Lukas 6
6
Yesus tege kuasa umba andau istirahat je arai e andau Sabat
(Mat. 12:1-18; Mrk. 2:23-28)
1Sinde andau metuh andau istirahat je kana sewut andau Sabat, Yesus umba kawan murid-E nanjung nakalau kabun gandum. Kawan murid-E napara mutik pire-pire buan gandum je. Ise mangosok-ngosok e melai kadue lengen se akan lekak upak e bara buai akan kinan se. 2Tege pire-pire beti ulun Farisi payah narai je metuh nguan gawin kawan murid-E. Limbas je ise bakisek: “Embat kame mutik gandum metuh andau Istirahat je kana sewut andau Sabat? Gawin jie malanggar hukum Musa!”
3Yesus bapander umba ulun-ulun Farisi: “Diakah kame mbasa suang Alkitab narai je nguan Raja Daud metuh ie umba kawan pangikut e balau. 4Ie tame guang suang Puduk Hatalla dan ngindu roti je kana sembah akan Hatalla. Ie narima bara imam sabagian roti Kudus pasau kinai e dan ie nenga sabagian akan kawan pangikut je tege umba ie dan ise kinai kia aluh Hukum Musa dia nyuhu ewei bewei kecuali kawan imam akan kumai e.” 5Limbas je Yesus manyimpulkan dengan bapander: “Aku, Anak Manusia, tege hak-Ku akan manentukan narai je harus tau dan dia tau nguan ulun metuh andau Istirahat je kana sewut andau Sabat.”
Yesus paamat ulun lumpuh metuh andau istirahat je kana sewut andau sabat
(Mat. 12:9-14; Mrk. 3:1-6)
6Metuh sinde andau Istirahat je kana sewut andau Sabat je beken e, Yesus tame guang pasah ukan sambayang dan napara ngacar ulun are. Melai nganih tege ice beti hatue je lumpuh silan lengei e hila gatau e. 7Ulun-ulun Farisi umba guru Hukum Musa je tege melai nganih huang gau-gau alasan se akan nuduh Yesus mangat ise tau malapor e akan kawan pamimpin Yahudi. Makanya ise naliti Yesus umba serius sinde akan payah e, enkah Ie akan paamat ulun lumpuh je metuh andau Istirahat je kana sewut andau Sabat. 8Tapi, Yesus tawan taluh suang pikiran se, jadi Ie nyuhu ulun je lengei e lumpuh je akan hikat dan mendeng mangat uras ulun tau payah e. Dan ulun je mendeng. 9Limbas je Yesus payah ulun-ulun Farisi umba guru hukum Musa dan bakisek: “Coba kame mikir e: Menurut hukum Musa, narai je tau ita nguai metuh andau Istirahat je kana sewut andau Sabat? Enkah ita kana suhu berbuat taluh je lamus, atau berbuat taluh je jahat? Enkah ita tuh kana suhu nyalamat haseng ulun, atau patei e?” 10Limbas paya-payah ise uras e, Ie bapander umba ulun je: “Nyuluk lengemmu.” Ulun je numui e, dan lengei e jadi puna amat dai. 11Tapi metuh kawan guru hukum Musa umba ulun-ulun Farisi payah taluh je, ise basingi tutu dan napara bapander ice umba je beken: “Narai je tau ta nguai umba Yesus?”
Yesus milih kadue blas Murid akan jadi wakil-E
(Mat. 10:1-4; Mrk. 3:13-19)
12Limbas pire-pire andau, Yesus miar guang ice bukit akan badoa. Ie badoa umba Hatalla sapanjang alem. 13Susung jewu e, Ie ngahau uras kawan murid-E akan naharep-E dan milih due blas ulun bara antara ise, limbas je ngangkat ise jadi kawan murid-E je akan mawakil Ie. 14Jituh aran-aran kawan murid-E je mawakil Ie iyeje Simon je jadi kana tenga arai e Petrus gawin Yesus, umba paharin Simon je labih tabela iyeje Andreas, Yakobus, Yohanes, Filipus, Bartolomeus, 15Matius umba Tomas, Yakobus anak Alfeus, umba Simon je kana sewut ulun Zelot, 16Yudas iyeje anak Yakobus, dan Yudas Iskariot je mahianat Yesus.
Yesus ngacar dan paamat ulun are
(Mat. 4:23-25)
17Yesus umba kawan murid-E muhun bara gunung dan mendeng guang ice ukan je petak e rata. Melai nganih tege rombongan kawan murid-E dan are ulun jua je dumah bara kakare provinsi Yudea dan kota Yerusalem, dan kia bara wilayah pinggiran pantai ukan kota Tirus umba Sidon. 18Ulun are dumah akan hening ajaran Yesus dan akan kana paamat bara panyakit se. Uras ulun je kana deroh gawin roh-roh je jahat mahi kana paamat kia. 19Uras ulun bausaha nekap Yesus, gawin tege kuasa je balua bara beti-E dan paamat ise uras.
Ise je batuah dan ise je dia batuah
(Mat. 5:1-12)
20Limbas je Yesus payah kawan murid-E dan bapander umba ise:
“Hatalla akan mamberkat ikau je susah gawin
Karajaan Hatalla iyeje ikau tepui e.
21Tuhan akan mamberkat ikau je balau wayah tuh, gawin ikau akan kana pabesuh dai.
Tuhan akan mamberkat ikau je manangis wayah tuh,
gawin ikau akan tatawe umba hanjak sanang dai.
22Hatalla akan mamberkat ikau metuh ulun are bajilek umba ikau, metuh ise mahindar bara ikau dan mahina ikau dan mander taluh je dia lamus tentang ikau gawin ikau jadi milih akan ngayak Aku, Anak Manusia. 23Metuh je kia, hanjak sanang dan takeru takunjak, gawin Hatalla akan puna mahormat ikau melai surga. Gawin kilau je kia hiang umbuh ise behin nguan taluh je dia lamus umba kawan nabi jaman behin.
24Tapi ikau je baduit akan keme kapehe hae,
gawin ikau jadi narima uras taluh lamus je akan ikau dinu metuh belum tuh.
25Ikau je wayah tuh keme kabesuh,
akan keme kapehe hae,
dan ikau akan keme kalauan je nyangit tutu.
Ikau je tatawe gawin hanjak sanang wayah tuh akan keme kapehe hae,
gawin ikau akan nangis.
26Ikau je wayah tuh akan tara ulun are akan keme kapehe hae, gawin kilau je hiang umbuh ise behin je ngaku jadi nabi Tuhan, ise kana tara.”
Yesus ngacar kalunen akan mangasihi kawan musuh ise
(Mat. 5:38-48)
27Yesus malanjutkan pangajaran-E dan bapander: “Jituh je Ku mander akan satiap ulun je hening Aku: Kasihilah musuhmu, dan kasihilah uras ulun je bajilek umba ikau. 28Laku umba Tuhan akan mamberkat ewei bewei je mangutuk ikau, dan badoa akan se je manyiksa ikau. 29Amun ulun napar pipimu ice, nenga kia akai e pipimu je beken e. Amun ulun ngindu jaket, nenga kia akai e bajumu. 30Amun ulun laku taluh bara ikau, nenga ih. Amun ulun ngindu taluh je ikau tepui, biar ih ise ngina e. Ela laku e haluli. 31Singkat e, perlakukan ulun beken umba cara je sama, sama kilau ikau huang ise perlakukan ikau 32Amun ikau baya mangasihi ise je mangasihi ikau, ikau dia nguan narai bewei je pantas kana tara gawin ewei bewei, gawin ise je dia taat umba Tuhan mahi mengasihi ulun-ulun je mangasihi ise. 33Malah ulun are je biasa nguan dosa mahi nguan taluh je lamus akan ulun-ulun je manguan taluh je lamus akan ise. Jadi, amun ikau berbuat baik baya umba ulun-ulun je berbuat baik umba ikau, ikau dia akan narima berkat. 34Umba cara je sama, malah ise je jadi biasa nguan dosa nyahaman duit baya akan ulun-ulun je ise percaya tau ngaluli jumlah je sama akan se. Jadi, amun ikau nyahaman duit baya baharap ulun je akan bayar akammu haluli, ikau pasti dia akan narima pujian. 35Sebalik e, ikau harus mangasihi kawan musuhmu dan manguan taluh je lamus akan se. Nyahaman duit ela maharap balasan e. Jadi hasil e, Hatalla akan nenga ikau pahala je hae, dan ikau akan pakarah amun ikau tau sama kilau Hatalla je Paling Gatung. Gawin Tuhan pakarah kataui-E bahkan akan ulun je heam tawai batarimakasih. 36Ikau harus berbelas kasihan, sama kilau Bapa ta je melai surga pangasi umba uras ulun.”
Ela mahakim ulun beken
(Mat. 7:1-5)
37Amun ikau dia mahakim ulun beken, maka ikau dia akan kana hakim. Amun ikau dia mahukum ulun beken je tege kasalai, maka ikau dia akan kana hukum. Amun ikau mangampun dosa ulun beken, maka ikau akan kana ampun. 38Amun ikau nenga taluh akan ulun beken, ikau akan kana tenga narai je ikau merlu e. Je akan kana tenga, kana guncang hayak akan tenga labih are, dan kakarean sapai balua bara takar e dan akan nusuh guang suang karanjangmu. Ukuran je ikau ngguna akan ulun beken iyeje ukuran je akan hapa Tuhan ngukur akammu.
39Limbas je Yesus nenga tanding jituh akan se: “Ulun babute dia tau manuntun ulun babute je beken e. Pasti dere badue akan balawu guang suang parit haya-hayak.
40Sama kilau je ikau tawai, kawan murid dia labih pintar bara guru e. Tapi metuh ise jadi kana latih tarus gawin guru e, ise akan jadi sama kilau guru e.
41Ikau dia perlu pehe atei umba pohok je korik melai matan ulun beken, sementara dia paduli umba balok kayu je hae melai matammu kabuat! 42En rak tapai mungkin ikau bapikir akan mander: ‘Kawal, ngizin aku dohop ikau panihau pohok korik melai matammu,’ sementara ikau kabuat dia payah putung kayu hae melai matammu? Ikau ulun munafik! Je pakasulak e nganan balok kayu hae je bara matammu kabuat helu. Limbas je harun ikau akan tau payah umba jelas akan palua pohok korik je tege melai matan ulun beken.”
Batang kayu umba buai e
(Mat. 12:33-35)
43Batang kayu je lamus mahasil bua je lamus, dan batang kayu je buruk mahasil bua je buruk. 44Umba cara je, satiap batang kayu je ngasene bara buai je kana hasil e. Arti e, ulun dia manen bua je tau kumai sama kilau buan ara umba anggur bara kimbul je dia baguna sama kilau pulau uru je baduhi. 45Umba cara je sama, ulun je tau mander taluh je lamus gawin pikiran se lamus. Ulun je buruk nguan taluh je buruk gawin pikiran se jahat. Jadi, narai je kana pander ulun pakarah macam pikiran je tege melai suang pikiran e.
Mamangun melai ngambu pondasi je kuat
(Mat. 7:24-27)
46Ela ikau nyewut Aku Tuhanmu gawin ikau dia manaati narai taluh je Ku nyuhu akammu. 47Aku akan manjelaskan akammu en rak tapai metuh ulun dumah umba aku, hening pangajaran ku, dan limbas je manaati e. 48Ie sama kilau ulun je mamangun ice pasah. Ie ngali e handalem sinde guang suang petak sapai batu batekang melai ngiwa e dan pendeng pasah melai ngambu batu batekang je. Limbas je, metuh banjir dumah, dehes umba galombang mahantam pasah je, tapi pasah je dia manyur gawin tege pondasi je kuat. 49Ewei je hening Aku dan dia manaati e, ie sama kilau ulun jituh. Ie pendeng pasah melai bumi dia hapa pondasi je kuat.
Zur Zeit ausgewählt:
Lukas 6: CAV
Markierung
Kopieren
Vergleichen
Teilen
Möchtest du deine gespeicherten Markierungen auf allen deinen Geräten sehen? Erstelle ein kostenloses Konto oder melde dich an.
capur açu Bible by Beyond Translation is licensed under Creative Commons Attribution-ShareAlike 4.0 License.
