ᤋᤥᤗᤡᤱᤛᤥᤔᤢ 48
48
ᤕᤠᤁᤢᤒᤖᤧ ᤀᤣᤑᤪᤠᤀᤡᤔ ᤏᤢ ᤔᤏᤛ᤻ᤛᤣᤴ ᤜᤠᤱᤘᤠᤔᤢ᤹ᤀᤡ ᤐᤡᤖᤢᤛᤡ
1ᤁᤢᤓᤠ ᤕᤧᤶ ᤀᤣᤃᤠᤱ “ᤀᤠᤍᤠᤱᤒᤠᤖᤧ ᤁᤧᤶᤒᤠᤖᤧ ᤁᤢᤕᤠᤶ ᤋᤢᤰ” ᤑᤠ᤹ᤀᤠᤱ ᤁᤢᤓᤠᤖᤧ ᤕᤢᤛᤢᤑᤧᤴ ᤀᤡᤱᤄᤱ ᤔᤧᤜᤠᤰᤋᤢ॥ ᤂᤧᤸᤗᤧᤆᤥᤃᤢᤸᤗᤧ ᤏᤧᤵᤑᤢ ᤁᤢᤛ᤻ᤛᤠ ᤔᤏᤛ᤻ᤛᤣᤴ ᤏᤢ ᤀᤣᤑᤪᤠᤀᤡᤶᤔᤧᤴ ᤕᤠᤱᤛᤡᤱᤅᤠᤱ ᤁᤢᤶᤒᤠᤖᤧ᤹ᤀᤥ ᤂᤢᤏᤧ᤹ ᤐᤣ॥ 2ᤜᤧᤰᤁᤩᤠᤱ “ᤂᤧᤏᤧ᤹ ᤁᤧᤛ᤻ᤛᤠ ᤕᤢᤛᤢᤑᤧᤴ ᤂᤧᤏᤧ᤹ ᤁᤧᤍᤢᤶᤛᤧ ᤑᤧᤖᤧᤀᤠᤱ ᤘᤠ᤹” ᤗ᤹ᤖᤡᤰ ᤀᤡᤱᤄᤱ ᤁᤢᤓᤠᤖᤧ ᤕᤠᤁᤢᤒᤧᤴ ᤔᤧᤔᤧᤳᤋᤢ॥ ᤂᤧᤒᤩᤠᤱ ᤂᤢᤏᤧ᤹ ᤁᤢᤏᤧᤳᤏᤠᤀᤥ ᤀᤠᤒᤠᤅᤣ ᤐᤥᤃᤧᤀᤠᤱ ᤕᤢᤱᤛᤡᤱ॥
3ᤕᤠᤁᤢᤒᤖᤧ ᤕᤢᤛᤢᤑᤧᤴ ᤔᤧᤳᤋᤢ. “ᤔᤢᤰᤛᤠᤶᤍᤠᤱᤒᤠ ᤏᤡᤱᤘᤠ᤹ᤑᤢᤔᤠᤱᤅᤡᤴ ᤁᤏᤠᤏ ᤗᤠᤈᤣ᤹ᤒᤠ ᤗᤢᤈᤀᤥ ᤀᤠᤱᤃᤠ᤹ᤏᤢ ᤌᤠ᤺ᤴᤇᤡᤱ. ᤜᤧᤰᤁᤩᤠᤱ ᤂᤢᤏᤧ᤹ ᤀᤠᤱᤃᤠ᤹ ᤔᤢ᤹ᤀᤡᤛᤠᤶ ᤐᤡᤖᤠᤱ 4ᤜᤧᤰᤁᤩᤠᤱ ᤔᤧᤳᤋᤠᤱ #ᤋᤥᤗᤡᤱ ᥈᥎:᥇᥉-᥇᥊ ‘ᤀᤥᤔᤧᤳᤋᤧ᤹. ᤀᤠᤱᤃᤠ᤹ ᤂᤧᤏᤧ᤹ ᤁᤧᤒᤥᤴ ᤁᤧᤎᤧ᤹ᤖ ᤕᤠ᤺ᤴᤏᤧ. ᤜᤧᤰᤁᤩᤠᤱ ᤕᤖᤡᤰ ᤁᤧᤒᤥᤱᤗ ᤆᤥ᤺ᤰᤏᤧ॥ ᤂᤧᤏᤧ᤹ᤗᤠᤶᤒᤠ ᤀᤠᤱᤃᤠ᤹ ᤔᤧᤴᤇᤠᤶ ᤛᤢᤘᤠᤱᤜᤠ᤹ ᤗ᤺ᤳᤋᤢᤱᤛᤡᤱ. ᤜᤧᤰᤁᤩᤠᤱ ᤂᤧᤏᤧ᤹ ᤁᤧᤀᤣᤃᤠᤱ ᤂᤧᤏᤧ᤹ ᤁᤧᤔᤢ᤹ᤀᤡᤍᤠᤱᤛᤠᤜᤠ᤹ ᤁᤴ ᤗᤠᤈᤣᤴ ᤛᤍᤠᤍᤡᤱᤗᤧ ᤗᤠᤃᤡ ᤕᤢᤰᤔᤠ ᤐᤠᤱᤄᤢᤱᤛᤡᤱᤗᤥ॥’”
5ᤂᤧᤒᤩᤠᤱ ᤕᤠᤁᤢᤒᤧᤴ ᤕᤢᤛᤢᤑᤖᤥ ᤐᤣᤀᤠᤱ ᤔᤧᤳᤋᤢ. “ᤀᤠᤱᤃᤠ᤹ ᤔᤡᤛᤪᤀᤥ ᤕᤢᤔᤠ ᤋᤃᤡ ᤔᤡᤛᤪᤀᤥ ᤁᤧᤃᤳᤋᤢᤛᤡᤒᤠ ᤁᤧᤛ᤻ᤛᤠᤜᤠ᤹ ᤀᤠᤱᤃᤠ᤹ᤀᤡᤴᤛᤡᤖᤥ॥ ᤖᤢᤒᤣᤏ ᤏᤢ ᤛᤡᤔᤡᤕᤥᤏᤧᤴ ᤜᤧᤰᤁᤣ ᤀᤣᤑᤪᤠᤀᤡᤔ ᤏᤢ ᤔᤏᤛ᤻ᤛᤣᤴ ᤀᤠᤱᤃᤠ᤹ᤀᤡᤴᤛᤡᤀᤣᤖᤥ॥ 6ᤂᤧᤱᤜᤠ᤹ᤏᤢ᤺ᤸᤗᤧ ᤀᤣᤃᤠᤱ ᤁᤧᤒᤥᤱᤒᤠ ᤁᤧᤛ᤻ᤛᤠᤜᤠ᤹ ᤂᤧᤏᤧ᤹ᤀᤡᤴ ᤔᤧᤒᤥᤱ॥ ᤂᤧᤱᤜᤠ᤹ᤖᤧ ᤗᤠᤈᤣ᤹ᤛᤡᤱᤒᤢᤱ ᤗᤰ ᤔᤧᤄᤥᤛᤢᤸᤗᤧ ᤀᤣᤑᤪᤠᤀᤡᤔ ᤏᤢ ᤔᤏᤛ᤻ᤛᤣᤗᤠᤶ ᤔᤧᤄᤥᤛᤢ᤹॥ 7ᤀᤠᤱᤃᤠ᤹ᤃ ᤐᤍ᤻ᤍᤏ ᤀᤠᤖᤠᤔᤗᤠᤶ ᤀᤣᤑᤪᤠᤋᤀᤥ ᤁᤧᤵᤔᤠ ᤀᤠᤸᤗᤛᤠᤱ ᤔᤠ᤺ᤱᤄᤠ ᤘᤕᤧᤸᤗᤧᤛᤠ ᤖᤠᤜᤣᤸᤗᤧᤴ ᤁᤏᤠᤏ ᤗᤠᤈᤣ᤹ᤀᤥ ᤔᤠᤛᤡᤱ. ᤜᤧᤰᤁᤩᤠᤱ ᤀᤠᤱᤃᤠ᤹ ᤀᤠᤏᤡᤱᤘᤠ᤹ ᤛᤠ᤹ᤖᤡᤰ ᤋᤢᤰᤂᤣ ᤆᤩᤧᤖ ᤀᤣᤑᤪᤠᤋ (ᤒᤣᤌᤗᤧᤜᤧᤶᤔᤠᤱ ᤔᤧᤔᤧᤳᤋᤢ᤹) ᤐᤣ᤺ᤰᤔᤠ ᤗᤠᤶᤔᤥᤀᤣ ᤂᤢᤏᤧ᤹ ᤗᤢᤵᤋᤢᤱ॥” #ᤋᤥᤗᤡᤱ ᥉᥋:᥇᥌-᥇᥏
8ᤕᤢᤛᤢᤑᤖᤧ ᤁᤢᤛ᤻ᤛᤠᤜᤠ᤹ ᤏᤡᤛᤢᤛᤡᤀᤠᤱ ᤕᤠᤁᤢᤒᤖᤧ ᤐᤠ᤺ᤳᤋᤢ. “ᤁᤱᤜᤠ᤹ ᤜᤠ᤺ᤳᤇᤡᤒᤣ᥅”
9ᤕᤢᤛᤢᤑᤖᤧ ᤁᤢᤶᤒᤠ ᤔᤧᤳᤋᤢ. “ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤀᤠᤱᤃᤠ᤹ ᤁ᤹ᤕᤥ ᤐᤡᤖᤠᤱᤒᤠ ᤁᤱᤜᤠ᤹ ᤀᤠᤛ᤻ᤛᤠᤛᤡᤖᤥ॥”
ᤂᤧᤒᤩᤠᤱ ᤕᤠᤁᤢᤒᤖᤧ ᤔᤧᤳᤋᤢ. “ᤂᤧᤱᤜᤠ᤹ ᤁ᤹ᤕᤥ ᤀᤠᤱᤃᤠ᤹ᤀᤥ ᤑᤧᤳᤋᤧᤛᤧ᤹ ᤜᤧᤰᤁᤩᤠᤱ ᤀᤠᤱᤃᤠ᤹ ᤂᤧᤱᤜᤠ᤹ ᤔᤢ᤹ᤀᤡᤛᤠᤶ ᤐᤡᤖᤢᤱᤛᤡᤱ᤹॥”
10ᤂᤧᤴ ᤕᤧᤶᤔᤥ ᤂᤍᤠᤰᤔᤡ ᤋᤢᤶᤛᤧᤒᤠᤸᤗᤧ ᤆᤥᤃᤢᤸᤗᤧ ᤕᤠᤁᤢᤒᤖᤧ ᤁᤢᤔᤡᤰ ᤔᤕᤧᤀᤠᤱ ᤏᤢᤖᤡᤰ ᤂᤠᤔᤧᤴᤏᤡᤔᤏᤠᤒᤠ ᤐᤥ᤺ᤰᤂᤧᤀᤠᤱ ᤘᤕᤧ॥ ᤂᤧᤸᤗᤧᤆᤥᤃᤢᤸᤗᤧ ᤕᤢᤛᤢᤑᤖᤧ ᤂᤧᤱᤜᤠ᤹ ᤁᤢᤶᤒᤠᤖᤧ ᤁᤢᤒᤣᤛᤠᤱ ᤋᤣ᤹ᤖᤢᤛᤡ ᤜᤧᤰᤁᤩᤠᤱ ᤁᤢᤶᤒᤠᤖᤧ ᤂᤧᤱᤜᤠ᤹ ᤆᤢᤵ ᤔᤧᤳᤋᤢᤛᤡᤀᤠᤱ ᤜᤧᤵᤐᤪᤧᤰ ᤜᤧᤵᤋᤢᤛᤡ॥
11ᤕᤠᤁᤢᤒᤖᤧ ᤕᤢᤛᤢᤑᤧᤴ ᤔᤧᤳᤋᤢ. “ᤀᤠᤱᤃᤠ᤹ᤃ ᤂᤧᤏᤧ᤹ ᤁᤧᤏᤠᤖᤠ ᤏᤡᤛᤢᤱ ᤑᤠ᤹ᤀᤠᤱ ᤀᤡ᤺ᤳᤋᤢᤱᤒᤠᤀᤣ ᤜᤥ᤺ᤵᤋᤧ. ᤁᤖ ᤀᤥᤔᤧᤳᤋᤧ᤹. ᤂᤧᤏᤧ᤹ ᤁᤧᤛ᤻ᤛᤠᤜᤠ᤹ᤀᤠᤱ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤀᤠᤱᤃᤠ᤹ ᤀᤥᤔᤧᤵᤔᤠ ᤐᤡᤖᤠᤱᤗᤥ॥”
12ᤂᤧᤒᤩᤠᤱ ᤕᤢᤛᤢᤑᤖᤧ ᤂᤧᤱᤜᤠ᤹ ᤕᤠᤁᤢᤒᤖᤧ ᤁᤢᤎᤢᤱᤒᤥᤀᤥᤗᤠᤶ ᤆᤳᤋᤢᤛᤡ. ᤜᤧᤰᤁᤩᤠᤱ ᤂᤢᤏᤧ᤹ ᤂᤠᤶᤒᤠᤱᤅᤥ ᤌᤠᤖᤡᤰ ᤛᤠᤶᤒᤥᤴ ᤑᤴᤇᤡᤱᤅᤠᤱ ᤛᤧᤘᤠ ᤔᤧᤳᤋᤢ॥ 13ᤕᤢᤛᤢᤑᤖᤧ ᤂᤧᤴ ᤏᤧᤵᤔᤠᤱ ᤋᤣ᤹ᤖᤢᤛᤡᤀᤠᤱ ᤀᤣᤑᤪᤠᤀᤡᤶᤔᤧᤴ ᤀᤠᤒᤠᤅᤣ ᤁᤢᤈᤢᤵᤛᤠᤱ ᤗᤧᤵᤔᤠᤱ ᤜᤧᤰᤁᤩᤠᤱ ᤕᤠᤁᤢᤒᤖᤧ ᤁᤢᤓᤧᤴᤇᤠᤱ ᤗᤧᤵᤔᤠᤱ. ᤜᤧᤰᤁᤩᤠᤱ ᤔᤏᤛ᤻ᤛᤣᤴ ᤀᤠᤒᤠᤅᤣ ᤁᤢᤓᤧᤴᤇᤠᤱ ᤗᤧᤵᤔᤠᤱ ᤜᤧᤰᤁᤩᤠᤱ ᤕᤠᤁᤢᤒᤖᤧ ᤁᤢᤈᤢᤵᤛᤠᤱ ᤗᤧᤵᤔᤠᤱ ᤆᤥᤃᤢᤛᤡᤀᤠᤱ ᤕᤠᤁᤢᤒᤖᤧ ᤁᤢᤒᤣᤛᤠᤱ ᤋᤠᤖᤢᤛᤡ॥ 14ᤁᤖ ᤕᤠᤁᤢᤒᤖᤧ ᤁᤢᤜᤢᤰᤜᤠ᤹ ᤛᤴᤇᤢᤀᤠᤱ ᤁᤢᤈᤢᤰᤘᤠ ᤜᤢᤰᤁᤡᤴ ᤑᤥ᤺ᤰᤘᤠᤒᤠ ᤀᤣᤑᤪᤠᤀᤡᤔᤖᤧ ᤁᤢᤎᤧᤃᤣ᤺ᤰᤁᤥ ᤏᤧᤛ᤻ᤛᤢ. ᤜᤧᤰᤁᤩᤠᤱ ᤔᤏᤛ᤻ᤛᤣᤴ ᤋᤢᤶᤒᤠᤛᤠᤱ ᤂᤧᤸᤗᤧ ᤁᤢᤎᤧᤃᤣ᤺ᤰᤁᤥ ᤕᤠᤁᤢᤒᤖᤧ ᤁᤢᤓᤧᤴᤇᤠᤱ ᤜᤢᤰᤁᤡᤴ ᤏᤧᤛ᤻ᤛᤢ॥
15ᤂᤧᤒᤩᤠᤱ ᤂᤢᤏᤧ᤹ ᤕᤢᤛᤢᤑᤧᤴ#᥊᥎:᥇᥋ ᤕᤠᤁᤢᤒᤖᤧ ᤀᤡᤑᤪᤠᤀᤡᤔ ᤏᤢ ᤔᤏᤛ᤻ᤛᤣᤴ ᤔᤢ᤹ᤀᤡᤛᤠᤶ ᤐᤡᤖᤢᤛᤡᤸᤗᤧ ᤂᤢᤏᤧ᤹ ᤛᤧᤰᤂᤠ᤺ᤸᤗᤧ ᤕᤢᤛᤢᤑᤧᤴ ᤜᤠᤱᤘᤠᤃᤧᤴ ᤔᤢ᤹ᤀᤡᤛᤠᤶ ᤐᤡᤖᤢᤒᤠᤖᤥ॥ ᤜᤠᤱᤘᤠ ᤔᤢ᤹ᤀᤡᤛᤠᤶ ᤐᤡᤖᤢᤀᤠᤱ ᤔᤧᤳᤋᤢᤖᤥ.
“ᤀᤠᤶᤒᤠ ᤀᤒᤪᤠᤜᤠᤶᤔᤧᤴ ᤏᤢ ᤀᤡᤛᤜᤠᤰᤁᤧᤴ
ᤀᤠᤳᤋᤡᤴ ᤏᤡᤱᤘᤠ᤹ᤑᤢᤔᤠᤱᤅᤡᤴᤏᤢ ᤛᤥᤛᤥᤖᤡᤰ ᤗᤠᤱᤄᤣᤃᤧᤳᤇᤡ.
ᤀᤠᤳᤋᤡᤴ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤀᤠᤀᤡᤴ ᤌᤠᤖᤡᤰ
ᤀᤠᤱᤃᤠ᤹ ᤁᤧᤖᤧᤰ ᤀᤠᤜᤡᤱᤔᤴᤏᤥ ᤗᤠᤶᤗᤥᤛᤠᤱᤅᤠᤱ ᤘᤠ᤹.
16ᤁᤧᤖᤧᤰ ᤁᤠ᤺ᤶᤔᤠᤗᤠᤶ ᤕᤠᤵᤔᤡ ᤋᤠᤱᤃᤧᤛᤧ᤺ᤵᤐᤠ ᤔᤠᤱᤗᤠᤀᤡᤱᤒᤠᤸᤗᤧ
ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤴ ᤀᤅᤧ᤺ᤰᤘᤠᤜᤠ᤹ ᤜᤠᤱᤘᤠ ᤔᤢ᤹ᤀᤡᤛᤠᤶ ᤐᤡᤖᤢᤛᤡᤖᤖᤥ॥
ᤁᤱᤜᤠ᤹ᤀᤥᤀᤣ ᤀᤠᤱᤃᤠ᤹ ᤀᤠᤔᤡᤱᤅᤡᤴ ᤘᤠ᤹ᤖᤖᤥ.
ᤜᤧᤰᤁᤩᤠᤱ ᤀᤠᤱᤃᤠ᤹ ᤀᤠᤶᤒᤠ ᤀᤒᤪᤠᤜᤠᤔ ᤏᤢ
ᤀᤡᤛᤜᤠᤰᤁᤧᤸᤗᤧ ᤂᤢᤴᤇᤡ᤹ ᤔᤡᤱ ᤛᤍᤠᤍᤡᤱ ᤘᤠ᤹ᤖᤖᤥ.
ᤜᤧᤰᤁᤩᤠᤱ ᤀᤡᤰᤛᤠᤍᤡᤱ ᤂᤠᤶᤒᤣ᤺ᤰᤔᤥ ᤁᤱᤜᤠ᤹
ᤏᤡ᤺ᤳᤔᤧᤴᤍᤧᤳᤋᤣ ᤌᤠᤖᤡᤰ ᤔᤧᤒᤥ᤺ᤴᤗᤖᤥ॥”
17ᤂᤢᤏᤧ᤹ ᤁᤢᤶᤒᤠᤖᤧ ᤁᤢᤈᤢᤵᤛᤠᤱ ᤜᤢᤰᤁᤡᤴ ᤀᤣᤑᤪᤠᤀᤡᤔᤖᤧ ᤁᤢᤎᤧᤃᤣ᤺ᤰᤁᤥ ᤏᤧᤛ᤻ᤛᤢᤒᤠ ᤏᤡᤛᤢᤀᤠᤱ ᤕᤢᤛᤢᤑᤖᤧ ᤁᤢᤛᤡᤖᤠ᤹ ᤔᤧᤎᤠᤅᤧᤴ. ᤜᤧᤰᤁᤩᤠᤱ ᤂᤢᤏᤧ᤹ ᤀᤣᤑᤪᤠᤀᤡᤔᤖᤧ ᤁᤢᤎᤧᤃᤣ᤺ᤰᤁᤥᤗᤠᤶ ᤔᤏᤛ᤻ᤛᤣᤖᤧ ᤁᤢᤎᤧᤃᤣ᤺ᤰᤁᤥ ᤏᤧᤔᤠ ᤑᤠ᤹ᤀᤠᤱ ᤁᤢᤶᤒᤠᤖᤧ ᤁᤢᤜᤢᤰᤁᤡᤴ ᤆᤵᤔᤠᤖᤧ ᤗᤠᤃᤡ ᤑᤥ᤺ᤰᤂᤢ॥ 18ᤂᤢᤏᤧ᤹ ᤁᤢᤶᤒᤠ ᤔᤧᤳᤋᤢ. “ᤀᤠᤶᤒᤦ. ᤜᤧᤰᤁᤣ ᤔᤣ᤺ᤴ. ᤌᤣᤀᤠᤱᤓᤧᤸᤗᤧ ᤋᤢᤶᤒᤧᤱᤃ ᤁᤴᤏᤡᤖᤥ॥ ᤂᤧᤏᤧ᤹ ᤁᤧᤈᤢᤵᤛᤠᤱ ᤜᤢᤰᤁᤡᤴ ᤁᤸᤗᤧ ᤁᤢᤛᤶᤎᤠᤱ ᤏᤧᤛ᤻ᤛᤧ᤹॥”
19ᤁᤖ ᤁᤢᤶᤒᤠᤖᤧ ᤔᤧᤍᤧᤴᤍᤧᤸᤗ ᤔᤧᤳᤋᤢ. “ᤀᤠᤱᤃᤠ᤹ ᤏᤡᤛᤢᤱ. ᤐᤠᤒᤢᤀᤣ ᤀᤠᤱᤃᤠ᤹ ᤏᤡᤛᤢᤱᤗᤥ॥ ᤁᤸᤗᤧᤴᤏᤠᤱ ᤗᤳᤇᤠ ᤕᤶᤒᤠ ᤔᤧᤴᤇᤠᤶ ᤁᤢᤛᤢᤘᤠᤱ ᤐᤥᤱᤗᤥ॥ ᤁᤖ ᤁᤸᤗᤧ ᤁᤢᤴᤛᤠ᤹ᤀᤡᤱᤃ ᤁᤴᤏᤢ᤺ᤸᤗᤧᤀᤠᤱ ᤕᤶᤒᤠ ᤐᤥᤱᤗᤥ. ᤜᤧᤰᤁᤩᤠᤱ ᤂᤧᤸᤗᤧ ᤁᤢᤔᤢ᤹ᤀᤡᤍᤠᤱᤛᤠᤜᤠ᤹ ᤔᤧᤴᤇᤠᤶ ᤛᤢᤘᤠᤱᤜᤠ᤹ᤖᤧ ᤗᤳᤇᤠ ᤁᤢᤗᤢᤵ ᤐᤥᤱᤗᤥ॥” 20ᤕᤠᤁᤢᤒᤖᤧ ᤂᤧᤴ ᤕᤧᤴᤏᤥ ᤂᤧᤱᤜᤠ᤹ ᤀᤰᤂᤣ ᤔᤧᤳᤋᤢᤛᤡᤖ ᤜᤠᤱᤘᤠ ᤔᤢ᤹ᤀᤡᤛᤠᤶ ᤐᤡᤖᤢᤛᤡᤖᤥ. #ᤜᤡᤒᤪᤢ ᥇᥇:᥈᥇
“ᤀᤡᤛᤪᤠᤀᤡᤗᤖᤧ ᤂᤧᤴᤇᤡ᤹ ᤔᤡᤱ ᤗᤥ᤺ᤰᤂᤢᤀᤠᤱ
ᤁᤢᤔᤏᤠᤜᤠ᤹ ᤀᤰᤂᤣᤍᤱᤒᤠ ᤜᤠᤱᤘᤠ ᤔᤢ᤹ᤀᤡᤛᤠᤶ ᤐᤡᤖᤢᤛᤡᤖᤖᤥ.
‘ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤂᤧᤏᤡ᤹ ᤀᤣᤑᤪᤠᤀᤡᤔ ᤏᤢ
ᤔᤏᤛ᤻ᤛᤣ ᤜᤧᤰᤁᤣ ᤁᤧᤈᤥᤃᤡᤖᤖᤥ॥’”
ᤀᤰᤂᤣᤗ᤹ᤖᤡᤰ ᤕᤠᤁᤢᤒᤧᤸᤗᤧ ᤔᤏᤛ᤻ᤛᤣ᤺ᤴᤏᤢ᤺ᤸᤗᤧ ᤀᤣᤑᤪᤠᤀᤡᤶᤔᤧᤴ ᤋᤃᤡ ᤕᤢᤰᤂᤢ॥
21ᤂᤧᤒᤩᤠᤱ ᤕᤠᤁᤢᤒᤖᤧ ᤕᤢᤛᤢᤑᤧᤴ ᤔᤧᤳᤋᤢ. “ᤀᤠᤸᤗ ᤀᤠᤱᤃᤠ᤹ ᤛᤡᤔᤠ ᤀᤡ᤺ᤳᤋᤠᤱᤅᤠᤱ ᤘᤠ᤹ᤀᤠ. ᤁᤖ ᤏᤡᤱᤘᤠ᤹ᤑᤢᤔᤠᤱᤅᤡᤴ ᤂᤡᤏᤡ᤹ᤏᤢ ᤘᤠ᤹ᤖᤥ. ᤜᤧᤰᤁᤩᤠᤱ ᤂᤡᤏᤡ᤹ ᤐᤠᤎᤧᤒᤠᤜᤠ᤹ᤖᤧ ᤂᤢᤴᤇᤡ᤹ ᤗᤠᤈᤣ᤹ᤀᤥ ᤕᤠᤶᤔᤥ ᤂᤡᤏᤡ᤹ ᤁᤧᤍᤣ᤹ᤖᤡᤖᤥ॥ 22ᤂᤧᤴᤏᤢ᤺ᤸᤗᤧ ᤘᤣ᤹ᤃ ᤁᤧᤶᤓᤢ᤹ ᤁᤧᤴᤛᤠ᤹ᤛᤡᤏᤢ᤺ᤸᤗᤧ ᤂᤧᤏᤧ᤹ ᤕᤖᤡᤰ ᤁᤧᤈᤥ᤺ᤰᤐᤠᤸᤗᤧ ᤆᤥᤃᤢᤸᤗᤧ ᤀᤠᤱᤃᤠ᤹ ᤀᤠᤒᤠᤅᤣ ᤀᤠᤍᤠᤓᤣ ᤏᤢ ᤀᤠᤍᤥ᤺ᤱ ᤀᤠᤗᤡᤖᤧ ᤀᤣᤔᤥᤖᤡᤜᤠ᤹ᤖᤧ ᤂᤢᤴᤇᤡ᤹ ᤜᤢᤰᤁᤥᤗᤠᤶ ᤀᤠᤱᤃᤠ᤹ᤀᤡᤴ ᤆᤥᤃᤢᤱᤒᤠ ᤁᤥ᤺ᤰᤔᤠ ᤌᤧᤃᤢᤎᤡᤰ ᤂᤧᤏᤧ᤹ ᤐᤡᤏᤧᤖᤥ॥”
Zur Zeit ausgewählt:
ᤋᤥᤗᤡᤱᤛᤥᤔᤢ 48: LIFOTNT
Markierung
Teilen
Kopieren
Möchtest du deine gespeicherten Markierungen auf allen deinen Geräten sehen? Erstelle ein kostenloses Konto oder melde dich an.
© 2009, 2023, Wycliffe Bible Translators, Inc. All rights reserved.
ᤋᤥᤗᤡᤱᤛᤥᤔᤢ 48
48
ᤕᤠᤁᤢᤒᤖᤧ ᤀᤣᤑᤪᤠᤀᤡᤔ ᤏᤢ ᤔᤏᤛ᤻ᤛᤣᤴ ᤜᤠᤱᤘᤠᤔᤢ᤹ᤀᤡ ᤐᤡᤖᤢᤛᤡ
1ᤁᤢᤓᤠ ᤕᤧᤶ ᤀᤣᤃᤠᤱ “ᤀᤠᤍᤠᤱᤒᤠᤖᤧ ᤁᤧᤶᤒᤠᤖᤧ ᤁᤢᤕᤠᤶ ᤋᤢᤰ” ᤑᤠ᤹ᤀᤠᤱ ᤁᤢᤓᤠᤖᤧ ᤕᤢᤛᤢᤑᤧᤴ ᤀᤡᤱᤄᤱ ᤔᤧᤜᤠᤰᤋᤢ॥ ᤂᤧᤸᤗᤧᤆᤥᤃᤢᤸᤗᤧ ᤏᤧᤵᤑᤢ ᤁᤢᤛ᤻ᤛᤠ ᤔᤏᤛ᤻ᤛᤣᤴ ᤏᤢ ᤀᤣᤑᤪᤠᤀᤡᤶᤔᤧᤴ ᤕᤠᤱᤛᤡᤱᤅᤠᤱ ᤁᤢᤶᤒᤠᤖᤧ᤹ᤀᤥ ᤂᤢᤏᤧ᤹ ᤐᤣ॥ 2ᤜᤧᤰᤁᤩᤠᤱ “ᤂᤧᤏᤧ᤹ ᤁᤧᤛ᤻ᤛᤠ ᤕᤢᤛᤢᤑᤧᤴ ᤂᤧᤏᤧ᤹ ᤁᤧᤍᤢᤶᤛᤧ ᤑᤧᤖᤧᤀᤠᤱ ᤘᤠ᤹” ᤗ᤹ᤖᤡᤰ ᤀᤡᤱᤄᤱ ᤁᤢᤓᤠᤖᤧ ᤕᤠᤁᤢᤒᤧᤴ ᤔᤧᤔᤧᤳᤋᤢ॥ ᤂᤧᤒᤩᤠᤱ ᤂᤢᤏᤧ᤹ ᤁᤢᤏᤧᤳᤏᤠᤀᤥ ᤀᤠᤒᤠᤅᤣ ᤐᤥᤃᤧᤀᤠᤱ ᤕᤢᤱᤛᤡᤱ॥
3ᤕᤠᤁᤢᤒᤖᤧ ᤕᤢᤛᤢᤑᤧᤴ ᤔᤧᤳᤋᤢ. “ᤔᤢᤰᤛᤠᤶᤍᤠᤱᤒᤠ ᤏᤡᤱᤘᤠ᤹ᤑᤢᤔᤠᤱᤅᤡᤴ ᤁᤏᤠᤏ ᤗᤠᤈᤣ᤹ᤒᤠ ᤗᤢᤈᤀᤥ ᤀᤠᤱᤃᤠ᤹ᤏᤢ ᤌᤠ᤺ᤴᤇᤡᤱ. ᤜᤧᤰᤁᤩᤠᤱ ᤂᤢᤏᤧ᤹ ᤀᤠᤱᤃᤠ᤹ ᤔᤢ᤹ᤀᤡᤛᤠᤶ ᤐᤡᤖᤠᤱ 4ᤜᤧᤰᤁᤩᤠᤱ ᤔᤧᤳᤋᤠᤱ #ᤋᤥᤗᤡᤱ ᥈᥎:᥇᥉-᥇᥊ ‘ᤀᤥᤔᤧᤳᤋᤧ᤹. ᤀᤠᤱᤃᤠ᤹ ᤂᤧᤏᤧ᤹ ᤁᤧᤒᤥᤴ ᤁᤧᤎᤧ᤹ᤖ ᤕᤠ᤺ᤴᤏᤧ. ᤜᤧᤰᤁᤩᤠᤱ ᤕᤖᤡᤰ ᤁᤧᤒᤥᤱᤗ ᤆᤥ᤺ᤰᤏᤧ॥ ᤂᤧᤏᤧ᤹ᤗᤠᤶᤒᤠ ᤀᤠᤱᤃᤠ᤹ ᤔᤧᤴᤇᤠᤶ ᤛᤢᤘᤠᤱᤜᤠ᤹ ᤗ᤺ᤳᤋᤢᤱᤛᤡᤱ. ᤜᤧᤰᤁᤩᤠᤱ ᤂᤧᤏᤧ᤹ ᤁᤧᤀᤣᤃᤠᤱ ᤂᤧᤏᤧ᤹ ᤁᤧᤔᤢ᤹ᤀᤡᤍᤠᤱᤛᤠᤜᤠ᤹ ᤁᤴ ᤗᤠᤈᤣᤴ ᤛᤍᤠᤍᤡᤱᤗᤧ ᤗᤠᤃᤡ ᤕᤢᤰᤔᤠ ᤐᤠᤱᤄᤢᤱᤛᤡᤱᤗᤥ॥’”
5ᤂᤧᤒᤩᤠᤱ ᤕᤠᤁᤢᤒᤧᤴ ᤕᤢᤛᤢᤑᤖᤥ ᤐᤣᤀᤠᤱ ᤔᤧᤳᤋᤢ. “ᤀᤠᤱᤃᤠ᤹ ᤔᤡᤛᤪᤀᤥ ᤕᤢᤔᤠ ᤋᤃᤡ ᤔᤡᤛᤪᤀᤥ ᤁᤧᤃᤳᤋᤢᤛᤡᤒᤠ ᤁᤧᤛ᤻ᤛᤠᤜᤠ᤹ ᤀᤠᤱᤃᤠ᤹ᤀᤡᤴᤛᤡᤖᤥ॥ ᤖᤢᤒᤣᤏ ᤏᤢ ᤛᤡᤔᤡᤕᤥᤏᤧᤴ ᤜᤧᤰᤁᤣ ᤀᤣᤑᤪᤠᤀᤡᤔ ᤏᤢ ᤔᤏᤛ᤻ᤛᤣᤴ ᤀᤠᤱᤃᤠ᤹ᤀᤡᤴᤛᤡᤀᤣᤖᤥ॥ 6ᤂᤧᤱᤜᤠ᤹ᤏᤢ᤺ᤸᤗᤧ ᤀᤣᤃᤠᤱ ᤁᤧᤒᤥᤱᤒᤠ ᤁᤧᤛ᤻ᤛᤠᤜᤠ᤹ ᤂᤧᤏᤧ᤹ᤀᤡᤴ ᤔᤧᤒᤥᤱ॥ ᤂᤧᤱᤜᤠ᤹ᤖᤧ ᤗᤠᤈᤣ᤹ᤛᤡᤱᤒᤢᤱ ᤗᤰ ᤔᤧᤄᤥᤛᤢᤸᤗᤧ ᤀᤣᤑᤪᤠᤀᤡᤔ ᤏᤢ ᤔᤏᤛ᤻ᤛᤣᤗᤠᤶ ᤔᤧᤄᤥᤛᤢ᤹॥ 7ᤀᤠᤱᤃᤠ᤹ᤃ ᤐᤍ᤻ᤍᤏ ᤀᤠᤖᤠᤔᤗᤠᤶ ᤀᤣᤑᤪᤠᤋᤀᤥ ᤁᤧᤵᤔᤠ ᤀᤠᤸᤗᤛᤠᤱ ᤔᤠ᤺ᤱᤄᤠ ᤘᤕᤧᤸᤗᤧᤛᤠ ᤖᤠᤜᤣᤸᤗᤧᤴ ᤁᤏᤠᤏ ᤗᤠᤈᤣ᤹ᤀᤥ ᤔᤠᤛᤡᤱ. ᤜᤧᤰᤁᤩᤠᤱ ᤀᤠᤱᤃᤠ᤹ ᤀᤠᤏᤡᤱᤘᤠ᤹ ᤛᤠ᤹ᤖᤡᤰ ᤋᤢᤰᤂᤣ ᤆᤩᤧᤖ ᤀᤣᤑᤪᤠᤋ (ᤒᤣᤌᤗᤧᤜᤧᤶᤔᤠᤱ ᤔᤧᤔᤧᤳᤋᤢ᤹) ᤐᤣ᤺ᤰᤔᤠ ᤗᤠᤶᤔᤥᤀᤣ ᤂᤢᤏᤧ᤹ ᤗᤢᤵᤋᤢᤱ॥” #ᤋᤥᤗᤡᤱ ᥉᥋:᥇᥌-᥇᥏
8ᤕᤢᤛᤢᤑᤖᤧ ᤁᤢᤛ᤻ᤛᤠᤜᤠ᤹ ᤏᤡᤛᤢᤛᤡᤀᤠᤱ ᤕᤠᤁᤢᤒᤖᤧ ᤐᤠ᤺ᤳᤋᤢ. “ᤁᤱᤜᤠ᤹ ᤜᤠ᤺ᤳᤇᤡᤒᤣ᥅”
9ᤕᤢᤛᤢᤑᤖᤧ ᤁᤢᤶᤒᤠ ᤔᤧᤳᤋᤢ. “ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤀᤠᤱᤃᤠ᤹ ᤁ᤹ᤕᤥ ᤐᤡᤖᤠᤱᤒᤠ ᤁᤱᤜᤠ᤹ ᤀᤠᤛ᤻ᤛᤠᤛᤡᤖᤥ॥”
ᤂᤧᤒᤩᤠᤱ ᤕᤠᤁᤢᤒᤖᤧ ᤔᤧᤳᤋᤢ. “ᤂᤧᤱᤜᤠ᤹ ᤁ᤹ᤕᤥ ᤀᤠᤱᤃᤠ᤹ᤀᤥ ᤑᤧᤳᤋᤧᤛᤧ᤹ ᤜᤧᤰᤁᤩᤠᤱ ᤀᤠᤱᤃᤠ᤹ ᤂᤧᤱᤜᤠ᤹ ᤔᤢ᤹ᤀᤡᤛᤠᤶ ᤐᤡᤖᤢᤱᤛᤡᤱ᤹॥”
10ᤂᤧᤴ ᤕᤧᤶᤔᤥ ᤂᤍᤠᤰᤔᤡ ᤋᤢᤶᤛᤧᤒᤠᤸᤗᤧ ᤆᤥᤃᤢᤸᤗᤧ ᤕᤠᤁᤢᤒᤖᤧ ᤁᤢᤔᤡᤰ ᤔᤕᤧᤀᤠᤱ ᤏᤢᤖᤡᤰ ᤂᤠᤔᤧᤴᤏᤡᤔᤏᤠᤒᤠ ᤐᤥ᤺ᤰᤂᤧᤀᤠᤱ ᤘᤕᤧ॥ ᤂᤧᤸᤗᤧᤆᤥᤃᤢᤸᤗᤧ ᤕᤢᤛᤢᤑᤖᤧ ᤂᤧᤱᤜᤠ᤹ ᤁᤢᤶᤒᤠᤖᤧ ᤁᤢᤒᤣᤛᤠᤱ ᤋᤣ᤹ᤖᤢᤛᤡ ᤜᤧᤰᤁᤩᤠᤱ ᤁᤢᤶᤒᤠᤖᤧ ᤂᤧᤱᤜᤠ᤹ ᤆᤢᤵ ᤔᤧᤳᤋᤢᤛᤡᤀᤠᤱ ᤜᤧᤵᤐᤪᤧᤰ ᤜᤧᤵᤋᤢᤛᤡ॥
11ᤕᤠᤁᤢᤒᤖᤧ ᤕᤢᤛᤢᤑᤧᤴ ᤔᤧᤳᤋᤢ. “ᤀᤠᤱᤃᤠ᤹ᤃ ᤂᤧᤏᤧ᤹ ᤁᤧᤏᤠᤖᤠ ᤏᤡᤛᤢᤱ ᤑᤠ᤹ᤀᤠᤱ ᤀᤡ᤺ᤳᤋᤢᤱᤒᤠᤀᤣ ᤜᤥ᤺ᤵᤋᤧ. ᤁᤖ ᤀᤥᤔᤧᤳᤋᤧ᤹. ᤂᤧᤏᤧ᤹ ᤁᤧᤛ᤻ᤛᤠᤜᤠ᤹ᤀᤠᤱ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤀᤠᤱᤃᤠ᤹ ᤀᤥᤔᤧᤵᤔᤠ ᤐᤡᤖᤠᤱᤗᤥ॥”
12ᤂᤧᤒᤩᤠᤱ ᤕᤢᤛᤢᤑᤖᤧ ᤂᤧᤱᤜᤠ᤹ ᤕᤠᤁᤢᤒᤖᤧ ᤁᤢᤎᤢᤱᤒᤥᤀᤥᤗᤠᤶ ᤆᤳᤋᤢᤛᤡ. ᤜᤧᤰᤁᤩᤠᤱ ᤂᤢᤏᤧ᤹ ᤂᤠᤶᤒᤠᤱᤅᤥ ᤌᤠᤖᤡᤰ ᤛᤠᤶᤒᤥᤴ ᤑᤴᤇᤡᤱᤅᤠᤱ ᤛᤧᤘᤠ ᤔᤧᤳᤋᤢ॥ 13ᤕᤢᤛᤢᤑᤖᤧ ᤂᤧᤴ ᤏᤧᤵᤔᤠᤱ ᤋᤣ᤹ᤖᤢᤛᤡᤀᤠᤱ ᤀᤣᤑᤪᤠᤀᤡᤶᤔᤧᤴ ᤀᤠᤒᤠᤅᤣ ᤁᤢᤈᤢᤵᤛᤠᤱ ᤗᤧᤵᤔᤠᤱ ᤜᤧᤰᤁᤩᤠᤱ ᤕᤠᤁᤢᤒᤖᤧ ᤁᤢᤓᤧᤴᤇᤠᤱ ᤗᤧᤵᤔᤠᤱ. ᤜᤧᤰᤁᤩᤠᤱ ᤔᤏᤛ᤻ᤛᤣᤴ ᤀᤠᤒᤠᤅᤣ ᤁᤢᤓᤧᤴᤇᤠᤱ ᤗᤧᤵᤔᤠᤱ ᤜᤧᤰᤁᤩᤠᤱ ᤕᤠᤁᤢᤒᤖᤧ ᤁᤢᤈᤢᤵᤛᤠᤱ ᤗᤧᤵᤔᤠᤱ ᤆᤥᤃᤢᤛᤡᤀᤠᤱ ᤕᤠᤁᤢᤒᤖᤧ ᤁᤢᤒᤣᤛᤠᤱ ᤋᤠᤖᤢᤛᤡ॥ 14ᤁᤖ ᤕᤠᤁᤢᤒᤖᤧ ᤁᤢᤜᤢᤰᤜᤠ᤹ ᤛᤴᤇᤢᤀᤠᤱ ᤁᤢᤈᤢᤰᤘᤠ ᤜᤢᤰᤁᤡᤴ ᤑᤥ᤺ᤰᤘᤠᤒᤠ ᤀᤣᤑᤪᤠᤀᤡᤔᤖᤧ ᤁᤢᤎᤧᤃᤣ᤺ᤰᤁᤥ ᤏᤧᤛ᤻ᤛᤢ. ᤜᤧᤰᤁᤩᤠᤱ ᤔᤏᤛ᤻ᤛᤣᤴ ᤋᤢᤶᤒᤠᤛᤠᤱ ᤂᤧᤸᤗᤧ ᤁᤢᤎᤧᤃᤣ᤺ᤰᤁᤥ ᤕᤠᤁᤢᤒᤖᤧ ᤁᤢᤓᤧᤴᤇᤠᤱ ᤜᤢᤰᤁᤡᤴ ᤏᤧᤛ᤻ᤛᤢ॥
15ᤂᤧᤒᤩᤠᤱ ᤂᤢᤏᤧ᤹ ᤕᤢᤛᤢᤑᤧᤴ#᥊᥎:᥇᥋ ᤕᤠᤁᤢᤒᤖᤧ ᤀᤡᤑᤪᤠᤀᤡᤔ ᤏᤢ ᤔᤏᤛ᤻ᤛᤣᤴ ᤔᤢ᤹ᤀᤡᤛᤠᤶ ᤐᤡᤖᤢᤛᤡᤸᤗᤧ ᤂᤢᤏᤧ᤹ ᤛᤧᤰᤂᤠ᤺ᤸᤗᤧ ᤕᤢᤛᤢᤑᤧᤴ ᤜᤠᤱᤘᤠᤃᤧᤴ ᤔᤢ᤹ᤀᤡᤛᤠᤶ ᤐᤡᤖᤢᤒᤠᤖᤥ॥ ᤜᤠᤱᤘᤠ ᤔᤢ᤹ᤀᤡᤛᤠᤶ ᤐᤡᤖᤢᤀᤠᤱ ᤔᤧᤳᤋᤢᤖᤥ.
“ᤀᤠᤶᤒᤠ ᤀᤒᤪᤠᤜᤠᤶᤔᤧᤴ ᤏᤢ ᤀᤡᤛᤜᤠᤰᤁᤧᤴ
ᤀᤠᤳᤋᤡᤴ ᤏᤡᤱᤘᤠ᤹ᤑᤢᤔᤠᤱᤅᤡᤴᤏᤢ ᤛᤥᤛᤥᤖᤡᤰ ᤗᤠᤱᤄᤣᤃᤧᤳᤇᤡ.
ᤀᤠᤳᤋᤡᤴ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤀᤠᤀᤡᤴ ᤌᤠᤖᤡᤰ
ᤀᤠᤱᤃᤠ᤹ ᤁᤧᤖᤧᤰ ᤀᤠᤜᤡᤱᤔᤴᤏᤥ ᤗᤠᤶᤗᤥᤛᤠᤱᤅᤠᤱ ᤘᤠ᤹.
16ᤁᤧᤖᤧᤰ ᤁᤠ᤺ᤶᤔᤠᤗᤠᤶ ᤕᤠᤵᤔᤡ ᤋᤠᤱᤃᤧᤛᤧ᤺ᤵᤐᤠ ᤔᤠᤱᤗᤠᤀᤡᤱᤒᤠᤸᤗᤧ
ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤴ ᤀᤅᤧ᤺ᤰᤘᤠᤜᤠ᤹ ᤜᤠᤱᤘᤠ ᤔᤢ᤹ᤀᤡᤛᤠᤶ ᤐᤡᤖᤢᤛᤡᤖᤖᤥ॥
ᤁᤱᤜᤠ᤹ᤀᤥᤀᤣ ᤀᤠᤱᤃᤠ᤹ ᤀᤠᤔᤡᤱᤅᤡᤴ ᤘᤠ᤹ᤖᤖᤥ.
ᤜᤧᤰᤁᤩᤠᤱ ᤀᤠᤱᤃᤠ᤹ ᤀᤠᤶᤒᤠ ᤀᤒᤪᤠᤜᤠᤔ ᤏᤢ
ᤀᤡᤛᤜᤠᤰᤁᤧᤸᤗᤧ ᤂᤢᤴᤇᤡ᤹ ᤔᤡᤱ ᤛᤍᤠᤍᤡᤱ ᤘᤠ᤹ᤖᤖᤥ.
ᤜᤧᤰᤁᤩᤠᤱ ᤀᤡᤰᤛᤠᤍᤡᤱ ᤂᤠᤶᤒᤣ᤺ᤰᤔᤥ ᤁᤱᤜᤠ᤹
ᤏᤡ᤺ᤳᤔᤧᤴᤍᤧᤳᤋᤣ ᤌᤠᤖᤡᤰ ᤔᤧᤒᤥ᤺ᤴᤗᤖᤥ॥”
17ᤂᤢᤏᤧ᤹ ᤁᤢᤶᤒᤠᤖᤧ ᤁᤢᤈᤢᤵᤛᤠᤱ ᤜᤢᤰᤁᤡᤴ ᤀᤣᤑᤪᤠᤀᤡᤔᤖᤧ ᤁᤢᤎᤧᤃᤣ᤺ᤰᤁᤥ ᤏᤧᤛ᤻ᤛᤢᤒᤠ ᤏᤡᤛᤢᤀᤠᤱ ᤕᤢᤛᤢᤑᤖᤧ ᤁᤢᤛᤡᤖᤠ᤹ ᤔᤧᤎᤠᤅᤧᤴ. ᤜᤧᤰᤁᤩᤠᤱ ᤂᤢᤏᤧ᤹ ᤀᤣᤑᤪᤠᤀᤡᤔᤖᤧ ᤁᤢᤎᤧᤃᤣ᤺ᤰᤁᤥᤗᤠᤶ ᤔᤏᤛ᤻ᤛᤣᤖᤧ ᤁᤢᤎᤧᤃᤣ᤺ᤰᤁᤥ ᤏᤧᤔᤠ ᤑᤠ᤹ᤀᤠᤱ ᤁᤢᤶᤒᤠᤖᤧ ᤁᤢᤜᤢᤰᤁᤡᤴ ᤆᤵᤔᤠᤖᤧ ᤗᤠᤃᤡ ᤑᤥ᤺ᤰᤂᤢ॥ 18ᤂᤢᤏᤧ᤹ ᤁᤢᤶᤒᤠ ᤔᤧᤳᤋᤢ. “ᤀᤠᤶᤒᤦ. ᤜᤧᤰᤁᤣ ᤔᤣ᤺ᤴ. ᤌᤣᤀᤠᤱᤓᤧᤸᤗᤧ ᤋᤢᤶᤒᤧᤱᤃ ᤁᤴᤏᤡᤖᤥ॥ ᤂᤧᤏᤧ᤹ ᤁᤧᤈᤢᤵᤛᤠᤱ ᤜᤢᤰᤁᤡᤴ ᤁᤸᤗᤧ ᤁᤢᤛᤶᤎᤠᤱ ᤏᤧᤛ᤻ᤛᤧ᤹॥”
19ᤁᤖ ᤁᤢᤶᤒᤠᤖᤧ ᤔᤧᤍᤧᤴᤍᤧᤸᤗ ᤔᤧᤳᤋᤢ. “ᤀᤠᤱᤃᤠ᤹ ᤏᤡᤛᤢᤱ. ᤐᤠᤒᤢᤀᤣ ᤀᤠᤱᤃᤠ᤹ ᤏᤡᤛᤢᤱᤗᤥ॥ ᤁᤸᤗᤧᤴᤏᤠᤱ ᤗᤳᤇᤠ ᤕᤶᤒᤠ ᤔᤧᤴᤇᤠᤶ ᤁᤢᤛᤢᤘᤠᤱ ᤐᤥᤱᤗᤥ॥ ᤁᤖ ᤁᤸᤗᤧ ᤁᤢᤴᤛᤠ᤹ᤀᤡᤱᤃ ᤁᤴᤏᤢ᤺ᤸᤗᤧᤀᤠᤱ ᤕᤶᤒᤠ ᤐᤥᤱᤗᤥ. ᤜᤧᤰᤁᤩᤠᤱ ᤂᤧᤸᤗᤧ ᤁᤢᤔᤢ᤹ᤀᤡᤍᤠᤱᤛᤠᤜᤠ᤹ ᤔᤧᤴᤇᤠᤶ ᤛᤢᤘᤠᤱᤜᤠ᤹ᤖᤧ ᤗᤳᤇᤠ ᤁᤢᤗᤢᤵ ᤐᤥᤱᤗᤥ॥” 20ᤕᤠᤁᤢᤒᤖᤧ ᤂᤧᤴ ᤕᤧᤴᤏᤥ ᤂᤧᤱᤜᤠ᤹ ᤀᤰᤂᤣ ᤔᤧᤳᤋᤢᤛᤡᤖ ᤜᤠᤱᤘᤠ ᤔᤢ᤹ᤀᤡᤛᤠᤶ ᤐᤡᤖᤢᤛᤡᤖᤥ. #ᤜᤡᤒᤪᤢ ᥇᥇:᥈᥇
“ᤀᤡᤛᤪᤠᤀᤡᤗᤖᤧ ᤂᤧᤴᤇᤡ᤹ ᤔᤡᤱ ᤗᤥ᤺ᤰᤂᤢᤀᤠᤱ
ᤁᤢᤔᤏᤠᤜᤠ᤹ ᤀᤰᤂᤣᤍᤱᤒᤠ ᤜᤠᤱᤘᤠ ᤔᤢ᤹ᤀᤡᤛᤠᤶ ᤐᤡᤖᤢᤛᤡᤖᤖᤥ.
‘ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤂᤧᤏᤡ᤹ ᤀᤣᤑᤪᤠᤀᤡᤔ ᤏᤢ
ᤔᤏᤛ᤻ᤛᤣ ᤜᤧᤰᤁᤣ ᤁᤧᤈᤥᤃᤡᤖᤖᤥ॥’”
ᤀᤰᤂᤣᤗ᤹ᤖᤡᤰ ᤕᤠᤁᤢᤒᤧᤸᤗᤧ ᤔᤏᤛ᤻ᤛᤣ᤺ᤴᤏᤢ᤺ᤸᤗᤧ ᤀᤣᤑᤪᤠᤀᤡᤶᤔᤧᤴ ᤋᤃᤡ ᤕᤢᤰᤂᤢ॥
21ᤂᤧᤒᤩᤠᤱ ᤕᤠᤁᤢᤒᤖᤧ ᤕᤢᤛᤢᤑᤧᤴ ᤔᤧᤳᤋᤢ. “ᤀᤠᤸᤗ ᤀᤠᤱᤃᤠ᤹ ᤛᤡᤔᤠ ᤀᤡ᤺ᤳᤋᤠᤱᤅᤠᤱ ᤘᤠ᤹ᤀᤠ. ᤁᤖ ᤏᤡᤱᤘᤠ᤹ᤑᤢᤔᤠᤱᤅᤡᤴ ᤂᤡᤏᤡ᤹ᤏᤢ ᤘᤠ᤹ᤖᤥ. ᤜᤧᤰᤁᤩᤠᤱ ᤂᤡᤏᤡ᤹ ᤐᤠᤎᤧᤒᤠᤜᤠ᤹ᤖᤧ ᤂᤢᤴᤇᤡ᤹ ᤗᤠᤈᤣ᤹ᤀᤥ ᤕᤠᤶᤔᤥ ᤂᤡᤏᤡ᤹ ᤁᤧᤍᤣ᤹ᤖᤡᤖᤥ॥ 22ᤂᤧᤴᤏᤢ᤺ᤸᤗᤧ ᤘᤣ᤹ᤃ ᤁᤧᤶᤓᤢ᤹ ᤁᤧᤴᤛᤠ᤹ᤛᤡᤏᤢ᤺ᤸᤗᤧ ᤂᤧᤏᤧ᤹ ᤕᤖᤡᤰ ᤁᤧᤈᤥ᤺ᤰᤐᤠᤸᤗᤧ ᤆᤥᤃᤢᤸᤗᤧ ᤀᤠᤱᤃᤠ᤹ ᤀᤠᤒᤠᤅᤣ ᤀᤠᤍᤠᤓᤣ ᤏᤢ ᤀᤠᤍᤥ᤺ᤱ ᤀᤠᤗᤡᤖᤧ ᤀᤣᤔᤥᤖᤡᤜᤠ᤹ᤖᤧ ᤂᤢᤴᤇᤡ᤹ ᤜᤢᤰᤁᤥᤗᤠᤶ ᤀᤠᤱᤃᤠ᤹ᤀᤡᤴ ᤆᤥᤃᤢᤱᤒᤠ ᤁᤥ᤺ᤰᤔᤠ ᤌᤧᤃᤢᤎᤡᤰ ᤂᤧᤏᤧ᤹ ᤐᤡᤏᤧᤖᤥ॥”
Zur Zeit ausgewählt:
:
Markierung
Teilen
Kopieren
Möchtest du deine gespeicherten Markierungen auf allen deinen Geräten sehen? Erstelle ein kostenloses Konto oder melde dich an.
© 2009, 2023, Wycliffe Bible Translators, Inc. All rights reserved.