ᤋᤥᤗᤡᤱᤛᤥᤔᤢ 33
33
ᤕᤠᤁᤢᤒᤖᤧ ᤀᤣᤛᤠᤒᤧᤴ ᤋᤢᤔᤢ᤹
1ᤕᤠᤁᤢᤒᤧᤸᤗᤧ ᤀᤰᤂᤣ ᤀᤥᤔᤧᤳᤋᤢᤸᤗᤧ ᤀᤣᤛᤠᤒᤧᤴ ᤜᤧᤰᤁᤩᤠᤱ ᤂᤢᤏᤧ᤹ᤏᤢ ᤛᤥᤖᤡᤰ ᤁᤡᤵ ᤗᤡᤛᤡ ᤔᤏᤠᤜᤠ᤹ ᤔᤧᤓᤧᤖᤧᤖ ᤔᤧᤒᤳᤇᤧᤒᤠ ᤏᤡᤛᤢᤛᤡ॥ ᤜᤧᤰᤁᤣ᤺ᤸᤗᤧ ᤂᤢᤏᤧ᤹ ᤗᤡᤀᤠ ᤏᤢ ᤖᤠᤜᤣᤗ ᤜᤧᤰᤁᤩᤠᤱ ᤏᤧᤳᤇᤡ ᤂᤢᤴᤇᤡ᤹ ᤛᤧᤘᤠᤖᤥᤔᤠᤜᤠ᤹ᤖᤧ ᤂᤢᤏᤡ᤹ ᤁᤶᤒᤪᤠᤱᤅᤥ ᤁᤢᤛ᤻ᤛᤠᤜᤠ᤹ ᤛᤧᤴᤍᤢᤛᤡ॥ 2ᤂᤢᤏᤧ᤹ ᤁᤢᤛᤧᤘᤠᤖᤥᤔᤠᤜᤠ᤹ ᤏᤢ ᤂᤢᤴᤇᤡ᤹ ᤛᤠᤜᤠ᤹ ᤁᤧᤖᤧᤰᤏᤢ᤺ᤸᤗᤧ ᤋᤃᤡ ᤗᤠᤶᤗᤥᤛᤢᤛᤡ. ᤂᤧᤱᤜᤠ᤹ᤖᤧ ᤂᤢᤴᤇᤡ᤹ ᤀᤣᤃᤠᤱ ᤗᤡᤀᤠ᤺ᤴ ᤏᤢ ᤁᤢᤛ᤻ᤛᤠᤜᤠ᤹ ᤜᤧᤰᤁᤩᤠᤱ ᤁᤧᤖᤧᤰᤏᤢ᤺ᤸᤗᤧ ᤀᤣᤃᤠᤱ ᤖᤠᤜᤣᤗ ᤏᤢ ᤕᤢᤛᤢᤑᤧᤴ ᤑᤳᤇᤢᤛᤡ॥ 3ᤂᤢᤏᤧ᤹ ᤀᤠᤒᤠᤅᤣᤃ ᤁᤢᤶᤓᤢ᤹ᤖᤧ ᤁᤢᤒᤣᤛᤠᤱ ᤁᤧᤖᤧᤸᤗᤧ ᤂᤧᤱᤜᤠ᤹ ᤁᤧᤖᤧᤰᤏᤢ᤺ᤸᤗᤧ ᤋᤃᤡ ᤗᤠᤶᤗᤥᤛᤡᤱᤅᤠᤱ ᤏᤢᤛᤡᤗᤧᤱ ᤛᤠᤶᤒᤥᤴ ᤜᤒᤳᤋᤠᤱ ᤛᤧᤘᤠ ᤔᤕᤧᤖ ᤐᤣ॥
4ᤁᤖ ᤀᤣᤛᤠᤒᤧᤴ ᤕᤠᤁᤢᤒᤧᤸᤗᤧ ᤁᤢᤍᤢᤶᤛᤧ ᤗᤥ᤺ᤰᤋᤧᤖ ᤑᤧᤖᤧ ᤜᤧᤰᤁᤩᤠᤱ ᤂᤧᤴ ᤜᤧᤵᤐᤪᤧᤰ ᤜᤧᤵᤋᤢ. ᤂᤧᤒᤩᤠᤱ ᤁᤢᤛᤠ᤺ᤱᤓᤣ᤹ᤀᤥ ᤂᤡᤶᤛᤡᤱᤅᤠᤱ ᤂᤢᤏᤧ᤹ ᤆᤢᤵ ᤔᤧᤳᤋᤢ ᤜᤧᤰᤁᤩᤠᤱ ᤂᤧᤱᤜᤠ᤹ ᤏᤧᤵᤔᤈᤠᤱ ᤛᤠ᤹ᤖᤡᤰ ᤜᤠᤒᤧᤇᤡ॥ 5ᤂᤧᤒᤩᤠᤱ ᤀᤣᤛᤠᤒᤧᤴ ᤀᤰᤂᤣ ᤀᤥᤔᤕᤧᤸᤗᤧ ᤔᤧᤴᤇᤢᤔᤠᤜᤠ᤹ ᤏᤢ ᤜᤡᤴᤈᤠ᤹ ᤐᤡᤳᤇᤠ᤹ᤜᤠ᤹ ᤏᤡᤛᤢᤛᤡᤀᤠᤱ ᤔᤧᤳᤋᤢ. “ᤂᤧᤏᤧ᤹ᤏᤢ ᤁᤧᤘᤠ᤹ᤒᤠ ᤁᤧᤘᤠ᤹ᤔᤠ ᤁᤴ ᤕᤠᤵᤔᤡᤜᤠ᤹ ᤜᤠ᤺ᤳᤇᤡᤏᤡᤒᤣ᥅”
ᤕᤠᤁᤢᤒᤖᤧ ᤏᤢᤃᤵ ᤐᤡᤖᤢ. “ᤏᤡᤘᤠ᤹ᤑᤢᤔᤠᤱᤅᤡᤸᤗᤧ ᤂᤧᤏᤧ᤹ ᤁᤧᤛᤧᤘᤠᤖᤥᤒᤠᤴ ᤗᤢᤱᤔᤠ᤹ ᤋᤢᤰᤋᤢᤀᤠᤱ ᤐᤡᤖᤢᤒᤠ ᤜᤡᤴᤈᤠ᤹ᤛᤡᤖᤥ॥”
6ᤂᤧᤒᤩᤠᤱ ᤛᤧᤘᤠᤖᤥᤔᤠᤜᤠ᤹ ᤏᤢ ᤂᤢᤴᤇᤡ᤹ ᤛᤠᤜᤠ᤹ ᤏᤡ᤺ᤳᤋᤠᤱ ᤔᤧᤓᤧᤖᤧ ᤜᤧᤰᤁᤩᤠᤱ ᤀ᤺ᤰᤂᤢᤶ ᤔᤧᤓᤴᤇᤡᤱᤅᤠᤱ ᤀᤣᤛᤠᤒᤧᤴ ᤛᤧᤘᤠ ᤔᤧᤔᤧᤳᤋᤢ॥ 7ᤂᤧᤴ ᤀᤣᤃᤠᤱ ᤗᤡᤀᤠ᤺ᤴ ᤏᤢ ᤁᤢᤛ᤻ᤛᤠᤜᤠ᤹ ᤔᤧᤓᤧᤖᤧᤀᤠᤱ ᤛᤧᤘᤠ ᤔᤧᤔᤧᤳᤋᤢ॥ ᤁᤧᤖᤧᤰᤏᤢ᤺ᤸᤗᤧ ᤕᤠᤱᤛᤡ ᤕᤢᤛᤢᤑᤧᤴ ᤏᤢ ᤖᤠᤜᤧᤗᤧᤴ ᤑᤧᤖᤧᤇᤡ ᤜᤧᤰᤁᤩᤠᤱ ᤂᤧᤱᤜᤠ᤹ᤖᤧᤀᤠᤱ ᤛᤧᤘᤠ ᤔᤧᤳᤋᤧᤇᤢ॥
8ᤀᤣᤛᤠᤒᤧᤸᤗᤧ ᤕᤠᤁᤢᤒᤧᤴ ᤛᤣ᤺ᤴᤗᤠᤵᤋᤢ. “ᤀᤠᤱᤃᤠ᤹ ᤑᤧᤖᤠᤱᤅᤡᤸᤗᤧ ᤗᤠᤶᤔᤥ ᤋᤢᤔᤢᤱᤛᤡᤱᤒᤠ ᤁᤴ ᤌᤰᤛᤠᤗᤢᤵᤜᤠ᤹ ᤌᤣᤀᤠᤱ ᤁᤧᤒᤠᤱᤄᤢ ᤁᤧᤓᤧᤴᤇᤢᤛᤡᤒᤠᤒᤣ᥅”
ᤕᤠᤁᤢᤒᤖᤧ ᤏᤢᤃᤵ ᤐᤡᤖᤢ. “ᤀᤠᤍᤠᤱᤒᤣ ᤂᤧᤱᤜᤠ᤹ᤃ ᤂᤧᤏᤧ᤹ ᤗᤢᤱᤔᤠ᤹ ᤁᤧᤍᤢᤰᤁᤠᤖ ᤑᤠ᤹ᤀᤠᤱ ᤔᤡᤰᤋᤥᤰ ᤛᤢᤱ ᤑᤧᤳᤋᤢᤱᤛᤡᤱᤒᤠᤖᤥ॥”
9ᤁᤖ ᤀᤣᤛᤠᤒᤧᤸᤗᤧ ᤏᤥᤃᤵ ᤐᤡᤖᤢ. “ᤀᤠᤴᤛᤠ᤹ᤀᤣ. ᤀᤠᤱᤃᤠ᤹ ᤀᤠᤗᤠᤃᤡ ᤁᤧᤕᤥᤒᤠ ᤁᤳᤋᤢᤱᤛᤡᤱ॥ ᤂᤧᤏᤧ᤹ ᤁᤧᤃᤳᤋᤢᤛᤡᤒᤠᤜᤠ᤹ ᤂᤧᤏᤧ᤹ᤀᤣ ᤁᤳᤋᤧᤛᤧ᤹॥”
10ᤕᤠᤁᤢᤒᤧᤸᤗᤧ ᤔᤧᤳᤋᤢ. “ᤔᤣ᤺ᤴᤗᤥ. ᤂᤧᤏᤧ᤹ ᤁᤧᤛᤡᤖᤠ᤹ ᤌᤠᤱᤅᤠᤏᤣ ᤑᤠᤃᤪ ᤀᤠᤜᤢᤰᤁᤥᤗᤠᤶ ᤁᤴ ᤔᤡᤰᤋᤥᤰ ᤛᤢᤱᤜᤠ᤹ ᤋᤠ᤺ᤰᤋᤧ᤹ᤀᤥ॥ ᤂᤧᤏᤧ᤹ ᤏᤢᤖᤡᤰᤁᤠᤱ ᤗᤠᤱ ᤁᤧᤍᤠ᤺ᤰᤋᤠᤱ॥ ᤛᤧᤰᤂᤠᤀᤣ ᤂᤧᤏᤧ᤹ ᤋᤢᤶᤏᤧᤸᤗᤧ ᤀᤠᤱᤃᤠ᤹ ᤏᤡᤱᤘᤠ᤹ᤑᤢᤔᤠᤱᤅᤡᤴ ᤋᤢᤔᤢᤱᤒᤠ ᤜᤧᤰᤁᤣ ᤐᤥ᤺ᤰᤂᤧᤖᤥ॥ 11ᤂᤧᤏᤧ᤹ᤀᤣ ᤁᤧᤗᤠᤃᤡ ᤑᤠ᤹ᤀᤠᤱ ᤜᤢ᤹ᤏᤧᤒᤠ ᤔᤡᤰᤋᤥ᤺ᤰᤁᤡᤴ ᤋᤠ᤺ᤰᤋᤧ᤹ ᤑᤠ᤹ᤀᤠᤱ ᤐᤣᤗᤡ ᤑᤠᤰᤏᤧᤖᤥ॥ ᤀᤠᤱᤃᤠ᤹ ᤀᤠᤗᤠᤃᤡ ᤁᤧᤕᤥᤒᤠ ᤁᤳᤋᤢᤱ ᤌᤣᤀᤠᤱᤓᤧᤸᤗᤧ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤀᤠᤱᤃᤠ᤹ ᤏᤢᤖᤡᤰ ᤔᤧᤳᤋᤠᤱᤅᤠᤱ ᤘᤠ᤹॥” ᤁᤶᤓᤗ᤹ᤖᤡᤰ ᤕᤠᤁᤢᤒᤖᤧ ᤕᤧ᤺ᤰᤁᤠᤱ ᤕᤧ᤺ᤰ ᤔᤧᤳᤋᤢᤒᤠᤸᤗᤧ ᤆᤥᤃᤢᤸᤗᤧ ᤀᤣᤛᤠᤒᤖᤧ ᤂᤧᤴ ᤔᤡᤰᤋᤥᤰ ᤛᤢᤱᤅᤡᤴ ᤋᤠ᤺ᤰᤋᤢ॥
12ᤂᤧᤒᤩᤠᤱ ᤀᤣᤛᤠᤒᤧᤸᤗᤧ ᤔᤧᤳᤋᤢ. “ᤀᤠᤸᤗ ᤀᤠᤏᤡ᤹ ᤌᤠᤀᤠᤛᤡ॥ ᤀᤠᤱᤃᤠ᤹ ᤂᤡᤏᤡ᤹ ᤗᤠᤶᤗᤥᤏᤡᤱ॥”
13ᤁᤖ ᤕᤠᤁᤢᤒᤧᤸᤗᤧ ᤔᤧᤳᤋᤢ. “ᤀᤠᤍᤠᤱᤒᤠᤖᤧ ᤁᤧᤏᤡᤛᤢᤀᤠᤱᤅᤣ ᤁᤧᤘᤠ᤹ᤖᤥ. ᤁᤴ ᤜᤡᤴᤈᤠ᤹ ᤐᤡᤳᤇᤠ᤹ᤜᤠ᤹ ᤔᤧᤈᤢ᤺ᤰ ᤜᤧᤰᤁᤩᤠᤱ ᤛᤠᤘᤠᤔᤠ ᤌᤰᤛᤠᤜᤠ᤹ ᤏᤢᤖᤡᤰ ᤀᤥᤔᤧᤵᤔᤠᤛᤡ ᤐᤥᤱ॥ ᤂᤧᤱᤜᤠ᤹ ᤌᤡᤰ ᤕᤧᤴᤎᤡᤰ ᤆᤩᤖᤡᤰ ᤗᤠᤱᤄᤣ᤺ᤱᤔᤠᤛᤡᤸᤗᤧ ᤁᤧᤖᤧᤰ ᤔᤧᤛᤡᤒᤡᤗᤠ॥ 14ᤂᤧᤸᤗᤧᤆᤥᤃᤢᤸᤗᤧ ᤀᤠᤍᤠᤱᤒᤠᤴ ᤐᤣᤗᤡ ᤑᤠᤰᤏᤧ. ᤂᤧᤏᤧ᤹ᤀᤣ ᤀᤠᤏᤡᤃᤧᤏᤢ᤺ᤸᤗᤧ ᤋᤃᤡ ᤐᤣᤃᤧ᤹ᤀᤥ॥ ᤀᤠᤱᤃᤠ᤹ ᤀᤠᤍᤃᤡ ᤁᤧᤒᤣ᤺ᤰᤐᤠ ᤌᤰᤛᤠᤜᤠ᤹ ᤜᤧᤰᤁᤩᤠᤱ ᤁᤴ ᤜᤡᤴᤈᤠ᤹ᤐᤡᤳᤇᤠ᤹ ᤗᤠᤱᤔᤧᤄᤣ᤺ᤰᤐᤠ ᤁᤢᤀᤡᤛᤡᤰ ᤛᤣᤀᤡᤖᤀᤥ ᤂᤧᤏᤧ᤹ ᤔᤧᤴᤍᤢᤶᤔᤣ ᤌᤠᤖᤡᤰ ᤀᤠᤱᤃᤠ᤹ ᤔᤛ᤻ᤛᤢᤀᤠᤱ ᤑᤧᤴᤏᤠᤖᤥ॥”
15ᤀᤣᤛᤠᤒᤧᤸᤗᤧ ᤔᤧᤳᤋᤢ. “ᤜᤧᤰᤁᤣᤃᤪ ᤂᤧᤏᤧ᤹ ᤁᤧᤓᤠ᤹ᤛᤧ ᤁᤢᤓᤠ ᤀᤠᤔᤏᤠᤜᤠ᤹ ᤗᤧᤖᤢᤱᤎᤠᤱᤛᤡᤱ॥”
ᤁᤖ ᤕᤠᤁᤢᤒᤖᤧ ᤔᤧᤳᤋᤢ. “ᤁᤴ ᤆᤠᤜᤠᤒ᤻ ᤔᤧᤈᤥ᤺ᤰᤁᤠᤴᤏᤠ॥ ᤂᤧᤏᤧ᤹ ᤗᤢᤱᤔᤠ᤹ᤖᤰ ᤁᤧᤍᤢᤰᤁᤠᤀᤠᤱᤃ ᤐᤥᤱ॥”
16ᤂᤧᤸᤗᤧᤆᤥᤃᤢᤸᤗᤧ ᤜᤠᤒᤠ ᤂᤧᤴ ᤕᤧᤴᤏᤥ ᤀᤣᤛᤠᤒᤧᤴ ᤛᤣᤀᤡᤖ ᤗᤧᤵᤔᤠ ᤌᤠᤛᤡᤱ ᤐᤣ॥ 17ᤁᤖ ᤕᤠᤁᤢᤒᤧᤱᤃ ᤛᤢᤰᤁᤥᤋ#᥉᥉:᥇᥍ ᤛᤢᤰᤁᤥᤋ—ᤁᤴ ᤔᤡᤱᤅᤧᤸᤗᤧ ᤁᤢᤒᤣᤴ ᤜᤡᤒᤪᤢᤀᤥ “ᤕᤠᤰᤔᤠᤜᤡᤶᤜᤠ᤹” ᤐᤥᤱ᤹॥ ᤗᤧᤵᤔᤠᤱ ᤌᤠᤛᤡᤱ. ᤜᤧᤰᤁᤩᤠᤱ ᤀᤠᤒᤠᤅᤣ ᤂᤢᤏᤧ᤹ ᤁᤢᤗᤠᤃᤡ ᤜᤡᤶᤎᤡᤰ ᤏᤢ ᤁᤢᤎᤰᤛᤠᤜᤠ᤹ᤖᤧ ᤗᤠᤃᤡ ᤕᤠᤰᤔᤠᤜᤡᤶᤜᤠ᤹ ᤆᤥᤃᤢ॥ ᤂᤧᤸᤗᤧᤆᤥᤃᤢᤸᤗᤧ ᤂᤧᤴ ᤋᤧᤴᤏᤡᤸᤗᤧ ᤁᤢᤔᤡᤱ ᤛᤢᤰᤁᤥᤋ ᤐᤥ᤺ᤰᤂᤧᤖᤥ॥
18ᤕᤠᤁᤢᤒᤧᤴ ᤐᤍ᤻ᤍᤏ ᤀᤠᤖᤠᤔᤗᤠᤶ ᤗᤠᤱᤄᤣᤃᤧ ᤐᤣᤀᤠᤱ ᤁᤏᤠᤏ ᤗᤠᤈᤣ᤹ᤀᤥᤒᤠ ᤛᤁᤣᤔ ᤕᤧᤰᤕᤰᤁᤥ ᤏᤢᤖᤡᤰᤁᤠᤱ ᤁᤧᤖᤧ. ᤜᤧᤰᤁᤩᤠᤱ ᤂᤧᤴ ᤕᤧᤰᤕᤰᤁᤡᤸᤗᤧ ᤁᤢᤒᤣᤛᤠᤱ ᤛᤠ᤺ᤱᤃᤠᤜᤡᤶ ᤗᤣ᤺ᤳᤋᤢᤀᤠᤱ ᤕᤢᤱᤛᤡᤱ॥ 19ᤕᤠᤁᤢᤒᤖᤧ ᤂᤢᤏᤧ᤹ ᤛᤠ᤺ᤱᤃᤠᤜᤡᤶ ᤗᤣ᤺ᤳᤋᤢᤒᤠ ᤋᤧᤴᤏᤡᤴ ᤛᤁᤣᤔᤧᤸᤗᤧ ᤁᤢᤶᤒᤠ ᤜᤠᤔᤥᤖᤧᤸᤗᤧ ᤁᤢᤛ᤻ᤛᤠᤜᤠ᤹ᤗᤠᤶ ᤁᤡᤵ ᤌᤡᤰ ᤕᤢᤵᤐᤠ ᤕᤠᤱᤀᤡᤳᤇᤡ ᤁᤢᤔᤧᤸᤗᤢᤱ ᤁᤣ᤺ᤳᤋᤢᤀᤠᤱ ᤀᤡᤅᤢ॥ #ᤕᤜᤥ ᥈᥊:᥉᥈; ᤕᤢᤜᤢ ᥊:᥋ 20ᤂᤧᤵᤔᤥ ᤂᤢᤏᤧ᤹ ᤗᤳᤇᤠ ᤗᤧᤳᤋᤡ ᤋᤥ᤺ᤶᤔᤠᤍᤧᤴ ᤌᤡᤰ ᤆᤥᤃᤢ ᤜᤧᤰᤁᤩᤠᤱ “ᤀᤧᤗ ᤀᤧᤗᤥᤜ ᤀᤡᤛᤪᤠᤀᤡᤗ” (ᤏᤡᤱᤘᤠ᤹ᤑᤢᤔᤠᤱᤅᤡᤱᤃ ᤀᤡᤛᤪᤠᤀᤡᤗᤒᤠ ᤏᤡᤱᤘᤠ᤹ᤑᤢᤔᤠᤱ) ᤔᤡᤱ ᤕᤢᤰᤂᤢᤖᤥ॥
Zur Zeit ausgewählt:
ᤋᤥᤗᤡᤱᤛᤥᤔᤢ 33: LIFOTNT
Markierung
Teilen
Kopieren
Möchtest du deine gespeicherten Markierungen auf allen deinen Geräten sehen? Erstelle ein kostenloses Konto oder melde dich an.
© 2009, 2023, Wycliffe Bible Translators, Inc. All rights reserved.