Hechos 19
19
Chꞌin Pablo kjuákꞌe Éfeso
1Ndá na̱xa̱ itjen chꞌin Apolos Corinto, la chꞌin Pablo kꞌuatsínka itsjé chjasin tjejó chrítójna̱, la kjuíji chꞌan Éfeso la ntiha xéta chꞌan itsjé chojni tinkáchónki Díos. 2La kjuanchankíhi chꞌan sin:
―¿Kꞌuayéhéra Ncha̱kuén Díos ti ó kuinkachónkira Ìnchéni ní?
Ndá ndáchro sin:
―Náhí, kienhñani ninkehó kuènté ti Ncha̱kuén Díos ―ichro sin.
3Ndá kjuanchankí chꞌin Pablo:
―¿Nkexro kjuachaxíen kuikitiara?
La kjuáte̱he sin:
―Ti kjuako chꞌin Juan, kuikitexini ―ichro sin.
4 #
Mt. 3:11; Mr. 1:4, 7, 8; Lc. 3:4, 16; Jn. 1:26, 27. *Ndá chꞌin Pablo ndáchro:
―Chꞌin Juan mé kui̱ki̱te chꞌan chojni kixin chrókjan sin chrókuinkáchónki sin Díos la ko kjuako chꞌan kixin chrókuitekaon sin ti nkexro itsi chrꞌéxi̱n. Tíha mé Jesús, ti Cristo.
5Ndá ti ó kuíhin sin tíha, la kuikitexín sin ihni̱é Ìnchéni Jesús. 6A̱ndá chꞌin Pablo kjuakꞌetja tja ti ikja sin, ndá kꞌuáyéhe̱ sin ti Ncha̱kuén Díos la kjuankíxin nixja sin ókjé ngiva la ko kjuako sin itén Díos. 7La ti chojnindoa kuitekaon mé chjina teyó sin.
8La chjina iní nitjó, ikjuí chꞌin Pablo ti ni̱nko la kjuako chꞌan la chrákonhña chꞌan nixje̱he̱ chꞌan kaín chojni nkexrín itjen ti kjuachaxin kuènté Díos. 9Kjánchó iso sin la imá icha a̱sén sin la tjinkakonhña sin tsinkáchónki sin Ìnchéni la imá kꞌuándaxíhi̱n sin ti itan kuènté Ìnchéni nkayakon kaín chojni. Méxra̱ chꞌin Pablo la kꞌuaxrjentáko chꞌan ti sin tinkáchónki Ìnchéni, la sákjuíko chꞌan sin ijnko escuela itꞌin Tiranno la ntiha kjua̱ko̱xi̱n chꞌan kaín ña̱o. 10Mé xi̱kaha kjuako chꞌin Pablo yaá nánó, la kaín ti sin kꞌuejó Asia, ti sin judío la ko ti sin jehya judío, mé kuíhin sin ti itén Ìnchéni Jesús. 11Ndá Díos a̱ntsí kjua̱ko̱xi̱n kjuaxroan ijié kixin nixja chꞌin Pablo. 12La itsjé chojni kjui̱ka̱o sin panitoé sin o̱ nkojín iké sin kuákóxi̱n chꞌin Pablo, ndá sákjuíko sin kjuínchekáxi̱n sin ti sin níhi la kuito̱he sin jína la ko ti ncha̱kuén jínahña la kꞌuaxrjexín ti jehe sin.
13A̱ndá iso ti sin judío ixri sin tónohe sin la takítsje sin ncha̱kuén jínahña la tjinkaon sin tsakítsjexín sin ti ncha̱kuén jínahña kjuachaxíen ihni̱é Jesús, la ndáchro sin:
―Kjuachaxíen ihni̱é ti Jesús tjako Pablo, tétuahán jaha ncha̱kuén jínahña sátjixian ti nkexro i ―ichro sin.
14Mé xi̱kaha kꞌuékjichꞌe ti yato xje̱en ijnko judío itꞌin Esceva, jehe chꞌan mé ijnko ncha̱tꞌá tꞌe̱to̱an. 15Ndá ijnko ña̱o la ti ncha̱kuén jínahña la kjuáte̱he ndáchro:
―Choxián nkexro ti Jesús la ko nona nkexro ti Pablo. A̱ndá jahara, ¿la nkexro ti jahara? ―ichro ncha̱kuén ti jínahña.
16Ndá tuénxín ti chojni chónta ncha̱kuén jínahña chrika itsé ti sin a la kjuate taó la hasta kꞌuaxrjexín sin ti nchia tjóchín sin la ko níhi sin. 17A̱ndá ti ó kuíhin kaín ti sin judío la ko ti sin jehya judío tjejó Éfeso ti nkehe kóhen la imá chrákon sin, la kjuíkosáyehe sin ti ihni̱é Ìnchéni Jesús.
18Ndá itsjé ti sin tinkáchónki Ìnchéni mé chronka sin ti nkehe jínahña kꞌuékjichꞌe sin ósé. 19La itsjé ti sin kꞌuékjinchexro̱a̱n la ko tónohe, mé kjui̱ka̱o sin ti libro kꞌuékjichꞌexín sin ixra̱, la kjuaka sin kꞌuíkon nchónhña chojni. Ndá kuáka̱xi̱n sin cuenta nkekja̱ín chjéhe kaín ti libro kjuaka sin la kónohe sin kixin cincuenta mil chichaon plata kaín ti libro iché. 20Ndá xi̱kaha nkákꞌánkí ti itén Ìnchéni la a̱ntsí itsjé chojni kuitekaon sin, la tja̱ko̱xi̱n kixin chaxín chónta kjuachaxin.
21Ndá chrꞌéxi̱n la chꞌin Pablo kjuénka̱yáxin sátsjitsjehe ti sin tjejó Macedonia la ko Acaya, ndá ntiha sátsji̱xi̱n chꞌan Jerusalén. Kja̱xin ndáchro chꞌan kixin ti ó tsjixin sátsji̱ chꞌan Jerusalén la ticháxi̱n sátsji chꞌan Roma. 22Ndá ichrꞌán chꞌan yaá ti sin tjinki̱tsa kixin sátsji sin Macedonia, mé tíha la ti chꞌin Timoteo la ko Erasto, la jehe chꞌan na̱xa̱ kuito̱he chꞌan Asia iso ña̱o.
Kꞌuíxité chojni ti chjasin Éfeso
23Ndá ti ña̱o a la itsjé chojni tjejó Éfeso la kónínkaon sin kꞌuíxité sin kixin kóxríe̱nhña sin ti itén Ìnchéni. 24Kixin ijnko chojni itꞌin Demetrio, ijnko nkexro chꞌénaxín plata ijnko nkehe tsjehe éxi ti ni̱nko kuènté ti díos Artemisa, la jehe chꞌan la ko ti sin kjuíchꞌeko chꞌan xra̱ kjuacha sin itsjé chichaon. 25La kónkotséko chꞌan íso ti sin ichꞌe ti ixra̱ a. La ndáchro chꞌan:
―Jahara ó nohara kixin ti ixra̱ ichꞌeni la tjachani itsjé chichaon. 26Kjánchó ó tꞌikonra la ko tihínra ti nkehe xritjako chꞌin Pablo. Tjako chꞌan kixin ti nkehe tsíkjano̱ña chꞌénaxíni itjani la jehya Díos tíha, la jehya chjasin Éfeso ó tjako chꞌan. Náhí, nkuíxín Asia kuitekaon chojni ti nkehe tjako chꞌan. 27Ndá tíhi la ijnko kjuaxikaon, kixin ti tsꞌitjáña ti ixra̱ ichꞌeni, la kja̱xin í tsjikosáyehya sin ti ni̱nko kuènté ti Artemisa, imá tjetoan. Ndá xi̱kaha tsꞌitjáña ti kjuachaxin kuènté ti tjan Artemisa nkuíxín Asia la ko kuenté chjasintajni ―ichro ti chꞌin Demetrio.
28Ndá ti ó kuíhin sin tíha la imá kónínkaon sin la kꞌuíxité sin ndáchro sin:
―Imá tjetoan ti tjan Artemisa kuènté ti chjasin Éfeso.
29Ndá xi̱kaha kaín ti chojni Éfeso la imá kónínkaon sin la kꞌuíxité sin. Ndá sákjuí sin, la itsé sin chꞌin Gayo la ko Aristarco, yaá ti sin kꞌuájiko chꞌin Pablo, tsíkji̱xi̱n Macedonia, la nkánkákjen sin ti sin a sákjuíko sin ti nchia ijié tónkotséxin sin. 30Ndá chꞌin Pablo tjinkaon chꞌan chrókꞌuixehen chꞌan ntiha kixin tsonixje̱he̱ chꞌan sin, kjánchó ti sin tinkáchónki Ìnchéni la kuíto̱ehya sin kꞌuíxehen chꞌan. 31Kja̱xin iso ti sin tꞌe̱to̱an Asia chóxin sin ti chꞌin Pablo, la kꞌue̱to̱an sin chrókjuihya chꞌan ntiha kixin kohya nkehe chrókóhen chꞌan. 32A̱ndá iso ti sin tsíkónkotsé ntiha la ndáchro ijnko nkehe la ti íso sin la ndáchro ókjé nkehe kixin nínkaon sin. La íso sin la ni noehña sin nke xra̱ tsíkónkotséxin sin. 33La iso sin judío mé chénka sin ijnko nkexro itꞌin Alejandro nke xra̱ kjuíjixín sin kixin chrónixja chꞌan. Ndá kꞌuatsínka chꞌan nko̱siñe la kjua̱ko̱xi̱n chꞌan itja chꞌan kixin tsotání sin ndá tsochronka chꞌan nke xra̱ tjejóxin sin. 34Ndá ti ó kónohe ti sin tsíkónkotsé ntiha kixin ti nkexro a chojni judío, la kaín sin kꞌuíxité sin chjina yaá hora, ndáchro sin:
―Imá tjetoan ti díos Artemisa kuènté ti chjasin Éfeso ―ichro sin.
35Ndá ti secretario kuènté ti chjasin ntiha mé kjuacha kjuínchetání ti chojni la ndáchro:
―Chojni Éfeso, tihínra. Kuenté chjasintajni nohe kixin ti chojni chjasin ntihi mé tꞌayakohen sin ti ni̱nko kuènté Artemisa la ko ti retrato kuènté tjan kui̱xi̱n nka̱jní. 36La kohya nkexro tsondáchro kixin chaxínhña tíha. Méxra̱ tihínra, la tjénka̱yáxinra jína nkehe si̱chꞌera. 37Jahara kjuíkoára ti sin í, kjánchó kꞌuántaxíe̱nhña sin ti ni̱nkuéni la ko ti nkexro tinkáchónkini. 38Méxra̱ chꞌin Demetrio la ko ti sin chꞌeko chꞌan ixra̱, ti tꞌeka sin ijie̱ nkojín nkexro, la siín juez sinchekito̱exín tíha. Ntiha la jína tsochronka sin tsito̱exín ti ijie̱. 39Ndá ti siín ijnko nkexro tsjanchia ijie̱, la ticháxi̱n tso̱nkotséni la ndoá tsito̱exín. 40Tóxakona kixin ti sin tꞌe̱to̱an la tsjanchia sin ijie̱ kixin jehya jína kꞌuíxiteni. Kónínkaoni ijie la kohya nkehe tsjáte̱heni ti tsjanchankí sin nkekuènté kꞌuíxiteni ―ichro chꞌan.
41Ndá ti ó kjuixin níxja chꞌan la kꞌue̱to̱an chꞌan kixin tsoxika sin, sátsji sin.
Zur Zeit ausgewählt:
Hechos 19: poeNTplus
Markierung
Teilen
Kopieren
Möchtest du deine gespeicherten Markierungen auf allen deinen Geräten sehen? Erstelle ein kostenloses Konto oder melde dich an.
© 2016, Wycliffe Bible Translators, Inc. All rights reserved.
Hechos 19
19
Chꞌin Pablo kjuákꞌe Éfeso
1Ndá na̱xa̱ itjen chꞌin Apolos Corinto, la chꞌin Pablo kꞌuatsínka itsjé chjasin tjejó chrítójna̱, la kjuíji chꞌan Éfeso la ntiha xéta chꞌan itsjé chojni tinkáchónki Díos. 2La kjuanchankíhi chꞌan sin:
―¿Kꞌuayéhéra Ncha̱kuén Díos ti ó kuinkachónkira Ìnchéni ní?
Ndá ndáchro sin:
―Náhí, kienhñani ninkehó kuènté ti Ncha̱kuén Díos ―ichro sin.
3Ndá kjuanchankí chꞌin Pablo:
―¿Nkexro kjuachaxíen kuikitiara?
La kjuáte̱he sin:
―Ti kjuako chꞌin Juan, kuikitexini ―ichro sin.
4 #
Mt. 3:11; Mr. 1:4, 7, 8; Lc. 3:4, 16; Jn. 1:26, 27. *Ndá chꞌin Pablo ndáchro:
―Chꞌin Juan mé kui̱ki̱te chꞌan chojni kixin chrókjan sin chrókuinkáchónki sin Díos la ko kjuako chꞌan kixin chrókuitekaon sin ti nkexro itsi chrꞌéxi̱n. Tíha mé Jesús, ti Cristo.
5Ndá ti ó kuíhin sin tíha, la kuikitexín sin ihni̱é Ìnchéni Jesús. 6A̱ndá chꞌin Pablo kjuakꞌetja tja ti ikja sin, ndá kꞌuáyéhe̱ sin ti Ncha̱kuén Díos la kjuankíxin nixja sin ókjé ngiva la ko kjuako sin itén Díos. 7La ti chojnindoa kuitekaon mé chjina teyó sin.
8La chjina iní nitjó, ikjuí chꞌin Pablo ti ni̱nko la kjuako chꞌan la chrákonhña chꞌan nixje̱he̱ chꞌan kaín chojni nkexrín itjen ti kjuachaxin kuènté Díos. 9Kjánchó iso sin la imá icha a̱sén sin la tjinkakonhña sin tsinkáchónki sin Ìnchéni la imá kꞌuándaxíhi̱n sin ti itan kuènté Ìnchéni nkayakon kaín chojni. Méxra̱ chꞌin Pablo la kꞌuaxrjentáko chꞌan ti sin tinkáchónki Ìnchéni, la sákjuíko chꞌan sin ijnko escuela itꞌin Tiranno la ntiha kjua̱ko̱xi̱n chꞌan kaín ña̱o. 10Mé xi̱kaha kjuako chꞌin Pablo yaá nánó, la kaín ti sin kꞌuejó Asia, ti sin judío la ko ti sin jehya judío, mé kuíhin sin ti itén Ìnchéni Jesús. 11Ndá Díos a̱ntsí kjua̱ko̱xi̱n kjuaxroan ijié kixin nixja chꞌin Pablo. 12La itsjé chojni kjui̱ka̱o sin panitoé sin o̱ nkojín iké sin kuákóxi̱n chꞌin Pablo, ndá sákjuíko sin kjuínchekáxi̱n sin ti sin níhi la kuito̱he sin jína la ko ti ncha̱kuén jínahña la kꞌuaxrjexín ti jehe sin.
13A̱ndá iso ti sin judío ixri sin tónohe sin la takítsje sin ncha̱kuén jínahña la tjinkaon sin tsakítsjexín sin ti ncha̱kuén jínahña kjuachaxíen ihni̱é Jesús, la ndáchro sin:
―Kjuachaxíen ihni̱é ti Jesús tjako Pablo, tétuahán jaha ncha̱kuén jínahña sátjixian ti nkexro i ―ichro sin.
14Mé xi̱kaha kꞌuékjichꞌe ti yato xje̱en ijnko judío itꞌin Esceva, jehe chꞌan mé ijnko ncha̱tꞌá tꞌe̱to̱an. 15Ndá ijnko ña̱o la ti ncha̱kuén jínahña la kjuáte̱he ndáchro:
―Choxián nkexro ti Jesús la ko nona nkexro ti Pablo. A̱ndá jahara, ¿la nkexro ti jahara? ―ichro ncha̱kuén ti jínahña.
16Ndá tuénxín ti chojni chónta ncha̱kuén jínahña chrika itsé ti sin a la kjuate taó la hasta kꞌuaxrjexín sin ti nchia tjóchín sin la ko níhi sin. 17A̱ndá ti ó kuíhin kaín ti sin judío la ko ti sin jehya judío tjejó Éfeso ti nkehe kóhen la imá chrákon sin, la kjuíkosáyehe sin ti ihni̱é Ìnchéni Jesús.
18Ndá itsjé ti sin tinkáchónki Ìnchéni mé chronka sin ti nkehe jínahña kꞌuékjichꞌe sin ósé. 19La itsjé ti sin kꞌuékjinchexro̱a̱n la ko tónohe, mé kjui̱ka̱o sin ti libro kꞌuékjichꞌexín sin ixra̱, la kjuaka sin kꞌuíkon nchónhña chojni. Ndá kuáka̱xi̱n sin cuenta nkekja̱ín chjéhe kaín ti libro kjuaka sin la kónohe sin kixin cincuenta mil chichaon plata kaín ti libro iché. 20Ndá xi̱kaha nkákꞌánkí ti itén Ìnchéni la a̱ntsí itsjé chojni kuitekaon sin, la tja̱ko̱xi̱n kixin chaxín chónta kjuachaxin.
21Ndá chrꞌéxi̱n la chꞌin Pablo kjuénka̱yáxin sátsjitsjehe ti sin tjejó Macedonia la ko Acaya, ndá ntiha sátsji̱xi̱n chꞌan Jerusalén. Kja̱xin ndáchro chꞌan kixin ti ó tsjixin sátsji̱ chꞌan Jerusalén la ticháxi̱n sátsji chꞌan Roma. 22Ndá ichrꞌán chꞌan yaá ti sin tjinki̱tsa kixin sátsji sin Macedonia, mé tíha la ti chꞌin Timoteo la ko Erasto, la jehe chꞌan na̱xa̱ kuito̱he chꞌan Asia iso ña̱o.
Kꞌuíxité chojni ti chjasin Éfeso
23Ndá ti ña̱o a la itsjé chojni tjejó Éfeso la kónínkaon sin kꞌuíxité sin kixin kóxríe̱nhña sin ti itén Ìnchéni. 24Kixin ijnko chojni itꞌin Demetrio, ijnko nkexro chꞌénaxín plata ijnko nkehe tsjehe éxi ti ni̱nko kuènté ti díos Artemisa, la jehe chꞌan la ko ti sin kjuíchꞌeko chꞌan xra̱ kjuacha sin itsjé chichaon. 25La kónkotséko chꞌan íso ti sin ichꞌe ti ixra̱ a. La ndáchro chꞌan:
―Jahara ó nohara kixin ti ixra̱ ichꞌeni la tjachani itsjé chichaon. 26Kjánchó ó tꞌikonra la ko tihínra ti nkehe xritjako chꞌin Pablo. Tjako chꞌan kixin ti nkehe tsíkjano̱ña chꞌénaxíni itjani la jehya Díos tíha, la jehya chjasin Éfeso ó tjako chꞌan. Náhí, nkuíxín Asia kuitekaon chojni ti nkehe tjako chꞌan. 27Ndá tíhi la ijnko kjuaxikaon, kixin ti tsꞌitjáña ti ixra̱ ichꞌeni, la kja̱xin í tsjikosáyehya sin ti ni̱nko kuènté ti Artemisa, imá tjetoan. Ndá xi̱kaha tsꞌitjáña ti kjuachaxin kuènté ti tjan Artemisa nkuíxín Asia la ko kuenté chjasintajni ―ichro ti chꞌin Demetrio.
28Ndá ti ó kuíhin sin tíha la imá kónínkaon sin la kꞌuíxité sin ndáchro sin:
―Imá tjetoan ti tjan Artemisa kuènté ti chjasin Éfeso.
29Ndá xi̱kaha kaín ti chojni Éfeso la imá kónínkaon sin la kꞌuíxité sin. Ndá sákjuí sin, la itsé sin chꞌin Gayo la ko Aristarco, yaá ti sin kꞌuájiko chꞌin Pablo, tsíkji̱xi̱n Macedonia, la nkánkákjen sin ti sin a sákjuíko sin ti nchia ijié tónkotséxin sin. 30Ndá chꞌin Pablo tjinkaon chꞌan chrókꞌuixehen chꞌan ntiha kixin tsonixje̱he̱ chꞌan sin, kjánchó ti sin tinkáchónki Ìnchéni la kuíto̱ehya sin kꞌuíxehen chꞌan. 31Kja̱xin iso ti sin tꞌe̱to̱an Asia chóxin sin ti chꞌin Pablo, la kꞌue̱to̱an sin chrókjuihya chꞌan ntiha kixin kohya nkehe chrókóhen chꞌan. 32A̱ndá iso ti sin tsíkónkotsé ntiha la ndáchro ijnko nkehe la ti íso sin la ndáchro ókjé nkehe kixin nínkaon sin. La íso sin la ni noehña sin nke xra̱ tsíkónkotséxin sin. 33La iso sin judío mé chénka sin ijnko nkexro itꞌin Alejandro nke xra̱ kjuíjixín sin kixin chrónixja chꞌan. Ndá kꞌuatsínka chꞌan nko̱siñe la kjua̱ko̱xi̱n chꞌan itja chꞌan kixin tsotání sin ndá tsochronka chꞌan nke xra̱ tjejóxin sin. 34Ndá ti ó kónohe ti sin tsíkónkotsé ntiha kixin ti nkexro a chojni judío, la kaín sin kꞌuíxité sin chjina yaá hora, ndáchro sin:
―Imá tjetoan ti díos Artemisa kuènté ti chjasin Éfeso ―ichro sin.
35Ndá ti secretario kuènté ti chjasin ntiha mé kjuacha kjuínchetání ti chojni la ndáchro:
―Chojni Éfeso, tihínra. Kuenté chjasintajni nohe kixin ti chojni chjasin ntihi mé tꞌayakohen sin ti ni̱nko kuènté Artemisa la ko ti retrato kuènté tjan kui̱xi̱n nka̱jní. 36La kohya nkexro tsondáchro kixin chaxínhña tíha. Méxra̱ tihínra, la tjénka̱yáxinra jína nkehe si̱chꞌera. 37Jahara kjuíkoára ti sin í, kjánchó kꞌuántaxíe̱nhña sin ti ni̱nkuéni la ko ti nkexro tinkáchónkini. 38Méxra̱ chꞌin Demetrio la ko ti sin chꞌeko chꞌan ixra̱, ti tꞌeka sin ijie̱ nkojín nkexro, la siín juez sinchekito̱exín tíha. Ntiha la jína tsochronka sin tsito̱exín ti ijie̱. 39Ndá ti siín ijnko nkexro tsjanchia ijie̱, la ticháxi̱n tso̱nkotséni la ndoá tsito̱exín. 40Tóxakona kixin ti sin tꞌe̱to̱an la tsjanchia sin ijie̱ kixin jehya jína kꞌuíxiteni. Kónínkaoni ijie la kohya nkehe tsjáte̱heni ti tsjanchankí sin nkekuènté kꞌuíxiteni ―ichro chꞌan.
41Ndá ti ó kjuixin níxja chꞌan la kꞌue̱to̱an chꞌan kixin tsoxika sin, sátsji sin.
Zur Zeit ausgewählt:
:
Markierung
Teilen
Kopieren
Möchtest du deine gespeicherten Markierungen auf allen deinen Geräten sehen? Erstelle ein kostenloses Konto oder melde dich an.
© 2016, Wycliffe Bible Translators, Inc. All rights reserved.