MATIUS 1
1
Jesus Keristus Mijo Ekebata Mana
1Kou dou Jesus Keristus mijo ekebata mana, Daud ma Ibrahim ma ka ekebajawijake.
2Ibrahimja Isak ekebajawii; daana Isakja Jakub ekebajawii; daana Jakubja Jahuda ma kenekaane ma ekebajawii.
3Jahuda ma Tamar ma ka Paris ma Zarah ma aekebajawai; daana Parisja Ezrom ekebajawii; daana Ezromja Aram ekebajawii;
4daana Aramja Aminadab ekebajawii; daana Aminadabja Nahsjun ekebajawii; daana Nahsjunja Salmun ekebajawii;
5daana Salmun ma Rahab ma ka Boaz aekebajawai; Boaz ma jagamome Rut ma ka Obed aekebajawai; daana Obedja Jisai ekebajawii;
6daana Jisaija maki jakimake-tai me Daud kidi ekebajawijake Daudja Uria jagamome ma Suleman aekebajawai;
7daana Sulemanja Rehabiam ekebajawii; daana Rehabiamja Abia ekebajawii; daana Abiaja Asa ekebajawii;
8daana Asaja Josapat ekebajawii; daana Josapatja Joram ekebajawii; daana Joramja Uzia ekebajawii;
9daana Uziaja Jotam ekebajawii; daana Jotamja Ahaz ekebajawii; daana Ahazja Hizkia ekebajawii;
10daana Hizkiaja Manaseh ekebajawii; daana Manasehja Amun ekebajawii; daana Amunja Josia ekebajawii;
11daana Josiaja Jechonja ma kenekaane ma ekebajawii, Babil ka maki jinita gaa.
12Babil ka maki jajinita gaa wadouto Jechonjaja Sjaaltiel ekebajake Sjaaltielja Zarubabil ekebajawii;
13daana Zarubabilja Abihud ekebajawii; daana Abihudja Eljakim ekebajawii; daana Eljakimja Azur ekebajawii;
14daana Azurja Saduk ekebajawii; daana Sadukja Achim ekebajawii; daana Achimja Elihud ekebajawii;
15daana Elihudja Eliazar ekebajawii; daana Eliazarja Mattan ekebajawii; daana Mattanja Jakub ekebajawii;
16daana Jakubja Jusuf ekebajawii, Marjam waka kidi; okaija Jesus epamakita, eka Keristus eebatita me kidi.
17Kou utoma mijo ekebata kou ko Ibrahim tota gaa make Daud tota gaa to utuuja, me kakade wii ma gaati mijo ekebata. Daana Daud tota gaa make Babil ka jajinita gaa to utuuja me kakade wii ma gaati mijo ekebata. Daana Babil ka jajinita gaa make Keristus to utuuja, me kakade wii ma gaati mijo ekebata.
Tuhan Jesus Keristus Pata Mana
18Jesus Keristus epata mana kii dani: Ukame Marjam kodo Jusuf wii ete-tai. Okejai enaida aatou beu gaa kodaa Marjam kodo Rohulkudus ka modo kai.
19Tijake jameme Jusuf kidi kegepa doodoo me kouja, daana ego te eewiine tijake okai gabo gabo ejaikaine dimi gai.
20Kodeja okai kou dani dimi gaatigo, Tuhan jaetigo-tai me idaana bagumeidaiga ewaa kijake eteete mana, „Ei, Jusuf, Daud jokame, gaagaa te tijake Marjam waka ebukai. Okaija modo kou ko Rohulkudus ka modo kojoka.
21Okai jame joka idaana paita, daana aki eka Jesus eebatai, okaija bagee ka peu awitaido japipikajawiitagi kouja,” etii.
22Okai kou utoma kei tidoke tijake Tuhanja tikauwa ka gokobaki tijawiidaiga wegai tita me kidiidaiga wegata mana kobatijake:
23Beu maa kou, api idaana modo kijake
Jame joka idaana paita.
Eka ki Imanuel eebataitai,
me manaida awi-toojogo ko,
Ugatame inii wa enaimo tou.
24Tijake Jusuf uno anigojake Tuhan jaetigo-tai me ka etita kidi danite kei taine tijake Marjam waka ebukai.
25Daana Jusuf Marjam ma enaimo aatou beu teete, jame joka idaana pamakitaida to; tijake eka Jesus eebatai.
Zur Zeit ausgewählt:
MATIUS 1: EKG
Markierung
Teilen
Kopieren
Möchtest du deine gespeicherten Markierungen auf allen deinen Geräten sehen? Erstelle ein kostenloses Konto oder melde dich an.