ᤋᤥᤗᤡᤱᤛᤥᤔᤢ 19
19
ᤛᤍᤥᤔ ᤏᤢ ᤃᤔᤥᤖᤠ ᤕᤧᤰᤕᤰᤜᤠ᤹ ᤂᤠᤵᤐᤢᤌᤩ᤺ᤱ ᤐᤥᤱ
1ᤂᤧᤴ ᤏᤧᤵᤑᤢ ᤔᤠᤱᤗᤠᤀᤡᤱᤒᤠᤜᤠ᤹ ᤕᤢ᤺ᤴᤇᤡᤰ ᤛᤍᤥᤔ ᤕᤧᤰᤕᤰᤁᤥ ᤁᤧᤖᤧᤳᤇᤡ॥ ᤂᤧᤴ ᤕᤧᤶᤔᤥ ᤗᤢᤋᤧᤴ ᤛᤍᤥᤔ ᤕᤧᤰᤕᤰᤁᤥ ᤗᤠ᤺ᤵᤔᤠ ᤕᤶᤒᤠ ᤗᤠᤶᤎᤣ᤺ᤵᤐᤥ ᤕᤢᤅᤧᤈᤩᤧ॥ ᤂᤧᤱᤜᤠ᤹ ᤏᤡᤛᤢᤛᤡᤀᤠᤱ ᤗᤢᤋᤧᤴ ᤂᤢᤴᤇᤡ᤹ ᤋᤢᤶᤛᤧ ᤐᤥᤃᤧ. ᤜᤧᤰᤁᤩᤠᤱ ᤂᤠᤶᤔᤥ ᤌᤠᤖᤡᤰ ᤛᤠᤶᤒᤥᤴ ᤑᤴᤇᤡᤱ. ᤜᤧᤰᤁᤩᤠᤱ ᤛᤧᤘᤠ ᤔᤧᤳᤋᤢᤛᤡᤖ ᤀᤰᤂᤣ ᤔᤧᤳᤋᤢᤛᤡ. 2“ᤀᤠᤍᤠᤱᤒᤠᤛᤣ. ᤂᤡᤴᤇᤡ᤹ ᤆᤢᤱᤈᤡᤃᤧᤴ ᤛᤧᤘᤠᤖᤥᤒᤠᤸᤗᤧ ᤁᤢᤜᤡᤶᤔᤥ ᤑᤧᤖᤧᤇᤧ᤹ᤀᤠᤱ ᤀᤠᤀᤡᤴ ᤛᤧᤴᤍᤡᤰ ᤂᤧᤵᤔᤥᤀᤣ ᤕᤠ᤺ᤰᤋᤧᤇᤧ᤹॥ ᤂᤡᤴᤇᤡ᤹ ᤗᤠᤱᤜᤢᤰ ᤘᤠᤜᤵᤋᤧᤇᤧ᤹ ᤜᤧᤰᤁᤩᤠᤱ ᤋᤠᤏᤠᤶᤛᤠ ᤐᤥᤃᤧᤳᤇᤧᤀᤠᤱ ᤐᤣᤃᤧᤳᤇᤧ॥”
ᤂᤧᤱᤜᤠ᤹ᤖᤧ ᤔᤧᤳᤋᤧᤇᤢ. “ᤔᤣ᤺ᤴ. ᤀᤠᤴᤇᤡᤃᤣ ᤛᤧᤴᤍᤡᤰ ᤗᤠ᤺ᤰᤁᤠᤳ ᤗᤰᤂᤢᤶᤔᤥᤀᤣ ᤀᤡᤶᤛᤡᤃᤧ॥”
3ᤁᤖ ᤂᤧᤸᤗᤧ ᤛᤠ᤹ᤖᤡᤰ ᤐᤣᤗᤡ ᤑᤠᤰᤋᤢᤛᤡ॥ ᤂᤧᤸᤗᤧᤆᤥᤃᤢᤸᤗᤧ ᤂᤧᤱᤜᤠ᤹ ᤂᤢᤏᤧ᤹ᤏᤢ ᤁᤢᤜᤡᤶᤔᤥ ᤐᤣᤛᤡ॥ ᤂᤧᤸᤗᤧ ᤂᤧᤱᤜᤠ᤹ ᤆᤠᤔᤠ ᤌᤢᤱᤔᤠ ᤐᤡᤖᤢᤛᤡ. ᤜᤧᤰᤁᤩᤠᤱ ᤂᤖᤧ᤺ᤱ ᤁᤧᤓ᤺ᤱᤒᤠ ᤛᤡᤍᤠ᤹ ᤔᤧᤴᤕᤠᤰᤁᤣᤒᤠ ᤂᤖᤧ᤺ᤱ ᤗᤧ᤺ᤰᤛᤢ ᤐᤡᤖᤢᤛᤡ. ᤜᤧᤰᤁᤩᤠᤱ ᤂᤧᤱᤜᤠ᤹ᤖᤧ ᤆᤧᤳᤇᤢ॥
4ᤂᤧᤱᤜᤠ᤹ ᤀᤡᤶᤔᤠᤏᤢ᤺ᤸᤗᤧ ᤋᤃᤡ ᤛᤍᤥᤔ ᤕᤧᤰᤕᤰᤁᤥᤒᤠ ᤁᤠᤰ ᤐᤡᤛᤠᤱᤒᤠ ᤌᤠᤱᤒᤧᤴ ᤁᤢᤳᤇᤡᤱ ᤁᤠᤵᤐᤥᤒᤠ ᤁᤧᤖᤧᤰ ᤔᤧᤍᤩᤧᤀᤠᤱ ᤗᤢᤋᤖᤧ ᤁᤢᤜᤡᤶᤔᤡᤴ ᤁᤒᤪᤡᤱ ᤔᤧᤃᤒᤢ॥ 5ᤂᤧᤱᤜᤠ᤹ᤖᤧ ᤗᤢᤋᤧᤴ ᤔᤧᤀᤢ᤺ᤳᤋᤢᤀᤠᤱ ᤔᤧᤔᤧᤳᤋᤢ. “ᤕᤢ᤺ᤴᤇᤡᤰ ᤂᤧᤏᤧ᤹ᤀᤥ ᤁᤧᤍᤠᤒᤠ ᤔᤏᤠᤜᤠ᤹ ᤀᤠᤳᤋᤡ ᤘᤠ᤹ᤛᤡ᥅ ᤂᤧᤱᤜᤠ᤹ ᤗᤠ᤺ᤰᤁᤠᤳ ᤀᤠᤏᤡᤃᤣ ᤋᤃᤡ ᤗ᤺ᤳᤋᤧᤛᤧ᤹. ᤜᤧᤰᤁᤩᤠᤱ ᤀᤠᤏᤡᤃᤣ ᤂᤧᤱᤜᤠ᤹ᤏᤢ ᤀᤡᤵᤛᤡᤃᤧ॥”
6ᤗᤢᤋᤧᤴ ᤂᤧᤱᤜᤠ᤹ᤖᤧ ᤂᤢᤴᤇᤡ᤹ ᤋᤢᤶᤛᤧ ᤗᤠᤶᤎᤣ᤺ᤳ ᤗᤠ᤺ᤰᤁᤠᤳ ᤗ᤺ᤴᤍᤧ. ᤜᤧᤰᤁᤩᤠᤱ ᤗᤠᤶᤎᤣ᤺ᤳᤋᤡᤴ ᤁᤢᤀᤣᤃᤠᤱᤗᤠᤶ ᤛᤢᤒᤢ. 7ᤜᤧᤰᤁᤩᤠᤱ ᤂᤧᤱᤜᤠ᤹ ᤔᤧᤳᤋᤢᤛᤡ. “ᤋᤣ᤺ᤱᤈᤢᤶᤛᤣ. ᤀᤠᤱᤃᤠ᤹ ᤐᤣᤗᤡ ᤑᤠᤰᤏᤡᤱ. ᤀᤰᤋᤱᤒᤠ ᤋᤠᤵᤑᤧ᤺ᤶᤒᤠ ᤕᤠ᤺ᤶᤒᤰ ᤔᤧᤈᤥᤃᤧᤶᤔᤡᤴᤏᤧ᤹॥ 8ᤀᤠᤳᤋᤡᤴ ᤕᤧᤶᤒᤡᤳᤇᤠ᤺ᤴᤏᤢᤀᤠᤱ ᤛᤥᤖᤡᤰ ᤔᤧᤴᤀᤡᤶᤔᤣ ᤁᤧᤘᤠ᤹ᤔᤠ ᤀᤠᤛ᤻ᤛᤠ ᤔᤧᤴᤇᤢᤔᤠ ᤏᤧᤳᤇᤡ ᤘᤠᤛᤡ᤹॥ ᤀᤠᤱᤃᤠ᤹ ᤂᤧᤱᤜᤠ᤹ ᤂᤡᤏᤡ᤹ᤗᤢᤶᤔᤥ ᤗᤠ᤺ᤰᤁᤠᤳ ᤗ᤺ᤳᤋᤢᤱ ᤑᤧᤳᤋᤢᤱᤛᤡᤱ॥ ᤂᤡᤏᤡ᤹ ᤂᤧᤱᤜᤠ᤹ ᤌᤣ ᤔᤧᤵᤔᤠᤛᤡ ᤏᤡᤱᤘᤠ᤹ ᤘᤠ᤹. ᤜᤧᤰᤁᤣᤀᤣ ᤆᤥᤃᤧᤶᤛᤡᤶᤔᤧ᤹॥ ᤁᤖ ᤁᤴ ᤔᤏᤠᤜᤠ᤹ ᤌᤣᤀᤠᤱ ᤔᤧᤔᤧᤳᤋᤧᤶᤛᤡᤶᤔᤧᤴᤏᤧ᤹. ᤌᤣᤀᤠᤱᤓᤧᤸᤗᤧ ᤂᤧᤱᤜᤠ᤹ ᤀᤠᤱᤃᤠ᤹ ᤀᤠᤜᤡᤶᤔᤥ ᤁᤧᤍᤠᤒᤠ ᤋᤖᤣᤒᤠᤛᤡ. ᤀᤠᤸᤗᤥ ᤂᤧᤱᤜᤠ᤹ ᤀᤠᤃᤶᤒᤪᤠᤱᤅᤥ ᤘᤠ᤹ᤛᤡᤖᤥ॥”
9ᤁᤖ ᤂᤧᤱᤜᤠ᤹ᤖᤧ ᤔᤧᤔᤧᤳᤋᤢ. “ᤀᤣᤃᤠᤱ ᤐᤣᤃᤧ᤹॥” ᤂᤧᤱᤜᤠ᤹ᤖᤧ ᤕᤠᤶᤔᤥ ᤔᤧᤔᤧᤳᤋᤢ. “ᤀᤠᤏᤡ᤹ᤏᤢ ᤕᤢᤱᤛᤧ ᤁᤧᤍᤠᤒᤠ ᤁᤴ ᤔᤏᤠᤴ ᤀᤠᤸᤗ ᤀᤠᤏᤡ᤹ ᤂᤠᤛᤧᤴ ᤁᤧᤗᤥ᤺ᤶᤒᤠ ᤐᤥᤱᤔᤠ ᤏᤡᤱᤘᤠ᤹ ᤆᤥᤃᤢ᤹॥ ᤀᤠᤸᤗ ᤀᤠᤏᤡᤃᤣ ᤂᤧᤱᤜᤠ᤹ᤏᤢ᤺ᤸᤗᤧ ᤂᤧᤏᤧ᤹ ᤋᤠᤵᤑᤧ᤺ᤸᤗᤡᤰ ᤔᤧᤳᤋᤠᤛᤡᤃᤧ॥” ᤂᤧᤒᤩᤠᤱ ᤂᤧᤱᤜᤠ᤹ᤖᤧ ᤗᤢᤋᤧᤴ ᤆᤡᤈᤴ ᤆᤡᤈᤴ ᤔᤧᤈᤴᤍᤢ ᤜᤧᤰᤁᤩᤠᤱ ᤗᤠᤶᤎᤣ᤺ᤳᤋᤡᤴ ᤕᤴᤇᤧ ᤗᤠᤶᤔᤧᤗᤥᤛᤡᤱ॥
10ᤁᤖ ᤂᤧᤴ ᤏᤧᤵᤑᤢ ᤔᤏᤠᤜᤠ᤹ᤖᤧ ᤂᤢᤴᤇᤡ᤹ ᤜᤢᤰᤁᤡᤴ ᤛᤴᤇᤧᤇᤢᤀᤠᤱ ᤗᤢᤋᤧᤴ ᤂᤢᤴᤇᤡ᤹ᤀᤥ ᤜᤡᤶᤛᤡᤃᤠᤱ ᤁᤣ᤺ᤳᤋᤧᤇᤢ ᤜᤧᤰᤁᤩᤠᤱ ᤗᤠᤶᤎᤣ᤺ᤳᤋᤡᤴ ᤆᤡᤀᤧᤳ ᤀᤧᤳᤋᤧᤛᤢ॥ 11ᤜᤧᤰᤁᤩᤠᤱ ᤂᤧᤱᤜᤠ᤹ᤖᤧ ᤜᤡᤶ ᤗᤠ᤺ᤰᤁᤠᤳ ᤁᤧᤘᤠ᤹ᤒᤠ ᤌᤠᤱᤒᤧᤴ ᤏᤢ ᤁᤠᤵᤐᤥᤒᤠ ᤁᤧᤖᤧᤰ ᤔᤡᤰᤑ᤺ᤶᤒᤠ ᤔᤧᤒᤥ᤺ᤰᤂᤧᤖ ᤆᤥᤃᤧᤇᤢᤛᤡ॥ ᤂᤧᤸᤗᤧᤆᤥᤃᤢᤸᤗᤧ ᤂᤧᤱᤜᤠ᤹ᤖᤧ ᤗᤠᤶᤎᤣ᤺ᤳᤋᤡᤴ ᤂᤥᤔᤠ ᤔᤧᤴᤇᤢᤰᤋᤢᤴ॥ #᥈ ᤜᤠᤱ ᥌:᥇᥎
ᤗᤢᤋᤖᤧ ᤛᤍᤥᤔ ᤕᤧᤰᤕᤰᤁᤡᤴ ᤗᤧᤖᤢᤎᤀᤠᤱ ᤐᤣᤒᤠ
12ᤂᤧᤱ ᤏᤧᤳᤇᤡ ᤔᤏᤠᤜᤠ᤹ᤖᤧ ᤗᤢᤋᤧᤴ ᤔᤧᤳᤋᤧᤇᤢ. “ᤂᤧᤏᤧ᤹ᤏᤢ ᤁᤵᤔᤥ ᤘᤣ᤹ ᤔᤏᤠ ᤔᤧᤘᤠ᤹ᤒᤡ᥅ ᤁᤧᤶᤒᤠᤱᤗᤢᤔᤡᤜᤠ᤹. ᤁᤧᤛ᤻ᤛᤠ ᤕᤧᤶᤒᤡᤳᤇᤠᤜᤠ᤹. ᤔᤧᤴᤇᤢᤔᤠᤜᤠ᤹ ᤀᤡᤃᤪ ᤕᤧᤰᤕᤰᤁᤥ ᤁᤧᤔᤏᤠ ᤔᤧᤘᤠ᤹ᤏᤧ ᤑᤠᤃᤪ ᤂᤧᤱᤜᤠ᤹ ᤁᤴ ᤋᤧᤴᤏᤥᤗᤠᤶ ᤗ᤺ᤳᤋᤧ ᤋᤣ᤹ᤖᤧᤛᤧ᤹ᤀᤠᤱ ᤗ᤺ᤴᤍᤧᤶ ᤐᤣᤃᤧᤶᤔᤧ᤹॥ 13ᤌᤣᤀᤠᤱᤓᤧᤸᤗᤧ ᤁᤴ ᤋᤧᤴᤏᤡᤴ ᤀᤠᤴᤇᤡᤃᤣ ᤂᤠᤵᤐᤢᤌᤩ᤺ᤱ ᤆᤥ᤺ᤰᤔᤠ ᤆᤥ᤺ᤰᤛᤢᤃᤧ. ᤁᤱ ᤔᤏᤠᤜᤠ᤹ᤖᤧ ᤔᤧᤈᤥᤃᤢᤒᤠ ᤋᤠᤵᤑᤧ᤺ᤶᤒᤠ ᤕᤠ᤺ᤶᤒᤰᤁᤡᤸᤗᤧ ᤀᤡᤰᤗᤠᤴ ᤕᤜᤘᤣ ᤍᤠᤱᤒᤠᤸᤗᤧ ᤁᤢᤍᤃᤡ ᤛᤠ᤹ᤖᤡᤰ ᤐᤥᤖᤧᤌᤠᤅᤧᤀᤠᤱ ᤘᤠ᤹. ᤜᤧᤰᤁᤩᤠᤱ ᤁᤱ ᤕᤧᤰᤕᤰᤁᤡᤴ ᤂᤠᤵᤐᤢᤌᤩ᤺ᤱ ᤆᤥ᤺ᤰᤛᤧ ᤕᤜᤘᤣ ᤍᤠᤱᤒᤠᤸᤗᤧ ᤀᤠᤴᤇᤡᤃᤣ ᤐᤠᤱᤄᤧᤇᤡᤃᤧᤀᤠᤱ ᤘᤠ᤹ᤛᤡᤃᤧ॥”
14ᤂᤧᤸᤗᤧᤆᤥᤃᤢᤸᤗᤧ ᤗᤢᤋᤖᤧ ᤁᤢᤛ᤻ᤛᤠ ᤔᤧᤴᤇ᤻ᤕᤠᤜᤠ᤹ᤏᤢ ᤔᤣ᤺ᤰᤂᤡᤶ ᤆᤥ᤺ᤰᤔᤠ ᤑᤠ᤹ᤀᤠᤱ ᤂᤢᤴᤇᤡ᤹ ᤏᤠ᤺ᤰᤛᤧ ᤁᤧᤍᤠᤒᤠ ᤁᤢᤶᤒᤠᤱᤗᤢᤔᤡᤜᤠ᤹ᤀᤥ ᤐᤣᤀᤠᤱ ᤂᤢᤏᤧ᤹ ᤔᤧᤳᤋᤢᤛᤡ. “ᤂᤡᤴᤇᤡ᤹ ᤁᤴ ᤋᤧᤴᤏᤥᤗᤠᤶ ᤜᤠᤖᤠ ᤐᤥᤃᤧᤳᤇᤧ᤹. ᤌᤣᤀᤠᤱᤓᤧᤸᤗᤧ ᤕᤜᤘᤣ ᤍᤠᤱᤒᤠᤸᤗᤧ ᤁᤴ ᤕᤧᤰᤕᤰᤁᤡᤴ ᤂᤠ ᤔᤧᤱᤔᤠ ᤀᤡ᤺ᤳᤋᤢ॥” ᤁᤖ ᤁᤢᤶᤒᤠᤱᤗᤢᤔᤡ᤹ᤜᤠ᤹ᤖᤧᤃ ᤂᤢᤏᤧ᤹ ᤜᤏᤧ ᤘᤖᤧ᤹ ᤐᤠ᤺ᤳ ᤑᤠ᤹ᤀᤠᤱ ᤀᤡ᤺ᤳᤋᤧᤇᤢ॥
15ᤜᤧᤰᤁᤩᤠᤱ ᤂᤠᤀᤥ᤺ᤳᤋᤧᤖ ᤐᤳᤇᤧᤸᤗᤧ ᤂᤧᤴ ᤔᤠᤱᤗᤠᤀᤡᤱᤒᤠᤜᤠ᤹ᤖᤧ ᤗᤢᤋᤧᤴ ᤀᤰᤂᤣ ᤔᤧᤳᤋᤧᤇᤢ. “ᤜᤠᤖᤠ. ᤁᤧᤔᤣ᤺ᤳᤋᤡᤴ ᤏᤢ ᤁᤵᤔᤥ ᤁᤧᤘᤠ᤹ᤔᤠ ᤏᤧᤵᤑᤢ ᤁᤧᤛ᤻ᤛᤠ ᤔᤧᤴᤇᤢᤔᤠᤜᤠ᤹ ᤕᤠᤱᤛᤡᤅᤧ᤹ᤀᤠᤱ ᤗ᤺ᤴᤍᤧ ᤐᤣᤃᤧ᤹. ᤔᤣ᤺ᤴᤏᤧᤑᤠᤃᤪ ᤁᤴ ᤕᤧᤰᤕᤰᤁᤡᤸᤗᤧ ᤋᤢᤔᤢᤒᤠ ᤂᤠᤛᤧᤴᤏᤥ ᤁᤧᤎᤠᤀᤠᤱ ᤂᤧᤏᤧ᤹ᤀᤠᤱ ᤁᤧᤔᤧᤰᤗᤥ॥”
16ᤜᤧᤰᤁᤣᤗ᤹ᤖᤡᤰ ᤗᤢᤋᤧᤴ ᤀᤧᤸᤗᤧᤱᤓᤧᤸᤗᤧᤱ ᤏᤠᤶᤍᤣᤛᤡᤱᤅᤠᤱ ᤕᤠᤃᤧᤸᤗᤧ. ᤂᤧᤴ ᤏᤧᤳᤇᤡ ᤔᤏᤠᤜᤠ᤹ᤖᤧ ᤂᤧᤸᤗᤧ ᤁᤢᤜᤢᤰᤁᤡᤴ ᤜᤧᤰᤁᤩᤠᤱ ᤂᤧᤸᤗᤧ ᤁᤢᤔᤣ᤺ᤳᤋᤡᤸᤗᤧ ᤁᤢᤜᤢᤰᤁᤡᤴ ᤜᤧᤰᤁᤩᤠᤱ ᤏᤧᤵᤔᤈᤠᤱ ᤁᤢᤛ᤻ᤛᤠᤜᤠ᤹ᤖᤧ ᤂᤢᤴᤇᤡ᤹ ᤜᤢᤰᤜᤠ᤹ ᤋᤧᤶᤛᤧᤇᤢᤀᤠᤱ ᤕᤧᤰᤕᤰ ᤗᤠ᤺ᤰᤁᤠᤳ ᤗ᤺ᤳᤋᤧᤇᤢᤛᤡ॥ ᤕᤜᤘᤣ ᤍᤠᤱᤒᤠᤸᤗᤧ ᤂᤧᤱᤜᤠ᤹ ᤁᤢᤗᤢᤱᤔᤠ᤹ ᤛᤩᤠ᤺ᤳ ᤔᤧᤗ᤹ᤖᤧᤒᤠᤸᤗᤧ ᤆᤥᤃᤢᤸᤗᤧ ᤂᤢᤏᤧ᤹ ᤀᤰᤂᤣ ᤆᤥᤃᤢᤒᤠᤖᤥ॥ 17ᤂᤧᤱᤜᤠ᤹ ᤗᤠ᤺ᤰᤁᤠᤳ ᤗ᤺ᤳᤋᤧᤇᤢᤛᤡᤏᤢᤔᤣ᤺ᤴᤏᤣ ᤂᤧᤱᤜᤠ᤹ ᤌᤡᤰᤐᤠᤖᤧ ᤔᤧᤳᤋᤢᤛᤡ. “ᤀᤠᤒᤠᤅᤣ ᤌᤰ ᤛᤧ᤺ᤵᤔᤠᤖᤧ ᤗᤠᤃᤡ ᤂᤧᤳᤇᤡᤅᤧᤶᤔᤧ᤹. ᤀᤣᤃᤠᤱ ᤀᤥᤔᤧᤔᤕᤧᤶᤔᤡᤴᤏᤧ᤹. ᤜᤧᤰᤁᤩᤠᤱ ᤏᤧᤏᤧᤒᤠ ᤋᤧᤶᤒᤣ᤹ᤀᤥ ᤔᤧᤕᤠ᤺ᤰᤋᤧᤶᤔᤡᤴᤏᤧ᤹. ᤁᤖ ᤁᤥ᤺ᤰᤔᤠ ᤑᤠᤱᤈᤱ ᤌᤧᤃᤢ ᤔᤠᤱᤘᤠ ᤗᤧᤵᤔᤠᤱ ᤂᤧᤳᤇᤡᤅᤧᤶᤔᤧ᤹. ᤔᤣ᤺ᤴᤏᤧᤑᤠᤃᤪ ᤂᤡᤏᤡ᤹ ᤌᤠᤵᤐᤢ ᤌᤩ᤺ᤱ ᤁᤧᤒᤥ᤺ᤰᤛᤡᤖᤥ᥄”
18ᤁᤖ ᤗᤢᤋᤧᤸᤗᤧ ᤂᤧᤱᤜᤠ᤹ ᤔᤧᤳᤋᤢᤛᤡ. “ᤀᤠᤍᤠᤱᤒᤠᤛᤣ. ᤜᤧᤰᤁᤣ ᤔᤣ᤺ᤴᤗᤥ॥ 19ᤀᤥᤔᤧᤳᤋᤧᤇᤧ᤹ᤀᤥ. ᤀᤠᤱᤃᤠ᤹ ᤂᤧᤴᤇᤡ᤹ ᤛᤧᤘᤠᤖᤥᤒᤠᤴ ᤕᤠᤵᤔᤡ ᤛᤡᤖᤠ᤹ᤃᤧᤎᤠᤅᤧᤀᤠᤱ ᤘᤠ᤹. ᤜᤧᤰᤁᤩᤠᤱ ᤀᤠᤱᤃᤠ᤹ ᤀᤠᤜᤡᤱᤔᤴᤏᤡᤴ ᤁᤧᤛᤧ᤺ᤵᤋᤧᤇᤢ॥ ᤀᤠᤱᤃᤠ᤹ ᤁᤥ᤺ᤰᤔᤠᤜᤠ᤹ ᤗᤧᤰᤂᤠᤱ ᤂᤧᤳᤇᤡᤱᤔᤠ ᤔᤧᤛᤢᤰᤁᤠᤴ. ᤀᤠᤱᤃᤠ᤹ ᤂᤧᤳᤌᤥ ᤁᤧᤵᤔᤠᤏᤢ᤺ᤸᤗᤧ ᤋᤃᤡᤀᤣ ᤁᤴ ᤁᤧᤛᤠᤰᤐᤠ ᤕᤧᤳᤋᤢᤰᤂᤣᤀᤥ ᤌᤠᤀᤣᤀᤠᤱ ᤀᤠᤱᤃᤠ᤹ ᤜᤍ᤹ ᤛᤡᤀᤠᤖᤥ॥ 20ᤂᤠ. ᤁ᤹ᤕᤥ ᤐᤠᤱᤓᤣ᤹ᤎᤡᤰ ᤏᤧ᤹᤺ ᤂᤧᤵᤔᤥ ᤂᤧᤳᤇᤡᤱᤔᤠ ᤐᤣ᤺ᤰᤔᤠ ᤏᤡ᤺ᤳᤋᤠᤱ ᤆᤥᤰ. ᤜᤧᤰᤁᤩᤠᤱ ᤂᤧᤴ ᤆᤢ᤺ᤰᤐᤠᤀᤠᤱ ᤆᤥᤰ ᤔᤣ᤺ᤶᤒᤡ᥅ ᤀᤠᤱᤃᤠ᤹ ᤂᤧᤵᤔᤥ ᤂᤧᤳᤇᤡᤱᤔᤠ ᤐᤣ᤺ᤰᤔᤠ ᤂᤥᤀᤠᤖ॥ ᤛᤧᤰᤂᤠᤛᤠᤱ ᤂᤧᤵᤔᤥ ᤐᤣ᤺ᤰᤁᤠᤸᤗᤧ ᤀᤠᤱᤃᤠ᤹ ᤀᤠᤜᤡᤱᤔᤴᤏᤡᤴ ᤋᤠᤱᤛᤧ᤺ᤵᤐᤡᤗᤠ॥”
21ᤔᤠᤱᤗᤠᤀᤡᤱᤒᤠᤸᤗᤧ ᤂᤢᤏᤧ᤹ ᤔᤧᤳᤋᤢ. “ᤀᤥᤔᤧᤳᤋᤧ᤹. ᤁᤴ ᤐᤠ᤺ᤴᤏᤥ ᤀᤠᤱᤃᤠ᤹ ᤁᤧᤒᤣᤗᤡᤴ ᤂᤧᤵᤛᤢᤱ॥ ᤂᤧᤏᤧ᤹ ᤁᤧᤒᤠ᤺ᤳᤋᤢᤒᤠ ᤐᤠᤱᤓᤣ᤺ᤴ ᤀᤠᤱᤃᤠ᤹ ᤂᤠᤵᤐᤢᤌᤩ᤺ᤱ ᤔᤧᤈᤥ᤺ᤰᤁᤠᤴᤗᤥ॥ 22ᤆᤠᤳᤋᤧ᤹ᤖ ᤜᤠᤒᤠ ᤂᤧᤵᤔᤥᤀᤣ ᤂᤧᤳᤇᤡᤱ ᤐᤣᤃᤧ᤹. ᤌᤣᤀᤠᤱᤓᤧᤸᤗᤧ ᤂᤧᤏᤧ᤹ ᤂᤧᤵᤔᤥ ᤔᤧᤱᤃᤧᤳᤋᤣ ᤌᤠᤖᤡᤰ ᤀᤠᤱᤃᤠ᤹ ᤌᤣᤀᤠᤱ ᤆᤥ᤺ᤰᤔᤠ ᤔᤧᤛᤢᤰᤁᤠᤴ॥” (ᤂᤧᤸᤗᤧᤆᤥᤃᤢᤸᤗᤧ ᤂᤧᤴ ᤕᤧᤰᤕᤰᤁᤡᤸᤗᤧ ᤁᤢᤔᤡᤱ ᤛᤥᤀᤖ ᤔᤧᤔᤧᤳᤋᤢ॥)
ᤛᤍᤥᤔ ᤏᤢ ᤃᤔᤥᤖᤠ ᤕᤧᤰᤕᤰᤁᤡᤴ ᤂᤠᤵᤐᤢᤌᤩ᤺ᤱ ᤐᤥ᤺ᤰᤂᤧᤒᤠ
23ᤗᤢᤋᤧᤴ ᤛᤥᤀᤖ ᤕᤧᤰᤕᤰᤁᤥ ᤁᤧᤖᤧᤸᤗᤧ ᤂᤧᤵᤔᤥ ᤏᤠᤶ ᤁᤧᤖᤧ ᤆᤢᤖᤧᤀᤠᤱ ᤘᤕᤧ॥ 24ᤂᤧᤒᤩᤠᤱ ᤘᤜᤘᤣ ᤍᤠᤱᤒᤠᤸᤗᤧ ᤋᤠᤱᤛᤠᤰᤐᤥᤗᤠᤶ ᤛᤍᤥᤔ ᤏᤢ ᤃᤔᤥᤖᤠ ᤕᤧᤰᤕᤰᤁᤥ ᤁᤧᤍᤡ᤺ᤵᤐᤠ ᤁᤠᤴᤎᤠᤰ ᤏᤢ ᤔᤡᤎᤢᤱᤍᤡᤱ ᤔᤡᤖᤠ᤺ᤰ ᤔᤰᤌᤠᤛᤢ॥ #ᤔᤳᤋᤡ ᥇᥆:᥇᥋. ᥇᥇:᥈᥉-᥈᥊; ᤗᤢᤁᤠ ᥇᥆:᥇᥈. ᥇᥍:᥈᥏; ᥈ ᤐᤋᤪᤢ ᥈:᥌; ᤕᤢᤜᤢ ᥍ 25ᤀᤰᤂᤣᤗ᤹ᤖᤡᤰ ᤂᤢᤏᤧ᤹ ᤂᤧᤴ ᤕᤧᤰᤕᤰᤜᤠ᤹ ᤜᤧᤰᤁᤩᤠᤱ ᤁᤧᤖᤧᤰ ᤏᤧᤏᤧᤒᤠ ᤋᤧᤶᤒᤣ᤹ᤜᤠ᤹ ᤏᤢ ᤕᤧᤰᤕᤰᤁᤥ ᤁᤧᤕᤢᤱᤒᤠ ᤁᤧᤖᤧᤰ ᤔᤏᤠᤜᤠ᤹ ᤂᤧᤒᤩᤠᤱ ᤂᤠᤶᤔᤥ ᤁᤧᤗᤡᤱᤒᤠ ᤁᤧᤖᤧᤰ ᤌᤠᤒᤢ ᤛᤡᤱᤗᤠᤜᤠ᤹ ᤂᤠᤵᤐᤢᤌᤩ᤺ᤱ ᤔᤧᤰᤂᤢᤖᤥ॥ 26ᤁᤖ ᤗᤢᤋᤧᤸᤗᤧ ᤁᤢᤔᤣ᤺ᤳᤋᤧᤴ ᤀᤣᤃᤠᤱ ᤜᤡᤛᤡᤱᤅᤠᤱ ᤀᤥᤔᤕᤧ. ᤜᤧᤰᤁᤩᤠᤱ ᤂᤧᤴ ᤕᤢᤶ ᤛᤡᤳᤗᤠᤱ ᤐᤥ᤺ᤰᤂᤧᤄᤧᤖᤧ॥ #ᤗᤢᤁᤠ ᥇᥍:᥉᥈
27ᤁᤢᤍᤠ᤺ᤴᤍᤡᤰᤛᤔᤠ ᤋᤠᤏᤠᤶ ᤂᤠᤀᤥ᤺ᤳᤋᤧᤏᤢᤔᤧ᤺ᤴᤏᤣ ᤀᤒᤪᤠᤜᤠᤶᤔᤡᤴ ᤐᤥᤃᤧᤀᤠᤱ ᤕᤜᤘᤣ ᤍᤠᤱᤒᤠᤸᤗᤧ ᤁᤢᤍᤃᤡ ᤂᤢᤏᤧ᤹ ᤋᤃᤡ ᤕᤧᤒᤧᤒᤠ ᤋᤧᤴᤏᤥ ᤏᤢ᤺ᤰᤛᤧ ᤐᤣᤃᤧ॥ 28ᤂᤢᤏᤧ᤹ ᤕᤥ ᤛᤍᤥᤔ ᤏᤢ ᤃᤔᤥᤖᤠᤒᤠ ᤏᤧᤏᤧᤒᤠ ᤋᤧᤶᤒᤣ᤹ᤜᤠ᤹ ᤁᤧᤖᤧᤰ ᤀᤰᤂᤣ ᤀᤥᤔᤧᤳᤋᤢ॥ ᤜᤧᤰᤁᤩᤠᤱ ᤂᤧᤴ ᤋᤧᤴᤏᤥᤒᤠ ᤔᤡ᤺ᤰᤂᤢ᤹ᤀᤡᤴ ᤕᤶᤒᤠ ᤔᤡ ᤜᤠ᤺ᤶᤏᤠᤒᤠ ᤋᤧᤴᤏᤥᤗᤠᤶ ᤁᤧᤗ᤺ᤶᤒᤠ ᤔᤡ᤺ᤰᤂᤢ᤹ ᤁᤢᤀᤡᤛᤡᤰ ᤜᤠ᤺ᤱᤃᤢ ᤜᤠ᤺ᤱᤃᤢ ᤐᤥᤃᤧᤖ ᤐᤳᤇᤧᤒᤠ ᤏᤡᤛᤢ॥ 29ᤁᤖ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤏᤧᤏᤧᤒᤠ ᤋᤧᤶᤒᤣ᤹ᤀᤥᤒᤠ ᤕᤧᤰᤕᤰᤜᤠ᤹ ᤔᤧᤰᤂᤢᤸᤗᤧ ᤂᤢᤏᤧ᤹ ᤀᤒᤪᤠᤜᤠᤶᤔᤡᤴ ᤏᤡᤱᤘᤠ᤹ ᤀᤡ᤺ᤳᤋᤢ॥ ᤗᤢᤋᤧᤴ ᤕᤢᤅᤧᤒᤠ ᤕᤧᤰᤕᤰᤁᤡᤴ ᤂᤢᤏᤧ᤹ ᤂᤠᤵᤐᤢᤌᤩ᤺ᤱ ᤆᤥᤃᤢᤸᤗᤧ ᤔᤧᤰᤔᤠ ᤛᤡᤔᤠᤗᤠᤶ ᤗᤢᤋᤧᤴ ᤛᤧ᤺ᤵᤋᤢ ᤗ᤺ᤳᤋᤢ॥
ᤔᤥᤀᤠᤒᤡᤜᤠ᤹ ᤏᤢ ᤀᤶᤔᤥᤏᤡᤜᤠ᤹ᤖᤧ ᤂᤢᤴᤇᤡ᤹ ᤌᤠ᤺ᤰᤌᤧᤒᤠᤜᤠ᤹
30ᤗᤢᤋᤧᤴ ᤛᤥᤀᤖᤗᤠᤶ ᤗ᤺ᤴᤍᤧ ᤜᤧᤰᤁᤩᤠᤱ ᤁᤥ᤺ᤰᤔᤠᤀᤥ ᤐᤣᤀᤠᤱ ᤂᤢᤏᤧ᤹ ᤏᤢ ᤏᤧᤵᤔᤠᤱ ᤁᤢᤛ᤻ᤛᤠ ᤔᤧᤴᤇᤢᤔᤠᤜᤠ᤹ ᤗᤳᤇᤠ ᤑᤢᤰᤁᤢᤀᤥ ᤕᤢᤱᤔᤠ ᤔᤧᤜᤣ᤺ᤰᤋᤧ. ᤌᤣᤀᤠᤱᤓᤧᤸᤗᤧ ᤛᤥᤀᤖ ᤐᤠᤱᤈᤢᤶᤔᤥ ᤂᤢᤏᤧ᤹ ᤕᤢᤱᤔᤠ ᤁᤡᤛᤧ॥ 31ᤂᤢᤏᤧ᤹ ᤁᤢᤛ᤻ᤛᤠ ᤏᤧᤳᤇᤡᤀᤥ ᤌᤡᤰᤕᤧᤴ ᤋᤢᤶᤔᤠᤸᤗᤧ ᤁᤢᤴᤛᤠ᤹ᤀᤡᤴ ᤔᤧᤳᤋᤢ. “ᤀᤠᤴᤇᤡ᤹ ᤐᤠᤵᤐᤠ᤹ᤀᤠᤱ ᤁᤠᤵᤐᤥᤒᤠ ᤋᤢᤶᤛᤧ. ᤁᤴ ᤀᤡᤰᤛᤠᤍᤡᤱ ᤂᤠᤶᤒᤣ᤺ᤰᤔᤥ#᥇᥏:᥉᥇ ᤀᤡᤃᤪ ᤁᤴ ᤗᤠᤈᤣ᤹ᤀᤥ॥ ᤀᤠᤴᤇᤡ᤹ᤏᤢ ᤔᤣ᤺ᤰᤂᤡᤶ ᤁᤧᤈᤥ᤺ᤰᤐᤠ ᤕᤧᤶᤒᤡᤳᤇᤠ ᤜᤠ᤺ᤳᤋᤠᤱ ᤜᤥᤵ॥ 32ᤂᤧᤸᤗᤧᤆᤥᤃᤢᤸᤗᤧ ᤀᤠᤸᤗ ᤐᤠᤵᤐᤠ᤹ ᤌᤡ ᤌᤢᤱᤛᤢᤀᤠᤱ ᤔᤛᤢ ᤜᤧᤰᤁᤩᤠᤱ ᤂᤢᤏᤧ᤹ᤏᤢ ᤀᤡᤶᤛᤡ ᤜᤧᤰᤁᤩᤠᤱ ᤀᤠᤴᤇᤡ᤹ ᤐᤠ ᤗᤠᤶ ᤛᤠ ᤁᤳᤇᤢ॥”
33ᤒᤠ ᤂᤧᤴ ᤛᤧᤴᤍᤡᤰ ᤂᤧᤱᤜᤠ᤹ᤖᤧ ᤂᤢᤴᤇᤡ᤹ ᤐᤠᤴ ᤌᤡ ᤌᤢᤱᤛᤧᤳᤇᤢ. ᤜᤧᤰᤁᤩᤠᤱ ᤋᤢᤶᤔᤧᤴ ᤁᤢᤶᤒᤠᤖᤥ ᤐᤣᤀᤠᤱ ᤀᤡᤵᤛᤧ॥ ᤂᤧᤴ ᤀᤡᤶᤛᤧ ᤑᤧᤖᤧᤒᤠ ᤏᤢ ᤐᤥᤃᤧᤀᤠᤱ ᤐᤣᤒᤠ ᤗᤢᤋᤧᤸᤗᤧ ᤌᤣᤀᤠᤱ ᤏᤡᤱᤘᤠ᤹ ᤔᤧᤄᤥᤛᤢᤴ॥
34ᤜᤧᤰᤁᤩᤠᤱ ᤁᤢᤍᤠ᤺ᤴᤍᤡᤰ ᤋᤢᤶᤔᤧᤸᤗᤧ ᤁᤢᤴᤛᤠ᤹ᤀᤡᤴ ᤔᤧᤳᤋᤢ. “ᤔᤡ᤺ᤵᤔᤠ ᤛᤧᤴᤍᤡᤰ ᤀᤠᤱᤃᤠ᤹ ᤐᤠᤵᤐᤠ᤹ᤏᤢ ᤀᤡᤵᤛᤠᤱ॥ ᤀᤠᤀᤡᤴ ᤛᤧᤴᤍᤡᤰᤁᤠᤱ ᤐᤠᤵᤐᤠ᤹ ᤌᤡ ᤌᤢᤱᤛᤢᤀᤠᤱ ᤔᤛᤢ ᤜᤧᤰᤁᤩᤠᤱ ᤂᤧᤏᤧ᤹ ᤂᤢᤏᤧ᤹ᤏᤢ ᤀᤡᤵᤛᤧ᤹. ᤜᤧᤰᤁᤩᤠᤱ ᤀᤠᤴᤇᤡ᤹ ᤐᤠᤵᤐᤠ᤹ᤖᤧ ᤁᤢᤗᤠᤃᤡ ᤛᤠ ᤁᤳᤇᤢᤖᤥ॥” 35ᤜᤧᤰᤁᤣᤗ᤹ᤖᤡᤰ ᤂᤧᤱᤜᤠ᤹ᤖᤧ ᤂᤧᤴ ᤛᤧᤴᤍᤡᤰᤁᤠᤱ ᤂᤢᤴᤇᤡ ᤐᤠᤴ ᤌᤡ ᤌᤢᤱᤛᤧᤳᤇᤢ ᤜᤧᤰᤁᤩᤠᤱ ᤑᤥ᤹ᤔᤠᤴ ᤐᤣᤀᤠᤱ ᤂᤢᤏᤧ᤹ᤏᤢ ᤀᤡᤵᤛᤧ॥ ᤕᤠᤶᤔᤥ ᤂᤧᤴ ᤀᤡᤶᤛᤧ ᤑᤧᤖᤧᤒᤠ ᤏᤢ ᤐᤥᤃᤧᤀᤠᤱ ᤐᤣᤒᤠᤴ ᤗᤢᤋᤖᤧ ᤌᤣᤀᤠᤱ ᤔᤧᤏᤡᤛᤢᤴ॥
36ᤀᤰᤂᤣᤗ᤹ᤖᤡᤰ ᤗᤢᤋᤧᤸᤗᤧ ᤏᤧᤵᤔᤠᤱ ᤁᤢᤛ᤻ᤛᤠᤜᤠ᤹ ᤂᤢᤴᤇᤡ᤹ ᤀᤠᤒᤠᤅᤣ ᤐᤠᤗᤠᤶᤒᤠ ᤔᤧᤴᤇᤢᤰᤔᤠ ᤐᤥ᤺ᤰᤂᤧᤇᤡ॥ 37ᤂᤶᤒᤩᤠᤱ ᤋᤢᤶᤔᤧᤸᤗᤧ ᤕᤧᤶᤒᤡᤳᤇᤠ ᤛᤠᤎᤡᤰ ᤁᤳᤋᤢ. ᤜᤧᤰᤁᤩᤠᤱ ᤂᤧᤸᤗᤧ ᤂᤧᤴ ᤔᤥᤀᤠᤒ#᥇᥏:᥉᥍ ᤔᤥᤀᤠᤒ ᤁᤴ ᤔᤡᤱᤅᤧᤴ ᤜᤡᤒᤪᤢᤀᤥ “ᤀᤠᤱᤃᤠ᤹ ᤀᤠᤶᤒᤠᤗᤠᤶ” ᤁᤧᤗ᤹ᤒᤠ ᤂᤧᤶᤍᤧᤳ॥ ᤔᤡᤱ ᤘᤠ᤺ᤳᤋᤢ. ᤀᤰᤂᤣ᤺ᤸᤗᤧᤒᤠ ᤔᤥᤀᤠᤒᤡᤜᤠ᤹ᤖᤧ ᤂᤢᤴᤇᤡ᤹ ᤌᤠ᤺ᤰᤌᤧᤒᤠ ᤂᤢᤏᤧ᤹ᤀᤣᤖᤥ॥ 38ᤑᤥ᤹ᤔᤧᤸᤗᤧᤀᤠᤱ ᤕᤧᤶᤒᤡᤳᤇᤠ ᤛᤠᤎᤡᤰ ᤁᤳᤋᤢ. ᤜᤧᤰᤁᤩᤠᤱ ᤂᤢᤏᤧ᤹ ᤂᤧᤴ ᤀᤅᤧ᤺ᤰᤘᤠ᤺ᤸᤗᤧ ᤁᤢᤔᤡᤱ ᤒᤣᤏ-ᤀᤔᤡ#᥇᥏:᥉᥎ ᤒᤣᤏ-ᤀᤔᤡ—ᤁᤴ ᤔᤡᤱᤅᤡᤸᤗᤧ ᤁᤢᤒᤣᤴ ᤜᤡᤒᤪᤢᤀᤥ “ᤀᤠᤃᤠ᤹ᤀᤡ᤺ᤸᤗᤧ ᤁᤢᤛ᤻ᤛᤠ” ᤐᤥᤱ᤹॥ ᤜᤧᤰᤁᤩᤠᤱ ᤜᤡᤒᤪᤢᤀᤥ “ᤀᤶᤔᤥᤏᤡ” ᤜᤧᤰᤁᤣ ᤂᤧᤶᤍᤧᤳ॥ ᤘᤠ᤺ᤳᤋᤢ॥ ᤀᤰᤂᤣ᤺ᤸᤗᤧᤒᤠ ᤀᤶᤔᤥᤏᤡᤜᤠ᤹ᤖᤧ ᤂᤢᤴᤇᤡ᤹ ᤌᤠ᤺ᤰᤌᤧᤒᤠ ᤂᤢᤏᤧ᤹ᤀᤣᤖᤥ॥
Zur Zeit ausgewählt:
ᤋᤥᤗᤡᤱᤛᤥᤔᤢ 19: LIFOTNT
Markierung
Teilen
Kopieren
Möchtest du deine gespeicherten Markierungen auf allen deinen Geräten sehen? Erstelle ein kostenloses Konto oder melde dich an.
© 2009, 2023, Wycliffe Bible Translators, Inc. All rights reserved.