Hechos 17
17
Kónínkaon ti chojni Tesalónica
1Ndá chꞌin Pablo la ko Silas sákjuí sin, la kꞌuatsínka sin Anfípolis la ko Apolonia ndá kjuíji sin Tesalónica, la ntiha itjen ijnko ni̱nkué ti sin judío. 2Ndá chꞌin Pablo sákjuí chꞌan ti ni̱nko a éxi kuéhen chꞌan, la chjina iní semana ti ña̱o to̱kꞌéhe sin la chrónkaxín chꞌan itén Díos. 3Kjuako chꞌan kixin ti xroon itén Díos la chronka kixin Cristo mé ticháxi̱n tsjasóte la itsꞌén ndá chrꞌéxi̱n tsoxechón. La ndáchro chꞌan:
―Ti Jesús xrja̱nkaxián ijie tihínra, mé tíha ti Cristo.
4Ndá iso ti sin judío la kuitekaon sin la chréhe̱ sin chꞌin Pablo la ko Silas. La kja̱xin kuitekaon itsjé ti sin griego xráxinkaon Díos la ko itsjé ti chojnichjin tjetoan ntiha. 5A̱ndá iso ti sin judío titekakonhña Ìnchéni mé kóchjio sin la kjueyá sin iso ti chojni ichꞌe nkehe jínahña ixri nti̱a. Ndá kaín sin kꞌuíxité sin la kjuínchekónínkaon sin ti sin chjasén sin. La kꞌuíxehen sin ndo̱e Jasón kixin tsjeyá sin ti chꞌin Pablo la ko Silas kixin tjinkaon sin sátsjiko sin ti tjejó ti sin tꞌe̱to̱an. 6Kjánchó kꞌuitjahya sin ti sin a, la itsé sin ti chꞌin Jasón la ko íso ti sin tinkáchónki Ìnchéni la kuinkánkákjen sin, sákjuíko sin ti tjejó ti sin tꞌe̱to̱an ti chjasin ntiha, la ndáchro sin:
―Ti sin i mé xritjixrónkáxin sin kuenté chjasintajni. La ó ikui sin chjaséni 7la ti chꞌin Jasón i, mé kjuajon kjuachaxin kuíto̱he sin ndo̱e chꞌan. Kaín sin la titekakonhña sin ti ley kuènté ti chꞌin romano tꞌe̱to̱an la ndáchro sin kixin itjen íjnko nkexro a̱ntsí tꞌe̱to̱an, itꞌin Jesús.
8Ndá ti ó kuíhin kaín ti chojni tsíkónkotsé la ko ti sin tꞌe̱to̱an, la kónínkaon sin. 9Kjánchó chꞌin Jasón la ko ti sin tjejóko chꞌan la kjue̱nka̱ sin, ndá jína sákjuí sin.
Pablo la ko Silas sákjuí sin chjasin Berea
10Ndá ti tie a, la ti sin kíchóni kꞌue̱tue̱hen sin ti chꞌin Pablo la ko Silas kixin sátsji sin Berea. Ndá ti ó kjuíji sin ntiha la kꞌuíxehen sin ni̱nkué ti sin judío. 11Ti sin judío tjejó ntiha la a̱ntsí jína a̱sén sin ke ti sin tjejó Tesalónica, kixin a̱ntsí kóxríhi̱n sin tsihin sin itén Díos la nkojnko ña̱o kjuínchekuáxin sin ti xroon itén Díos kixin tso̱nohe sin á chaxín ndoá tjako ti sin a. 12Ndá xi̱kaha itsjé sin kuitekaon sin la ko kja̱xin itsjé ti chojnichjin griego tjetoan la ko kja̱xin ti chojnindoa la kuitekaon sin. 13A̱ndá ti sin judío tjejó Tesalónica mé kónohe sin kixin chꞌin Pablo tjetjako chꞌan itén Díos chjasin Berea. Ndá sákjuí sin ntiha la kjuínchekónínkaon sin ti sin tjejó ntiha. 14Ndá ti sin kíchóni tinkáchónki Ìnchéni la kꞌue̱tue̱hen sin chꞌin Pablo sákjuí chrínta nda̱ñao. A̱ndá chꞌin Silas la ko Timoteo na̱xa̱ kuíto̱he sin Berea. 15A̱ndá ti sin kꞌuájiko chꞌin Pablo la sákjui̱ko sin chꞌan ti chjasin Atenas. A̱ndá chrꞌéxi̱n ikjan sin chjasén sin kixin tsíkꞌe̱to̱an chꞌin Pablo kixin tjoka tsjiji chꞌin Silas la ko Timoteo ntiha, tsoxéta sin ti jehe chꞌan.
Chꞌin Pablo itjen Atenas
16Ndá na̱xa̱ tjechóhen chꞌin Pablo kixin itsji chꞌin Silas la ko Timoteo ti chjasin Atenas, la imá kꞌuává a̱sén chꞌan kixin kꞌuíkon chꞌan siín nchónhña nkehe tsíkjano̱ña ntiha. 17Ndá kjua̱ko̱he̱ chꞌan iso ti sin judío nkaxehen ni̱nko la ko íso ti chojni xráxinkaon Díos la ko kaín ña̱o kjuákꞌe chꞌan ndasin kjua̱ko̱he̱ chꞌan ti chojni siín ntiha. 18Ndá iso ti sin chréhe̱ ti nkehe tjako ti sin epicúreo la ko íso kuènté estoico la nixje̱he̱ sin ti chꞌin Pablo, la iso sin ndáchro sin:
―¿Xá nkehe tjako ti nkexro imá nixja i?
La íso sin ndáchro:
―Tíha la chojni xritjako ihni̱é íjnko díos.
Mé xi̱kaha ichro sin kixin kjuako chꞌin Pablo ti itan jína kuènté chꞌin Jesús la ko nkexrín ikꞌuén chꞌan la ko xechón chꞌan. 19Ndá sákjui̱ko sin chꞌin Pablo ijnko itjo itꞌin Areópago, kixin ntiha kuéhen sin tónkotséxin sin itjo kícho sin. Ndá nixje̱he̱ sin chꞌin Pablo, ndáchro sin:
―Tjinkaoni tso̱chro̱nka ti nkehe ni̱xin kjuiko̱a. 20Kixin itsjé nkehe ókjé tjetjàkua la tienxínhñani la tjinkaoni tso̱noheni nkehe tꞌaxrjexín kaín tíha ―ichro sin.
21Kaín ti sin chjasin Atenas la ko ti sin tsíkji̱xi̱n ókjé tjejó sin ntiha la a̱ntsí tóxríhi̱n sin chrókuihin sin la ko chróchronka sin ti nkehe ni̱xin sítóhen.
22A̱ndá chꞌin Pablo kjuákꞌexín to̱té chritaón ti itjo Areópago ti tsíkónkotsé sin la ndáchro chꞌan:
―Jahara tjejora Atenas, tihínra. Janhan tꞌíkua̱n kixin jahara la itsjé díos tinkachónkira. 23Kixin ti kꞌuájia ntihi la kꞌuíkua̱n ti xráxinkákonxínra ti díos tinkachónkira la kꞌuíkua̱n ijnko altar sínixín ndáchro: “Ntihi tjikosayéxini ijnko Díos na̱xa̱ chónhñani.” Ndá ti Díos tjikosayehéra, kjónté na̱xa̱ chonhñara, mé ti Díos tjákohára ijie.
24 #
1Rs. 8:27; Is. 42:5; Hch. 7:48. *’Ti Díos kjuíchꞌéna chjasintajni la ko kaín ti nkehe siín, mé Ìnché nka̱jní la ko chjasintajni la tjexenhña chꞌan nijnko ni̱nko tsíkꞌónaxín itja chojni. 25La ticháxie̱nhña chꞌan kixin nkojín chojni chrókjuinki̱tsa ti jehe chꞌan, kixin jehe chꞌan mé chjéhe chꞌan kjuachón kaín chojni la ko tjajon chꞌan ti xri̱nto̱ la ko kaín ti nkehe siín.
26’Nkoko̱a chojni kꞌuaxrjeníxin kaín ti chojni kjuíchꞌéna Díos siín kaín nación kixin chrókꞌuejó sin kuenté chjasintajni. Kja̱xin kꞌue̱to̱an Díos nkesá la ko nketí tsꞌejó chojni. 27La xi̱kaha kjuíchꞌéna Díos kaín nkehe kixin tjinkaon chꞌan kixin chrókjueyá chojni ti jehe chꞌan la ko chrókuitekaon sin. Jehya ikjín itjen Díos. Náhí, chjino itjen chꞌan. 28Ti Díos i, mé tjejóchónxini la ko nchekꞌinkíni la ko tꞌayakohen chꞌan ti jeheni. Mé xi̱kaha tsíndáchro ijnko ti nkexro chjasánra ósé: “Jeheni la kjéhyani Díos.” 29Chaxín jeheni la kjéhyani Díos, méxra̱ xitjahya tsjenka̱yáxini sichꞌénani ijnko Díos tsꞌónaxín oro, plata o̱ ixro̱ éxi tjenka̱yáxin chojni ó. 30Ósé la Díos kónínkakonhña kixin ó nohe chꞌan kixin chónhña chojni ti jehe chꞌan. A̱ndá ijie la tꞌe̱to̱an Díos kixin kaín chojni siín chjasintajni la tsokjan sin tsinkáchónki sin ti jehe chꞌan. 31Kixin Díos tsíkjeyá ijnko ña̱o tsito̱exín iji̱é kaín chojni chjasintajni la tsíkjeyá chꞌan ijnko chojni la kjua̱ko̱xi̱n chꞌan itsjé kjuachaxin kixin ti nkexro kjónté tsíkꞌen la xechón ínaá ―ichro chꞌin Pablo.
32Ndá ti ó kuíhin sin kixin tsoxechón ti chojni tsíkꞌen, la iso sin la kjuanoá sin chꞌin Pablo la íso sin ndáchro sin:
―Chrꞌéxi̱n tsihini ti nkehe tjàkua ínaá ―ichro sin.
33Ndá chꞌin Pablo kuíto̱he ti jehe sin. 34Ndá iso sin la chréhe̱ sin ti chꞌin Pablo la kuitekaon sin Ìnchéni. Ijnko ti sin kuitekaon mé itꞌin Dionisio, ijnko ti sin tꞌe̱to̱an kuènté ti sin Areópago, la ko ijnko tjan itꞌin Dámaris la ko kja̱xin íso chojni.
Zur Zeit ausgewählt:
Hechos 17: poeNTplus
Markierung
Teilen
Kopieren
Möchtest du deine gespeicherten Markierungen auf allen deinen Geräten sehen? Erstelle ein kostenloses Konto oder melde dich an.
© 2016, Wycliffe Bible Translators, Inc. All rights reserved.
Hechos 17
17
Kónínkaon ti chojni Tesalónica
1Ndá chꞌin Pablo la ko Silas sákjuí sin, la kꞌuatsínka sin Anfípolis la ko Apolonia ndá kjuíji sin Tesalónica, la ntiha itjen ijnko ni̱nkué ti sin judío. 2Ndá chꞌin Pablo sákjuí chꞌan ti ni̱nko a éxi kuéhen chꞌan, la chjina iní semana ti ña̱o to̱kꞌéhe sin la chrónkaxín chꞌan itén Díos. 3Kjuako chꞌan kixin ti xroon itén Díos la chronka kixin Cristo mé ticháxi̱n tsjasóte la itsꞌén ndá chrꞌéxi̱n tsoxechón. La ndáchro chꞌan:
―Ti Jesús xrja̱nkaxián ijie tihínra, mé tíha ti Cristo.
4Ndá iso ti sin judío la kuitekaon sin la chréhe̱ sin chꞌin Pablo la ko Silas. La kja̱xin kuitekaon itsjé ti sin griego xráxinkaon Díos la ko itsjé ti chojnichjin tjetoan ntiha. 5A̱ndá iso ti sin judío titekakonhña Ìnchéni mé kóchjio sin la kjueyá sin iso ti chojni ichꞌe nkehe jínahña ixri nti̱a. Ndá kaín sin kꞌuíxité sin la kjuínchekónínkaon sin ti sin chjasén sin. La kꞌuíxehen sin ndo̱e Jasón kixin tsjeyá sin ti chꞌin Pablo la ko Silas kixin tjinkaon sin sátsjiko sin ti tjejó ti sin tꞌe̱to̱an. 6Kjánchó kꞌuitjahya sin ti sin a, la itsé sin ti chꞌin Jasón la ko íso ti sin tinkáchónki Ìnchéni la kuinkánkákjen sin, sákjuíko sin ti tjejó ti sin tꞌe̱to̱an ti chjasin ntiha, la ndáchro sin:
―Ti sin i mé xritjixrónkáxin sin kuenté chjasintajni. La ó ikui sin chjaséni 7la ti chꞌin Jasón i, mé kjuajon kjuachaxin kuíto̱he sin ndo̱e chꞌan. Kaín sin la titekakonhña sin ti ley kuènté ti chꞌin romano tꞌe̱to̱an la ndáchro sin kixin itjen íjnko nkexro a̱ntsí tꞌe̱to̱an, itꞌin Jesús.
8Ndá ti ó kuíhin kaín ti chojni tsíkónkotsé la ko ti sin tꞌe̱to̱an, la kónínkaon sin. 9Kjánchó chꞌin Jasón la ko ti sin tjejóko chꞌan la kjue̱nka̱ sin, ndá jína sákjuí sin.
Pablo la ko Silas sákjuí sin chjasin Berea
10Ndá ti tie a, la ti sin kíchóni kꞌue̱tue̱hen sin ti chꞌin Pablo la ko Silas kixin sátsji sin Berea. Ndá ti ó kjuíji sin ntiha la kꞌuíxehen sin ni̱nkué ti sin judío. 11Ti sin judío tjejó ntiha la a̱ntsí jína a̱sén sin ke ti sin tjejó Tesalónica, kixin a̱ntsí kóxríhi̱n sin tsihin sin itén Díos la nkojnko ña̱o kjuínchekuáxin sin ti xroon itén Díos kixin tso̱nohe sin á chaxín ndoá tjako ti sin a. 12Ndá xi̱kaha itsjé sin kuitekaon sin la ko kja̱xin itsjé ti chojnichjin griego tjetoan la ko kja̱xin ti chojnindoa la kuitekaon sin. 13A̱ndá ti sin judío tjejó Tesalónica mé kónohe sin kixin chꞌin Pablo tjetjako chꞌan itén Díos chjasin Berea. Ndá sákjuí sin ntiha la kjuínchekónínkaon sin ti sin tjejó ntiha. 14Ndá ti sin kíchóni tinkáchónki Ìnchéni la kꞌue̱tue̱hen sin chꞌin Pablo sákjuí chrínta nda̱ñao. A̱ndá chꞌin Silas la ko Timoteo na̱xa̱ kuíto̱he sin Berea. 15A̱ndá ti sin kꞌuájiko chꞌin Pablo la sákjui̱ko sin chꞌan ti chjasin Atenas. A̱ndá chrꞌéxi̱n ikjan sin chjasén sin kixin tsíkꞌe̱to̱an chꞌin Pablo kixin tjoka tsjiji chꞌin Silas la ko Timoteo ntiha, tsoxéta sin ti jehe chꞌan.
Chꞌin Pablo itjen Atenas
16Ndá na̱xa̱ tjechóhen chꞌin Pablo kixin itsji chꞌin Silas la ko Timoteo ti chjasin Atenas, la imá kꞌuává a̱sén chꞌan kixin kꞌuíkon chꞌan siín nchónhña nkehe tsíkjano̱ña ntiha. 17Ndá kjua̱ko̱he̱ chꞌan iso ti sin judío nkaxehen ni̱nko la ko íso ti chojni xráxinkaon Díos la ko kaín ña̱o kjuákꞌe chꞌan ndasin kjua̱ko̱he̱ chꞌan ti chojni siín ntiha. 18Ndá iso ti sin chréhe̱ ti nkehe tjako ti sin epicúreo la ko íso kuènté estoico la nixje̱he̱ sin ti chꞌin Pablo, la iso sin ndáchro sin:
―¿Xá nkehe tjako ti nkexro imá nixja i?
La íso sin ndáchro:
―Tíha la chojni xritjako ihni̱é íjnko díos.
Mé xi̱kaha ichro sin kixin kjuako chꞌin Pablo ti itan jína kuènté chꞌin Jesús la ko nkexrín ikꞌuén chꞌan la ko xechón chꞌan. 19Ndá sákjui̱ko sin chꞌin Pablo ijnko itjo itꞌin Areópago, kixin ntiha kuéhen sin tónkotséxin sin itjo kícho sin. Ndá nixje̱he̱ sin chꞌin Pablo, ndáchro sin:
―Tjinkaoni tso̱chro̱nka ti nkehe ni̱xin kjuiko̱a. 20Kixin itsjé nkehe ókjé tjetjàkua la tienxínhñani la tjinkaoni tso̱noheni nkehe tꞌaxrjexín kaín tíha ―ichro sin.
21Kaín ti sin chjasin Atenas la ko ti sin tsíkji̱xi̱n ókjé tjejó sin ntiha la a̱ntsí tóxríhi̱n sin chrókuihin sin la ko chróchronka sin ti nkehe ni̱xin sítóhen.
22A̱ndá chꞌin Pablo kjuákꞌexín to̱té chritaón ti itjo Areópago ti tsíkónkotsé sin la ndáchro chꞌan:
―Jahara tjejora Atenas, tihínra. Janhan tꞌíkua̱n kixin jahara la itsjé díos tinkachónkira. 23Kixin ti kꞌuájia ntihi la kꞌuíkua̱n ti xráxinkákonxínra ti díos tinkachónkira la kꞌuíkua̱n ijnko altar sínixín ndáchro: “Ntihi tjikosayéxini ijnko Díos na̱xa̱ chónhñani.” Ndá ti Díos tjikosayehéra, kjónté na̱xa̱ chonhñara, mé ti Díos tjákohára ijie.
24 #
1Rs. 8:27; Is. 42:5; Hch. 7:48. *’Ti Díos kjuíchꞌéna chjasintajni la ko kaín ti nkehe siín, mé Ìnché nka̱jní la ko chjasintajni la tjexenhña chꞌan nijnko ni̱nko tsíkꞌónaxín itja chojni. 25La ticháxie̱nhña chꞌan kixin nkojín chojni chrókjuinki̱tsa ti jehe chꞌan, kixin jehe chꞌan mé chjéhe chꞌan kjuachón kaín chojni la ko tjajon chꞌan ti xri̱nto̱ la ko kaín ti nkehe siín.
26’Nkoko̱a chojni kꞌuaxrjeníxin kaín ti chojni kjuíchꞌéna Díos siín kaín nación kixin chrókꞌuejó sin kuenté chjasintajni. Kja̱xin kꞌue̱to̱an Díos nkesá la ko nketí tsꞌejó chojni. 27La xi̱kaha kjuíchꞌéna Díos kaín nkehe kixin tjinkaon chꞌan kixin chrókjueyá chojni ti jehe chꞌan la ko chrókuitekaon sin. Jehya ikjín itjen Díos. Náhí, chjino itjen chꞌan. 28Ti Díos i, mé tjejóchónxini la ko nchekꞌinkíni la ko tꞌayakohen chꞌan ti jeheni. Mé xi̱kaha tsíndáchro ijnko ti nkexro chjasánra ósé: “Jeheni la kjéhyani Díos.” 29Chaxín jeheni la kjéhyani Díos, méxra̱ xitjahya tsjenka̱yáxini sichꞌénani ijnko Díos tsꞌónaxín oro, plata o̱ ixro̱ éxi tjenka̱yáxin chojni ó. 30Ósé la Díos kónínkakonhña kixin ó nohe chꞌan kixin chónhña chojni ti jehe chꞌan. A̱ndá ijie la tꞌe̱to̱an Díos kixin kaín chojni siín chjasintajni la tsokjan sin tsinkáchónki sin ti jehe chꞌan. 31Kixin Díos tsíkjeyá ijnko ña̱o tsito̱exín iji̱é kaín chojni chjasintajni la tsíkjeyá chꞌan ijnko chojni la kjua̱ko̱xi̱n chꞌan itsjé kjuachaxin kixin ti nkexro kjónté tsíkꞌen la xechón ínaá ―ichro chꞌin Pablo.
32Ndá ti ó kuíhin sin kixin tsoxechón ti chojni tsíkꞌen, la iso sin la kjuanoá sin chꞌin Pablo la íso sin ndáchro sin:
―Chrꞌéxi̱n tsihini ti nkehe tjàkua ínaá ―ichro sin.
33Ndá chꞌin Pablo kuíto̱he ti jehe sin. 34Ndá iso sin la chréhe̱ sin ti chꞌin Pablo la kuitekaon sin Ìnchéni. Ijnko ti sin kuitekaon mé itꞌin Dionisio, ijnko ti sin tꞌe̱to̱an kuènté ti sin Areópago, la ko ijnko tjan itꞌin Dámaris la ko kja̱xin íso chojni.
Zur Zeit ausgewählt:
:
Markierung
Teilen
Kopieren
Möchtest du deine gespeicherten Markierungen auf allen deinen Geräten sehen? Erstelle ein kostenloses Konto oder melde dich an.
© 2016, Wycliffe Bible Translators, Inc. All rights reserved.