Lukas 1
1
Pendahuluan
1Teofilus je mulia, jadi are lun bausaha nyusun barita tentang kare kajadian-kajadian je terjadi melai betuk ita tun. 2Kilau barita je jadi nyapai akan ta bara ulun je bara awal e jadi nyaksi kajadian-kajadian je jadi terjadi dan pamberita Firman je. 3Gawin aku jadi balajar uras e taliti sinde bara sulak e, metuh tuh kia aku nulis sacara baurut akammu Teofilus. 4Mangat kau tawai katutu tentang taluh je jadi ngacar akammu.
Kabar barita bara malaikat utusan bara Hatalla tentang kalahiran Yohanes Pambaptis
5Metuh Herodes jadi raja melai provinsi Yudea, tege ulun ice beti imam arai e Zakharia. Ie tame bagian melai kalompok imam-imam je arai e Abia. Aran sawai e iyeje Elisabet dan ie kia katurunan imam pakasulak e bangsa Israel, je arai e Harun. 6Zakharia umba Elisabet iyeje ulun je tutu melai taharep Hatalla. Dere belum sasuai umba parintah Hatalla heamti kasalan dere. 7Tapi, dere heamti anak gawin Elisabet heam tau batehi. Selain jie, dere badue jadi puna bakas tutu akan tege anak.
8Sinde andau Zakharia metuh malayan jadi imam melai taharep Tuhan, gawin kalompok e metuh batugas malayan Tuhan melai Pasah Hatalla. 9Kawan imam mangayak kabiasaan ise je biasa, iyeje mamating undi akan menentukan ewei je akan batugas. Sinde jituh Zakharia tapilih akan tame guang suang Pasah Hatalla dan ngehu rarampah je simak harum melai ngambu meja. 10Metuh Zakharia lagi mangehu rarampah je simak harum, ulun are bakupul akan badoa umba Tuhan melai bagian luar Pasah Hatalla. 11Salenga ih ice beti malaikat utusan bara Hatalla pakarah arep e akan zakharia. Malaikat utusan bara Hatalla je mendeng melai hila gatau meja ukan kawan imam mangehu rarampah je simak harum. 12Zakharia payah malaikat utusan bara Hatalla je ie takicet dan mikeh tutu. 13Tapi malaikat utusan bara Hatalla je bapander umba ie: “Zakharia, ela mikeh, gawin Hatalla jadi hening doa mu. Elisabet, sawammu, akan dinu ice beti anak hatue. Ikau harus nenga arai e Yohanes Pambaptis. 14Ie akan nguan ikau sanang tutu dan are je akan hanjak metuh ie lahir. 15Hatalla akan payah ie jadi ulun je puna penting tutu. Ie dia tau ngihup anggur dan minuman je baalkohol je beken gawin je parintah bara Hatalla, dan kuasa Roh Kudus akan muhun melai arep e katika ie masih tege melai kanai. 16Ie akan ndohop are bangsa Israel mangat tende nguan dosa dan haluli manyembah Tuhan, Hatalla se. 17Ie akan jadi ulun je tege roh-Mu umba kuasa sama kilau nabi Elia. Ie akan nyahelu pandumah Tuhan, manyiap ulun are akan pandumah-E. Ie akan mandamaikan apang umba anak, dan ie akan mangubah pikiran je dia taat akan narima kabijaksanaan bara Hatalla.”
18Limbas je Zakharia bapander umba malaikat utusan bara Hatalla je: “Aku jadi bakas tutu, dan sawakku kia jadi bakas tutu sapai ie heam tau nganak dai. Jadi, en rak tapai aku tau yakin amun narai je ikau mander je akan puna tutu terjadi?” 19Malaikat utusan bara Hatalla je nimai auh e: “aku tuh Gabriel, Utusan bara Hatalla je malayan Hatalla. Aku kana utus mander akammu dan ngabar kabar lamus akammu wayah tuh. 20Metuh tuh hening! Narai je jadi aku mander akammu pasti akan terjadi metuh je jadi Tuhan nentu e. Tapi gawin ikau dia yakin umba peteh ku, Hatalla akan nguan ikau heam tau bapander. Sapai anakmu lahir!”
21Sementara Zakharia umba utusan bara Hatalla bapander melai suang Pasah Hatalla, ulun are je melai bagian luar Pasah Hatalla nunggu Zakharia balua. Ise bakisek-kisek embat ie melai suang Pasah Hatalla je mias katatahie. 22Metuh Zakharia balua bara Pasah Hatalla, ie dia tau bapander umba ise. Limbas je ulun are tawan amun ie jadi tege payah penglihatan je pakarah Tuhan akai e melai Pasah Hatalla gawin ie napa isyarat lengei umba ise tapi tatap heam tau pander. 23Metuh minggu palayanan e melai Pasah Hatalla jadi salesai, ie haluli guang pasah e melai Provinsi Yudea.
24Limbas pire-pire katahie, sawan Zakharia, Elisabet batehi dan ie melai guang pasah kecau bara ulun beken salama lime bulan. 25Ie bapander: “Tuhan jadi mangizin aku akan tege anak. Ie jadi pakarah kataui-E umba aku dan Ie jadi mahapus nyam kahawenku bara kakaren ulun are gawin heamti anak.”
Malaikat utusan bara Hatalla ngabar tentang kalahiran Yesus
26Metuh Elisabet jadi batehi salama jahawen bulan, Hatalla ngirim malaikat utusan bara Hatalla je arai e Gabriel akan ulun ice bawi parawan je melai guang ice kota je arai e kota Nazaret, je ukai e guang daerah Galilea. 27Ie mangguang ice beti bawi bucang. Arai e Maria. Ulun bakas e jadi bajanji amun ie akan kawin umba ice beti hatue je arai e Yusuf, ie je katurunan Raja Daud. 28Malaikat utusan bara Hatalla je dumah guang e dan bapander: “Salam akammu, oo Maria. Tuhan puna tutu mamberkat ikau. Ie mapahayak ikau. Ie jadi mamberkat ikau labih bara uras kawan bawi beken!”
29Maria takicet hening narai je mander utusan bara Hatalla je, ie bingung tutu. Ie bakisek-kisek suang atei tentang arti salam je. 30Limbas je malaikat utusan bara Hatalla je bapander umba e: “Hatalla jadi mamutuskan akan mamberkat ikau, Maria, jadi ela mikeh! 31Hening tuh! Ikau akan batehi dan nganak anak hatue. Ikau harus nenga arai e Yesus. 32Ie akan jadi ulun hae dan ulun are akan ngahau e Anak Hatalla je paling gatung. Hatalla Tuhan akan manjadikan Ie raja akan umat-E, sama kilau hiang umbuh e Raja Daud. 33Ie akan memerintah Yakub umba katurunan e akan sakatatahie. Karajaan dia akan tende-tende sapai katatahie.”
34Tapi Maria bakisek umba malaikat utusan bara Hatalla je: “En rak tapai aku tau batehi gawin aku masih parawan?” 35Malaikat utusan bara Hatalla je bapander umba e, Roh Kudus akan muhun akammu, Arti e, kuasa Hatalla je paling gatung akan ngaliling ikau sepenuh e dan nguan ikau akan batehi. Gawin je, anak awau je kudus akan lahir bara ikau akan kana sewut Anak Hatalla. 36Ngizin aku mander taluh akammu: “Paharimmu Elisabet metuh batehi dan umur tehi jadi jahawen bulan. 37Gawin bagi Hatalla heamti je dia mungkin.”
38Limbas je Maria manimai e: “Aku tuh palayan Tuhan. Biar ih uras je ikau mander je terjadi umba aku.” Limbas je malaikat utusan bara Hatalla je buhau lihi Maria.
Maria maja guang Elisabet
39Pire-pire andau limbas je, Maria capat-capat basiap akan miar guang ice kota melai daerah perbukitan melai provinsi Yehuda. 40Metuh ie sapai melai pasah Zakharia, ie ngahau Elisabet. 41Metuh Elisabet hening Maria ngahau ie, anak awau je melai suang kanain Elisabet pasau baguet kahanjakan. Limbas je Elisabet kutep gawin Roh Kudus. 42Ie ngombak kahanjakan umba Maria dan bapander: “Maria, Hatalla jadi nenga kasih karunia je labih hae akammu dibandingkan umba kawan bawi ewei bewei. Dan Hatalla jadi mamberkat anak je akan ikau nganak e. 43Ikau iyeje indang bara Tuhanku jadi dumah nyundauku! Aku heam pantas narima berkat je hae jituh. 44Aku mander akammu amun metuh aku hening ikau ngahau aku, anak awau suang kanaikku tuh hanjak tutu sapai ie baguet. 45Kana berkat ikau gawin ikau percaya amun Hatalla akan nguan narai je mander-E.”
Nyanyian pujian Maria
46Limbas je Maria manimai umba ice lagu:
“Aku mander kahaen Tuhan.
47Saluruh betikku hanjak umba Hatalla panyalamatku,
48gawin aku tuh ulun je dia penting tapi Ie puna tau umba aku palayan-E tuh.
Napara bara wayah tuh, ulun are akan bapander amun Tuhan jadi mamperlakukan aku puna baik tutu.
49Gawin Hatalla je Maha Kuasa jadi nguan taluh je luar biasa akakku.
Arai-E je puna kudus.
50Tuhan akan pakarah kangasi-E sakatatahie
akan ise je manyembah dan malayan Ie.
51Ie jadi pakarah akan uras ulun kakuatan-E je hae.
Ie jadi mangalah ulun-ulun je sombong suang atei dan pikiran se.
52Ie jadi pamuhun kawan pamimpin je bakuasa bara ukan kuasa se,
tapi Ie puna mahormat ulun-ulun je randah atei e.
53Ie mamuaskan ise je balau umba narai je ise perlu e,
tapi Ie nyuhu ise je baduit akan buhau heamti ngaya nara-narai.
54Ie dohop bangsa Israel, palayan-E,
gawin Ie ingat akan kasayang-E,
55sama kilau je jadi kana janji-E akan hiang umbuh ta,
akan Abraham umba katurunan e akan sakatatahie.”
56Maria melai umba Elisabet sakitar telu bulan. Limbas je ie buli guang kota Nazaret.
Kalahiran Yohanes Pambaptis
57Metuh sapai katika e Elisabet akan nganak anak e, ie nganak ice beti anak hatue. 58Metuh kawan tetangga e umba kawan pahari e hening amun Tuhan jadi pakarah kangasi akai e umba nenga akai e ice beti anak hatue, ise marayakan kalahiran anak e je.
59Metuh anak awau je baumur hanya andau, ulun are dumah guang pasah Zakharia akan manyunat anak awau je dan ise bapander: “Ie akan nenga arai Zakharia sama kilau aran apang e.” 60Tapi, Elisabet manimai auh se: “Ie dia akan kana tenga aran Zakharia. Sebalik e, Ita harus nenga arai e Yohanes Pambaptis.” 61Ise bapander umba ie: “Tapi heamti melai paharimmu je arai e kilau je!” 62Limbas je ise nguan gerakan umba lengen se akan bakisek umba Zakharia, apang bara anak hatue je, ewei kahuang e aran anak hatue e tuh. 63Zakharia laku ice papan akan nulis, dan ie nulis kata-kata jituh melai ngambu e: “Arai e Yohanes Pambaptis.” Ulun are je bakupul melai nganih takicet umba narai je nulis e. 64Metuh je kia tabuka mulut e dan jela e tau haguet dai, ie tau pander dai, limbas je ie napara manara Hatalla.
65Uras ulun je melai guang sakitar ise merasa hengan dan mikeh. Uras ulun melai daerah perbukitan melai provinsi Yudea ngesah uras je jadi terjadi. 66Uras ulun je hening tentang kajadian je bapikir tentang ise dan hengan. Ise bapander: “Pasti anak awau jituh akan jadi ulun je penting tutu.” Ise bapander kilau je gawin jelas tutu amun Tuhan mampahayak ie.
Nyanyian pujian Zakharia
67Limbas je Zakharia kutep gawin Roh kudus, dan nyewut kata-kata kilau je Hatalla huang ie mander e:
68“Kakare puji akan Tuhan,
Hatalla je kana sembah gawin bangsa Israel.
Gawin Ie pasti akan dumah dan manewus umat-E.
69Tuhan akan mangutus ice beti ulun je bakuasa akan nyalamat ita.
Ie je baasal bara katurunan Daud, palayan-E je.
70Tuhan nguan narai je jadi Ie janji e bara jaman behin metuh
Ie bafirman akan umat-E lewat kawan nabi-E je kudus.
71Ie mangutus ice beti je bakuasa akan nyalamat ita bara kare kawan musuh ta
dan kuasa satiap ulun je bajilek umba ita.
72Hatalla jadi nguan taluh tuh akan pakarah kangasi-E akan hiang umbuh ta
dan umba nguan narai je jadi Ie janji e melai perjanjian-E je Barasih.
73Iyeje perjanjian je kana ucap-E akan Abraham, hiang umbuh ta,
amun Ie manyalamat ita.
74Mangat ita, kana salamat bara lengen musuh ta,
tau baibadah dan malayan-E dia keme kamikeh,
75sahingga kasucian umba kabenaran melai taharep-E
saumur ta belum.
76Dan, ikau, anakku, are ulun akan tawan amun ikau iyeje nabi Anak Hatalla je Paling Gatung.
Gawin ikau akan manyiap are ulun akan pandumah Hatalla
sapai ise jadi siap metuh Tuhan dumah.
77Ikau akan manyiap ise akan Tuhan,
mamimpin ise akan keme pangampunan akan kare dosa-dosa se
sapai ise akan kana salamat bara hukuman.
78Jadi, gawin kangasi Hatalla umba ita,
akan dumah akan ta sinde andau je taheta sama kilau matan andau je harun lembut,
iyeje Andau Kaselamatan bara surga.
79Hapan kilau je, Hatalla akan dohop ita je belum badosa dan melai ancaman neraka.
Katarang TUHAN je akan mangaya ita guang jalan-E,
mangat ita tau damai melai perlindungan-E.”
80Anak hatue je jadi ice beti hatue je percaya diri dan dewasa sikap umba kalakuan e. Ie melai guang ukan je benyem heamti ului metuh ie jadi bucang. Limbas je sapai katika e ie napara pakarah arep-E akan bangsa Israel.
Zur Zeit ausgewählt:
Lukas 1: CAV
Markierung
Kopieren
Vergleichen
Teilen
Möchtest du deine gespeicherten Markierungen auf allen deinen Geräten sehen? Erstelle ein kostenloses Konto oder melde dich an.
capur açu Bible by Beyond Translation is licensed under Creative Commons Attribution-ShareAlike 4.0 License.