ᤋᤥᤗᤡᤱᤛᤥᤔᤢ 25
25
ᤀᤒᤪᤠᤜᤠᤶᤔᤡᤴ ᤔᤠᤛᤡᤱ
1ᤀᤒᤪᤠᤜᤠᤶᤔᤡᤸᤗᤧ ᤁᤧᤋᤢᤖᤠ ᤔᤡᤱ ᤁᤧᤘᤠ᤺ᤵᤔᤠ ᤘᤣ᤹ᤛᤔᤠ ᤔᤧᤴᤇᤢᤔᤠ ᤌᤡᤰᤁᤠᤱ ᤋᤧᤴᤎᤠᤶ ᤔᤣ᤺ᤰᤂᤡᤶ ᤔᤧᤳᤋᤢ॥ #᥇ ᤛᤠᤵᤔᤢ ᥇:᥉᥈-᥉᥉ 2ᤂᤧᤸᤗᤧ ᤀᤒᤪᤠᤜᤠᤔᤗᤠᤶ ᤈᤡᤔᤪᤠᤏ. ᤕᤥᤰᤇᤠᤏ. ᤔᤣᤍᤠᤏ. ᤔᤡᤎᤩᤠᤏ. ᤕᤡᤛ᤻ᤒᤠᤁ. ᤜᤧᤰᤁᤩᤠᤱ ᤛᤢᤜᤴ ᤁᤳᤋᤢᤛᤡ॥ 3ᤕᤥᤰᤇᤠᤏᤧᤸᤗᤧ ᤛᤣᤒᤠ ᤏᤢ ᤍᤍᤠᤏ ᤏᤧᤵᤑᤢ ᤁᤢᤛ᤻ᤛᤠ ᤕᤧᤶᤒᤡᤳᤇᤠ ᤘᤕᤧᤛᤡ॥ ᤍᤍᤠᤏᤧᤸᤗᤧ ᤁᤢᤛ᤻ᤛᤠᤜᤠ᤹ ᤀᤛ᤻ᤛᤢᤖᤡ. ᤗᤋᤢᤛᤡ ᤜᤧᤰᤁᤩᤠᤱ ᤗᤀᤢᤶᤔᤡ ᤔᤧᤘᤕᤧ॥ 4ᤔᤡᤎᤩᤠᤏᤧᤸᤗᤧ ᤁᤢᤛ᤻ᤛᤠᤜᤠ᤹ ᤀᤣᤐᤠ. ᤀᤣᤐᤣᤖ ᤜᤏᤥᤁ. ᤀᤒᤡᤍᤠ ᤏᤢ ᤀᤣᤸᤍᤠ ᤔᤧᤘᤕᤧ॥ ᤁᤱᤜᤠ᤹ ᤁᤧᤖᤧᤰ ᤁᤧᤋᤢᤖᤠᤖᤧ ᤁᤢᤔᤢ᤹ᤀᤡᤍᤠᤱᤛᤠᤜᤠ᤹ ᤔᤧᤘᤕᤧ॥
5ᤀᤒᤪᤠᤜᤠᤶᤔᤡᤸᤗᤧ ᤁᤳᤋᤢᤒᤠ ᤁᤧᤖᤧᤰ ᤐᤠ᤺ᤴᤜᤠ᤹ ᤁᤢᤛ᤻ᤛᤠ ᤀᤡᤛᤜᤠᤰᤁᤧᤴ ᤐᤡᤖᤢ॥ 6ᤁᤖ ᤂᤢᤏᤧ᤹ ᤔᤠᤛᤡᤱᤔᤠᤏᤢ᤺ᤸᤗᤧ ᤋᤃᤡ ᤜᤡᤅᤧᤖᤀᤣ ᤁᤢᤔᤣᤳ ᤐᤠ᤺ᤰᤔᤠᤜᤠ᤹ᤖᤧ ᤂᤢᤏᤡ᤹ ᤛᤠᤜᤠ᤹ ᤔᤡᤰᤋᤥ᤺ᤰᤜᤠ᤹ ᤐᤡᤖᤢᤛᤡ. ᤜᤧᤰᤁᤩᤠᤱ ᤀᤡᤛᤜᤠᤁᤗᤠᤶ ᤛᤧᤴᤍᤢᤛᤡᤀᤠᤱ ᤔᤠ᤺ᤱᤄᤠ ᤏᤠᤶᤃᤧᤴ ᤐᤡᤛᤠᤱᤒᤠ ᤗᤠᤈᤣ᤹ᤀᤥ ᤐᤠᤱᤄᤢᤍᤣᤛᤢᤛᤡ॥
ᤀᤒᤪᤠᤜᤠᤶᤔᤡᤴ ᤔᤠᤛᤡᤱᤅᤠᤱ ᤔᤧᤗᤢᤵᤋᤢ᤹
7ᤀᤒᤪᤠᤜᤠᤶᤔᤧᤴ ᤁᤡᤵ ᤌᤡᤰ ᤜᤧᤰᤁᤩᤠᤱ ᤏᤢᤒᤥᤱᤅᤠᤱ ᤅᤠᤛᤡ ᤋᤱᤒᤣ ᤌᤠᤖᤡᤰ ᤜᤡᤅᤧ॥ 8ᤜᤧᤰᤁᤩᤠᤱ ᤂᤢᤏᤧ᤹ ᤂᤍᤠᤰᤔᤡ ᤐᤥ᤺ᤰᤂᤧᤖ ᤌᤠᤖᤡᤰ ᤜᤡᤅᤧ ᤜᤧᤰᤁᤩᤠᤱ ᤂᤍᤠᤰᤔᤡ ᤋᤢᤶᤛᤧᤀᤠᤱ ᤔᤠᤛᤡᤱ॥ ᤜᤧᤰᤁᤩᤠᤱ ᤀᤠᤒᤠᤅᤣ ᤁᤢᤎᤠ᤺ᤰᤌᤧᤒᤠᤜᤠ᤹ᤏᤢ ᤋᤱᤛᤡᤱᤛᤧ ᤐᤣ॥ 9ᤂᤢᤏᤧ᤹ ᤁᤢᤛ᤻ᤛᤠ ᤀᤡᤛᤜᤠᤁ ᤏᤢ ᤀᤡᤛ᤻ᤔᤠᤀᤣᤗᤖᤧ ᤜᤡᤳᤋᤡ ᤛᤥᤀᤖᤖᤧ ᤁᤢᤛ᤻ᤛᤠ ᤀᤣᤐᤪᤥᤏᤧᤸᤗᤧ ᤁᤢᤒᤩᤠᤱᤛᤡ ᤔᤔᤪᤣᤗᤠᤶ ᤏᤠᤶᤃᤧᤳ ᤐᤡᤛᤠᤱᤒᤠ ᤔᤰᤐᤣᤗᤠ ᤑᤢᤰᤁᤢᤀᤥ ᤂᤢᤏᤧ᤹ ᤁᤢᤎᤰᤁᤡᤴ ᤗᤢᤵᤋᤧᤇᤢ॥ 10ᤂᤧᤴ ᤐᤩᤠᤱᤛᤡᤴ ᤀᤒᤪᤠᤜᤠᤶᤔᤡᤸᤗᤧ ᤜᤡᤳᤋᤡ ᤛᤢᤘᤠᤱᤜᤠ᤹ᤗᤠᤶ ᤀᤡᤅᤢᤀᤠᤱ ᤏᤧᤛ᤻ᤛᤧ॥ ᤂᤧᤒᤩᤠᤱ ᤁᤢᤔᤣᤳ ᤛᤠᤖᤠᤴ ᤔᤧᤗᤢᤵᤋᤢᤒᤠ ᤋᤧᤴᤏᤥᤀᤣ ᤂᤢᤏᤧ᤹ ᤔᤧᤗᤢᤵᤋᤢ॥ #ᤋᤥᤗᤡᤱ ᥈᥉:᥉-᥇᥌ 11ᤀᤒᤪᤠᤜᤠᤶᤔᤡᤴ ᤔᤠᤛᤡᤱᤅᤠᤱ ᤁᤢᤛ᤻ᤛᤠ ᤀᤡᤛᤜᤠᤰᤁᤧᤴ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤜᤠᤱᤘᤠᤃᤧᤴ ᤔᤢ᤹ᤀᤡᤛᤠᤶ ᤌᤠᤛᤢᤐᤡᤖᤢ॥ ᤂᤧᤴ ᤕᤧᤶᤔᤥ ᤀᤡᤛᤜᤠᤰᤁᤧᤴ ᤒᤣᤀᤖ ᤗᤜᤤ ᤖᤥᤀᤡ ᤁᤢᤒᤣᤛᤠᤱ ᤕᤢᤅᤧ॥
ᤀᤡᤛ᤻ᤔᤠᤀᤣᤗᤖᤧ ᤁᤢᤛ᤻ᤛᤠᤜᤠ᤹
12ᤛᤠᤖᤠ᤺ᤸᤗᤧ ᤁᤢᤛᤧᤘᤠᤖᤥᤔᤠ ᤔᤡᤛᤪᤡ ᤜᤠᤃᤠᤖ ᤗᤧᤵᤔᤠᤱᤗᤠᤶ ᤛᤠᤃᤧᤘᤠ᤺ᤴᤇᤡᤱᤒᤠ ᤀᤒᤪᤠᤜᤠᤶᤔᤡᤸᤗᤧ ᤁᤢᤛ᤻ᤛᤠ ᤀᤡᤛ᤻ᤔᤠᤀᤣᤗᤖᤧ ᤁᤢᤛ᤻ᤛᤠ ᤁᤢᤶᤔᤧᤴᤇᤠ᤹ᤜᤠ᤹ᤖᤧ ᤂᤢᤴᤇᤡ᤹ ᤛᤠᤵᤔᤢ᤺ᤴᤎᤢᤶᤔᤡᤴ ᤜᤠᤒᤠ ᤁᤴᤗᤥ॥ #᥇ ᤛᤠᤵᤔᤢ ᥇:᥈᥎-᥉᥇
13ᤂᤧᤱᤜᤠ᤹ ᤛᤠᤔᤧᤘᤠ᤺ᤴᤇᤡᤱᤒᤠ ᤔᤡᤱᤛᤪᤠ ᤁᤢᤀᤡᤛᤡᤰ ᤀᤡᤛ᤻ᤔᤠᤀᤣᤗᤖᤧ ᤁᤢᤛ᤻ᤛᤠᤜᤠ᤹ᤖᤧ ᤂᤢᤴᤇᤡ᤹ ᤔᤡᤱ ᤁᤱᤜᤠ᤹ᤖᤥ—
ᤀᤡᤛ᤻ᤔᤠᤀᤣᤗᤖᤧ ᤁᤢᤛ᤻ᤛᤠ ᤋᤢᤶᤒᤠᤴ ᤏᤒᤠᤕᤥᤋ.
ᤁᤣᤍᤠᤖ. ᤀᤍᤒᤣᤗ. ᤔᤡᤒ᤻ᤛᤠᤔ.
14ᤔᤡᤛ᤻ᤔᤠ. ᤍᤢᤔᤠ. ᤔᤛ᤻ᤛᤠ.
15ᤜᤍᤍ. ᤋᤣᤔᤠ. ᤕᤋᤢᤖ. ᤏᤠᤐᤡᤛ ᤏᤢ ᤁᤣᤍᤔᤠ॥
16ᤀᤡᤛ᤻ᤔᤠᤀᤣᤗᤖᤧ ᤁᤢᤛ᤻ᤛᤠᤜᤠ᤹ ᤁᤴᤜᤠ᤹ᤖᤥ॥ ᤂᤧᤱᤜᤠ᤹ ᤌᤡᤰᤏᤧᤳ ᤌᤠ᤺ᤰᤜᤠ᤹ᤖᤧ ᤂᤢᤴᤇᤡ᤹ ᤐᤠᤎᤧᤒᤠ ᤔᤧᤘᤕᤧ ᤜᤧᤰᤁᤩᤠᤱ ᤂᤢᤴᤇᤡ᤹ ᤐᤠᤱᤓᤣ᤹ ᤏᤢ ᤕᤢᤱᤔᤠᤍᤧᤴ ᤁᤢᤀᤡᤛᤡᤰ ᤂᤢᤴᤇᤡ᤹ ᤔᤡᤱᤜᤠ᤹ ᤐᤥ᤺ᤰᤂᤧ॥
17ᤀᤡᤛ᤻ᤔᤠᤀᤣᤸᤗᤧᤴ ᥇᥉᥍ ᤋᤱᤒᤣ ᤁᤧᤖᤧᤀᤠᤱ ᤘᤕᤧ. ᤂᤧᤒᤩᤠᤱ ᤂᤢᤏᤧ᤹ ᤔᤠᤛᤡᤱ ᤜᤧᤰᤁᤩᤠᤱ ᤁᤢᤎᤠ᤺ᤰᤜᤠ᤹ᤏᤢ ᤛᤥᤖᤡᤰ ᤐᤥᤱᤛᤧ ᤐᤣ॥ 18ᤂᤢᤏᤧ᤹ ᤁᤢᤔᤢ᤹ᤀᤡᤍᤠᤱᤛᤠᤜᤠ᤹ ᤔᤡᤛᤪ ᤗᤠᤈᤣ᤹ ᤀᤡ᤺ᤴᤍᤥ᤺ᤸᤗᤧ ᤁᤢᤒᤣᤛᤠᤱᤒᤠ ᤀᤛ᤻ᤛᤢᤖ ᤗᤠᤈᤣ᤹ ᤗᤧᤵᤔᤠᤱ ᤜᤒᤡᤗᤠᤗᤠᤶ ᤛᤢᤖ ᤌᤠᤖᤡᤰ ᤂᤧᤱᤜᤠ᤹ ᤔᤧᤒᤥᤴᤍᤧᤀᤠᤱ ᤔᤧᤕᤢᤅᤧ॥ ᤜᤧᤰᤁᤩᤠᤱ ᤂᤧᤱᤜᤠ᤹ ᤁᤧᤖᤧᤰ ᤂᤢᤴᤇᤡ᤹ ᤑᤢ᤹ᤏᤢᤛ᤻ᤛᤠ᤹ ᤗᤢᤶᤔᤥ ᤏᤡᤱᤔᤡ ᤔᤧᤒᤥ᤺ᤰᤂᤧᤀᤠᤱ ᤔᤧᤴᤍᤱᤅᤣ ᤔᤧᤕᤢᤅᤧ॥
ᤕᤠᤁᤢᤒ ᤏᤢ ᤀᤣᤛᤠᤒ
19ᤀᤒᤪᤠᤜᤠᤔᤖᤧ ᤁᤢᤛ᤻ᤛᤠ ᤀᤡᤛᤜᤠᤰᤁᤡᤸᤗᤧ ᤁᤢᤛᤠᤵᤔᤢ᤺ᤴᤎᤢᤶ ᤜᤠᤒᤠ ᤁᤸᤗᤥ॥
ᤀᤒᤪᤠᤜᤠᤶᤔᤡᤸᤗᤧ ᤀᤡᤛᤜᤠᤰᤁᤧᤴ ᤁᤳᤋᤢ॥ 20ᤜᤧᤰᤁᤩᤠᤱ ᤀᤡᤛᤜᤠᤰᤁᤧᤴ ᤗᤡᤒᤥᤱ ᤋᤱᤒᤣ ᤁᤧᤖᤧᤸᤗᤧ ᤐᤍ᤻ᤍᤏ ᤀᤖᤠᤔᤒᤠ ᤀᤖᤠᤔᤡ ᤒᤋᤢᤀᤣᤗᤖᤧ ᤁᤢᤛ᤻ᤛᤠ ᤔᤧᤴᤇᤢᤔᤠ ᤀᤖᤠᤔᤡ ᤗᤠᤒᤠᤏᤧᤸᤗᤧ ᤁᤢᤴᤛᤠ᤹ ᤖᤡᤒᤣᤁᤠᤴ ᤋᤧᤴᤎᤠᤶ ᤔᤣ᤺ᤰᤂᤡᤶ ᤔᤧᤳᤋᤢ॥
21ᤀᤡᤛᤜᤠᤰᤁᤡᤸᤗᤧ ᤁᤢᤔᤣ᤺ᤳᤋᤡᤴ ᤛᤠᤔᤧᤱᤃᤵᤔᤏᤠᤔᤠ ᤐᤥ᤺ᤰᤂᤧᤒᤠᤸᤗᤧ ᤆᤥᤃᤢᤸᤗᤧ ᤂᤢᤏᤧ᤹ ᤁᤢᤔᤣ᤺ᤳᤋᤡᤸᤗᤧ ᤁᤢᤗᤠᤃᤡ ᤕᤜᤘᤣ ᤍᤠᤱᤒᤠᤴ ᤐᤣᤗᤡ ᤑᤠᤰᤋᤢ॥ ᤂᤢᤏᤧ᤹ ᤑᤠᤰᤋᤢᤒᤠ ᤐᤣᤗᤡᤃᤧᤴ ᤋᤢᤘᤠᤴ ᤕᤜᤘᤣ ᤍᤠᤱᤒᤠᤸᤗᤧ ᤂᤧᤵᤛᤢ. ᤜᤧᤰᤁᤩᤠᤱ ᤖᤡᤒᤣᤁᤠᤴ ᤔᤧᤴᤇᤢᤰᤔᤠ ᤐᤥ᤺ᤰᤂᤧ॥ 22ᤂᤢᤏᤧ᤹ ᤁᤢᤛᤠᤵᤐᤥ᤺ᤰᤁᤥ ᤀᤅᤧ᤺ᤰᤘᤠ ᤏᤧᤳᤇᤡ ᤕᤠᤃᤧᤛᤡ. ᤂᤧᤴ ᤀᤅᤧ᤺ᤰᤘᤠᤜᤠ᤹ ᤆᤢᤱᤔᤠ ᤜᤣ᤺ᤰᤋᤧᤇᤡ॥ “ᤀᤠᤱᤃᤠ᤹ᤀᤥ ᤌᤣᤀᤠᤱ ᤀᤰᤂᤣ ᤐᤥ᤺ᤰᤂᤧᤒᤠᤒᤣ᥅” ᤐᤠ᤺ᤳᤋᤢᤖ ᤂᤧᤸᤗᤧ ᤕᤜᤘᤣ ᤍᤠᤱᤒᤠᤴ ᤛᤣ᤺ᤴᤍᤥᤔᤠ ᤜᤣ᤺ᤰᤋᤢ॥
23ᤕᤜᤘᤣ ᤍᤠᤱᤒᤧᤸᤗᤧ ᤂᤢᤏᤧ᤹ ᤀᤰᤂᤣ ᤔᤧᤳᤋᤢᤖᤥ. #ᤖᤥᤔᤡ ᥏:᥇᥈
“ᤂᤧᤏᤧ᤹ ᤁᤧᤛᤠᤵᤐᤥ᤺ᤰᤁᤥ ᤏᤧᤳᤇᤡ ᤛᤢᤘᤠᤱᤒᤠ
ᤔᤧᤴᤇᤠᤶ ᤕᤠᤵᤔᤡ ᤕᤠᤰᤛᤡᤖᤥ.
ᤁᤧᤛᤠᤵᤐᤥ᤺ᤰᤁᤥᤗᤠᤶ ᤂᤧᤱᤜᤠ᤹ ᤁᤧᤃᤳᤋᤢᤛᤡᤸᤗᤧᤛᤠ
ᤂᤧᤱᤜᤠ᤹ ᤀᤣ᤹ᤀᤣ ᤏᤧᤳᤇᤡ ᤛᤢᤘᤠᤱ ᤗ᤺ᤴᤇᤡᤖᤥ॥
ᤗᤳᤇᤠᤴ ᤘᤣ᤹ᤛᤔᤠᤴᤏᤢ᤺ᤸᤗᤧ ᤔᤢᤰᤁᤧᤃᤢᤒᤠ ᤐᤥᤱᤗᤥ.
ᤜᤧᤰᤁᤩᤠᤱ ᤋᤢᤶᤒᤠᤸᤗᤧ ᤑᤥ᤺ᤰᤘᤠᤒᤧᤸᤗᤧᤴ ᤁᤢᤛᤧᤘᤠ ᤆᤥᤃᤢᤖᤥ॥”
24ᤂᤧᤸᤗᤧ ᤁᤢᤛ᤻ᤛᤠᤃᤵᤔᤠ ᤕᤧᤶ ᤁᤧᤖᤧ. ᤜᤧᤰᤁᤩᤠᤱ ᤂᤧᤸᤗᤧ ᤁᤢᤛᤠᤵᤐᤥ᤺ᤰᤁᤥ ᤁᤠᤵᤛᤠᤒᤠ ᤀᤅᤧ᤺ᤰᤘᤠ ᤏᤧᤳᤇᤡ ᤕᤠᤃᤧᤳᤇᤡ॥ 25ᤋᤢᤶᤒᤧᤴ ᤜᤧ᤺ᤋᤩᤱᤕᤱᤒᤠ ᤆᤥᤃᤧ. ᤆᤠᤱ ᤆᤠᤰᤛᤢᤒᤠ ᤜᤧᤰᤁᤣ ᤁᤢᤎᤰᤁᤡᤴ ᤛᤡᤍᤧᤵ ᤋᤧᤵᤋᤢᤖ ᤁᤢᤶᤒᤪᤡ᤹ ᤛᤩᤥ᤺ᤱᤛᤩᤥ᤺ᤱ ᤕᤢᤅᤧ॥ ᤂᤧᤸᤗᤧᤆᤥᤃᤢᤸᤗᤧ ᤂᤧᤴ ᤀᤣᤛᤠᤒ#᥈᥋:᥈᥋ ᤀᤣᤛᤠᤒ—ᤛᤣᤀᤡᤖᤧᤴ ᤀᤥᤛᤣ᤺ᤴᤎᤠᤱ ᤆᤥ᤺ᤰᤔᤠᤖᤧ ᤗᤠᤃᤡ ᤁᤴ ᤔᤡᤱᤅᤧᤴ ᤁ᤹ᤕᤥ ᤔᤧᤍᤠᤖᤢᤀᤠᤱ ᤐᤳ. ᤛᤣᤀᤡᤖ ᤋᤧᤱᤃᤵᤐᤡᤴ ᤀᤣᤛᤠᤒᤖᤧ ᤁᤢᤔᤢ᤹ᤀᤡᤍᤠᤱᤛᤠᤜᤠ᤹ᤖᤧ ᤕᤠᤱᤛᤡ ᤔᤧᤕᤢᤰᤋᤢᤀᤠᤱ ᤏᤧᤛ᤻ᤛᤧ. ᤛᤣᤀᤡᤖ ᤑᤠ᤹ᤀᤡᤴ ᤜᤡᤒᤪᤢᤀᤥ “ᤁᤢᤶᤒᤪᤡᤰ ᤛᤩᤥ᤺ᤱᤛᤩᤥ᤺ᤱ ᤁᤧᤕᤢᤱᤒᤠ” ᤜᤧᤰᤁᤣ ᤂᤧᤶᤍᤧᤳ॥ ᤔᤡᤱ ᤔᤧᤘᤠ᤺ᤳᤋᤢ॥ 26ᤂᤧᤴ ᤀᤣᤃᤠᤱ ᤀᤣᤛᤠᤒᤧᤸᤗᤧ ᤁᤢᤗᤠᤱᤁᤠᤰᤌᤡ᤺ᤶᤒᤧᤴ ᤋᤧᤶᤛᤢᤖ ᤁᤢᤴᤛᤠ᤹ᤀᤡᤴ ᤗ᤺ᤴᤍᤧ॥ ᤂᤧᤸᤗᤧᤆᤥᤃᤢᤸᤗᤧ ᤂᤧᤴ ᤕᤠᤁᤢᤒ#᥈᥋:᥈᥌ ᤕᤠᤁᤢᤒ—ᤁᤴ ᤔᤡᤱᤅᤧᤴ ᤜᤡᤒᤪᤢᤀᤥ “ᤗᤠᤱᤃᤠᤰᤌᤡ᤺ᤶᤒᤠ” ᤏᤢ “ᤀᤡᤱᤀᤠᤗᤧᤰᤗᤧᤰᤐᤠ” ᤜᤧᤰᤁᤣ ᤂᤧᤶᤍᤧᤳ॥ ᤔᤡᤱ ᤔᤧᤘᤠ᤺ᤳᤋᤢ॥ ᤖᤡᤒᤣᤁᤠ᤺ᤸᤗᤧ ᤂᤧᤱᤜᤠ᤹ ᤁᤳᤋᤢᤛᤡᤸᤗᤧ ᤀᤡᤛᤜᤠᤰᤁᤧᤴ ᤋᤢᤰᤐᤥᤱ ᤋᤱᤒᤣ ᤁᤧᤖᤧᤀᤠᤱ ᤘᤕᤧ॥
ᤀᤣᤛᤠᤒᤧᤸᤗᤧ ᤋᤢᤶᤒᤠ ᤁᤢᤗᤰᤁᤡᤴ ᤛᤱᤄᤢ᤹
27ᤁᤱᤜᤠ᤹ ᤕᤶᤒᤠ ᤐᤥ᤺ᤰᤂᤧᤇᤡᤀᤠᤱ ᤀᤣᤛᤠᤒᤧᤴ ᤛᤠ᤹ᤖᤡᤰ ᤁᤧᤗᤧᤒᤠ ᤛᤠᤘᤠᤃᤧᤶᤒᤠ ᤏᤢ ᤋᤧᤶᤒᤣ᤹ᤀᤥ ᤋᤠᤰᤁᤧᤃᤶᤒᤠ ᤁᤧᤈᤠᤒᤠ ᤔᤏᤠ ᤐᤥ᤺ᤰᤂᤧ. ᤜᤧᤰᤁᤩᤠᤱ ᤕᤠᤁᤢᤒᤧᤴ ᤛᤠ᤺ᤱᤃᤠᤜᤡᤶᤔᤥ ᤁᤧᤕᤢᤱᤒᤠ ᤁᤢᤛᤢᤳᤏᤠ ᤁᤧᤏᤢ᤹ᤒᤠ ᤔᤏᤠ ᤐᤥ᤺ᤰᤂᤧ॥ 28ᤀᤡᤛᤜᤠᤰᤁᤡᤸᤗᤧ ᤀᤣᤛᤠᤒᤧᤴ ᤗᤢᤱᤔᤠ᤹ ᤋᤢᤰᤋᤢ. ᤌᤣᤀᤠᤱᤓᤧᤸᤗᤧ ᤂᤧᤸᤗᤧ ᤛᤧᤖᤢᤍᤠᤖᤢᤒᤠ ᤛᤠᤜᤠ᤹ ᤆᤠᤔᤠ ᤂᤥᤛᤢᤀᤠᤱ ᤘᤕᤧ॥ ᤁᤖ ᤖᤡᤒᤣᤁᤠ᤺ᤸᤗᤧᤃ ᤕᤠᤁᤢᤒᤧᤴ ᤗᤢᤱᤔᤠ᤹ ᤋᤢᤰᤋᤢ॥
29ᤌᤡᤰᤗᤧᤱ ᤕᤠᤁᤢᤒᤖᤧ ᤁᤢᤘᤠ ᤁᤣ᤺ᤳᤋᤢᤀᤠᤱ ᤁᤠᤖᤡ᤹ᤀᤡᤴ ᤌᤧᤴᤍᤢᤖ ᤕᤠᤃᤧᤸᤗᤧ ᤀᤣᤛᤠᤒᤧᤴ ᤋᤧᤶᤒᤣ᤹ᤀᤥᤗᤠᤶ ᤁᤧᤖᤧᤍᤩᤧ॥ ᤂᤧᤴ ᤁᤢᤛᤧᤳᤗᤠ᤺ᤰᤔᤠᤸᤗᤧ ᤁᤢᤎᤏᤠ ᤗᤧᤰᤂᤧᤀᤠᤱ ᤘᤕᤧ॥ 30ᤀᤣᤛᤠᤒᤖᤧ ᤕᤠᤁᤢᤒᤧᤴ ᤔᤧᤳᤋᤢ. “ᤜᤧ᤺ᤳᤋᤠᤱᤒᤠ ᤁᤠᤖᤡ᤹ᤀᤡᤸᤗᤧ ᤁᤢᤘᤠᤈᤡ ᤀᤠᤱᤃᤠ᤹ ᤌᤢᤱᤔᤠ ᤐᤡᤖᤠᤱᤅᤧ᤹॥ ᤀᤠᤱᤃᤠ᤹ ᤀᤠᤛᤧᤳᤗᤠ᤺ᤰᤔᤠᤸᤗᤧ ᤀᤠᤎᤏᤠ ᤗᤧᤰᤂᤧᤀᤠᤱ ᤘᤠ᤹ᤀᤠ॥” (ᤂᤧᤸᤗᤧᤆᤥᤃᤢᤸᤗᤧ ᤂᤢᤏᤧ᤹ ᤀᤣᤍᤥᤶᤔᤠᤱ#᥈᥋:᥉᥆ ᤀᤧᤍᤥᤔ—ᤁᤴ ᤔᤡᤱᤅᤧᤴ ᤜᤡᤒᤪᤢᤀᤥ “ᤜᤧ᤺ᤳᤋᤠᤱᤒᤠ” ᤜᤧᤰᤁᤣ ᤂᤧᤶᤍᤧᤳ॥ ᤔᤧᤔᤧᤳᤋᤢ॥)
31ᤕᤠᤁᤢᤒᤖᤧ ᤔᤧᤳᤋᤢ. “ᤋᤃᤡ ᤂᤧᤏᤧ᤹ ᤋᤢᤶᤒᤠ ᤁᤧᤗᤰᤁᤡᤴ ᤀᤠᤱᤃᤠ᤹ ᤀᤡᤱᤔᤠ ᤐᤡᤖᤠᤱᤅᤧ᤹॥”
32ᤀᤣᤛᤠᤒᤧᤸᤗᤧ ᤔᤧᤳᤋᤢ. “ᤀᤠᤱᤃᤠ᤹ᤃ ᤛᤡᤔᤠᤀᤣ ᤀᤡ᤺ᤳᤋᤠᤱᤗᤥ॥ ᤀᤠᤱᤃᤠ᤹ ᤛᤡᤀᤠᤏᤧᤑᤠᤃᤪ ᤋᤢᤶᤒᤠ ᤀᤠᤗᤰᤁᤡᤸᤗᤧ ᤌᤣ ᤐᤥᤱᤅᤠᤱᤒᤣ᥅”
33ᤁᤖ ᤕᤠᤁᤢᤒᤧᤸᤗᤧ ᤔᤧᤳᤋᤢ. “ᤂᤧᤏᤧ᤹ ᤋᤃᤡ ᤔᤠᤱᤜᤧᤰᤛᤡᤅᤧ᤹ᤀᤠᤱ ᤐᤠ᤺ᤳᤋᤧ᤹॥” ᤂᤧᤒᤩᤠᤱ ᤀᤣᤛᤠᤒᤧᤴ ᤔᤠᤱᤜᤧᤰᤛᤡᤱ. ᤜᤧᤰᤁᤩᤠᤱ ᤂᤢᤏᤧ᤹ ᤋᤢᤶᤒᤠ ᤁᤢᤗᤰᤁᤧᤴ ᤕᤠᤁᤢᤒᤀᤥ ᤛᤱᤄᤢᤍᤣᤛᤢ॥
34ᤂᤧᤴ ᤀᤣᤃᤠᤱ ᤕᤠᤁᤢᤒᤖᤧ ᤀᤣᤛᤠᤒᤧᤴ ᤂᤖᤧ᤺ᤱ ᤏᤢ ᤌᤧᤶᤔᤏᤠᤒᤠ ᤁᤠᤖᤡ᤹ᤀᤡᤸᤗᤧ ᤁᤢᤘᤠᤴ ᤐᤡᤖᤢ॥ ᤂᤢᤏᤧ᤹ ᤌᤢᤅᤢ ᤆᤔᤠ᤺ᤴᤍᤢᤀᤠᤱ ᤗ᤺ᤴᤍᤧᤒᤣ॥ ᤀᤰᤂᤣᤗ᤹ᤖᤡᤰ ᤀᤣᤛᤠᤒᤧᤸᤗᤧ ᤋᤢᤶᤒᤠ ᤁᤢᤗᤰᤁᤡᤴ ᤁᤢᤏᤠᤔᤧᤴᤇᤠ᤹ ᤆᤥᤃᤢ॥
Zur Zeit ausgewählt:
ᤋᤥᤗᤡᤱᤛᤥᤔᤢ 25: LIFOTNT
Markierung
Teilen
Kopieren
Möchtest du deine gespeicherten Markierungen auf allen deinen Geräten sehen? Erstelle ein kostenloses Konto oder melde dich an.
© 2009, 2023, Wycliffe Bible Translators, Inc. All rights reserved.