Luka 9
9
Yeso ma tome a toma akame
(Mat 10.5-15; Mar 6.7-13)
1Nze ageme nze Yeso tisa a toma akame ane ka biturru ageme neng ka repo ara vento, nze ma nya nye a gata awo zuzuzu turuhu tobo, neng ngona ano tokwene a ngamo. 2Nze ma kuri ma Toma nye a nga ka bi beleng be lo be togomo to Ogomo Asharri, nga kuri nga ngona ano tokwene a ngamo. 3Nze ma gon nye, “Tego eyete eyabo baka tano ta tonyi ni. Tego eyete yekone, ne a shokone. Tego eyete eyabo wucu ne, ne eyete iru ni, ne tudi to repo ne. 4Zal atitǝu ageme se epete ano, e chǝkǝnǝ ano se daro ogome se iya deke ogweri mi. 5Zal ara geme se a nya me ne ukawa ka nyi anu, inga iya deke ogweri mi e terre terre uturu owa tǝwǝ akanyi baka doguna e chǝkǝnǝ rreshaida a nye a topana.” 6Nze nga were nga ngame atu gweregwere tome a bi beleng be lo, nze nga wuza ano kwene a kowaba a ngamo.
Hiridus ma dangala
(Mat 14.1-12; Mar 6.14-29)
7Nze Hiridus ogomo owa Galili ma kone epegeme se Yeso ya wuza me, nze ma damo ama biruwa dede, baka se an ngai ya gusa Yohana ono Obaptisima se ma wi maze mana wera. 8An ngai gina agusa annabi Iliya zen a kure usure, an ngai gaze arawa akane, nga ya gusa woi to annabi tubasa maze mana wera esau. 9Nze Hiridus go, “Yohana kan, emma we agwentame apana. To, avizi ono gina se ya kunaza epegina a tara me?” Nze ma matana a narro otani Yeso.
Yeso ma nya ano toshoko shibi ka shibi eyabo wucu
(Mat 14.13-21; Mar 6.30-44; Yoh 6.1-14)
10Ni se a toma akame rai, nze nga buka a Yeso epegeme se nga na wuza. Nze ma yete nye, nye se nye ma nga meng nye aye ape se a gosan a me a Betsida. 11Se opuru ano kuna ma geme anini, nze nga tarso me. Nze maka nye, nze ma bi beleng a tara aro chǝkǝnǝ awo togomo to Ogomo Asharri, ma kuri ma we ano makwene a ngamo.
12Nze Odara ma we voto agati, biturrun neng ngan ka repo agemme nga rai a me nga gom me, “Deke ano pete ayima ape neng tugwirigwiri a nga gangari eyebowucu neng ara muru. Baka ara geme se woro yanu rrija ye ze.”
13Nze Yeso gonnye, “Nyi, nyanyene eyabo a nga wucu niga.”
Nze nga gom me, “Epegemese woro zan no eta waka aborode shibi neng Iginu repo ne. Se ko ngo ya narra guna ika aka kwa eyabo wucu baka ano agina zal.” 14Aragemm me anarrome base nga denye toshoko shibi ka shibi.
Nze Yeso gon ane yemasanga rrome, “Guna neng nye a nga wara topana tonye a nga chǝkǝnǝ ano turru shibi shibi.” 15Nze ane yemasanga rrome nga tarse eme geme se mana buku, a nga we ano me zal a nga chǝkǝnǝ. 16Nze Yeso yeta aborode shibimi neng Iginu erepo agemme, nze ma nyiza imminu Asharri nze ma we beroromo a tara a me, nze mapokepoke aborode me ma nya ane yemasanga rrome a nga ware ano. 17Nze nye zalle nga wucu nga seke, nze ane yemasanga nga woro udangarame suna rruku atukuzu biturrun tu repo.
Bitrus ma go Yeso maze Kiristi
(Mat 16.13-19; Mar 8.27-29)
18Oye dara nze Yeso abiroromo, ane yemasanga rrome nga ze base neng me nze ma mase beroromo, nze ma sanngarra nye ma go, “Ano gosan mi avizi?”
19Nze nga gong me, “An ngai go, ngo ze Yohana ono Obaptisima, an ngai go, ngo ze annabi Iliya. An ngai ma ga go oye annabi obasa ze ma were esau.”
20Nze Yeso gon nye, “Nyipa, nyi go mizavi?”
Bitrus magarre ma go, “Ngo ze Kiristi ono suru Ogomo Asharri.”
21Nze Yeso wonko nye totenye dede, tego nga beze woi beleng bigena ne.
Yeso ma buki nane se maya wǝnǝ
(Mat 16.20-28; Mar 8.31-9.1)
22Ma kuri ma gon nye, “Nane meze Vana Ono yǝ ni aji avu a turuna keken keken, tonongono to tuYahudi, neng ana sasaru a tupiris sasaru neng ano masano makirri ma Musa zal nga ya nya me ne akame, a nga wome, a daro otaro Ogomo Asharri maya wersaza kame.”
23Nze ma gon ano me zall, “Ono barsa otarsa akan ama zeki otiti ogapa, ama garre ma kai odera okona malo ma geme se, maya morra a me koyo dara ama tarson. 24Zal ono gome se maya narra buza rroma rrome, maya dera yeme. Zal ono gome se mazema adodonzo ye rroma rrome baka okon ne maya sopo. 25Inga ngo morra to gogorro to masano zal, a ngo dera rroma rroi, yaze to gogorro tugina tuya ngona kai? 26Zal ono gome se makune emma mang neng emme ma beleng abon, mi Vana Ono ya kuna emma ma me, ocha ogome se miya ra ayimi a gata akan, neng a gata a shome, neng atoma awo Ogomo Asharri a sansang. 27Magangan maze miya biza akanyi, an ngai zaraginna aturse se nga ze ma wǝnǝ ni se nga na nǝrǝ aro chǝkǝnǝ togomo to Ogomo Asharri.”
Ushuwale tuyankǝnǝ to Yeso
(Mat 17.1-8; Mar 9.2-8)
28Amarro tumuru urru se tumawake neng obi beleng biginna, nze Yeso nya a tara azuwa da ma we beroromo. Ma nga na neng Bitrus neng Yohana neng Yakubu. 29Nze me ayimi beroromo, nze emminu mamame mashuwalo, tudi atume turuntu powwo, hare tubishi a ji. 30Neng odera oru anka repo nga dorra nga wonko nga dorra a beleng neng me, nga ze ano bezeze taye to Ogomo Asharri an Musa neng Iliya. 31Nga wonko apun nga ka nye male male, nga ya bi beleng neng me nane se maya wǝnǝ a Urshalima. 32An Bitrus neng ana geme se nga ma zen me nga ya rrongo. Ni si ngazome nze nga nǝri Yeso ayima a gata akame neng anka repo agemem me se nga ze aturemme. 33An ka repo ageme a narro nga na, nze Bitrus gong Yeso, “Achakura, ina rreze se woro yayina! Deke a woro se tupaki tutaro, ovento bakokoi, ovento baka ono bezeze taye to Ogomo Asharri Musa, ovento gaze baka ono bezeze taye to Ogomo Asharri Iliya.” (Bitrus mata ru emgemese maya bi mi ni.)
34Madawa patanuni nze tuwero tu pate nye. Se tuwero tome tu pate nye, nze anoyemasanga kame kuna beye. 35Nze a kuna emelo ayimi owerome agusa, “Ono gina Vana okon ze, senna zarrome. Kuna ne epegemese maya bi mi!”
36Nze nga kuna emelo yego wet, nze nga nǝri Yeso ze base. Nze ane yemasanga akame an ka taro ageme nga matǝ a nye erowa. Nze a tumuru tugemme nga ta buka awoi epegeme se nga na nǝrǝ ni.
Yeso ma we vana se ma zen uruhu obo a ngamo
(Mat 17.14-18; Mar 9.14-27)
37Nze ara sane nze Yeso neng ane yemasanga kame anka taro agemme nga tu asuru owome, nze ano chebete nga ra nga kame. 38Nze woi ayima ano me ma nyiza emelo Asharri, ma gon me, “Achakura! Iyanarro guna okona ogwengwene ovana okon, maze base imi! 39Oye uruhu obo uwerse me, owome a wuza bikoko kǝwǝi nane nze ogimi a nyanga, madurra akera ze, upunu ususu amanu. Utadeke me sasa ne se mana pelkozo dede. 40Min gina na sangarra ane yemasanga rroi a nga zuzumi owazara, a nga ta ru uzuzumi.”
41Nze Yeso ogo, “Nyi ano rremiza rreginna ane evira se nyi zemen uwesa biruwa ne. Siwai sinyano size neng matana in chǝkǝnǝ neng nyi? I ra neng vana me ayina.”
42Vana me ara geme nze uruhu obo me zakǝ me usheta nyanga, nze ma me ukera. Nze Yeso zuzu a ji a uruhu obo me, nze vana me sure, nze ma kursume vana me a shome. 43Zal ana geme se nga ze arame ngame tonu nga na nǝrǝ emo damara se Ogomo Asharri na ngona.
Yeso ma kuri ma buki beleng bo owǝnǝ ome
(Mat 17.22-23; Mar 9.30-32)
Ano, ayimi o nǝrǝ togorro to damara se Yeso ya wuza me, nze ma gon ane yemasanga rrome ago, 44“Rakara ne ekone epegeme se miya bukume a nyi, tego wapi neng no ne A ya nya Vana Ono a tare ta ano evera.” 45Ane yemasanga ma me nga mata ru biwo be beleng begeme me se ma buki ni, a matasa biwo be beme ze a nye baka nane ze nga mata runi. Nga ya narro sangarra akame biwo be beleng begemme ama nga na kuna beye.
Avizi ono saru
(Mat 18.1-5; Mar 9.33-37)
46Nze ane yemasanga rrome nga pete amantarra a nye a topana avizi ayima ka nye se maze ono saru. 47Yeso ma ru adodonzo akanyi, baka nane nze ma zǝki oye vano obate, ma wome atore a ji akanye, 48nze ma gon nye, “Ono gome se ma kai vano gina baka okon, mana kang ze, ono gome se makang mana ka ono gome se mana toman ze. Baka se ono gome se ma yete apana kame den eyabo ayima ka nyi ne maze ono saru zal.”
Zal ono gome se mazema binyarnan nyi ni ono ku nyi zi
(Mar 9.38-40)
49Nze Yohana gom me, “Achakura, woro nanǝri woi azuzu zu uruhu obo neng rrijarroi, woro na tuna me, baka mazemen woro ne.”
50Nze Yeso garre, ma go, “Tego nyi tuna me ne, ai, baka zal ono gome se mazema binyarna neng nyi ni ono ku nyi zi.”
Oye ogweri a Samariya ano me nga ma nya me ne oka Yeso
51Ocha okuru Yeso a ngame Asharri na ngona voto, nze ma we biruwa bome zal a ngame a Urshalima. 52Nze ma tome a toma a nga gǝti a ji, nze nga pete oye ogweri a Samariya. Baka nga gorro me ara awo tete. 53Nze ano gwerimi nga nyamine ukawame, baka mana ngona biruwa angame a Urshalima ze. 54Ni se ane yemasanga kame Yakubu neng Yohana nga na ni nane, nze nga sangarra Yeso nga go, “Achakura, ngoya barse guna e sangarra Ogomo Asharri ama duzu orra asuru Asharri upusunyi?” 55Nze Yeso takaro mazuzunye a ji. 56Nze nga ngame oye ogweri.
Ano ageme se nga ya narra tarse Yeso
(Mat 8.19-22)
57Nze nye orona, nze woi gon Yeso, “Miya tarse a kai ko abaze ngoya ngame.”
58Nze Yeso garre ogomme, “Ewǝshe ewa yimi rrija e zan sewo, ididi ezen todo tumusu, a Vana Ono mazemen aro muruni.”
59Ma kuri ma gon woi, “Tarson.”
Ama nze ono me gom me, “Achakura, deken in wasa ashon yi.”
60Nze Yeso garre ma gom me, “Ngo kang a ngo tarsong, deke ana geme se ngazemem rroma ye geme se ye ze man bimaso ne, a nga ka wasa topana tonye. A ngo ngame ka bi belen be togomo to Ogomo Asharri.”
61Awoi gaze ma ga go, “Miya tarse a kai, Achakura, a ngo deken an ka bi ana tǝwǝ akan oko abaten rai.”
62Nze Yeso gom me, “Zal ono gome se ma bura avara neng egamo avara, ama nǝri adǝmu, mata yankǝnǝn togomo to Ogomo Asharri.”
Zur Zeit ausgewählt:
Luka 9: JER
Markierung
Teilen
Kopieren
Möchtest du deine gespeicherten Markierungen auf allen deinen Geräten sehen? Erstelle ein kostenloses Konto oder melde dich an.
©️2022 Luke Initiative for Scripture Translation
Luka 9
9
Yeso ma tome a toma akame
(Mat 10.5-15; Mar 6.7-13)
1Nze ageme nze Yeso tisa a toma akame ane ka biturru ageme neng ka repo ara vento, nze ma nya nye a gata awo zuzuzu turuhu tobo, neng ngona ano tokwene a ngamo. 2Nze ma kuri ma Toma nye a nga ka bi beleng be lo be togomo to Ogomo Asharri, nga kuri nga ngona ano tokwene a ngamo. 3Nze ma gon nye, “Tego eyete eyabo baka tano ta tonyi ni. Tego eyete yekone, ne a shokone. Tego eyete eyabo wucu ne, ne eyete iru ni, ne tudi to repo ne. 4Zal atitǝu ageme se epete ano, e chǝkǝnǝ ano se daro ogome se iya deke ogweri mi. 5Zal ara geme se a nya me ne ukawa ka nyi anu, inga iya deke ogweri mi e terre terre uturu owa tǝwǝ akanyi baka doguna e chǝkǝnǝ rreshaida a nye a topana.” 6Nze nga were nga ngame atu gweregwere tome a bi beleng be lo, nze nga wuza ano kwene a kowaba a ngamo.
Hiridus ma dangala
(Mat 14.1-12; Mar 6.14-29)
7Nze Hiridus ogomo owa Galili ma kone epegeme se Yeso ya wuza me, nze ma damo ama biruwa dede, baka se an ngai ya gusa Yohana ono Obaptisima se ma wi maze mana wera. 8An ngai gina agusa annabi Iliya zen a kure usure, an ngai gaze arawa akane, nga ya gusa woi to annabi tubasa maze mana wera esau. 9Nze Hiridus go, “Yohana kan, emma we agwentame apana. To, avizi ono gina se ya kunaza epegina a tara me?” Nze ma matana a narro otani Yeso.
Yeso ma nya ano toshoko shibi ka shibi eyabo wucu
(Mat 14.13-21; Mar 6.30-44; Yoh 6.1-14)
10Ni se a toma akame rai, nze nga buka a Yeso epegeme se nga na wuza. Nze ma yete nye, nye se nye ma nga meng nye aye ape se a gosan a me a Betsida. 11Se opuru ano kuna ma geme anini, nze nga tarso me. Nze maka nye, nze ma bi beleng a tara aro chǝkǝnǝ awo togomo to Ogomo Asharri, ma kuri ma we ano makwene a ngamo.
12Nze Odara ma we voto agati, biturrun neng ngan ka repo agemme nga rai a me nga gom me, “Deke ano pete ayima ape neng tugwirigwiri a nga gangari eyebowucu neng ara muru. Baka ara geme se woro yanu rrija ye ze.”
13Nze Yeso gonnye, “Nyi, nyanyene eyabo a nga wucu niga.”
Nze nga gom me, “Epegemese woro zan no eta waka aborode shibi neng Iginu repo ne. Se ko ngo ya narra guna ika aka kwa eyabo wucu baka ano agina zal.” 14Aragemm me anarrome base nga denye toshoko shibi ka shibi.
Nze Yeso gon ane yemasanga rrome, “Guna neng nye a nga wara topana tonye a nga chǝkǝnǝ ano turru shibi shibi.” 15Nze ane yemasanga rrome nga tarse eme geme se mana buku, a nga we ano me zal a nga chǝkǝnǝ. 16Nze Yeso yeta aborode shibimi neng Iginu erepo agemme, nze ma nyiza imminu Asharri nze ma we beroromo a tara a me, nze mapokepoke aborode me ma nya ane yemasanga rrome a nga ware ano. 17Nze nye zalle nga wucu nga seke, nze ane yemasanga nga woro udangarame suna rruku atukuzu biturrun tu repo.
Bitrus ma go Yeso maze Kiristi
(Mat 16.13-19; Mar 8.27-29)
18Oye dara nze Yeso abiroromo, ane yemasanga rrome nga ze base neng me nze ma mase beroromo, nze ma sanngarra nye ma go, “Ano gosan mi avizi?”
19Nze nga gong me, “An ngai go, ngo ze Yohana ono Obaptisima, an ngai go, ngo ze annabi Iliya. An ngai ma ga go oye annabi obasa ze ma were esau.”
20Nze Yeso gon nye, “Nyipa, nyi go mizavi?”
Bitrus magarre ma go, “Ngo ze Kiristi ono suru Ogomo Asharri.”
21Nze Yeso wonko nye totenye dede, tego nga beze woi beleng bigena ne.
Yeso ma buki nane se maya wǝnǝ
(Mat 16.20-28; Mar 8.31-9.1)
22Ma kuri ma gon nye, “Nane meze Vana Ono yǝ ni aji avu a turuna keken keken, tonongono to tuYahudi, neng ana sasaru a tupiris sasaru neng ano masano makirri ma Musa zal nga ya nya me ne akame, a nga wome, a daro otaro Ogomo Asharri maya wersaza kame.”
23Nze ma gon ano me zall, “Ono barsa otarsa akan ama zeki otiti ogapa, ama garre ma kai odera okona malo ma geme se, maya morra a me koyo dara ama tarson. 24Zal ono gome se maya narra buza rroma rrome, maya dera yeme. Zal ono gome se mazema adodonzo ye rroma rrome baka okon ne maya sopo. 25Inga ngo morra to gogorro to masano zal, a ngo dera rroma rroi, yaze to gogorro tugina tuya ngona kai? 26Zal ono gome se makune emma mang neng emme ma beleng abon, mi Vana Ono ya kuna emma ma me, ocha ogome se miya ra ayimi a gata akan, neng a gata a shome, neng atoma awo Ogomo Asharri a sansang. 27Magangan maze miya biza akanyi, an ngai zaraginna aturse se nga ze ma wǝnǝ ni se nga na nǝrǝ aro chǝkǝnǝ togomo to Ogomo Asharri.”
Ushuwale tuyankǝnǝ to Yeso
(Mat 17.1-8; Mar 9.2-8)
28Amarro tumuru urru se tumawake neng obi beleng biginna, nze Yeso nya a tara azuwa da ma we beroromo. Ma nga na neng Bitrus neng Yohana neng Yakubu. 29Nze me ayimi beroromo, nze emminu mamame mashuwalo, tudi atume turuntu powwo, hare tubishi a ji. 30Neng odera oru anka repo nga dorra nga wonko nga dorra a beleng neng me, nga ze ano bezeze taye to Ogomo Asharri an Musa neng Iliya. 31Nga wonko apun nga ka nye male male, nga ya bi beleng neng me nane se maya wǝnǝ a Urshalima. 32An Bitrus neng ana geme se nga ma zen me nga ya rrongo. Ni si ngazome nze nga nǝri Yeso ayima a gata akame neng anka repo agemem me se nga ze aturemme. 33An ka repo ageme a narro nga na, nze Bitrus gong Yeso, “Achakura, ina rreze se woro yayina! Deke a woro se tupaki tutaro, ovento bakokoi, ovento baka ono bezeze taye to Ogomo Asharri Musa, ovento gaze baka ono bezeze taye to Ogomo Asharri Iliya.” (Bitrus mata ru emgemese maya bi mi ni.)
34Madawa patanuni nze tuwero tu pate nye. Se tuwero tome tu pate nye, nze anoyemasanga kame kuna beye. 35Nze a kuna emelo ayimi owerome agusa, “Ono gina Vana okon ze, senna zarrome. Kuna ne epegemese maya bi mi!”
36Nze nga kuna emelo yego wet, nze nga nǝri Yeso ze base. Nze ane yemasanga akame an ka taro ageme nga matǝ a nye erowa. Nze a tumuru tugemme nga ta buka awoi epegeme se nga na nǝrǝ ni.
Yeso ma we vana se ma zen uruhu obo a ngamo
(Mat 17.14-18; Mar 9.14-27)
37Nze ara sane nze Yeso neng ane yemasanga kame anka taro agemme nga tu asuru owome, nze ano chebete nga ra nga kame. 38Nze woi ayima ano me ma nyiza emelo Asharri, ma gon me, “Achakura! Iyanarro guna okona ogwengwene ovana okon, maze base imi! 39Oye uruhu obo uwerse me, owome a wuza bikoko kǝwǝi nane nze ogimi a nyanga, madurra akera ze, upunu ususu amanu. Utadeke me sasa ne se mana pelkozo dede. 40Min gina na sangarra ane yemasanga rroi a nga zuzumi owazara, a nga ta ru uzuzumi.”
41Nze Yeso ogo, “Nyi ano rremiza rreginna ane evira se nyi zemen uwesa biruwa ne. Siwai sinyano size neng matana in chǝkǝnǝ neng nyi? I ra neng vana me ayina.”
42Vana me ara geme nze uruhu obo me zakǝ me usheta nyanga, nze ma me ukera. Nze Yeso zuzu a ji a uruhu obo me, nze vana me sure, nze ma kursume vana me a shome. 43Zal ana geme se nga ze arame ngame tonu nga na nǝrǝ emo damara se Ogomo Asharri na ngona.
Yeso ma kuri ma buki beleng bo owǝnǝ ome
(Mat 17.22-23; Mar 9.30-32)
Ano, ayimi o nǝrǝ togorro to damara se Yeso ya wuza me, nze ma gon ane yemasanga rrome ago, 44“Rakara ne ekone epegeme se miya bukume a nyi, tego wapi neng no ne A ya nya Vana Ono a tare ta ano evera.” 45Ane yemasanga ma me nga mata ru biwo be beleng begeme me se ma buki ni, a matasa biwo be beme ze a nye baka nane ze nga mata runi. Nga ya narro sangarra akame biwo be beleng begemme ama nga na kuna beye.
Avizi ono saru
(Mat 18.1-5; Mar 9.33-37)
46Nze ane yemasanga rrome nga pete amantarra a nye a topana avizi ayima ka nye se maze ono saru. 47Yeso ma ru adodonzo akanyi, baka nane nze ma zǝki oye vano obate, ma wome atore a ji akanye, 48nze ma gon nye, “Ono gome se ma kai vano gina baka okon, mana kang ze, ono gome se makang mana ka ono gome se mana toman ze. Baka se ono gome se ma yete apana kame den eyabo ayima ka nyi ne maze ono saru zal.”
Zal ono gome se mazema binyarnan nyi ni ono ku nyi zi
(Mar 9.38-40)
49Nze Yohana gom me, “Achakura, woro nanǝri woi azuzu zu uruhu obo neng rrijarroi, woro na tuna me, baka mazemen woro ne.”
50Nze Yeso garre, ma go, “Tego nyi tuna me ne, ai, baka zal ono gome se mazema binyarna neng nyi ni ono ku nyi zi.”
Oye ogweri a Samariya ano me nga ma nya me ne oka Yeso
51Ocha okuru Yeso a ngame Asharri na ngona voto, nze ma we biruwa bome zal a ngame a Urshalima. 52Nze ma tome a toma a nga gǝti a ji, nze nga pete oye ogweri a Samariya. Baka nga gorro me ara awo tete. 53Nze ano gwerimi nga nyamine ukawame, baka mana ngona biruwa angame a Urshalima ze. 54Ni se ane yemasanga kame Yakubu neng Yohana nga na ni nane, nze nga sangarra Yeso nga go, “Achakura, ngoya barse guna e sangarra Ogomo Asharri ama duzu orra asuru Asharri upusunyi?” 55Nze Yeso takaro mazuzunye a ji. 56Nze nga ngame oye ogweri.
Ano ageme se nga ya narra tarse Yeso
(Mat 8.19-22)
57Nze nye orona, nze woi gon Yeso, “Miya tarse a kai ko abaze ngoya ngame.”
58Nze Yeso garre ogomme, “Ewǝshe ewa yimi rrija e zan sewo, ididi ezen todo tumusu, a Vana Ono mazemen aro muruni.”
59Ma kuri ma gon woi, “Tarson.”
Ama nze ono me gom me, “Achakura, deken in wasa ashon yi.”
60Nze Yeso garre ma gom me, “Ngo kang a ngo tarsong, deke ana geme se ngazemem rroma ye geme se ye ze man bimaso ne, a nga ka wasa topana tonye. A ngo ngame ka bi belen be togomo to Ogomo Asharri.”
61Awoi gaze ma ga go, “Miya tarse a kai, Achakura, a ngo deken an ka bi ana tǝwǝ akan oko abaten rai.”
62Nze Yeso gom me, “Zal ono gome se ma bura avara neng egamo avara, ama nǝri adǝmu, mata yankǝnǝn togomo to Ogomo Asharri.”
Zur Zeit ausgewählt:
:
Markierung
Teilen
Kopieren
Möchtest du deine gespeicherten Markierungen auf allen deinen Geräten sehen? Erstelle ein kostenloses Konto oder melde dich an.
©️2022 Luke Initiative for Scripture Translation