Lukas 4
4
Talun kambe mancoba Yesus mangat nguan gawi je sala
(Mat. 4:1-11; Mrk. 1:12-13)
1Limbas Yohanes mambaptis Yesus, Yesus je kutep gawin Roh Kudus balua bara Sungei je arai e Yordan. Roh Kudus mimpin ie guang ukan je benyem heamti ului. 2Epat puluh andau katahie e melai nginje, Ie kana coba gawin talun kambe. Katahin Ie melai nginje Ie heamti kuman nara-narai. Dan metuh andau-andau je tarakhir e, Ie puna balau tutu. 3Kuan talun kambe umba-E: “Amun Ikau puna Anak Hatalla, ngubah batu jituh jadi roti akan panginan.” 4Kuan Yesus: “Tege tatulis: ‘Kalunen belum dia baya bara roti akan panginan ih.’”
5Limbas je talun kambe ngaya Yesus guang ukan je gatung, metuh je kia talun kambe pakarah akai-E panatau kalunen belum melai dunia tuh. 6Kuan talun kambe je umba Yesus: “aku akan nenga Ikau kakare kakuasaan dan katarang bara bangsa-bangsa jituh, gawin kuasa jituh jadi kana tenga akakku dan aku tau nenga kuasa jituh akan ewei bewei je aku huang nenga. 7Jadi amun Ikau sujud akan nyembah aku, uras kakusaan jituh akan jadi Ikau tepui e.”
8Tapi kuan Yesus umba ie: “Tege tatulis: ‘Ikau je harus manyembah Tuhan, Hatalla-mu. Baya Ie ih je harus ikau nyembah e.’”
9Limbas je ie ngaya Yesus guang ukan je paling gatung melai ngambu Pasah Hatalla melai kota Yerusalem, kuan talun kambe umba Yesus: “Amun Ikau puna Anak Hatalla, palawu ih arep-Mu bara ngituh guang ngiwa nih. 10Gawin tege tatulis: ‘Auh e Tuhan je nyuhu malaikat-malaikat utusan bara Hatalla akan manjaga Ikau. 11Malaikat-malaikat utusan bara Hatalla je akan manahan Ikau umba lengen se, mangat paim-Mu dia kana batu.’”
12Yesus nimai auh e: “melai Alkitab tege tatulis, Ela ikau mancoba Tuhan, Hatalla-mu.”
13Limbas talun kambe jadi mancoba Yesus, ie buhau ngalihi Yesus sambil nunggu wayah je pas akan haluli mancoba Ie jua.
Ulun-ulun dia narima Yesus melai Nazaret
(Mat. 4:12-17; Mrk. 1:14-15)
14Limbas je Yesus haluli guang daerah Galilea kutep umba kuasa Roh Kudus. Barita tentang Ie manyebar guang saluruh daerah. 15Ie lagi ngacar ulun-ulun melai pasah ukan sambayang. Uras ulun je hening e bapander manara Ie.
Yesus dia kana tarima melai kota Nazaret
(Mat. 13:53-58; Mrk. 6:1-6)
16Limbas je, Yesus sapai guang kota je arai e Nazaret melai nguwei ie beci melai metuh Ie masih korik, dan sama kilau kabiasaan-E metuh andau Istirahat je kana sewut andau Sabat, Ie miar guang pasah ukan sambayang, dan Ie mendeng akan mambasa Alkitab. 17Dan ice gulungan kitab je tatulis gawin nabi Yesaya kana tenga akai-E. Ie mambuka kitab je dan mambasa puna nyaring bagian je isi e kilau tuh:
18“Roh Kudus mapahayak Aku
akan dohop Aku.
Ie jadi milih aku akan ngabar Kabar Lamus akan ulun-ulun je susah.
Ie jadi mangutus Aku
19Akan ngabar akan kawan tawanan,
amun ise akan bebas dan amun ulun babute akan tau payah dai,
dan akan mambebaskan uras ulun je kapehe.
Dan akan mander amun jituh metuh e Tuhan akan nenga kasih sayang akan umat-E.”
20Limbas je Yesus manutup gulungan kitab je, dan ngaluli e akan kepala pangurus pasah ukan sambayang je, Limbas je Ie munduk dan ngacar ulun are tentang narai je jadi mbasa-E. Matan ulun are tatuju guang Ie. 21Limbas je Yesus manjelaskan Firman je jadi mbasa-E, dan bapander: “Narai je harun kau hening bara-Ku jadi kanyataan andau tuh.” 22Uras ulun je tege melai nganih satuju dan kagum umba pander je lamus je nyapai-E akan se. Tapi limbas je ise napara hakisek kulai: “Diakah Ie tuh anak Yusuf?” 23Limbas je Yesus bapander umba ise tanding jituh: “Tabib, paamat arep-Mu kabuat! Nguan mujizat-mujizat melai ngituh melai kota asalmu, sama kilau je ikei hening ikau nguai melai kota Kapernaum.” 24Yesus bapander: “Aku mander akammu nabi dia akan kana tarima melai kota asal e.” 25Hening Aku tuh: “Metuh jaman nabi Elia, tege are bawi balu melai bangsa Israel metuh katika je langit tatutup andau heamti duruh salama telu nyelu satengah dan kalauan je luar biasa terjadi melai saluruh bangsa Israel je. 26Tapi, nabi Elia dia kana utus akan kawan bawi balu je tege melai bangsa Israel. Sebalik e, ie kana utus akan ice beti bawi balu je melai guang luar bangsa Israel melai kota Sarfat je tukep melai kota Sidon je melai guang nginje ulun-ulun dia Yahudi. 27Dan kia, metuh jaman nabi Elisa belum, tege ulun are je kana panyakit kulit je arai e kusta melai bangsa Israel. Tapi Hatalla dia paamat ice pun bara ise. Sebalik e, Ie baya paamat ice beti hatue je arai e Naaman, dan ie ulun dia Yahudi je melai guang negri Siria.” 28Metuh ulun are melai pasah ukan sambayang hening Ie mander taluh je, ise puna basingi tutu. 29Jadi, ise hikat, mamaksa Yesus balua bara kota se dan ngaya-E guang saran bukit ukan kota je. Ise huang ndorong dan huang patei-E. 30Tapi Yesus nanjung nakalau betuk ulun are je dan Ie buhau.
Yesus melai pasah ukan lun sambayang melai kota Kapernaum
(Mrk. 1:21-28)
31Bara nganih, Ie muhun bara bukit Nazaret guang kota Kapernaum, ice kota melai daerah Galilea. Ie ngacar ulun are melai nganih metuh andau Istirahat je kana sewut andau Sabat. 32Metuh Yesus ngacar ulun are, ise hengan umba kuasa je Ie hapa e akan ngacar. 33Melai suang pasah ukan sambayang je, tege ice beti je karasukan roh jahat. Ie napara ngombak umba Yesus umba suara je nyaring tutu: 34“Oo Ikau, Yesus ulun bara kota Nazaret, narai urusan-Mu umba ikei? Ikau dumah huang patei ikei kah? Aku senakku Ikau je: Ikau ulun je kudus dumah bara Hatalla!”
35Yesus mamarintah Roh jahat: “Benyem dan balua bara ulun jituh!” Limbas je iblis mating ulun je guang sambang baun ulun are je pasau iblis je balua bara ulun je dan dia kare ngapehe ie. 36Uras ulun je tege melai nginje hengan, dan ise hakisek kulai: “Ajaran narai tuh? Ie tege are kuasa dan umba kuasa e je ie tau mamerintahkan roh jahat akan balua dan roh jahat balua bara ulun je!” 37Ulun are tarus manyebar barita tentang narai je jadi Yesus nguai guang satiap kota melai saluruh daerah je.
Yesus paamat epu Simon Petrus umba ise je beken
(Mat. 8:14-17; Mrk. 1:29-34)
38Andau je limbas Yesus lihi Pasah ukan sambayang, Yesus miar guang pasah Simon. Melai nganih Ie nyundau epu simon je bawi e, je metuh hawan. Ise laku Ie akan paamat e. 39Limbas je Yesus mendeng melai silan bawi je, dan nyuhu hawan je buhau ngalihi epu Simon je. Epu simon je amat dan hikat malayan ise
40Metuh matan andau jadi leteng dai halemei je, ulun are ngaya kaluarga se je dia barigas umba kare peres panyakit e guang Yesus akan paamat ise. Yesus ngina lengei-E melai ngambu kuluk se masing-masing dan paamat ise uras. 41Tege pire-pire ulun je karasukan kawan roh jahat. Kawan roh jahat je balua bara ulun are je numun auh parintah-E dan ngombak: “Ikau iyeje Anak Hatalla.” Tapi gawin ise tawan amun Ie iyeje Juruslamat je kana utus gawin Hatalla, Ie nyuhu ise benyem.
Yesus ngacar melai kota-kota je beken
(Mrk. 1:35-39)
42Andau jewu e, Yesus miar guang ukan je benyem heamti ului. Ulun are gau-E guang nguwe-nguwei dan metuh ise sundau Ie, ise laku umba Ie akan melai umba ise ela lihi ise. 43Tapi Yesus bapander: “Aku harus miar guang ulun are melai kota-kota beken jua dan ngabar akan se kabar Lamus tentang Karajaan Hatalla, gawin je alasan embat Hatalla mangutus Aku guang dunia tuh.”
44Jadi Ie tarus bakhotbah melai pasah ukan sambayang melai saluruh provinsi Yudea je.
Zur Zeit ausgewählt:
Lukas 4: CAV
Markierung
Kopieren
Vergleichen
Teilen
Möchtest du deine gespeicherten Markierungen auf allen deinen Geräten sehen? Erstelle ein kostenloses Konto oder melde dich an.
capur açu Bible by Beyond Translation is licensed under Creative Commons Attribution-ShareAlike 4.0 License.
Lukas 4
4
Talun kambe mancoba Yesus mangat nguan gawi je sala
(Mat. 4:1-11; Mrk. 1:12-13)
1Limbas Yohanes mambaptis Yesus, Yesus je kutep gawin Roh Kudus balua bara Sungei je arai e Yordan. Roh Kudus mimpin ie guang ukan je benyem heamti ului. 2Epat puluh andau katahie e melai nginje, Ie kana coba gawin talun kambe. Katahin Ie melai nginje Ie heamti kuman nara-narai. Dan metuh andau-andau je tarakhir e, Ie puna balau tutu. 3Kuan talun kambe umba-E: “Amun Ikau puna Anak Hatalla, ngubah batu jituh jadi roti akan panginan.” 4Kuan Yesus: “Tege tatulis: ‘Kalunen belum dia baya bara roti akan panginan ih.’”
5Limbas je talun kambe ngaya Yesus guang ukan je gatung, metuh je kia talun kambe pakarah akai-E panatau kalunen belum melai dunia tuh. 6Kuan talun kambe je umba Yesus: “aku akan nenga Ikau kakare kakuasaan dan katarang bara bangsa-bangsa jituh, gawin kuasa jituh jadi kana tenga akakku dan aku tau nenga kuasa jituh akan ewei bewei je aku huang nenga. 7Jadi amun Ikau sujud akan nyembah aku, uras kakusaan jituh akan jadi Ikau tepui e.”
8Tapi kuan Yesus umba ie: “Tege tatulis: ‘Ikau je harus manyembah Tuhan, Hatalla-mu. Baya Ie ih je harus ikau nyembah e.’”
9Limbas je ie ngaya Yesus guang ukan je paling gatung melai ngambu Pasah Hatalla melai kota Yerusalem, kuan talun kambe umba Yesus: “Amun Ikau puna Anak Hatalla, palawu ih arep-Mu bara ngituh guang ngiwa nih. 10Gawin tege tatulis: ‘Auh e Tuhan je nyuhu malaikat-malaikat utusan bara Hatalla akan manjaga Ikau. 11Malaikat-malaikat utusan bara Hatalla je akan manahan Ikau umba lengen se, mangat paim-Mu dia kana batu.’”
12Yesus nimai auh e: “melai Alkitab tege tatulis, Ela ikau mancoba Tuhan, Hatalla-mu.”
13Limbas talun kambe jadi mancoba Yesus, ie buhau ngalihi Yesus sambil nunggu wayah je pas akan haluli mancoba Ie jua.
Ulun-ulun dia narima Yesus melai Nazaret
(Mat. 4:12-17; Mrk. 1:14-15)
14Limbas je Yesus haluli guang daerah Galilea kutep umba kuasa Roh Kudus. Barita tentang Ie manyebar guang saluruh daerah. 15Ie lagi ngacar ulun-ulun melai pasah ukan sambayang. Uras ulun je hening e bapander manara Ie.
Yesus dia kana tarima melai kota Nazaret
(Mat. 13:53-58; Mrk. 6:1-6)
16Limbas je, Yesus sapai guang kota je arai e Nazaret melai nguwei ie beci melai metuh Ie masih korik, dan sama kilau kabiasaan-E metuh andau Istirahat je kana sewut andau Sabat, Ie miar guang pasah ukan sambayang, dan Ie mendeng akan mambasa Alkitab. 17Dan ice gulungan kitab je tatulis gawin nabi Yesaya kana tenga akai-E. Ie mambuka kitab je dan mambasa puna nyaring bagian je isi e kilau tuh:
18“Roh Kudus mapahayak Aku
akan dohop Aku.
Ie jadi milih aku akan ngabar Kabar Lamus akan ulun-ulun je susah.
Ie jadi mangutus Aku
19Akan ngabar akan kawan tawanan,
amun ise akan bebas dan amun ulun babute akan tau payah dai,
dan akan mambebaskan uras ulun je kapehe.
Dan akan mander amun jituh metuh e Tuhan akan nenga kasih sayang akan umat-E.”
20Limbas je Yesus manutup gulungan kitab je, dan ngaluli e akan kepala pangurus pasah ukan sambayang je, Limbas je Ie munduk dan ngacar ulun are tentang narai je jadi mbasa-E. Matan ulun are tatuju guang Ie. 21Limbas je Yesus manjelaskan Firman je jadi mbasa-E, dan bapander: “Narai je harun kau hening bara-Ku jadi kanyataan andau tuh.” 22Uras ulun je tege melai nganih satuju dan kagum umba pander je lamus je nyapai-E akan se. Tapi limbas je ise napara hakisek kulai: “Diakah Ie tuh anak Yusuf?” 23Limbas je Yesus bapander umba ise tanding jituh: “Tabib, paamat arep-Mu kabuat! Nguan mujizat-mujizat melai ngituh melai kota asalmu, sama kilau je ikei hening ikau nguai melai kota Kapernaum.” 24Yesus bapander: “Aku mander akammu nabi dia akan kana tarima melai kota asal e.” 25Hening Aku tuh: “Metuh jaman nabi Elia, tege are bawi balu melai bangsa Israel metuh katika je langit tatutup andau heamti duruh salama telu nyelu satengah dan kalauan je luar biasa terjadi melai saluruh bangsa Israel je. 26Tapi, nabi Elia dia kana utus akan kawan bawi balu je tege melai bangsa Israel. Sebalik e, ie kana utus akan ice beti bawi balu je melai guang luar bangsa Israel melai kota Sarfat je tukep melai kota Sidon je melai guang nginje ulun-ulun dia Yahudi. 27Dan kia, metuh jaman nabi Elisa belum, tege ulun are je kana panyakit kulit je arai e kusta melai bangsa Israel. Tapi Hatalla dia paamat ice pun bara ise. Sebalik e, Ie baya paamat ice beti hatue je arai e Naaman, dan ie ulun dia Yahudi je melai guang negri Siria.” 28Metuh ulun are melai pasah ukan sambayang hening Ie mander taluh je, ise puna basingi tutu. 29Jadi, ise hikat, mamaksa Yesus balua bara kota se dan ngaya-E guang saran bukit ukan kota je. Ise huang ndorong dan huang patei-E. 30Tapi Yesus nanjung nakalau betuk ulun are je dan Ie buhau.
Yesus melai pasah ukan lun sambayang melai kota Kapernaum
(Mrk. 1:21-28)
31Bara nganih, Ie muhun bara bukit Nazaret guang kota Kapernaum, ice kota melai daerah Galilea. Ie ngacar ulun are melai nganih metuh andau Istirahat je kana sewut andau Sabat. 32Metuh Yesus ngacar ulun are, ise hengan umba kuasa je Ie hapa e akan ngacar. 33Melai suang pasah ukan sambayang je, tege ice beti je karasukan roh jahat. Ie napara ngombak umba Yesus umba suara je nyaring tutu: 34“Oo Ikau, Yesus ulun bara kota Nazaret, narai urusan-Mu umba ikei? Ikau dumah huang patei ikei kah? Aku senakku Ikau je: Ikau ulun je kudus dumah bara Hatalla!”
35Yesus mamarintah Roh jahat: “Benyem dan balua bara ulun jituh!” Limbas je iblis mating ulun je guang sambang baun ulun are je pasau iblis je balua bara ulun je dan dia kare ngapehe ie. 36Uras ulun je tege melai nginje hengan, dan ise hakisek kulai: “Ajaran narai tuh? Ie tege are kuasa dan umba kuasa e je ie tau mamerintahkan roh jahat akan balua dan roh jahat balua bara ulun je!” 37Ulun are tarus manyebar barita tentang narai je jadi Yesus nguai guang satiap kota melai saluruh daerah je.
Yesus paamat epu Simon Petrus umba ise je beken
(Mat. 8:14-17; Mrk. 1:29-34)
38Andau je limbas Yesus lihi Pasah ukan sambayang, Yesus miar guang pasah Simon. Melai nganih Ie nyundau epu simon je bawi e, je metuh hawan. Ise laku Ie akan paamat e. 39Limbas je Yesus mendeng melai silan bawi je, dan nyuhu hawan je buhau ngalihi epu Simon je. Epu simon je amat dan hikat malayan ise
40Metuh matan andau jadi leteng dai halemei je, ulun are ngaya kaluarga se je dia barigas umba kare peres panyakit e guang Yesus akan paamat ise. Yesus ngina lengei-E melai ngambu kuluk se masing-masing dan paamat ise uras. 41Tege pire-pire ulun je karasukan kawan roh jahat. Kawan roh jahat je balua bara ulun are je numun auh parintah-E dan ngombak: “Ikau iyeje Anak Hatalla.” Tapi gawin ise tawan amun Ie iyeje Juruslamat je kana utus gawin Hatalla, Ie nyuhu ise benyem.
Yesus ngacar melai kota-kota je beken
(Mrk. 1:35-39)
42Andau jewu e, Yesus miar guang ukan je benyem heamti ului. Ulun are gau-E guang nguwe-nguwei dan metuh ise sundau Ie, ise laku umba Ie akan melai umba ise ela lihi ise. 43Tapi Yesus bapander: “Aku harus miar guang ulun are melai kota-kota beken jua dan ngabar akan se kabar Lamus tentang Karajaan Hatalla, gawin je alasan embat Hatalla mangutus Aku guang dunia tuh.”
44Jadi Ie tarus bakhotbah melai pasah ukan sambayang melai saluruh provinsi Yudea je.
Zur Zeit ausgewählt:
:
Markierung
Kopieren
Vergleichen
Teilen
Möchtest du deine gespeicherten Markierungen auf allen deinen Geräten sehen? Erstelle ein kostenloses Konto oder melde dich an.
capur açu Bible by Beyond Translation is licensed under Creative Commons Attribution-ShareAlike 4.0 License.