Matayo 3
3
Kukambauka kwa Johani Mupapatizhi
(Maako 1:1-8; Luka 3:1-18; Johani 1:19-28)
1Mu mazuba azo Johani Mupapatizhi wakabulika kuhwa mulukula lwa Judiya ulakambauka ati, 2“Amusanduke nkaambo bwami bwa kwizeulu bulyaafwaafwi kushika!” 3Johani ngumulombwana ngwaakaakwaamba Aizaya mushinshimi nakaamba ati,
“Izwi lyakwe uwompolola mulukula lyateelelwa lyaamba ati,
‘Amubambe inzhila sha Mwami,
amusuumike inzhila shakwe!’”#Aiz 40:3
4 #
2 Bami 1:8
Shisani shaka Johani kashili sha boza bwa nkamela ulimwi kasama lutambo lwa cikanda mucibuno. Cilyo cakwe kacili cikwikwi u buci bwa mwisokwe. 5Bantu bakaya nkwaakaakubele kuhwa mu Jelusalemu umu Judiya moonse, u babo boonse ba mucishi ca Joodani. 6Ubobo nibakalyaamba shibi shabo wakabapapatiza mu Lweenje lwa Joodani.
7Pele naakabona ba Falisi uba Saduki banji banji baleza kupapatizwa wakabaambila ati, “Umwe nubana ba cipile, nguni wamucenjezha kutiya cisubulo ca bukali bwa Leza bwiza nkumubele? 8Amucite milimo itondezha ati mwasanduka, 9#Joh 8:33ulimwi mutalicengi ati mulikwete ushenu Abulahamu, nkaambo Leza ulakonzha kusandula naaba mabwe aza kwaamba babe banakwe Abulahamu. 10Keembe kalizunzilwe kale mucishiko cesamu, ubobo kufwumbwa isamu liteeli micelo mibotu lilakatemwa u ukusowelwa mu mulilo.
11“Ume ndamupapatiza u meenzhi ukaambo kakusanduka. Pele nkwaali uzhiza munshi lyangu ukwete insana shibaala ali ume, walo wezo ngunteelele nikuba kusamununa impato shakwe. Ulakamupapatiza u Moza Usalala u mulilo. 12Alo lubango lwa kuululuzha maila ulilukwete mu matashi. Ulakaululula u kulongela maila mubutala amana bungu akabutente mu mulilo utamana.”
Kupapatizwa kwa Jeso
(Maako 1:9-11; Luka 3:21-22)
13Kuhwaawo Jeso wakabulika kuhwa ku Galilaya wakeza ku lweenje lwa Joodani kwaamba apapatizwe kwa Johani. 14Pele Johani kazanda kumukasha, wamwaambila ati, “Ndime injelele kupapatizwa kwako, no ulimwi weza buti kwangu?”
15Jeso wakamulailila ati, “Acibe bobo kwaninzho kwaamba tucite ciluleme cizanda Leza.” Ateelele bobo wakamupapatiza.
16Mbwaakamanina kupapatizwa Jeso, wakamuhwa mu meenzhi. Ngoonaawo izeulu lyakayaluka, amana wakabona Moza wa Leza uleza buseluka ukoya inzhiba ali nguwe. 17Ngoonaawo kwakahwa izwi kwizeulu lyakaamba ati, “Wezu ngu mwanangu nakufwunwa, muli nguwe ndibotelelwe.”
Zur Zeit ausgewählt:
Matayo 3: ILL
Markierung
Teilen
Kopieren
Möchtest du deine gespeicherten Markierungen auf allen deinen Geräten sehen? Erstelle ein kostenloses Konto oder melde dich an.
Ila New Testament © Bible Society of Zambia, 2015.