Hechos 16
16
Chꞌin Timoteo sákjui̱ko Pablo la ko Silas
1Ndá kjuíji chꞌin Pablo chjasin Derbe la ko Listra. La ntiha kꞌuitja chꞌan ijnko nkexro tinkáchónki Jesús itꞌin Timoteo. Jehe chꞌan mé xje̱en ijnko tjan judía tinkáchónki Ìnchéni, la itꞌé chꞌan mé griego. 2Kaín ti sin tjejó ti chjasin Listra la ko Iconio mé chrónka sin kixin Timoteo mé ijnko chojni jína. 3Ndá chꞌin Pablo mé tjinkaon sáchrókjuiko ti chꞌin Timoteo. Ndá senó kꞌue̱to̱an chꞌan kixin itsa Timoteo ti xro̱ye kixin tso̱nínkakonhña kaín ti sin judío ti chjasin sátsji sin kixin nohe sin kixin itꞌé Timoteo la griego. 4Ndá sákjuí sin la kaín ti chjasin kꞌuatsínka sin la chrónka sin ti nkehe tsíkꞌe̱to̱an ti sin apóstol la ko ti sin tꞌe̱to̱an kuènté ti ni̱nko Jerusalén. 5Ndá xi̱kaha ti chojni tinkáchónki Ìnchéni la a̱ntsí kuitekaon sin la ko nkojnko ña̱o tinkákótsjé sin.
Kꞌuíkon Pablo ijnko chojni Macedonia
6A̱ndá Ncha̱kuén Díos kjuajonhña kjuachaxin kixin tsjako sin itén Díos nó Asia, la kꞌuatsínka sin nó Frigia la ko Galacia. 7A̱ndá ti ó kjuíji sin Misia la kjuénka̱yáxin sin sáchrokjui sin nó Bitinia, kjánchó Ncha̱kuén Ìnchéni Jesús la kjuajonhña kjuachaxin. 8Méxra̱ ikjín kꞌuatsínka sin ti itjen Misia la kjuíji sin Troas chrínta nda̱ñao. 9Ndá ti tie a la ncha̱kuén Díos kꞌuíkonxín chꞌin Pablo ijnko chojni Macedonia tjexín to̱té chrónòa: “Tꞌatsínka chjasin Macedonia tsjinki̱tsani”, ichro. 10A̱ndá ti ó kꞌuíkon chꞌin Pablo tíha, la tuénxín kóyaxíhini la sákjuini Macedonia kixin noheni kixin Díos tjinkaon kixin ntiha tsjakoni ti itan jína tsaáxin chojni. [Janhan Lucas kꞌuájikotóxi̱ni ti sin kíchóni nkuíxín ti sákjuí sin.]
Chꞌin Pablo la ko Silas kꞌuejó sin Filipos
11Ndá kꞌuaxrjexíni chjasin Troas la kꞌuitꞌótjeni ijnko ntabarco la sákjuini ijnko nonte intsí itjen nko̱siñe nda̱ñao itꞌin Samotracia. Ndá ti ña̱o chrꞌéxi̱n kjuíjini chjasin Neápolis. 12Ndá ti ó ntiha la sákjuini chjasin Filipos, ti chjasin tꞌe̱to̱an ti sin romano, la ti chjasin imá tjetoan kuènté Macedonia, la ntiha kꞌuéjoni iso ña̱o. 13Ndá ti ña̱o to̱kꞌéhe chojni la kꞌuaxrjexíni Filipos la sákjuini ijnko chrínta nda̱río kixin ntiha tsíkuéhen sin tso̱nkotsé sin nixje̱he̱ sin Díos, la kꞌuejótja̱xi̱ni la kjua̱ko̱he̱ni iso chojnichjin tsíkónkotsé ntiha. 14La ijnko ti tjachjin mé itꞌin Lidia, tsíkji̱xi̱n Tiatira, la nchekji tjan ika kjátse tié náxrjón. La jehe tjan xráxinkaon tjan Díos la jína tjetihin tjan, la Ìnchéni kjuakitje̱he ti a̱sén tjan la kuitekaon tjan ti nkehe kjuako chꞌin Pablo. 15Ndá jehe tjan la ko kaín ti sin tjejó ndo̱e tjan mé kuikite sin, ndá chrꞌéxi̱n la chrónoéhe̱ sin ti chꞌin Pablo ndáchro sin:
―Ti tꞌíkuan kixin chaxín tinkáchónkini Ìnchéni la jína chrókuito̱ha ndo̱eni.
Ndá xi̱kaha kuíto̱heni ntiha.
16Ndá ijnko ña̱o ti ó sákjuini ti nchia tsonixje̱xíni Díos, la xétani ijnko tjarisoá chꞌexín xra̱, chónta ncha̱kuén jínahña la tíha tónoexín tjan, la itsjé chichaon tjacha ti ìnché tjan kixin xi̱kaha xritónohe tjan. 17Ti tjarisoá a la kjuankíxin chréhe̱ tjan chꞌin Pablo la ko jeheni, la itsen ndáchro tjan:
―Ti sin i mé chꞌehe sin ixra̱ Díos itjen nkaya nka̱jní la tjako sin ijnko nti̱a jína tsaáxin chojni.
18La xi̱kahó ichro tjan tꞌóyako tjan chréhe̱ tjan itsjé ña̱o. Ndá kóchi̱hi̱n chꞌin Pablo la nkátjíá chꞌan nixje̱he̱ chꞌan ti ncha̱kuén jínahña, ndáchro chꞌan:
―Kjuachaxíen ihni̱é Jesucristo, tétua̱hán tsꞌaxrjéxian ti tjan i.
Ndá tuénxín kꞌuaxrje ncha̱kuén ti jínahña la kuíto̱he ti jehe tjan.
19Landá ti ó kꞌuíkon ti ìnché tjan kixin í tsjachahya sin chichaon kuènté ti ixra̱ ichꞌe tjan tónohe tjan, la kónínkaon sin la itsé sin chꞌin Pablo la ko Silas la sákjuíko sin ti nda̱sin ijié tjejó ti sin tꞌe̱to̱an kuènté chjasin. 20Ndá ti ó kjuíji sin ti tjejó ti sin juez la ndáchro sin:
―Ti sin judío i mé imá tjixrónkáxin sin ti chjaséni ntihi 21la tjako sin ijnko nkehe tsíkuénhñani la ko tóxrìe̱nhñani kixin jeheni la chojni romano.
22A̱ndá kaín ti sin tjejó ntiha kónínkakohen sin ti sin chronka itén Díos. Ndá ti juez kꞌue̱to̱an kixin tsꞌaxrjehe sin ika la tsꞌekoxín sin ntasé. 23Ndá ti ó kjuixin kꞌuekon sin, ndá kꞌuíxehen sin ndo̱echjiso la ti sin juez kꞌue̱tue̱hen ti nkexro tꞌayakohen ntiha kixin jína chrókꞌuayakohen sin ti sin a. 24La ti ó kuíhin ti nkexro tꞌayakohen ndo̱echjiso kixin xi̱kaha kꞌuítoan, la chrꞌáxehen chꞌan ti sin a hasta ijnko cuarto itjen chríkán kixin tsꞌaxrjehya sin la ko kꞌue̱te̱xin chꞌan to̱té sin ti inta tjejóxrja.
25A̱ndá ti ó kꞌaxrotjen la chꞌin Pablo la ko Silas nixje̱he̱ sin Díos la ko itsje sin himno. La ti íso sin tjejóchjina la tjejótihin sin, 26ndá xrína̱hña imá kꞌuínki nonte la kjuínchekꞌinki kuenté ti xránkíxixín ndo̱echjiso, la tuénxín xitje̱he̱ kaín puerta la ko kꞌuánótjen ti cadena síchróntetoxín kaín ti sin tjejóchjina. 27Ndá ti nkexro tꞌayakohen ti ndo̱echjiso mé kꞌuàya chꞌan la ti ó kꞌuíkon chꞌan kixin tsíxitje̱he̱ ti ndója ndo̱echjiso, la kuakitsje chꞌan ti espada kuènté chꞌan la chrókꞌóñá chꞌan a̱sén chꞌan kixin kjuénka̱yáxin chꞌan kixin ó tsíkinká kaín ti sin síchjina. 28A̱ndá chꞌin Pablo kꞌuéya, ndáchro:
―Náhí, chꞌehya xi̱kaha; kaíni tjejóni ntihi ―ichro chꞌan.
29Ndá ti nkexro tꞌayakohen ndo̱echjiso la kjuanchia xrohi tsꞌinkaséñaxín, la kuinká chꞌan kꞌuíxehen chꞌan ti ndo̱echjiso la síxrànka̱ chꞌan chrakon chꞌan, kjuákꞌexín chꞌan tochꞌin chꞌan to̱té chꞌin Pablo la ko Silas. 30Ndá tuénxín kuakitsjexín chꞌan sin ntiha la kjuanchankí chꞌan:
―¿Xá nkehe chrókjui̱tꞌa ndá chróchonta ti kjuachón?
31Ndá kjuáte̱he sin ndáchro sin:
―Titekaoan Ìnchéni Jesucristo la tsaá jaha la ko kaín ti sin tjejó ndo̱a.
32Ndá kjua̱ko̱he̱ sin ti nkexro a la ko kaín ti sin tjejó ndo̱e chꞌan ti itan kuènté Ìnchéni. 33La kjónté na̱xa̱ sítie la ti nkexro tꞌayakohen ndo̱echjiso la kjuínchekꞌíjmá ti tsíchrítꞌo̱, la tuénxín jehe chꞌan la ko kaín ti sin tjejó ndo̱e chꞌan mé kuikite sin. 34Ndá sákjuíko chꞌan sin ndo̱e chꞌan la kjuajon chꞌan nkehe kjónie sin, la imá chéhe̱ chꞌan la ko kaín ti sin ndo̱e chꞌan kixin kuitekaon sin Díos.
35Ndá ti nchítjen la ti juez kꞌue̱tue̱hen ti sin policía sátsjitsjehe sin ti nkexro tꞌayakohen ndo̱echjiso la tsochenka sin kixin chrókjuajon chꞌan kjuachaxin tsꞌaxrje chꞌin Pablo la ko Silas. 36Ndá ti nkexro tꞌayakohen ndo̱echjiso la chénka chꞌan ti chꞌin Pablo ti nkehe chrónka sin, la ndáchro chꞌan:
―Ti sin juez mé kꞌue̱to̱an sin kixin tsjánjua kjuachaxin sátsjira. Méxra̱ kjuaxróxin sátjira ―ichro chꞌan.
37Kjánchó chꞌin Pablo ndáche ti sin policía:
―Jeheni, chojni romanoni, mé kjuate sin ti jeheni nkayakon nchónhña chojni, la kjuanchankíhya sin nkehe ijie̱ chóntani, la chrꞌáxehen sin ti jeheni ndo̱echjiso. A̱ndá ijie la, ¿á imó tsakitsje sin ti jeheni ní? Náhí. Itsi sin ntihi la jehe sin tsakitsje sin ti jeheni ―ichro chꞌin Pablo.
38Ndá ti sin policía mé sákjuichenka sin ti sin juez nkehe ichro ti sin tjejóchjina. Ndá imá chrákon sin ti ó kuíhin sin kixin ti sin a mé chojni romano. 39Ndá ikjuí ti sin juez la chrónoéhe̱ sin chꞌin Pablo la ko Silas kixin tso̱nínkakonhña sin kixin xi̱kaha kóhen, ndá kuakitsjexín sin ntiha la chrónòa sin kixin tsꞌaxrjexín sin ti chjasin. 40Ndá ti ó kꞌuaxrjexín ndo̱echjiso ti chꞌin Pablo la ko Silas la sákjuí sin ndo̱e ti tjan Lidia. Ndá jína nixje̱he̱ sin ti sin a la imá kóchéhe̱ sin, ndá chrꞌéxi̱n sákjuixin sin ntiha.
Zur Zeit ausgewählt:
Hechos 16: poeNTplus
Markierung
Teilen
Kopieren
Möchtest du deine gespeicherten Markierungen auf allen deinen Geräten sehen? Erstelle ein kostenloses Konto oder melde dich an.
© 2016, Wycliffe Bible Translators, Inc. All rights reserved.
Hechos 16
16
Chꞌin Timoteo sákjui̱ko Pablo la ko Silas
1Ndá kjuíji chꞌin Pablo chjasin Derbe la ko Listra. La ntiha kꞌuitja chꞌan ijnko nkexro tinkáchónki Jesús itꞌin Timoteo. Jehe chꞌan mé xje̱en ijnko tjan judía tinkáchónki Ìnchéni, la itꞌé chꞌan mé griego. 2Kaín ti sin tjejó ti chjasin Listra la ko Iconio mé chrónka sin kixin Timoteo mé ijnko chojni jína. 3Ndá chꞌin Pablo mé tjinkaon sáchrókjuiko ti chꞌin Timoteo. Ndá senó kꞌue̱to̱an chꞌan kixin itsa Timoteo ti xro̱ye kixin tso̱nínkakonhña kaín ti sin judío ti chjasin sátsji sin kixin nohe sin kixin itꞌé Timoteo la griego. 4Ndá sákjuí sin la kaín ti chjasin kꞌuatsínka sin la chrónka sin ti nkehe tsíkꞌe̱to̱an ti sin apóstol la ko ti sin tꞌe̱to̱an kuènté ti ni̱nko Jerusalén. 5Ndá xi̱kaha ti chojni tinkáchónki Ìnchéni la a̱ntsí kuitekaon sin la ko nkojnko ña̱o tinkákótsjé sin.
Kꞌuíkon Pablo ijnko chojni Macedonia
6A̱ndá Ncha̱kuén Díos kjuajonhña kjuachaxin kixin tsjako sin itén Díos nó Asia, la kꞌuatsínka sin nó Frigia la ko Galacia. 7A̱ndá ti ó kjuíji sin Misia la kjuénka̱yáxin sin sáchrokjui sin nó Bitinia, kjánchó Ncha̱kuén Ìnchéni Jesús la kjuajonhña kjuachaxin. 8Méxra̱ ikjín kꞌuatsínka sin ti itjen Misia la kjuíji sin Troas chrínta nda̱ñao. 9Ndá ti tie a la ncha̱kuén Díos kꞌuíkonxín chꞌin Pablo ijnko chojni Macedonia tjexín to̱té chrónòa: “Tꞌatsínka chjasin Macedonia tsjinki̱tsani”, ichro. 10A̱ndá ti ó kꞌuíkon chꞌin Pablo tíha, la tuénxín kóyaxíhini la sákjuini Macedonia kixin noheni kixin Díos tjinkaon kixin ntiha tsjakoni ti itan jína tsaáxin chojni. [Janhan Lucas kꞌuájikotóxi̱ni ti sin kíchóni nkuíxín ti sákjuí sin.]
Chꞌin Pablo la ko Silas kꞌuejó sin Filipos
11Ndá kꞌuaxrjexíni chjasin Troas la kꞌuitꞌótjeni ijnko ntabarco la sákjuini ijnko nonte intsí itjen nko̱siñe nda̱ñao itꞌin Samotracia. Ndá ti ña̱o chrꞌéxi̱n kjuíjini chjasin Neápolis. 12Ndá ti ó ntiha la sákjuini chjasin Filipos, ti chjasin tꞌe̱to̱an ti sin romano, la ti chjasin imá tjetoan kuènté Macedonia, la ntiha kꞌuéjoni iso ña̱o. 13Ndá ti ña̱o to̱kꞌéhe chojni la kꞌuaxrjexíni Filipos la sákjuini ijnko chrínta nda̱río kixin ntiha tsíkuéhen sin tso̱nkotsé sin nixje̱he̱ sin Díos, la kꞌuejótja̱xi̱ni la kjua̱ko̱he̱ni iso chojnichjin tsíkónkotsé ntiha. 14La ijnko ti tjachjin mé itꞌin Lidia, tsíkji̱xi̱n Tiatira, la nchekji tjan ika kjátse tié náxrjón. La jehe tjan xráxinkaon tjan Díos la jína tjetihin tjan, la Ìnchéni kjuakitje̱he ti a̱sén tjan la kuitekaon tjan ti nkehe kjuako chꞌin Pablo. 15Ndá jehe tjan la ko kaín ti sin tjejó ndo̱e tjan mé kuikite sin, ndá chrꞌéxi̱n la chrónoéhe̱ sin ti chꞌin Pablo ndáchro sin:
―Ti tꞌíkuan kixin chaxín tinkáchónkini Ìnchéni la jína chrókuito̱ha ndo̱eni.
Ndá xi̱kaha kuíto̱heni ntiha.
16Ndá ijnko ña̱o ti ó sákjuini ti nchia tsonixje̱xíni Díos, la xétani ijnko tjarisoá chꞌexín xra̱, chónta ncha̱kuén jínahña la tíha tónoexín tjan, la itsjé chichaon tjacha ti ìnché tjan kixin xi̱kaha xritónohe tjan. 17Ti tjarisoá a la kjuankíxin chréhe̱ tjan chꞌin Pablo la ko jeheni, la itsen ndáchro tjan:
―Ti sin i mé chꞌehe sin ixra̱ Díos itjen nkaya nka̱jní la tjako sin ijnko nti̱a jína tsaáxin chojni.
18La xi̱kahó ichro tjan tꞌóyako tjan chréhe̱ tjan itsjé ña̱o. Ndá kóchi̱hi̱n chꞌin Pablo la nkátjíá chꞌan nixje̱he̱ chꞌan ti ncha̱kuén jínahña, ndáchro chꞌan:
―Kjuachaxíen ihni̱é Jesucristo, tétua̱hán tsꞌaxrjéxian ti tjan i.
Ndá tuénxín kꞌuaxrje ncha̱kuén ti jínahña la kuíto̱he ti jehe tjan.
19Landá ti ó kꞌuíkon ti ìnché tjan kixin í tsjachahya sin chichaon kuènté ti ixra̱ ichꞌe tjan tónohe tjan, la kónínkaon sin la itsé sin chꞌin Pablo la ko Silas la sákjuíko sin ti nda̱sin ijié tjejó ti sin tꞌe̱to̱an kuènté chjasin. 20Ndá ti ó kjuíji sin ti tjejó ti sin juez la ndáchro sin:
―Ti sin judío i mé imá tjixrónkáxin sin ti chjaséni ntihi 21la tjako sin ijnko nkehe tsíkuénhñani la ko tóxrìe̱nhñani kixin jeheni la chojni romano.
22A̱ndá kaín ti sin tjejó ntiha kónínkakohen sin ti sin chronka itén Díos. Ndá ti juez kꞌue̱to̱an kixin tsꞌaxrjehe sin ika la tsꞌekoxín sin ntasé. 23Ndá ti ó kjuixin kꞌuekon sin, ndá kꞌuíxehen sin ndo̱echjiso la ti sin juez kꞌue̱tue̱hen ti nkexro tꞌayakohen ntiha kixin jína chrókꞌuayakohen sin ti sin a. 24La ti ó kuíhin ti nkexro tꞌayakohen ndo̱echjiso kixin xi̱kaha kꞌuítoan, la chrꞌáxehen chꞌan ti sin a hasta ijnko cuarto itjen chríkán kixin tsꞌaxrjehya sin la ko kꞌue̱te̱xin chꞌan to̱té sin ti inta tjejóxrja.
25A̱ndá ti ó kꞌaxrotjen la chꞌin Pablo la ko Silas nixje̱he̱ sin Díos la ko itsje sin himno. La ti íso sin tjejóchjina la tjejótihin sin, 26ndá xrína̱hña imá kꞌuínki nonte la kjuínchekꞌinki kuenté ti xránkíxixín ndo̱echjiso, la tuénxín xitje̱he̱ kaín puerta la ko kꞌuánótjen ti cadena síchróntetoxín kaín ti sin tjejóchjina. 27Ndá ti nkexro tꞌayakohen ti ndo̱echjiso mé kꞌuàya chꞌan la ti ó kꞌuíkon chꞌan kixin tsíxitje̱he̱ ti ndója ndo̱echjiso, la kuakitsje chꞌan ti espada kuènté chꞌan la chrókꞌóñá chꞌan a̱sén chꞌan kixin kjuénka̱yáxin chꞌan kixin ó tsíkinká kaín ti sin síchjina. 28A̱ndá chꞌin Pablo kꞌuéya, ndáchro:
―Náhí, chꞌehya xi̱kaha; kaíni tjejóni ntihi ―ichro chꞌan.
29Ndá ti nkexro tꞌayakohen ndo̱echjiso la kjuanchia xrohi tsꞌinkaséñaxín, la kuinká chꞌan kꞌuíxehen chꞌan ti ndo̱echjiso la síxrànka̱ chꞌan chrakon chꞌan, kjuákꞌexín chꞌan tochꞌin chꞌan to̱té chꞌin Pablo la ko Silas. 30Ndá tuénxín kuakitsjexín chꞌan sin ntiha la kjuanchankí chꞌan:
―¿Xá nkehe chrókjui̱tꞌa ndá chróchonta ti kjuachón?
31Ndá kjuáte̱he sin ndáchro sin:
―Titekaoan Ìnchéni Jesucristo la tsaá jaha la ko kaín ti sin tjejó ndo̱a.
32Ndá kjua̱ko̱he̱ sin ti nkexro a la ko kaín ti sin tjejó ndo̱e chꞌan ti itan kuènté Ìnchéni. 33La kjónté na̱xa̱ sítie la ti nkexro tꞌayakohen ndo̱echjiso la kjuínchekꞌíjmá ti tsíchrítꞌo̱, la tuénxín jehe chꞌan la ko kaín ti sin tjejó ndo̱e chꞌan mé kuikite sin. 34Ndá sákjuíko chꞌan sin ndo̱e chꞌan la kjuajon chꞌan nkehe kjónie sin, la imá chéhe̱ chꞌan la ko kaín ti sin ndo̱e chꞌan kixin kuitekaon sin Díos.
35Ndá ti nchítjen la ti juez kꞌue̱tue̱hen ti sin policía sátsjitsjehe sin ti nkexro tꞌayakohen ndo̱echjiso la tsochenka sin kixin chrókjuajon chꞌan kjuachaxin tsꞌaxrje chꞌin Pablo la ko Silas. 36Ndá ti nkexro tꞌayakohen ndo̱echjiso la chénka chꞌan ti chꞌin Pablo ti nkehe chrónka sin, la ndáchro chꞌan:
―Ti sin juez mé kꞌue̱to̱an sin kixin tsjánjua kjuachaxin sátsjira. Méxra̱ kjuaxróxin sátjira ―ichro chꞌan.
37Kjánchó chꞌin Pablo ndáche ti sin policía:
―Jeheni, chojni romanoni, mé kjuate sin ti jeheni nkayakon nchónhña chojni, la kjuanchankíhya sin nkehe ijie̱ chóntani, la chrꞌáxehen sin ti jeheni ndo̱echjiso. A̱ndá ijie la, ¿á imó tsakitsje sin ti jeheni ní? Náhí. Itsi sin ntihi la jehe sin tsakitsje sin ti jeheni ―ichro chꞌin Pablo.
38Ndá ti sin policía mé sákjuichenka sin ti sin juez nkehe ichro ti sin tjejóchjina. Ndá imá chrákon sin ti ó kuíhin sin kixin ti sin a mé chojni romano. 39Ndá ikjuí ti sin juez la chrónoéhe̱ sin chꞌin Pablo la ko Silas kixin tso̱nínkakonhña sin kixin xi̱kaha kóhen, ndá kuakitsjexín sin ntiha la chrónòa sin kixin tsꞌaxrjexín sin ti chjasin. 40Ndá ti ó kꞌuaxrjexín ndo̱echjiso ti chꞌin Pablo la ko Silas la sákjuí sin ndo̱e ti tjan Lidia. Ndá jína nixje̱he̱ sin ti sin a la imá kóchéhe̱ sin, ndá chrꞌéxi̱n sákjuixin sin ntiha.
Zur Zeit ausgewählt:
:
Markierung
Teilen
Kopieren
Möchtest du deine gespeicherten Markierungen auf allen deinen Geräten sehen? Erstelle ein kostenloses Konto oder melde dich an.
© 2016, Wycliffe Bible Translators, Inc. All rights reserved.