ᤋᤥᤗᤡᤱᤛᤥᤔᤢ 47
47
1ᤂᤧᤒᤩᤠᤱ ᤕᤢᤛᤢᤑᤧᤴ ᤐᤣᤀᤠᤱ ᤑᤠᤖᤥᤴ ᤔᤧᤳᤋᤢ. “ᤀᤠᤱᤃᤠ᤹ ᤀᤠᤶᤒᤠ ᤏᤢ ᤀᤠᤶᤓᤢ᤹ ᤀᤠᤴᤛᤠ᤹ᤛᤡ. ᤂᤢᤴᤇᤡ᤹ ᤐᤡᤳᤜᤠ᤹. ᤔᤧᤸᤗᤢᤰ ᤔᤧ᤺ᤴᤍᤠᤜᤠ᤹ ᤜᤧᤰᤁᤩᤠᤱ ᤂᤢᤴᤇᤡ᤹ ᤔᤧᤃᤳᤋᤢᤒᤠ ᤁᤧᤖᤧᤰ ᤐᤠ᤺ᤴᤜᤠ᤹ ᤔᤧᤕᤢᤖᤢᤀᤠᤱ ᤁᤏᤠᤏ ᤗᤠᤈᤣ᤹ᤗᤠᤶ ᤔᤧᤕᤧᤀᤠᤱ ᤔᤧᤘᤠ᤹ ᤜᤧᤰᤁᤩᤠᤱ ᤀᤠᤸᤗᤥ ᤂᤧᤱᤜᤠ᤹ ᤃᤥᤛᤣᤏ ᤋᤧᤱᤃᤵᤐᤥ ᤔᤧᤘᤠ᤹॥” 2ᤂᤢᤏᤧ᤹ ᤁᤢᤶᤓᤢ᤹ ᤁᤢᤴᤛᤠ᤹ᤜᤠ᤹ᤀᤥ ᤅᤠᤛᤡ ᤑᤠᤖᤥᤸᤗᤧ᤹ᤀᤥ ᤋᤠᤖᤢᤛᤡ॥
3ᤑᤠᤖᤥᤸᤗᤧ ᤂᤢᤏᤧ᤹ ᤁᤢᤶᤓᤢ᤹ ᤁᤢᤴᤛᤠ᤹ᤜᤠ᤹ ᤛᤣ᤺ᤴᤍᤥᤛᤢᤛᤡ. “ᤂᤡᤏᤡ᤹ ᤌᤣ ᤕᤠ᤺ᤶᤒᤰ ᤁᤧᤈᤥᤃᤡᤒᤣ᥅”
ᤂᤧᤱᤜᤠ᤹ᤖᤧ ᤑᤠᤖᤥᤴ ᤔᤧᤔᤧᤳᤋᤢ. “ᤀᤠᤏᤡᤃᤣ ᤀᤠᤍᤠᤱᤒᤠᤖᤧ ᤁᤧᤛᤧᤘᤠᤖᤥᤒᤠᤜᤠ᤹ ᤀᤠᤏᤡᤃᤣ ᤐᤠᤎᤧᤒᤠᤜᤠ᤹ᤀᤠᤱᤎᤥᤛᤠ ᤐᤡᤳ ᤁᤧᤃᤶᤒᤠᤛᤡᤃᤧᤖᤥ॥” 4ᤂᤧᤱᤜᤠ᤹ᤖᤧ ᤑᤠᤖᤥᤴ ᤕᤠᤶᤔᤥ ᤔᤧᤔᤧᤳᤋᤢ. “ᤀᤠᤏᤡᤃᤣ ᤁᤴ ᤗᤠᤈᤣ᤹ᤀᤥ ᤛᤵᤑᤠ ᤕᤢᤱᤛᤧ ᤋᤩᤧ᤹ᤀᤡᤃᤧᤀᤠᤱ ᤘᤕᤡᤃᤧ. ᤌᤣᤀᤠᤱᤓᤧᤸᤗᤧ ᤁᤏᤠᤏ ᤗᤠᤈᤣ᤹ᤀᤥ ᤛᤠ᤹ᤖᤡᤰ ᤕᤶᤒᤠ ᤛᤠᤰ ᤋᤩᤧᤒᤠᤸᤗᤧ ᤆᤥᤃᤢᤸᤗᤧ ᤀᤠᤍᤠᤱᤒᤠᤖᤧ ᤁᤧᤛᤧᤘᤠᤖᤥᤒᤠᤜᤠ᤹ᤖᤧ ᤗᤠᤃᤡ ᤔᤧᤸᤗᤢᤰ ᤔᤧ᤺ᤴᤍᤠᤰ ᤆᤠᤖᤠᤶᤔᤠᤍᤧᤴ ᤜᤥᤵ॥ ᤀᤠᤸᤗ ᤐᤣᤗᤡ ᤑᤠᤰᤁᤠᤛᤡᤃᤧ. ᤃᤥᤛᤣᤏ ᤋᤧᤱᤃᤵᤐᤥ ᤕᤢᤱᤔᤠ ᤀᤠᤒᤡᤖᤧ᤹ᤀᤥ॥”
5ᤑᤠᤖᤥᤸᤗᤧ ᤕᤢᤛᤢᤑᤧᤴ ᤔᤧᤳᤋᤢ. “ᤂᤧᤏᤧ᤹ ᤁᤧᤶᤒᤠ ᤏᤢ ᤁᤧᤶᤓᤢ᤹ ᤁᤧᤴᤛᤠ᤹ᤛᤡ ᤂᤧᤏᤧ᤹ᤀᤥ ᤔᤧᤕᤧᤖᤇ॥ 6ᤔᤡᤛᤪ ᤗᤠᤈᤣᤴ ᤂᤧᤏᤧ᤹ ᤁᤧᤍᤃᤡ ᤏᤧ᤹᤺॥ ᤗᤠᤈᤣ᤹ᤀᤥᤒᤠ ᤁᤧᤖᤧᤰᤏᤢ᤺ᤸᤗᤧ ᤏᤢᤒᤠ ᤋᤧᤴᤏᤥ ᤁᤧᤶᤒᤠ ᤏᤢ ᤁᤧᤶᤓᤢ᤹ ᤁᤧᤴᤛᤠ᤹ᤛᤡ ᤕᤢᤰᤂᤧᤛᤧ᤹॥ ᤂᤧᤱᤜᤠ᤹ ᤃᤥᤛᤣᤏ ᤋᤧᤱᤃᤵᤐᤥᤀᤣ ᤕᤢᤱᤔᤠ ᤐᤠᤱᤄᤧᤛᤧ᤹॥ ᤂᤧᤱᤜᤠ᤹ᤀᤥ ᤏᤢᤖᤡᤰᤁᤠᤱ ᤐᤡᤳ ᤔᤧ᤺ᤴᤍᤠ ᤁᤶᤔᤠ ᤁᤧᤛᤢᤰᤐᤠ ᤁᤧᤄᤥᤛᤢᤛᤡᤏᤧᤓᤃᤪ ᤀᤠᤱᤃᤠ᤹ ᤀᤠᤒᤡᤳ ᤔᤧ᤺ᤴᤍᤠᤜᤠ᤹ᤀᤠᤱ ᤀᤥᤔᤧᤵᤔᤠ ᤐᤠᤱᤄᤧᤛᤧ᤹॥”
7ᤂᤧᤒᤩᤠᤱ ᤕᤢᤛᤢᤑᤖᤧ ᤁᤢᤶᤒᤠ ᤕᤠᤁᤢᤒᤧᤴᤏᤠᤱ ᤑᤠᤖᤥᤸᤗᤧ ᤁᤢᤍᤃᤡ ᤋᤠᤖᤢ॥ ᤕᤠᤁᤢᤒᤖᤧ ᤑᤠᤖᤥᤴ ᤜᤠᤱᤘᤠ ᤔᤢ᤹ᤀᤡᤛᤠᤶ ᤐᤡᤖᤢ॥ 8ᤑᤠᤖᤥᤸᤗᤧ ᤕᤠᤁᤢᤒᤧᤴ ᤛᤧᤴᤍᤥᤛᤢ. “ᤂᤧᤏᤧ᤹ ᤀᤠᤰᤂᤧᤴ ᤋᤱᤒᤣ ᤁᤧᤃᤧᤖᤧᤒᤣ᥅”
9ᤕᤠᤁᤢᤒᤖᤧ ᤑᤠᤖᤥᤴ ᤔᤧᤳᤋᤢ. “ᤀᤠᤱᤃᤠ᤹ ᤋᤠᤰᤁᤧᤃᤶᤒᤠ ᤁᤧᤈᤠᤒᤠ ᤀᤠᤜᤡᤱᤔᤴᤏᤡᤴ ᤋᤱᤒᤣ ᤁᤡᤵ ᤌᤡᤰᤁᤠᤱ ᤛᤢᤶᤒᤥᤱ ᤁᤧᤖᤧ॥ ᤀᤠᤱᤃᤠ᤹ ᤁᤴ ᤀᤠᤍᤱᤒᤣᤜᤠ᤹ᤃ ᤋᤠᤱᤒᤠ ᤏᤢ ᤋᤢᤰᤂᤣᤘᤠ ᤐᤥ᤺ᤰᤂᤧᤀᤠᤱ ᤘᤠ᤹ᤖᤥ. ᤀᤠᤍᤠᤱᤒᤣ॥ ᤀᤠᤱᤃᤠ᤹ ᤀᤠᤶᤒᤠ ᤀᤠᤴᤎᤧᤒᤠᤛᤡ ᤁᤴ ᤋᤠᤰᤁᤴᤏᤡᤒᤠ ᤜᤡᤱᤔᤴᤏᤥ ᤔᤧᤜᤡᤅᤧᤒᤠ ᤋᤱᤒᤣ ᤕᤠᤖᤡᤰᤁ ᤀᤠᤱᤃᤠ᤹ ᤔᤧᤱᤃᤧᤳᤋᤣ ᤘᤠ᤹ᤀᤠ॥” 10ᤜᤧᤰᤁᤩᤠᤱ ᤕᤠᤁᤢᤒᤖᤧ ᤕᤠᤶᤔᤥ ᤑᤠᤖᤥᤴ ᤜᤠᤱᤘᤠ ᤔᤢ᤹ᤀᤡᤛᤠᤶ ᤌᤠᤛᤢᤐᤡᤖᤢ. ᤜᤧᤰᤁᤩᤠᤱ ᤂᤢᤏᤧ᤹ ᤑᤠᤖᤥᤸᤗᤧ ᤁᤢᤍᤃᤡᤗᤠᤶ ᤗ᤺ᤴᤍᤧ ᤐᤣᤃᤧ॥
11ᤂᤧᤒᤩᤠᤱ ᤕᤢᤛᤢᤑᤖᤧ ᤁᤢᤶᤒᤠ ᤏᤢ ᤁᤢᤶᤓᤢ᤹ ᤁᤢᤴᤛᤠ᤹ᤜᤠ᤹ ᤕᤢᤰᤂᤢᤛᤡ. ᤜᤧᤰᤁᤩᤠᤱ ᤑᤠᤖᤥᤸᤗᤧ ᤀᤡᤱᤈᤠᤱ ᤆᤥᤃᤢᤒᤠ ᤀᤡᤛᤡ᤺ᤰ ᤔᤡᤛᤪᤀᤥᤒᤠ ᤁᤧᤖᤧᤰᤏᤢ᤺ᤸᤗᤧ ᤏᤢᤒᤠ ᤋᤧᤴ ᤖᤠᤔᤛᤣᤛ ᤔᤧᤵᤔᤏᤠᤒᤠ ᤋᤧᤱᤃᤵᤐᤥᤒᤠ ᤕᤥ᤹ᤒᤠ ᤛᤡᤱᤒᤢᤱᤜᤠ᤹ ᤂᤧᤱᤜᤠ᤹ᤖᤧ ᤂᤢᤴᤇᤡ᤹ ᤕᤢᤰᤁᤥ ᤐᤡᤖᤢᤛᤡ॥ 12ᤕᤢᤛᤢᤑᤖᤧ ᤁᤢᤶᤓᤢ᤹ ᤁᤢᤴᤛᤠ᤹ᤛᤡ ᤜᤧᤰᤁᤩᤠᤱ ᤁᤢᤶᤒᤠᤏᤢ ᤁᤧᤕᤢᤒᤠ ᤁᤧᤖᤧᤰ ᤂᤢᤴᤇᤡ᤹ ᤛᤠᤀᤣᤜᤠ᤹ ᤀᤠᤰᤂᤩᤠᤰ ᤔᤧᤘᤕᤧ ᤂᤧᤴ ᤀᤡᤛᤡ᤺ᤰ ᤁᤢᤈᤠ ᤐᤡᤖᤢᤛᤡ॥
ᤋᤠᤔᤠ ᤁᤧᤒᤥᤱᤒᤠ ᤛᤠᤁᤫᤠᤔᤧᤴ
13ᤛᤠ᤹ᤖᤡᤰ ᤁᤧᤛᤠᤰᤐᤠ ᤛᤠᤁᤫᤠᤔᤧᤸᤗᤧ ᤗᤠᤈᤣᤴ ᤕᤰᤂᤧᤀᤠᤱ ᤏᤧᤛ᤻ᤛᤧᤒᤠᤸᤗᤧ ᤆᤥᤃᤢᤸᤗᤧ ᤗᤠᤈᤣ᤹ᤀᤥ ᤆᤠᤔᤠ ᤆᤠ ᤌᤣᤀᤠᤱ ᤜᤥ᤺ᤵᤋᤧ॥ ᤛᤠᤁᤫᤠᤔᤧᤸᤗᤧ ᤔᤡᤛᤪ ᤏᤢ ᤁᤏᤠᤏ ᤏᤧᤵᤔᤠᤱ ᤗᤠᤈᤣ᤹ᤜᤠ᤹ ᤕᤰᤂᤧᤀᤠᤱ ᤏᤧᤛ᤻ᤛᤧ॥ 14ᤔᤡᤛᤪ ᤏᤢ ᤁᤏᤠᤏᤒᤠ ᤔᤏᤠᤜᤠ᤹ᤖᤧ ᤆᤠ ᤔᤧᤀᤡᤅᤢᤒᤠ ᤁᤧᤖᤧᤰ ᤕᤠᤱᤅᤡᤴ ᤕᤢᤛᤢᤑᤖᤧ ᤛᤢᤵᤛᤢᤀᤠᤱ ᤑᤠᤖᤥᤸᤗᤧ ᤁᤢᤜᤡᤶᤔᤥ ᤕᤢᤰᤂᤢ॥ 15ᤔᤡᤛᤪ ᤏᤢ ᤁᤏᤠᤏᤒᤠ ᤔᤏᤠᤜᤠ᤹ᤖᤧ ᤂᤢᤴᤇᤡ ᤕᤠᤱ ᤁᤧᤖᤧᤰ ᤔᤠᤖᤧᤸᤗᤧ. ᤁᤧᤖᤧᤰ ᤔᤡᤛᤪᤡᤜᤠ᤹ ᤔᤧᤍᤩᤧᤀᤠᤱ ᤕᤢᤛᤢᤑᤧᤴ ᤔᤧᤔᤧᤳᤋᤢ. “ᤀᤠᤏᤡᤃᤣ ᤆᤠ ᤀᤠᤒᤡᤖᤧ᤹॥ ᤂᤧᤏᤧ᤹ ᤁᤧᤍᤃᤡ ᤀᤠᤏᤡᤃᤣ ᤌᤣᤀᤠᤱ ᤛᤩᤧ᤹ᤀᤡᤃᤧᤒᤠᤒᤣ᥅ ᤀᤠᤏᤡᤃᤣ ᤁᤳᤋᤢᤶᤒᤧᤒᤠ ᤕᤠᤱ ᤁᤧᤖᤧᤰ ᤔᤠᤖᤧ॥”
16ᤕᤢᤛᤢᤑᤖᤧ ᤂᤧᤱᤜᤠ᤹ ᤔᤧᤳᤋᤢᤛᤡ. “ᤂᤡᤏᤡ᤹ ᤕᤠᤱ ᤔᤠᤖᤧᤃᤪ ᤂᤡᤏᤡ᤹ ᤐᤡᤳ ᤔᤧ᤺ᤴᤍᤠᤰᤜᤠ᤹ ᤋᤠᤖᤧᤶᤛᤧ᤹॥ ᤂᤡᤏᤡ᤹ ᤐᤡᤳ ᤔᤧ᤺ᤴᤍᤠᤖᤧ ᤁᤢᤗᤧᤰᤘᤠ ᤀᤠᤱᤃᤠ᤹ ᤆᤠ ᤐᤡᤏᤡᤱ᤹॥” 17ᤂᤧᤸᤗᤧᤆᤥᤃᤢᤸᤗᤧ ᤂᤧᤱᤜᤠ᤹ᤖᤧ ᤂᤢᤴᤇᤡ᤹ ᤐᤡᤳ ᤔᤧ᤺ᤴᤍᤠᤰᤜᤠ᤹ ᤕᤢᤛᤢᤑᤖᤧ᤹ᤀᤥ ᤔᤧᤍᤠᤖᤢᤛᤡ. ᤜᤧᤰᤁᤩᤠᤱ ᤕᤢᤛᤢᤑᤖᤧ ᤂᤧᤱᤜᤠ᤹ᤖᤧ ᤂᤢᤴᤇᤡ᤹ ᤀᤴ. ᤐᤡᤵᤔᤠ. ᤀᤍᤱᤜᤠ᤹ᤖᤧ ᤁᤢᤗᤧᤰᤘᤠ ᤂᤧᤱᤜᤠ᤹ ᤁᤢᤈᤠ ᤐᤡᤖᤢᤛᤡ॥ ᤂᤧᤴ ᤋᤱᤛᤡ ᤐᤡᤳ ᤔᤧ᤺ᤴᤍᤠᤰᤗᤧ ᤁᤢᤗᤧᤰᤘᤠ ᤂᤧᤱᤜᤠ᤹ ᤂᤢᤏᤧ᤹ ᤁᤢᤈᤠ ᤐᤡᤖᤢᤛᤡ॥
18ᤂᤧᤴ ᤋᤱᤒᤣᤴ ᤗᤧᤰᤋᤧᤀᤠᤱ ᤕᤠᤶᤔᤥ ᤁᤧᤍᤠᤒᤠ ᤘᤣ᤹ ᤋᤱᤒᤣᤀᤥ ᤔᤧᤍᤩᤧᤀᤠᤱ ᤂᤧᤱᤜᤠ᤹ᤖᤧ ᤕᤢᤛᤢᤑᤧᤴ ᤔᤧᤔᤧᤳᤋᤢ. “ᤀᤠᤏᤡᤃᤣ ᤕᤠᤱ ᤁᤧᤖᤧᤰ ᤔᤠᤖᤧᤒᤠᤃ ᤀᤠᤍᤠᤱᤒᤠᤖᤧ ᤁᤧᤏᤡᤛᤢᤀᤠᤱᤅᤣ ᤘᤠ᤹ᤖᤥ॥ ᤐᤡᤳ ᤔᤧ᤺ᤴᤍᤠ ᤗᤢᤵᤜᤠ᤹ᤀᤠᤱ ᤂᤧᤏᤧ᤹ᤀᤡᤴᤏᤣ ᤔᤧᤒᤥ᤺ᤰᤂᤧ ᤔᤧᤈᤢᤖᤧᤀᤠᤱ ᤘᤠ᤹॥ ᤀᤠᤸᤗ ᤀᤠᤍᤠᤱᤒᤠᤖᤧ ᤁᤧᤗᤠᤃᤡ ᤀᤠᤏᤡᤃᤣ ᤌᤰᤁᤡᤴ ᤏᤢ ᤕᤥ᤹ᤒᤠ ᤛᤡᤱᤒᤢᤱᤀᤠᤱᤎᤥ ᤘᤣ᤹ ᤌᤣᤀᤠᤱ ᤜᤥᤵᤗᤥ॥ 19ᤀᤠᤏᤡᤃᤣ ᤜᤧᤰᤁᤩᤠᤱ ᤀᤠᤏᤡᤃᤣ ᤕᤥ᤹ᤒᤠᤏᤢ ᤂᤧᤏᤧ᤹ ᤁᤧᤍᤃᤡ ᤀᤠᤏᤡᤃᤣ ᤌᤣᤀᤠᤱ ᤛᤩᤧ᤹ᤀᤡᤃᤧᤒᤠᤒᤣ᥅ ᤀᤠᤏᤡᤃᤣ ᤁᤢᤈᤠ ᤆᤠᤔᤠ ᤂᤥᤔᤠᤖᤧ ᤗᤠᤃᤡ ᤀᤠᤏᤡᤃᤣ ᤏᤢ ᤀᤠᤏᤡᤃᤣ ᤕᤥ᤹ᤒᤠ ᤛᤡᤱᤒᤢᤱᤏᤢ ᤛᤥᤖᤡᤰ ᤕᤠᤵᤔᤡ ᤀᤠᤀᤡᤅᤧ᤹. ᤜᤧᤰᤁᤩᤠᤱ ᤀᤠᤏᤡᤃᤣ ᤑᤠᤖᤥᤸᤗᤧ ᤁᤢᤕᤥ᤺ᤃ᤻ᤒᤠ ᤐᤥ᤺ᤰᤂᤡᤃᤧᤖᤥ॥ ᤀᤠᤏᤡᤃᤣ ᤕᤠ᤹ᤖᤡ᤺ᤶᤒᤠ ᤀᤠᤒᤡᤖᤧ᤹. ᤜᤧᤰᤁᤩᤠᤱ ᤀᤠᤏᤡᤃᤣ ᤜᤡᤅᤡᤃᤧᤖᤥ ᤜᤧᤰᤁᤩᤠᤱ ᤀᤠᤏᤡᤃᤣ ᤕᤥ᤹ᤒᤠ ᤛᤡᤱᤒᤢᤱᤅᤡᤴ ᤔᤢᤖᤧᤰ ᤂᤠᤖᤧᤰ ᤔᤧᤒᤥᤱᤏᤧᤴ॥”
20ᤀᤰᤂᤣᤗ᤹ᤖᤡᤰ ᤕᤢᤛᤢᤑᤖᤧ ᤔᤡᤛᤪᤒᤠ ᤁᤧᤖᤧᤰ ᤕᤥ᤹ᤒᤠ ᤛᤡᤱᤒᤢᤱᤅᤡᤴ ᤑᤠᤖᤥᤸᤗᤧ ᤁᤢᤗᤠᤃᤡ ᤀᤡᤅᤢ॥ ᤂᤧ᤹ᤕᤥ ᤛᤠ᤹ᤖᤡᤰ ᤁᤧᤛᤠᤰᤐᤠ ᤛᤠᤰ ᤐᤥᤃᤧᤒᤠᤸᤗᤧ ᤆᤥᤃᤢᤸᤗᤧ ᤁᤧᤖᤧᤰ ᤔᤡᤛᤪᤡᤜᤠ᤹ᤖᤧ ᤂᤢᤴᤇᤡ᤹ ᤕᤥ᤹ᤒᤠ ᤛᤡᤱᤒᤢᤱᤜᤠ᤹ ᤔᤧᤛᤱᤄᤢ॥ ᤀᤰᤂᤣᤗ᤹ᤖᤡᤰ ᤕᤥ᤹ᤒᤠ ᤛᤡᤱᤒᤢᤱᤜᤠ᤹ ᤑᤠᤖᤥᤸᤗᤧᤴ ᤐᤥ᤺ᤰᤂᤧ॥ 21ᤕᤢᤛᤢᤑᤖᤧ ᤔᤡᤛᤪᤒᤠ ᤌᤡᤰ ᤁᤢᤕᤠᤗᤠᤶᤒᤠ ᤏᤠᤛᤔᤠ ᤁᤢᤛᤢᤰᤐᤥ ᤌᤠᤖᤡᤰᤐᤠ ᤁᤧᤖᤧᤰ ᤔᤏᤠᤜᤠ᤹ ᤕᤥᤃ᤻ᤒᤠ ᤕᤥ᤺ᤃ᤻ᤔᤠ ᤆᤥᤃᤢᤛᤡ॥ 22ᤁᤖ ᤏᤡᤱᤘᤠ᤹ᤓᤢᤛᤠᤶᤒᤠᤜᤠ᤹ᤖᤧ ᤂᤢᤴᤇᤡ᤹ ᤕᤥ᤹ᤒᤠ ᤛᤡᤱᤒᤢᤱᤅᤡᤱᤃ ᤔᤧᤀᤡᤅᤢᤴ. ᤌᤣᤀᤠᤱᤓᤧᤸᤗᤧ ᤏᤡᤱᤘᤠ᤹ᤓᤢᤛᤠᤶᤒᤠᤜᤠ᤹ᤖᤧ ᤂᤢᤴᤇᤡ᤹ ᤗᤠᤃᤡ ᤑᤠᤖᤥᤗᤠᤶᤒᤠ ᤆᤠ ᤔᤧᤄᤥᤛᤢᤖ ᤔᤧᤘᤕᤧ. ᤜᤧᤰᤁᤩᤠᤱ ᤑᤠᤖᤥᤸᤗᤧ ᤐᤡᤖᤢᤛᤡᤒᤠ ᤗᤰ ᤗᤠᤶᤒᤠᤀᤣ ᤂᤧᤱᤜᤠ᤹ᤖᤧ ᤆᤠ ᤔᤧᤈ॥ ᤂᤧᤸᤗᤧᤆᤥᤃᤢᤸᤗᤧ ᤂᤧᤱᤜᤠ᤹ᤖᤧᤃ ᤂᤢᤴᤇᤡ᤹ ᤕᤥ᤹ᤒᤠ ᤛᤡᤱᤒᤢᤱ ᤛᤱᤔᤠ ᤔᤧᤒᤥ᤺ᤰᤂᤧᤴ॥
23ᤕᤢᤛᤢᤑᤖᤧ ᤔᤏᤠᤜᤠ᤹ ᤔᤧᤳᤋᤢᤛᤡ. “ᤀᤥᤔᤧᤳᤋᤧᤶᤔᤧ᤹. ᤀᤠᤀᤡᤴ ᤀᤠᤱᤃᤠ᤹ ᤑᤠᤖᤥᤸᤗᤧ ᤁᤢᤗᤠᤃᤡ ᤕᤥ᤹ᤒᤠ ᤛᤡᤱᤒᤢᤱᤅᤡᤴ ᤏᤢ ᤂᤡᤏᤡ᤹ᤀᤠᤱ ᤀᤡᤱᤏᤡᤱᤅᤠᤱ ᤘᤠ᤹. ᤜᤧᤰᤁᤩᤠᤱ ᤁᤴ ᤕᤠ᤹ᤖᤡ᤺ᤶᤒᤧᤴ ᤂᤡᤏᤡ᤹ ᤕᤥ᤹ᤒᤠᤀᤥ ᤜᤣ᤹ᤖᤧᤶᤔᤧ᤹॥ 24ᤁᤖ ᤆᤠᤛᤢᤶᤔᤠ ᤕᤧᤶᤔᤥ ᤅᤠᤛᤡ ᤗᤰᤁᤡᤴ ᤑᤠᤖᤥᤴ ᤂᤡᤏᤡ᤹ ᤁᤧᤒᤡᤖᤢᤶᤗ ᤐᤥᤱ॥ ᤗᤡᤛᤡ ᤗᤰᤁᤡᤴ ᤕᤠᤶᤔᤥ ᤕᤠ᤹ᤖᤡ᤺ᤶᤒᤠ ᤜᤣ᤹ᤔᤠᤖᤧ ᤗᤠᤃᤡ ᤜᤧᤰᤁᤩᤠᤱ ᤂᤧᤏᤡ᤹ ᤏᤢ ᤂᤧᤏᤡ᤹ ᤜᤡᤶᤛᤕᤱ ᤜᤶᤒᤩᤠᤱ ᤂᤡᤏᤡ᤹ ᤛᤠᤜᤠ᤹ᤖᤧ ᤆᤠᤔᤠᤖᤧ ᤗᤠᤃᤡ ᤂᤡᤏᤡ᤹ᤀᤡᤴᤏᤣ ᤐᤥᤱᤗᤥ॥”
25ᤂᤧᤱᤜᤠ᤹ᤖᤧ ᤔᤧᤔᤧᤳᤋᤢ. “ᤀᤠᤍᤠᤱᤒᤠᤖᤧ ᤀᤠᤏᤡᤃᤣ ᤛᤰᤔᤠ ᤁᤣ᤺ᤰᤋᤢᤖ ᤁᤧᤈᤥᤃᤢᤖᤥ॥ ᤀᤠᤏᤡᤃᤣ ᤕᤠᤵᤔᤡ ᤗᤢᤱᤔᤠ᤹ ᤁᤧᤍᤢᤰᤋᤧᤖᤥ॥ ᤀᤠᤏᤡᤃᤣ ᤑᤠᤖᤥᤸᤗᤧ ᤁᤢᤕᤥ᤺ᤃ᤻ᤒᤠ ᤐᤥ᤺ᤰᤂᤡᤃᤧᤖᤥ॥”
26ᤁᤸᤗᤧᤆᤥᤃᤢᤸᤗᤧ ᤔᤡᤛᤪ ᤗᤠᤈᤣ᤹ᤀᤥ ᤕᤥ᤹ᤒᤠ ᤛᤡᤱᤒᤢᤱᤗᤧ ᤁᤢᤕᤠ᤺ᤶᤒᤣᤀᤥ ᤕᤢᤛᤢᤑᤖᤧ ᤗᤳᤇᤠ ᤌᤡᤶ ᤆᤥᤃᤢ. ᤂᤧᤴ ᤀᤠᤀᤡᤴ ᤌᤠᤖᤡᤰᤁᤠᤱ ᤘᤠ᤹ᤖᤥ. ᤁᤧᤒᤥ᤺ᤰᤐᤠ ᤆᤠ᤺ᤸᤗᤧ ᤅᤠᤛᤡᤃᤣᤰᤐᤠ ᤗᤰᤁᤡᤴ ᤑᤠᤖᤥᤸᤗᤧ ᤁᤢᤗᤰ ᤐᤥᤱᤗᤥ॥ ᤏᤡᤱᤘᤠ᤹ᤑᤢᤛᤠᤶᤒᤠᤜᤠ᤹ᤖᤧ ᤂᤢᤏᤡ᤹ ᤗᤠᤈᤣ᤹ ᤛᤡᤱᤒᤢᤱᤜᤠ᤹ᤖᤰ ᤑᤠᤖᤥᤸᤗᤧᤴ ᤔᤧᤒᤥ᤺ᤰᤂᤧᤴ॥
ᤕᤠᤁᤢᤒᤖᤧ ᤆᤥᤃᤢᤒᤠ ᤁᤢᤏᤢᤵᤔᤠ ᤐᤣᤗᤡ
27ᤀᤠᤸᤗ ᤔᤡᤛᤪᤒᤠ ᤃᤥᤛᤣᤴᤏᤥ ᤀᤡᤛᤪᤠᤀᤡᤗᤡᤜᤠ᤹ ᤕᤢᤱᤔᤠ ᤔᤧᤜᤣ᤺ᤰᤋᤧ. ᤜᤧᤰᤁᤩᤠᤱ ᤂᤧᤱᤜᤠ᤹ᤖᤧ ᤂᤧ᤹ᤕᤥᤒᤠ ᤕᤥ᤹ᤒᤠ ᤛᤡᤱᤒᤢᤱᤅᤡᤴ ᤂᤢᤴᤇᤡ᤹ ᤕᤢᤰᤁᤥ ᤔᤧᤔᤧᤳᤇᤡᤱ॥ ᤜᤧᤰᤁᤩᤠᤱ ᤂᤧ᤹ᤕᤥ ᤂᤧᤱᤜᤠ᤹ ᤔᤧᤒᤥ᤺ᤴᤍᤧ ᤔᤧᤎᤧ᤹ᤖᤧᤀᤠᤱ ᤂᤠᤏᤡ᤺ᤳᤋᤥ ᤛᤠ᤹ᤖᤡᤰ ᤕᤖᤡᤰ ᤔᤧᤒᤥ᤺ᤰᤂᤧᤖ ᤔᤧᤒᤣ॥
28ᤕᤠᤁᤢᤒᤧᤴ ᤔᤡᤛᤪᤀᤥ ᤌᤡᤒᤥᤱᤅᤠᤱ ᤏᤢᤛᤡ ᤋᤱᤒᤣ ᤜᤡᤅᤧ. ᤂᤢᤏᤧ᤹ ᤁᤡᤵ ᤌᤡᤰᤁᤠᤱ ᤗᤡᤒᤥᤱᤅᤠᤱ ᤏᤢᤛᤡ ᤋᤱᤒᤣ ᤁᤧᤖᤧ॥ 29ᤀᤡᤛᤪᤠᤀᤡᤗᤧᤴ ᤛᤡᤔᤠ ᤀᤡ᤺ᤳᤋᤧᤸᤗᤧ ᤁᤢᤛ᤻ᤛᤠ ᤕᤢᤛᤢᤑᤧᤴ ᤀᤢ᤺ᤳᤋᤢᤀᤠᤱ ᤔᤧᤳᤋᤢ. “ᤂᤧᤏᤧ᤹ ᤗᤢᤱᤔᤠ᤹ ᤁᤧᤍᤢᤰᤁᤠᤒᤠᤴ ᤀᤥᤛᤣ᤺ᤴᤃᤧᤎᤠᤰᤁᤠᤏᤧᤓᤃᤪ ᤂᤧᤏᤧ᤹ ᤁᤧᤜᤢᤰᤁᤡᤴ ᤀᤠᤛᤧᤒᤱᤒᤠᤸᤗᤧ ᤁᤢᤛᤡ᤺ᤰᤋᤥ ᤏᤧᤛ᤻ᤛᤧ᤹ᤀᤠᤱ ᤗᤢᤱᤔᤠ᤹ ᤋᤢᤰᤏᤧ ᤑᤠ᤹ᤀᤠᤱ ᤔᤠᤱᤜᤧᤰᤛᤡᤅᤧ᤹॥ ᤂᤧᤏᤧ᤹ ᤔᤡᤛᤪᤀᤥ ᤔᤧᤗᤢᤵᤋᤠᤱᤅᤧᤴᤏᤧ᤹. #ᤋᤥᤗᤡᤱ ᥊᥏:᥈᥏-᥉᥈. ᥋᥆:᥌ 30ᤁᤖ ᤀᤠᤱᤃᤠ᤹ ᤀᤠᤶᤒᤠ ᤜᤧᤰᤁᤩᤠᤱ ᤀᤠᤴᤎᤧᤒᤠᤜᤠ᤹ᤏᤢ ᤀᤡᤶᤔᤠ ᤐᤣ᤺ᤰᤁᤠ. ᤂᤧᤒᤧᤸᤗᤧ ᤔᤡᤛᤪ ᤗᤠᤈᤣ᤹ᤗᤠᤶᤒᤠ ᤐᤰᤂᤠᤱ ᤋᤣ᤹ᤖᤠᤱᤅᤧ᤹ᤀᤠᤱ ᤂᤢᤴᤇᤡ᤹ ᤔᤧᤗᤢᤵᤋᤢᤛᤡᤒᤠ ᤀᤡᤵᤐᤢᤱᤅᤥᤀᤣ ᤗᤢᤵᤋᤠᤱᤅᤧ᤹ᤀᤥ॥”
ᤂᤢᤏᤧ᤹ ᤔᤧᤳᤋᤢ. “ᤂᤧᤏᤧ᤹ ᤁᤧᤒᤠ᤺ᤳᤋᤢᤒᤠ ᤀᤡᤛᤡ᤺ᤰ ᤀᤠᤱᤃᤠ᤹ ᤆᤥᤃᤢᤱ᤹॥”
31ᤕᤠᤁᤢᤒᤖᤧ ᤔᤧᤳᤋᤢ. “ᤔᤠᤱᤜᤧᤰᤛᤡᤅᤧ᤹॥” ᤜᤧᤰᤁᤩᤠᤱ ᤕᤢᤛᤢᤑᤧᤴ ᤔᤠᤱᤜᤧᤰᤛᤡᤱ॥ ᤂᤧᤒᤩᤠᤱ ᤀᤡᤛᤪᤠᤀᤡᤗᤖᤧ ᤔᤠᤱᤛᤧᤘᤠ ᤆᤥᤃᤢ ᤜᤧᤰᤁᤩᤠᤱ ᤂᤢᤏᤧ᤹ ᤁᤢᤏᤧᤳᤏᤠᤀᤥ ᤏᤠ᤺ᤶᤛᤡᤱ॥
Zur Zeit ausgewählt:
ᤋᤥᤗᤡᤱᤛᤥᤔᤢ 47: LIFOTNT
Markierung
Teilen
Kopieren
Möchtest du deine gespeicherten Markierungen auf allen deinen Geräten sehen? Erstelle ein kostenloses Konto oder melde dich an.
© 2009, 2023, Wycliffe Bible Translators, Inc. All rights reserved.
ᤋᤥᤗᤡᤱᤛᤥᤔᤢ 47
47
1ᤂᤧᤒᤩᤠᤱ ᤕᤢᤛᤢᤑᤧᤴ ᤐᤣᤀᤠᤱ ᤑᤠᤖᤥᤴ ᤔᤧᤳᤋᤢ. “ᤀᤠᤱᤃᤠ᤹ ᤀᤠᤶᤒᤠ ᤏᤢ ᤀᤠᤶᤓᤢ᤹ ᤀᤠᤴᤛᤠ᤹ᤛᤡ. ᤂᤢᤴᤇᤡ᤹ ᤐᤡᤳᤜᤠ᤹. ᤔᤧᤸᤗᤢᤰ ᤔᤧ᤺ᤴᤍᤠᤜᤠ᤹ ᤜᤧᤰᤁᤩᤠᤱ ᤂᤢᤴᤇᤡ᤹ ᤔᤧᤃᤳᤋᤢᤒᤠ ᤁᤧᤖᤧᤰ ᤐᤠ᤺ᤴᤜᤠ᤹ ᤔᤧᤕᤢᤖᤢᤀᤠᤱ ᤁᤏᤠᤏ ᤗᤠᤈᤣ᤹ᤗᤠᤶ ᤔᤧᤕᤧᤀᤠᤱ ᤔᤧᤘᤠ᤹ ᤜᤧᤰᤁᤩᤠᤱ ᤀᤠᤸᤗᤥ ᤂᤧᤱᤜᤠ᤹ ᤃᤥᤛᤣᤏ ᤋᤧᤱᤃᤵᤐᤥ ᤔᤧᤘᤠ᤹॥” 2ᤂᤢᤏᤧ᤹ ᤁᤢᤶᤓᤢ᤹ ᤁᤢᤴᤛᤠ᤹ᤜᤠ᤹ᤀᤥ ᤅᤠᤛᤡ ᤑᤠᤖᤥᤸᤗᤧ᤹ᤀᤥ ᤋᤠᤖᤢᤛᤡ॥
3ᤑᤠᤖᤥᤸᤗᤧ ᤂᤢᤏᤧ᤹ ᤁᤢᤶᤓᤢ᤹ ᤁᤢᤴᤛᤠ᤹ᤜᤠ᤹ ᤛᤣ᤺ᤴᤍᤥᤛᤢᤛᤡ. “ᤂᤡᤏᤡ᤹ ᤌᤣ ᤕᤠ᤺ᤶᤒᤰ ᤁᤧᤈᤥᤃᤡᤒᤣ᥅”
ᤂᤧᤱᤜᤠ᤹ᤖᤧ ᤑᤠᤖᤥᤴ ᤔᤧᤔᤧᤳᤋᤢ. “ᤀᤠᤏᤡᤃᤣ ᤀᤠᤍᤠᤱᤒᤠᤖᤧ ᤁᤧᤛᤧᤘᤠᤖᤥᤒᤠᤜᤠ᤹ ᤀᤠᤏᤡᤃᤣ ᤐᤠᤎᤧᤒᤠᤜᤠ᤹ᤀᤠᤱᤎᤥᤛᤠ ᤐᤡᤳ ᤁᤧᤃᤶᤒᤠᤛᤡᤃᤧᤖᤥ॥” 4ᤂᤧᤱᤜᤠ᤹ᤖᤧ ᤑᤠᤖᤥᤴ ᤕᤠᤶᤔᤥ ᤔᤧᤔᤧᤳᤋᤢ. “ᤀᤠᤏᤡᤃᤣ ᤁᤴ ᤗᤠᤈᤣ᤹ᤀᤥ ᤛᤵᤑᤠ ᤕᤢᤱᤛᤧ ᤋᤩᤧ᤹ᤀᤡᤃᤧᤀᤠᤱ ᤘᤕᤡᤃᤧ. ᤌᤣᤀᤠᤱᤓᤧᤸᤗᤧ ᤁᤏᤠᤏ ᤗᤠᤈᤣ᤹ᤀᤥ ᤛᤠ᤹ᤖᤡᤰ ᤕᤶᤒᤠ ᤛᤠᤰ ᤋᤩᤧᤒᤠᤸᤗᤧ ᤆᤥᤃᤢᤸᤗᤧ ᤀᤠᤍᤠᤱᤒᤠᤖᤧ ᤁᤧᤛᤧᤘᤠᤖᤥᤒᤠᤜᤠ᤹ᤖᤧ ᤗᤠᤃᤡ ᤔᤧᤸᤗᤢᤰ ᤔᤧ᤺ᤴᤍᤠᤰ ᤆᤠᤖᤠᤶᤔᤠᤍᤧᤴ ᤜᤥᤵ॥ ᤀᤠᤸᤗ ᤐᤣᤗᤡ ᤑᤠᤰᤁᤠᤛᤡᤃᤧ. ᤃᤥᤛᤣᤏ ᤋᤧᤱᤃᤵᤐᤥ ᤕᤢᤱᤔᤠ ᤀᤠᤒᤡᤖᤧ᤹ᤀᤥ॥”
5ᤑᤠᤖᤥᤸᤗᤧ ᤕᤢᤛᤢᤑᤧᤴ ᤔᤧᤳᤋᤢ. “ᤂᤧᤏᤧ᤹ ᤁᤧᤶᤒᤠ ᤏᤢ ᤁᤧᤶᤓᤢ᤹ ᤁᤧᤴᤛᤠ᤹ᤛᤡ ᤂᤧᤏᤧ᤹ᤀᤥ ᤔᤧᤕᤧᤖᤇ॥ 6ᤔᤡᤛᤪ ᤗᤠᤈᤣᤴ ᤂᤧᤏᤧ᤹ ᤁᤧᤍᤃᤡ ᤏᤧ᤹᤺॥ ᤗᤠᤈᤣ᤹ᤀᤥᤒᤠ ᤁᤧᤖᤧᤰᤏᤢ᤺ᤸᤗᤧ ᤏᤢᤒᤠ ᤋᤧᤴᤏᤥ ᤁᤧᤶᤒᤠ ᤏᤢ ᤁᤧᤶᤓᤢ᤹ ᤁᤧᤴᤛᤠ᤹ᤛᤡ ᤕᤢᤰᤂᤧᤛᤧ᤹॥ ᤂᤧᤱᤜᤠ᤹ ᤃᤥᤛᤣᤏ ᤋᤧᤱᤃᤵᤐᤥᤀᤣ ᤕᤢᤱᤔᤠ ᤐᤠᤱᤄᤧᤛᤧ᤹॥ ᤂᤧᤱᤜᤠ᤹ᤀᤥ ᤏᤢᤖᤡᤰᤁᤠᤱ ᤐᤡᤳ ᤔᤧ᤺ᤴᤍᤠ ᤁᤶᤔᤠ ᤁᤧᤛᤢᤰᤐᤠ ᤁᤧᤄᤥᤛᤢᤛᤡᤏᤧᤓᤃᤪ ᤀᤠᤱᤃᤠ᤹ ᤀᤠᤒᤡᤳ ᤔᤧ᤺ᤴᤍᤠᤜᤠ᤹ᤀᤠᤱ ᤀᤥᤔᤧᤵᤔᤠ ᤐᤠᤱᤄᤧᤛᤧ᤹॥”
7ᤂᤧᤒᤩᤠᤱ ᤕᤢᤛᤢᤑᤖᤧ ᤁᤢᤶᤒᤠ ᤕᤠᤁᤢᤒᤧᤴᤏᤠᤱ ᤑᤠᤖᤥᤸᤗᤧ ᤁᤢᤍᤃᤡ ᤋᤠᤖᤢ॥ ᤕᤠᤁᤢᤒᤖᤧ ᤑᤠᤖᤥᤴ ᤜᤠᤱᤘᤠ ᤔᤢ᤹ᤀᤡᤛᤠᤶ ᤐᤡᤖᤢ॥ 8ᤑᤠᤖᤥᤸᤗᤧ ᤕᤠᤁᤢᤒᤧᤴ ᤛᤧᤴᤍᤥᤛᤢ. “ᤂᤧᤏᤧ᤹ ᤀᤠᤰᤂᤧᤴ ᤋᤱᤒᤣ ᤁᤧᤃᤧᤖᤧᤒᤣ᥅”
9ᤕᤠᤁᤢᤒᤖᤧ ᤑᤠᤖᤥᤴ ᤔᤧᤳᤋᤢ. “ᤀᤠᤱᤃᤠ᤹ ᤋᤠᤰᤁᤧᤃᤶᤒᤠ ᤁᤧᤈᤠᤒᤠ ᤀᤠᤜᤡᤱᤔᤴᤏᤡᤴ ᤋᤱᤒᤣ ᤁᤡᤵ ᤌᤡᤰᤁᤠᤱ ᤛᤢᤶᤒᤥᤱ ᤁᤧᤖᤧ॥ ᤀᤠᤱᤃᤠ᤹ ᤁᤴ ᤀᤠᤍᤱᤒᤣᤜᤠ᤹ᤃ ᤋᤠᤱᤒᤠ ᤏᤢ ᤋᤢᤰᤂᤣᤘᤠ ᤐᤥ᤺ᤰᤂᤧᤀᤠᤱ ᤘᤠ᤹ᤖᤥ. ᤀᤠᤍᤠᤱᤒᤣ॥ ᤀᤠᤱᤃᤠ᤹ ᤀᤠᤶᤒᤠ ᤀᤠᤴᤎᤧᤒᤠᤛᤡ ᤁᤴ ᤋᤠᤰᤁᤴᤏᤡᤒᤠ ᤜᤡᤱᤔᤴᤏᤥ ᤔᤧᤜᤡᤅᤧᤒᤠ ᤋᤱᤒᤣ ᤕᤠᤖᤡᤰᤁ ᤀᤠᤱᤃᤠ᤹ ᤔᤧᤱᤃᤧᤳᤋᤣ ᤘᤠ᤹ᤀᤠ॥” 10ᤜᤧᤰᤁᤩᤠᤱ ᤕᤠᤁᤢᤒᤖᤧ ᤕᤠᤶᤔᤥ ᤑᤠᤖᤥᤴ ᤜᤠᤱᤘᤠ ᤔᤢ᤹ᤀᤡᤛᤠᤶ ᤌᤠᤛᤢᤐᤡᤖᤢ. ᤜᤧᤰᤁᤩᤠᤱ ᤂᤢᤏᤧ᤹ ᤑᤠᤖᤥᤸᤗᤧ ᤁᤢᤍᤃᤡᤗᤠᤶ ᤗ᤺ᤴᤍᤧ ᤐᤣᤃᤧ॥
11ᤂᤧᤒᤩᤠᤱ ᤕᤢᤛᤢᤑᤖᤧ ᤁᤢᤶᤒᤠ ᤏᤢ ᤁᤢᤶᤓᤢ᤹ ᤁᤢᤴᤛᤠ᤹ᤜᤠ᤹ ᤕᤢᤰᤂᤢᤛᤡ. ᤜᤧᤰᤁᤩᤠᤱ ᤑᤠᤖᤥᤸᤗᤧ ᤀᤡᤱᤈᤠᤱ ᤆᤥᤃᤢᤒᤠ ᤀᤡᤛᤡ᤺ᤰ ᤔᤡᤛᤪᤀᤥᤒᤠ ᤁᤧᤖᤧᤰᤏᤢ᤺ᤸᤗᤧ ᤏᤢᤒᤠ ᤋᤧᤴ ᤖᤠᤔᤛᤣᤛ ᤔᤧᤵᤔᤏᤠᤒᤠ ᤋᤧᤱᤃᤵᤐᤥᤒᤠ ᤕᤥ᤹ᤒᤠ ᤛᤡᤱᤒᤢᤱᤜᤠ᤹ ᤂᤧᤱᤜᤠ᤹ᤖᤧ ᤂᤢᤴᤇᤡ᤹ ᤕᤢᤰᤁᤥ ᤐᤡᤖᤢᤛᤡ॥ 12ᤕᤢᤛᤢᤑᤖᤧ ᤁᤢᤶᤓᤢ᤹ ᤁᤢᤴᤛᤠ᤹ᤛᤡ ᤜᤧᤰᤁᤩᤠᤱ ᤁᤢᤶᤒᤠᤏᤢ ᤁᤧᤕᤢᤒᤠ ᤁᤧᤖᤧᤰ ᤂᤢᤴᤇᤡ᤹ ᤛᤠᤀᤣᤜᤠ᤹ ᤀᤠᤰᤂᤩᤠᤰ ᤔᤧᤘᤕᤧ ᤂᤧᤴ ᤀᤡᤛᤡ᤺ᤰ ᤁᤢᤈᤠ ᤐᤡᤖᤢᤛᤡ॥
ᤋᤠᤔᤠ ᤁᤧᤒᤥᤱᤒᤠ ᤛᤠᤁᤫᤠᤔᤧᤴ
13ᤛᤠ᤹ᤖᤡᤰ ᤁᤧᤛᤠᤰᤐᤠ ᤛᤠᤁᤫᤠᤔᤧᤸᤗᤧ ᤗᤠᤈᤣᤴ ᤕᤰᤂᤧᤀᤠᤱ ᤏᤧᤛ᤻ᤛᤧᤒᤠᤸᤗᤧ ᤆᤥᤃᤢᤸᤗᤧ ᤗᤠᤈᤣ᤹ᤀᤥ ᤆᤠᤔᤠ ᤆᤠ ᤌᤣᤀᤠᤱ ᤜᤥ᤺ᤵᤋᤧ॥ ᤛᤠᤁᤫᤠᤔᤧᤸᤗᤧ ᤔᤡᤛᤪ ᤏᤢ ᤁᤏᤠᤏ ᤏᤧᤵᤔᤠᤱ ᤗᤠᤈᤣ᤹ᤜᤠ᤹ ᤕᤰᤂᤧᤀᤠᤱ ᤏᤧᤛ᤻ᤛᤧ॥ 14ᤔᤡᤛᤪ ᤏᤢ ᤁᤏᤠᤏᤒᤠ ᤔᤏᤠᤜᤠ᤹ᤖᤧ ᤆᤠ ᤔᤧᤀᤡᤅᤢᤒᤠ ᤁᤧᤖᤧᤰ ᤕᤠᤱᤅᤡᤴ ᤕᤢᤛᤢᤑᤖᤧ ᤛᤢᤵᤛᤢᤀᤠᤱ ᤑᤠᤖᤥᤸᤗᤧ ᤁᤢᤜᤡᤶᤔᤥ ᤕᤢᤰᤂᤢ॥ 15ᤔᤡᤛᤪ ᤏᤢ ᤁᤏᤠᤏᤒᤠ ᤔᤏᤠᤜᤠ᤹ᤖᤧ ᤂᤢᤴᤇᤡ ᤕᤠᤱ ᤁᤧᤖᤧᤰ ᤔᤠᤖᤧᤸᤗᤧ. ᤁᤧᤖᤧᤰ ᤔᤡᤛᤪᤡᤜᤠ᤹ ᤔᤧᤍᤩᤧᤀᤠᤱ ᤕᤢᤛᤢᤑᤧᤴ ᤔᤧᤔᤧᤳᤋᤢ. “ᤀᤠᤏᤡᤃᤣ ᤆᤠ ᤀᤠᤒᤡᤖᤧ᤹॥ ᤂᤧᤏᤧ᤹ ᤁᤧᤍᤃᤡ ᤀᤠᤏᤡᤃᤣ ᤌᤣᤀᤠᤱ ᤛᤩᤧ᤹ᤀᤡᤃᤧᤒᤠᤒᤣ᥅ ᤀᤠᤏᤡᤃᤣ ᤁᤳᤋᤢᤶᤒᤧᤒᤠ ᤕᤠᤱ ᤁᤧᤖᤧᤰ ᤔᤠᤖᤧ॥”
16ᤕᤢᤛᤢᤑᤖᤧ ᤂᤧᤱᤜᤠ᤹ ᤔᤧᤳᤋᤢᤛᤡ. “ᤂᤡᤏᤡ᤹ ᤕᤠᤱ ᤔᤠᤖᤧᤃᤪ ᤂᤡᤏᤡ᤹ ᤐᤡᤳ ᤔᤧ᤺ᤴᤍᤠᤰᤜᤠ᤹ ᤋᤠᤖᤧᤶᤛᤧ᤹॥ ᤂᤡᤏᤡ᤹ ᤐᤡᤳ ᤔᤧ᤺ᤴᤍᤠᤖᤧ ᤁᤢᤗᤧᤰᤘᤠ ᤀᤠᤱᤃᤠ᤹ ᤆᤠ ᤐᤡᤏᤡᤱ᤹॥” 17ᤂᤧᤸᤗᤧᤆᤥᤃᤢᤸᤗᤧ ᤂᤧᤱᤜᤠ᤹ᤖᤧ ᤂᤢᤴᤇᤡ᤹ ᤐᤡᤳ ᤔᤧ᤺ᤴᤍᤠᤰᤜᤠ᤹ ᤕᤢᤛᤢᤑᤖᤧ᤹ᤀᤥ ᤔᤧᤍᤠᤖᤢᤛᤡ. ᤜᤧᤰᤁᤩᤠᤱ ᤕᤢᤛᤢᤑᤖᤧ ᤂᤧᤱᤜᤠ᤹ᤖᤧ ᤂᤢᤴᤇᤡ᤹ ᤀᤴ. ᤐᤡᤵᤔᤠ. ᤀᤍᤱᤜᤠ᤹ᤖᤧ ᤁᤢᤗᤧᤰᤘᤠ ᤂᤧᤱᤜᤠ᤹ ᤁᤢᤈᤠ ᤐᤡᤖᤢᤛᤡ॥ ᤂᤧᤴ ᤋᤱᤛᤡ ᤐᤡᤳ ᤔᤧ᤺ᤴᤍᤠᤰᤗᤧ ᤁᤢᤗᤧᤰᤘᤠ ᤂᤧᤱᤜᤠ᤹ ᤂᤢᤏᤧ᤹ ᤁᤢᤈᤠ ᤐᤡᤖᤢᤛᤡ॥
18ᤂᤧᤴ ᤋᤱᤒᤣᤴ ᤗᤧᤰᤋᤧᤀᤠᤱ ᤕᤠᤶᤔᤥ ᤁᤧᤍᤠᤒᤠ ᤘᤣ᤹ ᤋᤱᤒᤣᤀᤥ ᤔᤧᤍᤩᤧᤀᤠᤱ ᤂᤧᤱᤜᤠ᤹ᤖᤧ ᤕᤢᤛᤢᤑᤧᤴ ᤔᤧᤔᤧᤳᤋᤢ. “ᤀᤠᤏᤡᤃᤣ ᤕᤠᤱ ᤁᤧᤖᤧᤰ ᤔᤠᤖᤧᤒᤠᤃ ᤀᤠᤍᤠᤱᤒᤠᤖᤧ ᤁᤧᤏᤡᤛᤢᤀᤠᤱᤅᤣ ᤘᤠ᤹ᤖᤥ॥ ᤐᤡᤳ ᤔᤧ᤺ᤴᤍᤠ ᤗᤢᤵᤜᤠ᤹ᤀᤠᤱ ᤂᤧᤏᤧ᤹ᤀᤡᤴᤏᤣ ᤔᤧᤒᤥ᤺ᤰᤂᤧ ᤔᤧᤈᤢᤖᤧᤀᤠᤱ ᤘᤠ᤹॥ ᤀᤠᤸᤗ ᤀᤠᤍᤠᤱᤒᤠᤖᤧ ᤁᤧᤗᤠᤃᤡ ᤀᤠᤏᤡᤃᤣ ᤌᤰᤁᤡᤴ ᤏᤢ ᤕᤥ᤹ᤒᤠ ᤛᤡᤱᤒᤢᤱᤀᤠᤱᤎᤥ ᤘᤣ᤹ ᤌᤣᤀᤠᤱ ᤜᤥᤵᤗᤥ॥ 19ᤀᤠᤏᤡᤃᤣ ᤜᤧᤰᤁᤩᤠᤱ ᤀᤠᤏᤡᤃᤣ ᤕᤥ᤹ᤒᤠᤏᤢ ᤂᤧᤏᤧ᤹ ᤁᤧᤍᤃᤡ ᤀᤠᤏᤡᤃᤣ ᤌᤣᤀᤠᤱ ᤛᤩᤧ᤹ᤀᤡᤃᤧᤒᤠᤒᤣ᥅ ᤀᤠᤏᤡᤃᤣ ᤁᤢᤈᤠ ᤆᤠᤔᤠ ᤂᤥᤔᤠᤖᤧ ᤗᤠᤃᤡ ᤀᤠᤏᤡᤃᤣ ᤏᤢ ᤀᤠᤏᤡᤃᤣ ᤕᤥ᤹ᤒᤠ ᤛᤡᤱᤒᤢᤱᤏᤢ ᤛᤥᤖᤡᤰ ᤕᤠᤵᤔᤡ ᤀᤠᤀᤡᤅᤧ᤹. ᤜᤧᤰᤁᤩᤠᤱ ᤀᤠᤏᤡᤃᤣ ᤑᤠᤖᤥᤸᤗᤧ ᤁᤢᤕᤥ᤺ᤃ᤻ᤒᤠ ᤐᤥ᤺ᤰᤂᤡᤃᤧᤖᤥ॥ ᤀᤠᤏᤡᤃᤣ ᤕᤠ᤹ᤖᤡ᤺ᤶᤒᤠ ᤀᤠᤒᤡᤖᤧ᤹. ᤜᤧᤰᤁᤩᤠᤱ ᤀᤠᤏᤡᤃᤣ ᤜᤡᤅᤡᤃᤧᤖᤥ ᤜᤧᤰᤁᤩᤠᤱ ᤀᤠᤏᤡᤃᤣ ᤕᤥ᤹ᤒᤠ ᤛᤡᤱᤒᤢᤱᤅᤡᤴ ᤔᤢᤖᤧᤰ ᤂᤠᤖᤧᤰ ᤔᤧᤒᤥᤱᤏᤧᤴ॥”
20ᤀᤰᤂᤣᤗ᤹ᤖᤡᤰ ᤕᤢᤛᤢᤑᤖᤧ ᤔᤡᤛᤪᤒᤠ ᤁᤧᤖᤧᤰ ᤕᤥ᤹ᤒᤠ ᤛᤡᤱᤒᤢᤱᤅᤡᤴ ᤑᤠᤖᤥᤸᤗᤧ ᤁᤢᤗᤠᤃᤡ ᤀᤡᤅᤢ॥ ᤂᤧ᤹ᤕᤥ ᤛᤠ᤹ᤖᤡᤰ ᤁᤧᤛᤠᤰᤐᤠ ᤛᤠᤰ ᤐᤥᤃᤧᤒᤠᤸᤗᤧ ᤆᤥᤃᤢᤸᤗᤧ ᤁᤧᤖᤧᤰ ᤔᤡᤛᤪᤡᤜᤠ᤹ᤖᤧ ᤂᤢᤴᤇᤡ᤹ ᤕᤥ᤹ᤒᤠ ᤛᤡᤱᤒᤢᤱᤜᤠ᤹ ᤔᤧᤛᤱᤄᤢ॥ ᤀᤰᤂᤣᤗ᤹ᤖᤡᤰ ᤕᤥ᤹ᤒᤠ ᤛᤡᤱᤒᤢᤱᤜᤠ᤹ ᤑᤠᤖᤥᤸᤗᤧᤴ ᤐᤥ᤺ᤰᤂᤧ॥ 21ᤕᤢᤛᤢᤑᤖᤧ ᤔᤡᤛᤪᤒᤠ ᤌᤡᤰ ᤁᤢᤕᤠᤗᤠᤶᤒᤠ ᤏᤠᤛᤔᤠ ᤁᤢᤛᤢᤰᤐᤥ ᤌᤠᤖᤡᤰᤐᤠ ᤁᤧᤖᤧᤰ ᤔᤏᤠᤜᤠ᤹ ᤕᤥᤃ᤻ᤒᤠ ᤕᤥ᤺ᤃ᤻ᤔᤠ ᤆᤥᤃᤢᤛᤡ॥ 22ᤁᤖ ᤏᤡᤱᤘᤠ᤹ᤓᤢᤛᤠᤶᤒᤠᤜᤠ᤹ᤖᤧ ᤂᤢᤴᤇᤡ᤹ ᤕᤥ᤹ᤒᤠ ᤛᤡᤱᤒᤢᤱᤅᤡᤱᤃ ᤔᤧᤀᤡᤅᤢᤴ. ᤌᤣᤀᤠᤱᤓᤧᤸᤗᤧ ᤏᤡᤱᤘᤠ᤹ᤓᤢᤛᤠᤶᤒᤠᤜᤠ᤹ᤖᤧ ᤂᤢᤴᤇᤡ᤹ ᤗᤠᤃᤡ ᤑᤠᤖᤥᤗᤠᤶᤒᤠ ᤆᤠ ᤔᤧᤄᤥᤛᤢᤖ ᤔᤧᤘᤕᤧ. ᤜᤧᤰᤁᤩᤠᤱ ᤑᤠᤖᤥᤸᤗᤧ ᤐᤡᤖᤢᤛᤡᤒᤠ ᤗᤰ ᤗᤠᤶᤒᤠᤀᤣ ᤂᤧᤱᤜᤠ᤹ᤖᤧ ᤆᤠ ᤔᤧᤈ॥ ᤂᤧᤸᤗᤧᤆᤥᤃᤢᤸᤗᤧ ᤂᤧᤱᤜᤠ᤹ᤖᤧᤃ ᤂᤢᤴᤇᤡ᤹ ᤕᤥ᤹ᤒᤠ ᤛᤡᤱᤒᤢᤱ ᤛᤱᤔᤠ ᤔᤧᤒᤥ᤺ᤰᤂᤧᤴ॥
23ᤕᤢᤛᤢᤑᤖᤧ ᤔᤏᤠᤜᤠ᤹ ᤔᤧᤳᤋᤢᤛᤡ. “ᤀᤥᤔᤧᤳᤋᤧᤶᤔᤧ᤹. ᤀᤠᤀᤡᤴ ᤀᤠᤱᤃᤠ᤹ ᤑᤠᤖᤥᤸᤗᤧ ᤁᤢᤗᤠᤃᤡ ᤕᤥ᤹ᤒᤠ ᤛᤡᤱᤒᤢᤱᤅᤡᤴ ᤏᤢ ᤂᤡᤏᤡ᤹ᤀᤠᤱ ᤀᤡᤱᤏᤡᤱᤅᤠᤱ ᤘᤠ᤹. ᤜᤧᤰᤁᤩᤠᤱ ᤁᤴ ᤕᤠ᤹ᤖᤡ᤺ᤶᤒᤧᤴ ᤂᤡᤏᤡ᤹ ᤕᤥ᤹ᤒᤠᤀᤥ ᤜᤣ᤹ᤖᤧᤶᤔᤧ᤹॥ 24ᤁᤖ ᤆᤠᤛᤢᤶᤔᤠ ᤕᤧᤶᤔᤥ ᤅᤠᤛᤡ ᤗᤰᤁᤡᤴ ᤑᤠᤖᤥᤴ ᤂᤡᤏᤡ᤹ ᤁᤧᤒᤡᤖᤢᤶᤗ ᤐᤥᤱ॥ ᤗᤡᤛᤡ ᤗᤰᤁᤡᤴ ᤕᤠᤶᤔᤥ ᤕᤠ᤹ᤖᤡ᤺ᤶᤒᤠ ᤜᤣ᤹ᤔᤠᤖᤧ ᤗᤠᤃᤡ ᤜᤧᤰᤁᤩᤠᤱ ᤂᤧᤏᤡ᤹ ᤏᤢ ᤂᤧᤏᤡ᤹ ᤜᤡᤶᤛᤕᤱ ᤜᤶᤒᤩᤠᤱ ᤂᤡᤏᤡ᤹ ᤛᤠᤜᤠ᤹ᤖᤧ ᤆᤠᤔᤠᤖᤧ ᤗᤠᤃᤡ ᤂᤡᤏᤡ᤹ᤀᤡᤴᤏᤣ ᤐᤥᤱᤗᤥ॥”
25ᤂᤧᤱᤜᤠ᤹ᤖᤧ ᤔᤧᤔᤧᤳᤋᤢ. “ᤀᤠᤍᤠᤱᤒᤠᤖᤧ ᤀᤠᤏᤡᤃᤣ ᤛᤰᤔᤠ ᤁᤣ᤺ᤰᤋᤢᤖ ᤁᤧᤈᤥᤃᤢᤖᤥ॥ ᤀᤠᤏᤡᤃᤣ ᤕᤠᤵᤔᤡ ᤗᤢᤱᤔᤠ᤹ ᤁᤧᤍᤢᤰᤋᤧᤖᤥ॥ ᤀᤠᤏᤡᤃᤣ ᤑᤠᤖᤥᤸᤗᤧ ᤁᤢᤕᤥ᤺ᤃ᤻ᤒᤠ ᤐᤥ᤺ᤰᤂᤡᤃᤧᤖᤥ॥”
26ᤁᤸᤗᤧᤆᤥᤃᤢᤸᤗᤧ ᤔᤡᤛᤪ ᤗᤠᤈᤣ᤹ᤀᤥ ᤕᤥ᤹ᤒᤠ ᤛᤡᤱᤒᤢᤱᤗᤧ ᤁᤢᤕᤠ᤺ᤶᤒᤣᤀᤥ ᤕᤢᤛᤢᤑᤖᤧ ᤗᤳᤇᤠ ᤌᤡᤶ ᤆᤥᤃᤢ. ᤂᤧᤴ ᤀᤠᤀᤡᤴ ᤌᤠᤖᤡᤰᤁᤠᤱ ᤘᤠ᤹ᤖᤥ. ᤁᤧᤒᤥ᤺ᤰᤐᤠ ᤆᤠ᤺ᤸᤗᤧ ᤅᤠᤛᤡᤃᤣᤰᤐᤠ ᤗᤰᤁᤡᤴ ᤑᤠᤖᤥᤸᤗᤧ ᤁᤢᤗᤰ ᤐᤥᤱᤗᤥ॥ ᤏᤡᤱᤘᤠ᤹ᤑᤢᤛᤠᤶᤒᤠᤜᤠ᤹ᤖᤧ ᤂᤢᤏᤡ᤹ ᤗᤠᤈᤣ᤹ ᤛᤡᤱᤒᤢᤱᤜᤠ᤹ᤖᤰ ᤑᤠᤖᤥᤸᤗᤧᤴ ᤔᤧᤒᤥ᤺ᤰᤂᤧᤴ॥
ᤕᤠᤁᤢᤒᤖᤧ ᤆᤥᤃᤢᤒᤠ ᤁᤢᤏᤢᤵᤔᤠ ᤐᤣᤗᤡ
27ᤀᤠᤸᤗ ᤔᤡᤛᤪᤒᤠ ᤃᤥᤛᤣᤴᤏᤥ ᤀᤡᤛᤪᤠᤀᤡᤗᤡᤜᤠ᤹ ᤕᤢᤱᤔᤠ ᤔᤧᤜᤣ᤺ᤰᤋᤧ. ᤜᤧᤰᤁᤩᤠᤱ ᤂᤧᤱᤜᤠ᤹ᤖᤧ ᤂᤧ᤹ᤕᤥᤒᤠ ᤕᤥ᤹ᤒᤠ ᤛᤡᤱᤒᤢᤱᤅᤡᤴ ᤂᤢᤴᤇᤡ᤹ ᤕᤢᤰᤁᤥ ᤔᤧᤔᤧᤳᤇᤡᤱ॥ ᤜᤧᤰᤁᤩᤠᤱ ᤂᤧ᤹ᤕᤥ ᤂᤧᤱᤜᤠ᤹ ᤔᤧᤒᤥ᤺ᤴᤍᤧ ᤔᤧᤎᤧ᤹ᤖᤧᤀᤠᤱ ᤂᤠᤏᤡ᤺ᤳᤋᤥ ᤛᤠ᤹ᤖᤡᤰ ᤕᤖᤡᤰ ᤔᤧᤒᤥ᤺ᤰᤂᤧᤖ ᤔᤧᤒᤣ॥
28ᤕᤠᤁᤢᤒᤧᤴ ᤔᤡᤛᤪᤀᤥ ᤌᤡᤒᤥᤱᤅᤠᤱ ᤏᤢᤛᤡ ᤋᤱᤒᤣ ᤜᤡᤅᤧ. ᤂᤢᤏᤧ᤹ ᤁᤡᤵ ᤌᤡᤰᤁᤠᤱ ᤗᤡᤒᤥᤱᤅᤠᤱ ᤏᤢᤛᤡ ᤋᤱᤒᤣ ᤁᤧᤖᤧ॥ 29ᤀᤡᤛᤪᤠᤀᤡᤗᤧᤴ ᤛᤡᤔᤠ ᤀᤡ᤺ᤳᤋᤧᤸᤗᤧ ᤁᤢᤛ᤻ᤛᤠ ᤕᤢᤛᤢᤑᤧᤴ ᤀᤢ᤺ᤳᤋᤢᤀᤠᤱ ᤔᤧᤳᤋᤢ. “ᤂᤧᤏᤧ᤹ ᤗᤢᤱᤔᤠ᤹ ᤁᤧᤍᤢᤰᤁᤠᤒᤠᤴ ᤀᤥᤛᤣ᤺ᤴᤃᤧᤎᤠᤰᤁᤠᤏᤧᤓᤃᤪ ᤂᤧᤏᤧ᤹ ᤁᤧᤜᤢᤰᤁᤡᤴ ᤀᤠᤛᤧᤒᤱᤒᤠᤸᤗᤧ ᤁᤢᤛᤡ᤺ᤰᤋᤥ ᤏᤧᤛ᤻ᤛᤧ᤹ᤀᤠᤱ ᤗᤢᤱᤔᤠ᤹ ᤋᤢᤰᤏᤧ ᤑᤠ᤹ᤀᤠᤱ ᤔᤠᤱᤜᤧᤰᤛᤡᤅᤧ᤹॥ ᤂᤧᤏᤧ᤹ ᤔᤡᤛᤪᤀᤥ ᤔᤧᤗᤢᤵᤋᤠᤱᤅᤧᤴᤏᤧ᤹. #ᤋᤥᤗᤡᤱ ᥊᥏:᥈᥏-᥉᥈. ᥋᥆:᥌ 30ᤁᤖ ᤀᤠᤱᤃᤠ᤹ ᤀᤠᤶᤒᤠ ᤜᤧᤰᤁᤩᤠᤱ ᤀᤠᤴᤎᤧᤒᤠᤜᤠ᤹ᤏᤢ ᤀᤡᤶᤔᤠ ᤐᤣ᤺ᤰᤁᤠ. ᤂᤧᤒᤧᤸᤗᤧ ᤔᤡᤛᤪ ᤗᤠᤈᤣ᤹ᤗᤠᤶᤒᤠ ᤐᤰᤂᤠᤱ ᤋᤣ᤹ᤖᤠᤱᤅᤧ᤹ᤀᤠᤱ ᤂᤢᤴᤇᤡ᤹ ᤔᤧᤗᤢᤵᤋᤢᤛᤡᤒᤠ ᤀᤡᤵᤐᤢᤱᤅᤥᤀᤣ ᤗᤢᤵᤋᤠᤱᤅᤧ᤹ᤀᤥ॥”
ᤂᤢᤏᤧ᤹ ᤔᤧᤳᤋᤢ. “ᤂᤧᤏᤧ᤹ ᤁᤧᤒᤠ᤺ᤳᤋᤢᤒᤠ ᤀᤡᤛᤡ᤺ᤰ ᤀᤠᤱᤃᤠ᤹ ᤆᤥᤃᤢᤱ᤹॥”
31ᤕᤠᤁᤢᤒᤖᤧ ᤔᤧᤳᤋᤢ. “ᤔᤠᤱᤜᤧᤰᤛᤡᤅᤧ᤹॥” ᤜᤧᤰᤁᤩᤠᤱ ᤕᤢᤛᤢᤑᤧᤴ ᤔᤠᤱᤜᤧᤰᤛᤡᤱ॥ ᤂᤧᤒᤩᤠᤱ ᤀᤡᤛᤪᤠᤀᤡᤗᤖᤧ ᤔᤠᤱᤛᤧᤘᤠ ᤆᤥᤃᤢ ᤜᤧᤰᤁᤩᤠᤱ ᤂᤢᤏᤧ᤹ ᤁᤢᤏᤧᤳᤏᤠᤀᤥ ᤏᤠ᤺ᤶᤛᤡᤱ॥
Zur Zeit ausgewählt:
:
Markierung
Teilen
Kopieren
Möchtest du deine gespeicherten Markierungen auf allen deinen Geräten sehen? Erstelle ein kostenloses Konto oder melde dich an.
© 2009, 2023, Wycliffe Bible Translators, Inc. All rights reserved.