Hechos 18
18
Pablo sákjuí Corinto
1Ndá kꞌuaxrjexín chꞌin Pablo Atenas la sákjuí chꞌan Corinto. 2Ndá ntiha xéta chꞌan ijnko nkexro judío itꞌin Aquila, tsíkji̱xi̱n chꞌan nonte Ponto. Jehe chꞌan la ko ichjién chꞌan Priscila mé na̱xa̱ séhya tsíki̱xi̱n sin Italia kixin ti nkexro tꞌe̱to̱an ntiha itꞌin Claudio mé kꞌue̱to̱an kixin kaín ti sin judío la tsꞌaxrjexín sin Roma. Ndá chꞌin Pablo mé kjuínixje̱he̱ ti sin a. 3Ndá ti sin a, la nkokón ixra̱ ichꞌe sin éxi chꞌin Pablo, chꞌéna sin kamanta tꞌóna nchia. Méxra̱ ntahó kuíto̱he chꞌan kixin nkoko̱a sichꞌe sin ti ixra̱ a. 4Ndá nkojnko ña̱o to̱kꞌéhe sin la sákjuí chꞌin Pablo ni̱nko la nixje̱he̱ chꞌan ti sin judío la ko ti sin jehya judío kixin chrókuitekaon sin ti itan jína.
5Ndá ti ó kjuíjixín Macedonia chꞌin Silas la ko Timoteo, ndá chꞌin Pablo a̱ntsí kjuako chꞌan itén Díos kixin tso̱nohe ti sin judío kixin Jesús mé ti Cristo chóhen sin itsi. 6Ndá ti sin judío mé kjuankíxin kónínkakohen sin chꞌin Pablo la imá kꞌuándaxíhi̱n sin chꞌan. Ndá chꞌin Pablo kꞌo̱tsjénka chꞌan iké chꞌan kjua̱ko̱xi̱n chꞌan kixin kónínkaon chꞌan, la ndáchro chꞌan:
―Ijie la jahara kjuéyára ti ijie̱ tsꞌitjáñaxínra. Janhan la í chontahya ijie̱ kixin ó kjuákohára ti itan jína ndá kuitekákonhñara. Méxra̱ ijie la sátsjia tsjákohá ti sin jehya judío ―ichro chꞌan.
7Ndá kꞌuaxrjexín chꞌan ntiha la sákjuí chꞌan ndo̱e ijnko nkexro itꞌin Justo, titekaon Díos. Ndo̱e chꞌan mé chjinaxón ti ni̱nko itjen. 8Ndá chꞌin Crispo, ijnko nkexro tꞌe̱to̱an kuènté ni̱nko judío, la ko kaín ti sin tjejó ndo̱e chꞌan mé kuitekaon sin Ìnchéni. Kja̱xin itsjé ti sin tjejó Corinto mé kuíhin sin ti itan, la kuitekaon sin Ìnchéni la kuikite sin. 9Ndá ijnko tie mé Ncha̱kuén Díos kꞌuíkonxín chꞌin Pablo Ìnchéni nixja ndáchro:
―Chrakonhña, tjàkua ti itan kuénta̱na, la táníhña. 10Janhan tjejóko kíchóni la kohya nkehe sitꞌaha sin, kixin ntihi la chonta itsjé chojni tinkáchónki ti janhan ―ichro Ìnchéni.
11Méxra̱ chꞌin Pablo la kuíto̱he chꞌan ijnko nánó kotꞌo̱ ti chjasin Corinto la kjua̱ko̱he̱ chꞌan sin itén Díos.
12Ti ña̱o kꞌue̱to̱an chꞌin Galión ti nonte Acaya, la itsjé ti sin judío titekakonhña la kónínkakohen sin chꞌin Pablo, la itsé sin chꞌan sákjui̱ko sin ti tjejó ti sin tꞌe̱to̱an. 13La ndáche sin ti nkexro tꞌe̱tue̱hen ti sin judío:
―Ti nkexro i, la ixri tjachròe ti chojni ntihi kixin ókjé nkexrín tsinkáchónki sin Díos la tsitekakuenhña sin ti nkehe tꞌe̱to̱an ti ley.
14Ndá ó chrónixja chꞌin Pablo, la chꞌin Galión ndáche ti sin judío:
―Ti chaxín siín ijnko ijie̱ taó kjuasin ti nkexro i, la kjónté chrókui̱ha̱n ti nkehe ndáchrora, jahara chojni judío. 15Kjánchó jehó tjánjo̱nxi̱nra ti nkehe nixjara la ko ihni̱é chojni la ko ti ley tinkachónkira, la jahóra ncheyóxinra tíha, kixin janhan la tjínka̱konhña tsꞌóna juez kuènté ti nkehe i ―ichro chꞌan.
16Ndá kꞌue̱to̱an chꞌan sátsjixin sin ntiha. 17Ndá ti sin griego la kónínkaon sin la itsé sin chꞌin Sóstenes, ti nkexro tꞌe̱to̱an ni̱nko, la ntahó kjuatexín sin. Kjánchó chꞌin Galión la ándo̱sén chꞌan.
Chꞌin Pablo ikjan Antioquía
18 #
Nm. 6:18. *Chꞌin Pablo na̱xa̱ kuíto̱he chꞌan Corinto íso ña̱o, ndá chrꞌéxi̱n la nixje̱he̱ chꞌan ti sin kíchóni tjejó ntiha, la kꞌuíxehen chꞌan ijnko ntabarco la sákjuí chꞌan Siria, sákjuíko chꞌan tjan Priscila la ko Aquila. Ndá ti ó kjuíji sin Cencrea, la ntiha chꞌin Pablo kꞌuijihin chꞌan nonté kixin sinchexiteyá chꞌan ti nkehe tsíndáchro chꞌan. 19Ndá ti ó kjuíji sin Éfeso la kuíto̱he chꞌan ti tjan Priscila la ko chꞌin Aquila. Ndá sákjuí chꞌan ijnko ni̱nko la ikjo chꞌan ti sin judío tsíkónkotsé ntiha. 20Ndá jehe sin chrónoéhe̱ sin ti chꞌin Pablo kixin chrókuíto̱he chꞌan isé ntiha, kjánchó chrohya chꞌan. 21Ndá nixje̱he̱ chꞌan sin la ndáchro chꞌan:
―Ticháxi̱n tsjakꞌé Jerusalén ti kia itsi. Kjánchó tsokjan tsꞌinkatsjaha̱ra ínaá ti na̱xa̱ tsjajon Díos kjuachaxin ―ichro chꞌan.
Ndá kꞌui̱tꞌótjen chꞌan ijnko ntabarco la sákjuixin chꞌan Éfeso. 22Ndá ti ó kjuíji chꞌan Cesarea, la sákjui̱ chꞌan Jerusalén kjuinixje̱he̱ chꞌan ti sin tinkáchónki Ìnchéni tjejó ntiha, la tuénxín ikjan chꞌan Antioquía. 23Ndá kuíto̱he chꞌan ntiha itsjé ña̱o, ndá chrꞌéxi̱n la xíkjan chꞌan la nkákꞌatsínka chꞌan itsjé chjasin ti nonte Galacia la ko Frigia la nixje̱he̱ chꞌan kaín ti sin tinkáchónki Ìnchéni la kjuínchechéhe̱ chꞌan sin.
Chꞌin Apolos kjuako chjasin Éfeso
24Ndá ti ña̱o a mé ijnko chꞌin judío itꞌin Apolos tsíkji̱xi̱n chjasin Alejandría, mé ikui chꞌan ti chjasin Éfeso. Jehe chꞌan mé ijnko nkexro jína nohe chꞌan ti xroon itén Díos 25la ó xráko̱he̱ chꞌan ti nti̱a kuènté Ìnchéni, la tóxríhi̱n chꞌan tsjako chꞌan kuènté Jesús, kjánchó jehó nohe chꞌan ti nkehe kjuako Juan Bautista. 26Chꞌin Apolos mé kjuako chꞌan nkaxehen ni̱nko la chrákonhña chꞌan. Ndá ti ó kuíhin ti tjan Priscila la ko Aquila nkexrín kjuako chꞌin Apolos, ndá kꞌuaxrjentáko sin chꞌan la kjua̱ko̱he̱ sin ti nkehe na̱xa̱ noehña chꞌan. 27Ndá chꞌin Apolos tjinkaon sátsji Acaya. Ndá ti sin kíchóni kjuínki̱tsa sin la ikjin sin ijnko xroon chrꞌéhen sin ti sin tinkáchónki Ìnchéni tjejó ntiha kixin jína tsjajon sin kjuachaxin tsjakꞌe chꞌin Apolos. Ndá ti ó kjuíji chꞌan ntiha la kjua̱ko̱he̱ chꞌan ti sin tsíkjinki̱tsa Díos tsíkitekaon sin Ìnchéni 28la chrákonhña chꞌan nixje̱he̱ chꞌan ti sin judío nkayakon kaín chojni la kjuako chꞌan kixin ti xroon itén Díos la chronka kixin Jesús mé ti Cristo.
Zur Zeit ausgewählt:
Hechos 18: poeNTplus
Markierung
Teilen
Kopieren
Möchtest du deine gespeicherten Markierungen auf allen deinen Geräten sehen? Erstelle ein kostenloses Konto oder melde dich an.
© 2016, Wycliffe Bible Translators, Inc. All rights reserved.
Hechos 18
18
Pablo sákjuí Corinto
1Ndá kꞌuaxrjexín chꞌin Pablo Atenas la sákjuí chꞌan Corinto. 2Ndá ntiha xéta chꞌan ijnko nkexro judío itꞌin Aquila, tsíkji̱xi̱n chꞌan nonte Ponto. Jehe chꞌan la ko ichjién chꞌan Priscila mé na̱xa̱ séhya tsíki̱xi̱n sin Italia kixin ti nkexro tꞌe̱to̱an ntiha itꞌin Claudio mé kꞌue̱to̱an kixin kaín ti sin judío la tsꞌaxrjexín sin Roma. Ndá chꞌin Pablo mé kjuínixje̱he̱ ti sin a. 3Ndá ti sin a, la nkokón ixra̱ ichꞌe sin éxi chꞌin Pablo, chꞌéna sin kamanta tꞌóna nchia. Méxra̱ ntahó kuíto̱he chꞌan kixin nkoko̱a sichꞌe sin ti ixra̱ a. 4Ndá nkojnko ña̱o to̱kꞌéhe sin la sákjuí chꞌin Pablo ni̱nko la nixje̱he̱ chꞌan ti sin judío la ko ti sin jehya judío kixin chrókuitekaon sin ti itan jína.
5Ndá ti ó kjuíjixín Macedonia chꞌin Silas la ko Timoteo, ndá chꞌin Pablo a̱ntsí kjuako chꞌan itén Díos kixin tso̱nohe ti sin judío kixin Jesús mé ti Cristo chóhen sin itsi. 6Ndá ti sin judío mé kjuankíxin kónínkakohen sin chꞌin Pablo la imá kꞌuándaxíhi̱n sin chꞌan. Ndá chꞌin Pablo kꞌo̱tsjénka chꞌan iké chꞌan kjua̱ko̱xi̱n chꞌan kixin kónínkaon chꞌan, la ndáchro chꞌan:
―Ijie la jahara kjuéyára ti ijie̱ tsꞌitjáñaxínra. Janhan la í chontahya ijie̱ kixin ó kjuákohára ti itan jína ndá kuitekákonhñara. Méxra̱ ijie la sátsjia tsjákohá ti sin jehya judío ―ichro chꞌan.
7Ndá kꞌuaxrjexín chꞌan ntiha la sákjuí chꞌan ndo̱e ijnko nkexro itꞌin Justo, titekaon Díos. Ndo̱e chꞌan mé chjinaxón ti ni̱nko itjen. 8Ndá chꞌin Crispo, ijnko nkexro tꞌe̱to̱an kuènté ni̱nko judío, la ko kaín ti sin tjejó ndo̱e chꞌan mé kuitekaon sin Ìnchéni. Kja̱xin itsjé ti sin tjejó Corinto mé kuíhin sin ti itan, la kuitekaon sin Ìnchéni la kuikite sin. 9Ndá ijnko tie mé Ncha̱kuén Díos kꞌuíkonxín chꞌin Pablo Ìnchéni nixja ndáchro:
―Chrakonhña, tjàkua ti itan kuénta̱na, la táníhña. 10Janhan tjejóko kíchóni la kohya nkehe sitꞌaha sin, kixin ntihi la chonta itsjé chojni tinkáchónki ti janhan ―ichro Ìnchéni.
11Méxra̱ chꞌin Pablo la kuíto̱he chꞌan ijnko nánó kotꞌo̱ ti chjasin Corinto la kjua̱ko̱he̱ chꞌan sin itén Díos.
12Ti ña̱o kꞌue̱to̱an chꞌin Galión ti nonte Acaya, la itsjé ti sin judío titekakonhña la kónínkakohen sin chꞌin Pablo, la itsé sin chꞌan sákjui̱ko sin ti tjejó ti sin tꞌe̱to̱an. 13La ndáche sin ti nkexro tꞌe̱tue̱hen ti sin judío:
―Ti nkexro i, la ixri tjachròe ti chojni ntihi kixin ókjé nkexrín tsinkáchónki sin Díos la tsitekakuenhña sin ti nkehe tꞌe̱to̱an ti ley.
14Ndá ó chrónixja chꞌin Pablo, la chꞌin Galión ndáche ti sin judío:
―Ti chaxín siín ijnko ijie̱ taó kjuasin ti nkexro i, la kjónté chrókui̱ha̱n ti nkehe ndáchrora, jahara chojni judío. 15Kjánchó jehó tjánjo̱nxi̱nra ti nkehe nixjara la ko ihni̱é chojni la ko ti ley tinkachónkira, la jahóra ncheyóxinra tíha, kixin janhan la tjínka̱konhña tsꞌóna juez kuènté ti nkehe i ―ichro chꞌan.
16Ndá kꞌue̱to̱an chꞌan sátsjixin sin ntiha. 17Ndá ti sin griego la kónínkaon sin la itsé sin chꞌin Sóstenes, ti nkexro tꞌe̱to̱an ni̱nko, la ntahó kjuatexín sin. Kjánchó chꞌin Galión la ándo̱sén chꞌan.
Chꞌin Pablo ikjan Antioquía
18 #
Nm. 6:18. *Chꞌin Pablo na̱xa̱ kuíto̱he chꞌan Corinto íso ña̱o, ndá chrꞌéxi̱n la nixje̱he̱ chꞌan ti sin kíchóni tjejó ntiha, la kꞌuíxehen chꞌan ijnko ntabarco la sákjuí chꞌan Siria, sákjuíko chꞌan tjan Priscila la ko Aquila. Ndá ti ó kjuíji sin Cencrea, la ntiha chꞌin Pablo kꞌuijihin chꞌan nonté kixin sinchexiteyá chꞌan ti nkehe tsíndáchro chꞌan. 19Ndá ti ó kjuíji sin Éfeso la kuíto̱he chꞌan ti tjan Priscila la ko chꞌin Aquila. Ndá sákjuí chꞌan ijnko ni̱nko la ikjo chꞌan ti sin judío tsíkónkotsé ntiha. 20Ndá jehe sin chrónoéhe̱ sin ti chꞌin Pablo kixin chrókuíto̱he chꞌan isé ntiha, kjánchó chrohya chꞌan. 21Ndá nixje̱he̱ chꞌan sin la ndáchro chꞌan:
―Ticháxi̱n tsjakꞌé Jerusalén ti kia itsi. Kjánchó tsokjan tsꞌinkatsjaha̱ra ínaá ti na̱xa̱ tsjajon Díos kjuachaxin ―ichro chꞌan.
Ndá kꞌui̱tꞌótjen chꞌan ijnko ntabarco la sákjuixin chꞌan Éfeso. 22Ndá ti ó kjuíji chꞌan Cesarea, la sákjui̱ chꞌan Jerusalén kjuinixje̱he̱ chꞌan ti sin tinkáchónki Ìnchéni tjejó ntiha, la tuénxín ikjan chꞌan Antioquía. 23Ndá kuíto̱he chꞌan ntiha itsjé ña̱o, ndá chrꞌéxi̱n la xíkjan chꞌan la nkákꞌatsínka chꞌan itsjé chjasin ti nonte Galacia la ko Frigia la nixje̱he̱ chꞌan kaín ti sin tinkáchónki Ìnchéni la kjuínchechéhe̱ chꞌan sin.
Chꞌin Apolos kjuako chjasin Éfeso
24Ndá ti ña̱o a mé ijnko chꞌin judío itꞌin Apolos tsíkji̱xi̱n chjasin Alejandría, mé ikui chꞌan ti chjasin Éfeso. Jehe chꞌan mé ijnko nkexro jína nohe chꞌan ti xroon itén Díos 25la ó xráko̱he̱ chꞌan ti nti̱a kuènté Ìnchéni, la tóxríhi̱n chꞌan tsjako chꞌan kuènté Jesús, kjánchó jehó nohe chꞌan ti nkehe kjuako Juan Bautista. 26Chꞌin Apolos mé kjuako chꞌan nkaxehen ni̱nko la chrákonhña chꞌan. Ndá ti ó kuíhin ti tjan Priscila la ko Aquila nkexrín kjuako chꞌin Apolos, ndá kꞌuaxrjentáko sin chꞌan la kjua̱ko̱he̱ sin ti nkehe na̱xa̱ noehña chꞌan. 27Ndá chꞌin Apolos tjinkaon sátsji Acaya. Ndá ti sin kíchóni kjuínki̱tsa sin la ikjin sin ijnko xroon chrꞌéhen sin ti sin tinkáchónki Ìnchéni tjejó ntiha kixin jína tsjajon sin kjuachaxin tsjakꞌe chꞌin Apolos. Ndá ti ó kjuíji chꞌan ntiha la kjua̱ko̱he̱ chꞌan ti sin tsíkjinki̱tsa Díos tsíkitekaon sin Ìnchéni 28la chrákonhña chꞌan nixje̱he̱ chꞌan ti sin judío nkayakon kaín chojni la kjuako chꞌan kixin ti xroon itén Díos la chronka kixin Jesús mé ti Cristo.
Zur Zeit ausgewählt:
:
Markierung
Teilen
Kopieren
Möchtest du deine gespeicherten Markierungen auf allen deinen Geräten sehen? Erstelle ein kostenloses Konto oder melde dich an.
© 2016, Wycliffe Bible Translators, Inc. All rights reserved.