Ghiléngheri Ghília 3
3
CAPITOLO III.
1Me rodjum andri mro tscibben, an i rati, akowa ki miro dsi kaméla: me rodjum les, auwa me na hadshinum les.
2Ganna me stewa pré, te dshava trujal o tém, te o buchli trom, glan i stello: me rodawa akowa miro dsi caméla: me rodjum les, gai manghe na hi hadshinóles.
3O radapaskeri lurdi ki dshannan trujal an o tém, manghe tapperdjahas: te me rakkerdjas lende: na tumender hi diknó akowa ke miro dsi kaméla?
4Jakke me hammes geijas pal len, te me tapperdjum akowa ki miro dsi kaméla; me tapperdjum les, te me na mukkava les, tshin me na liggerdjumes les andri mro dejeskeri kér, te an i isma ladi manghe hi beneldò.
5Tummen man dela sówel, oh rakkli awri Jerusalem, pal i poshkom, te i sarwo an i akra, ke tumme na dshangherwenes miri pirani, ninna leha pagherdena later sowapen, tshin la kamela.
6Kon hi gaja, ke awela awri i diwio wesh, ssir i zelo tuwesde, ke tuwavdela pes ssar o schwendo sungemaskeri tuw, catter shukker makappen, te dral hakko tuwiakro buchloppen?
7Ne dik u Salamunesderi tshibben, trujall les hi trivarbiz lurdi, dral i hoino Israeleskeri manush.
8Jol share ligger i ssáwo, te jol hi dshiskeri: jakko liggervela pesde ssáwo an o trupeskeri torin, waske o trash ssar i rat.
9U kral Salomoni pes kerdas jekko tshibben pashall o Libanoneskeri gasht.
10Job kerdas lengheri zelo an o rupia, pesde pernitza an o sunnegoi, i dshakkerpen loleskero pár, te an i later pashal job kerdas tshivava glan ssar o mosaiskéri bútin i muj joi akowa job kamaf kondidir mashder e rakkli Israelesdi.
11Tshaja Israelengheri, awena wri, te dikkena u kral, pal pesde sherekereskero statin, ke leste deja tshivahas pralduno an o lesde piawenderi diwes, an o diwes dsisleskero loshainopé.
Zur Zeit ausgewählt:
Ghiléngheri Ghília 3: SINT1875
Markierung
Teilen
Kopieren
Möchtest du deine gespeicherten Markierungen auf allen deinen Geräten sehen? Erstelle ein kostenloses Konto oder melde dich an.
First published in 1875.