YOHANA KUKHURAANJILILA
KUKHURAANJILILA
Ivanjeli Khuli Yahandikwa na Yohana, imanyinyanga Yesu khuva neye likhuva lia Nyasaye li mihika ni mihika, “Wakwa mundu, khandi namenya na khutsi.” Khuli shitabu shiene shivoolanga, Ivanjeli iyi yahandikwa khu vandu vachisoma vatushi khusuuvila ndi Yesu neye Muhonyinyi walaakwa, nali Mwana wa Nyasaye; khandi ndi khuvirila mu lisuuvila liavo muye vanyole vulamu (20:31).
Inyuma wa makhuva kukhuranjilila kasasanyinyanga Likhuva lia Nyasaye li mihika ni mihika khu Yesu, shitonye shiukhuraanga shi Ivanjeli iyi shimanyinyanga viloleshitsu lukanu na lukanu vimanyinyanga ndi Yesu neye Muhonyinyi walaakwa, nali Mwana wa Nyasaye. Vindu yivi vialondwa na makhuva manyishi mu vuraambi kivaalanga shivune shikali khuvirila mu viloleshitsu. Shitonye shi shitabu yishi shivaalanga khuli vandu valala vasuuvila mu Yesu, nivakwa valondi veve; khandi khuli vandi vamuhinganyinya nivambakhana khusuuvila. Miliango 13-17, chiahandikwa khwivaala makhuva mu vunyishi khulondokhana khu lihaambana lia Yesu nende veechi veve mu vutukhu vwa yakumilwa; khandi makhuva keke ku khuvalomba vave nivirechekha khandi ku khuvatinyilitsa khulitukhu lia yali natsitsanga khuvambwa. Miliango chiukhumalilikha chivaalanga makhuva khulondokhana khuli Yesu yakumilwa, manayaalwa, khuvambwa khwekhwe nende khwisimukha khwekhwe khurula mu likhutsa, khandi matukhu ka yalolekha khu veechi veve, niyakhisimukha khurula mu likhutsa.
Makhuva kahandikwa khulondokhana khu mukhali wanyolwa naheeyanga (8:1-11) kakholwa [...] shichila mahandiko manyishi nende likalukhanyinya liakhale kalekha khukahandika; navutswa kahandikwa mu mahandiko malala.
Yohana yivaalanga vulahi vwene makhuva khulondokhana khu shihanwa shiu vulamu vwi mihika ni mihika khuvirila mu Yesu Kristo, shihanwa shiranganga nunundi khandi shia yavo valondanga mechitso ka Yesu khuli injila, katoto nende vulamu. Shindu shiu khuchenyinya mu shitabu shia Yohana nilirumishila vindu via khulolanga nivikholekha shia khase khosi mu limenya lieru khwivaala vindu vilondokhananga na Roho, khuli matsi, mukati, vulavu, mwayi nende makondi keke, khandi musala ku musabibu nende matunda kakwo.
Kalimu Muvwimbi
Livaala mu Vuraambi 1:1-18
Yohana Mubatisi nende Veechi Vukhuraanga va Yesu 1:19-51
Muhinzilu kwa Yesu Yakhola Havulavu mu Vandu 2:1—12:50
Matukhu Kukhumalilikha ka Yesu mu Yerusalemi khandi Himbi Yerusalemi 13:1—19:42
Khwisimushitswa nende Khulolekha khu Mwami 20:1-31
Limalila: Khulolekha Khundi khu Mwami mu Galilaya 21:1-25
Zur Zeit ausgewählt:
YOHANA KUKHURAANJILILA: LLLCATHOLIC
Markierung
Teilen
Kopieren
Möchtest du deine gespeicherten Markierungen auf allen deinen Geräten sehen? Erstelle ein kostenloses Konto oder melde dich an.
© The Bible Society of Kenya, 2013