KAOBAK Ngühip
Ngühip
Kaobak tetlabü, “Khangbü”. Le hoei kaonyu, khunakshousi pak khangbü, shedshon khangbü hoba kaodaka khonku hoba Mühghaüei khunakshousi shanga dambubü hangsilam shanga lenda. Kaodak kho kongnyu phejan penyi la janakei.
1. Lip1-11 Kaodak yaübü hoba shangiedbü müt, phang ngühli, hanei Adam si Ev, Kain si Abel, Noa si yungsen hoba Babilon laangchem shanga doakei.
2. Lip12-50 Israelbü shangiedbü pisibousi shuong ngühli. Shaangbou kho Abraham, ao Mühghaü to ngüha lebou hoba mailem shanenbou kikei. Kho phaia haoeibü shou Isak, hoba haoeibü shi Jakob (Israel dogokei lauda) hoba Jakobeibü shousi anthüknyi ngühli thenakei. Israel phang anthüknyi khangkubü shuong kho khübü kikei. Shousi shuong yoa aeilaleko maangshikbü Josef; hoba Jakob leian loubü haüthükbü hoba Ijepa kila haoeibü shousi shuong yoa haoeneibü chemdang shuong thusilam kuakei.
Ladang ho leei mütshuong shanga ngühli lenda, shaangla Mühghaüei ai kümbei kho dokuakei. Ho Müghaüei kaonyu khümbo yaübü chongchingbüa, hoba athakko Müghaüei hao mütshuong shanga dambubü lenla thekubüa thonda. Le khümboa kongnyu nyekchüh kho Mühghaü aoei, aoyouei shedbü kümda khübü kho matjemda hoba shieikoeda, haoeibü mütshuong leida hoba thuida, hoba haoeneibü ngühli kümetkuda. Ho shangiedbü mailembü mütli cheeibü ngühli hoba le ho mütshuongeibü mailem lang kitila thuila doan phokukei.
Komdak
Kaonyu si khunakshousi yaübü 1.1–2.25
Shedshon khangbü hoba khonkubü 3.1-24
Adam ka Noa sühko 4.1–5.33
Noa hoba yungsen 6.1–10.32
Babilon laangshong 11.1-9
Shem ka Abraham sühko 11.10-32
Boukim shuong: Abraham, Isak hoba Jakob 12.1–35.29
Isaueibü thensilen 36.1-43
Josef hoba haoeibü jaisinasi shuong 37.1–45.28
Israelbü shuong Ijepa kibü 46.1–50.26
Zur Zeit ausgewählt:
KAOBAK Ngühip: CHANGBSI
Markierung
Teilen
Kopieren
Möchtest du deine gespeicherten Markierungen auf allen deinen Geräten sehen? Erstelle ein kostenloses Konto oder melde dich an.
Chang Naga Bible - SAOPOBÜ LAI
Copyright © The Bible Society of India, 2002.
Used by permission. All rights reserved worldwide.