooh kehii tififa.” indi.

Amaag iwariineekna baliib deharna! Deharna aree baaꞌatna. Baliib yꞌafirhaana geeb afirhaana, baliib iwaaweenni geeb waawaana.

Ukwaasanaay dehay shanhatiyaat ibariin umraayookna adhidhna. Igirbaab hadarna.

Hinin kassaan gaal garooy tehooyteeb gwidaana nibari, kastaah taan taana gaatka shagaab ibariin. Oontꞌaaneet hinin gwidaab nikatiyeek han, Umasiihiib amshawwaaytiit bariiyooh geeb gaal garu nikati. Gaal garooyt hooyteeb teefeet toonaatiit, hinin kassaan taktakeeb nimeeshiwi.