Eoin 7
7
Caibidil VII
Téid Críost suas go Féile na mBoṫ: ḃeir sé teagasc san teampall.
1Ina ḋiaiḋ seo ṡuiḃalaḋ Íosa san Ġailile: óir níorḃ áil leis siuḃal i n-Iudaia, de ḃríġ go raiḃ na h-Iúḋaiġ ag iarraiḋ a ṁarḃaḋ.
2Agus ḃí Féile na n-Iúdaċ, Féile na mBoṫ,#Leiḃ. 23, 34. ar na gaoḃair.
3Agus duḃairt a ḃráiṫre leis: Fág seo, agus imṫiġ go n-Iudaia, ċun go ḃfeiciḋ do ḋeisciobail fosta na h-oibreaċa seo agat a ġní tú.
4Óir ní ḋéan aoinneaċ rud ar biṫ faoi ċeilt, agus é féin ag iarraiḋ a ḃeiṫ i mbéal an ṗobail: má ġní tú na neiṫe seo, léiriġ ṫú féin do’n tsaoġal.
5Óir níor ċreid a ḃráiṫre féin ann.
6Deir Íosa leo, dá ḃríġ sin: Ní ṫáinic mo am-sa go fóill: aċt tá ḃur n-am-sa i gcóṁnaiḋe ullaṁ.
7Ní féidir do’n tsaoġal fuaṫ a ṫaḃairt díḃ-se: aċt tá fuaṫ aige orm-sa, de ḃríġ go dtaḃraim-se fiaḋnaise air, gurab olc a oibreaċa:
8Téiġigiḋ siḃ-se suas ċun na féile seo, aċt ní ṫéiġim-se suas ċun na féile seo; óir ní fuil mo am-sa cóiṁlíonta go fóill.
9Agus nuair a duḃairt sé seo, d’ḟan sé féin san Ġailile.
10Agus i ndiaiḋ ḋul suas dá ḃráiṫre, annsin ċuaiḋ sé féin suas fosta ċun na féile, ní go puibliḋe, aċt aṁail faoi ċeilt.
11Ar an aḋḃar sin, ḃí na h-Iúdaiġ ġá ċuartuġaḋ lá na féile, agus deireaḋ siad: Cá ḃfuil sé siúd?
12Agus ḃí monaḃar mór imeasc an tsluaiġ fá dtaoiḃ de. Óir deireaḋ cuid acu: Is duine maiṫ é. Aċt deireaḋ tuilleaḋ: Ní h-eaḋ, aċt tá sé ag meallaḋ na ndaoine.
13Aċt ní laḃraḋ duine ar biṫ air ós árd ar eagla roiṁ na h-Iúdaig.
14Aċt nuair a ḃí meaḋón lae na féile ann, ċuaiḋ Íosa suas ċun an teampaill agus ṫug sé teagasc.
15Agus ḃí iongantas ar na h-Iúdaiġ, agus duḃairt siad: Cad é mar tá léiġeann aige seo, nuair nár ḟoġlaim sé?
16D’ḟreagair Íosa iad, agus duḃairt: Ní liom féin mo ṫeagasc, aċt leis an té a ċuir uaiḋ mé.
17Má’s mian le duine ar biṫ a ṫoil-sean a ḋéanaṁ, béiḋ a ḟios aige i dtaoiḃ an teagaisc, an ó Ḋia é, nó an uaim féin a laḃraim-se.
18An té a laḃras uaiḋ féin, bíonn sé i ḃfáṫaċ le n-a ġlóir féin; aċt an té atá i ḃfáṫaċ le glóir an té a ċuir uaiḋ é, tá sé sin fírinneaċ, agus ní ḟuil éagcóir ann.
19Naċ dtug Maoise an dliġe#Ecs. 24, 3. díḃ, agus ní ċóiṁlíonann aoinneaċ agaiḃ an dliġe?
20Cad ċuige a ḃfuil siḃ ag iarraiḋ mé ċur ċun báis? D’ḟreagair an sluaġ, agus duḃairt: Tá deaṁan ionnat: cé tá ag iarraiḋ ṫú ċur ċun báis?
21Duḃairt Íosa leo, ġá ḃfreagairt: Rinne mé aon obair aṁáin, agus tá iongantas oraiḃ uilig.
22Ar an aḋḃar sin, ṫug Maoise an timċeallġearraḋ díḃ,#Leiḃ. 12, 3. (ní ar son gurab ó Ṁaoise é, aċt ó na h-aiṫreaċa#Gein. 17, 10.) agus ġní siḃ duine a ṫimċeallġearraḋ ar an tsabóid.
23Má ġeiḃ duine timċeallġearraḋ ar an tsabóid, ċun naċ mbristí dliġe Ṁaoise: an ḃfuil fearg oraiḃ liom-sa as siocair go ndearna mé duine uilig a leiġeas ar an tsabóid?
24Ná taḃairigiḋ breiṫeaṁnas#Deut. 1, 16. do réir an deallraiṁ, aċt taḃairigiḋ breiṫeaṁnas cóir.
25Ar an aḋḃar sin, duḃairt cuid de ṁuinntir Ierusalem: Naċ é seo an té a ḃfuilṫear i ḃfáṫaċ le n-a ċur ċun báis?
26Féaċ, tá sé ag cainnt go puibliḋe, agus ní abrann siad dadaṁ leis. An ḃfuil a ḟios ag na h-uaċtaráin go fíor gurab é seo an Críost?
27Aċt tá a ḟios againn cá h-as dó seo: aċt nuair a ṫiocfas an Críost, ní ḃíonn a ḟios ag aoinneaċ cá h-as dó.
28Ar an aḋḃar sin, laḃair Íosa de ġuṫ árd san teampall, agus é ag teagasc, agus duḃairt: Tá aiṫne agaiḃ orm-sa, agus tá a ḟios agaiḃ cá h-as daṁ: agus ní uaim féin a ṫáinic mé, aċt tá an té a ċuir uaiḋ mé fíor, agus ní h-aiṫnid díḃ-se é.
29Is aiṫnid daṁ-sa é, óir is uaiḋ mé, agus is é féin a ċuir uaiḋ mé.
30Ar an aḋḃar sin, ḃí siad i ḃfáṫaċ le breiṫ air: aċt níor leag aoinneaċ láṁ air, de ḃríġ naċ dtáinic a uair go fóill.
31Aċt ċreid mórán de’n tsluaġ ann, agus deireaḋ siad: Nuair a ṫiocfas an Críost, an ndéanfaiḋ sé níos mó míorḃailte ná ġní sé seo?
32Ċuala na Fairisíniġ an sluaġ ag monaḃar na neiṫe seo fá dtaoiḃ de: agus ċuir na h-uaċtaráin agus na Fairisíniġ oificiġ le breiṫ air.
33Duḃairt Íosa leo, dá ḃríġ sin: Ar feaḋ tamaill ḃig go fóill tá mé i ḃur measc: agus téiġim ċuig an té a ċuir uaiḋ mé.
34Béiḋ siḃ ar mo lorg, agus ní ḟuiġiḋ siḃ mé: agus mar a mbím, ní féidir díḃ-se teaċt.
35Duḃairt na h-Iúdaiġ eatorṫa féin, dá ḃríġ sin: Cá ḃfuil sé seo ag dul, de ḃríġ naċ ḃfuiġimíd é? An ḃfuil sé ag dul ċuig an ṁuinntir atá scapṫa imeasc na gCiniḋeaċ, agus an ḃfuil sé ag dul a ṫeagasc na gCiniḋeaċ?
36Cad é is ciall do’n ċainnt seo a duḃairt sé: Béiḋ siḃ ar mo lorg, agus ní ḟuiġiḋ siḃ mé: agus mar a mbím-se, ní féidir díḃ-se teaċt?
37Agus an lá mór deireannaċ de’n ḟéile,#Leiḃ. 23, 27. ṡeasuiġ Íosa, agus laḃair sé de ġuṫ árd, ag ráḋ: Má ḃíonn tart ar aoinneaċ, taraḋ sé ċugam-sa, agus ólaḋ sé.
38An té a ċreideas ionnam-sa, mar deir an scrioptúir,#Deut. 18, 15; Ióel 2, 28; Gníoṁ. 2, 17. gluaisfiḋ as a ḃolg sroṫanna de uisce ḃeo.
39Agus duḃairt sé seo fá’n Spiorad a ġeoḃaḋ an méid a ċreidfeaḋ ann: óir ní raiḃ an Spiorad bronnta go fóill, de ḃríġ naċ raiḃ Íosa go fóill ina ġlóir.
40Ar an aḋḃar sin, nuair a ċuala cuid de’n tsluaġ úd na briaṫra sin aige, duḃairt siad: Is é seo go deiṁin an Fáiḋ.
41Duḃairt cuid eile: Is é seo an Críost. Aċt duḃairt cuid acu: An as an Ġailile a ṫig an Críost?
42Naċ n-abrann an Scrioptúir: Gur de ṡlioċt Ḋáiḃiḋ agus as Beiṫil,#Miċeas 5, 2; Mait. 2, 6. an baile ina raiḃ Dáiḃiḋ, a ṫig an Críost?
43Ar an aḋḃar sin, d’éiriġ conspóid imeasc an tsluaiġ mar ġeall air.
44Agus ba ṁian le cuid acu breiṫ air: aċt níor leag aoinneaċ láṁ air.
45Ṫáinic na h-oificiġ, mar sin de, ċuig na sagairt agus na Fairisíniġ, agus duḃairt siad-san leo: Cad ċuige naċ dtug siḃ liḃ é?
46D’ḟreagair na h-oificiġ: Níor laḃair aon duine ariaṁ mar an duine seo.
47D’ḟreagair na Fairisíniġ iad, dá ḃríġ sin: An féidir gur meallaḋ siḃ-se fosta?
48Ar ċreid aon duine de na h-uaċtaráin, nó de na Fairisíniġ, ann?
49Aċt an sluaġ seo, naċ ḃfuil fios an dliġe acu, tá siad malluiġṫe.
50Duḃairt Nicodemus leo, an té úd a ṫáinic ċuige san oiḋċe agus ar ḋuine acu é:
51An dtaḃrann ár ndliġe breiṫeaṁnas ar an duine, gan éisteaċt leis féin ar dtús, agus fios d’ḟaġáil ar cad é ḃíos de ḋéanaṁ aige?#Deut. 17, 6, agus 19, 15.
52Duḃairt siad leis, ġá ḟreagairt: An féidir gur Gaililéaċ ṫusa fosta? Cuartuiġ na Scrioptúirí, agus feic naċ n-éiriġeann fáiḋ as an Ġailile.
53Agus ċuaiḋ gaċ aon duine acu aḃaile ċun a ṫiġe féin.
Zur Zeit ausgewählt:
Eoin 7: ASN1943G
Markierung
Teilen
Kopieren
Möchtest du deine gespeicherten Markierungen auf allen deinen Geräten sehen? Erstelle ein kostenloses Konto oder melde dich an.
rights held by the Bible Society in Northern Ireland
